Video
Read full review
2021-11-10
2178 views
🦀又到咗食大閘蟹嘅季節啦！好多餐廳都陸續出咗好多唔同嘅大閘蟹套餐，今次嚟到龍苑中菜廳試咗佢哋嘅「蟹逅在龍苑」大閘蟹套餐，大閘蟹來自日本北海道，套餐做緊優惠價$498一位，有6道菜式，食完覺得性價比都幾高👍🏻。由於個人體質偏寒，食親大閘蟹必定會見暈，所以今次先叫咗杯薑茶暖暖胃，如果體質偏寒嘅朋友不妨都可以先叫杯薑茶暖暖胃打定底。我今餐前後連甜品飲咗三杯薑茶，所以食完狀態仍然係非常ok😝！🔹生拆蟹粉小籠包：有一粒小蟹粉係上面，皮算幾薄同都幾多汁，不過就無咩蟹味係入面，會覺得係食緊普通做得唔錯嘅小籠包。🔹蟹粉蟹肉高湯燴燕窩：將大閘蟹拆肉成一絲絲配埋熱騰騰嘅燕窩羹，蟹肉唔小之餘又啖啖燕窩，好濃稠，相當真材實料，令我幾驚喜👀！🔹紫蘇蒸大閘蟹：清蒸大閘蟹唔算好大隻，但蟹肉十分鮮甜。因為食大閘蟹兩隻手食都幾捩咁棄，所以打開個蟹蓋時無手再留影，不過一打開蟹蓋時已見到金黃色嘅蟹膏，幾濃郁同都算夠膏。當晚一路食蟹時，同行友人分享咗一啲食蟹嘅小知識，話食蟹時要注意有幾個地方因為太寒涼，食完有機會肚痛，所以盡量剪開唔好食，呢度都分享俾大家😊：一)蟹蓋裡有蟹黃沾住嘅位置有個三角形嘅蟹胃。二)旁邊兩排好似扇仔嘅蟹
由於個人體質偏寒，食親大閘蟹必定會見暈，所以今次先叫咗杯薑茶暖暖胃，如果體質偏寒嘅朋友不妨都可以先叫杯薑茶暖暖胃打定底。我今餐前後連甜品飲咗三杯薑茶，所以食完狀態仍然係非常ok😝！
🔹生拆蟹粉小籠包：
有一粒小蟹粉係上面，皮算幾薄同都幾多汁，不過就無咩蟹味係入面，會覺得係食緊普通做得唔錯嘅小籠包。
生拆蟹粉小籠包
19 views
0 likes
0 comments
🔹蟹粉蟹肉高湯燴燕窩：
將大閘蟹拆肉成一絲絲配埋熱騰騰嘅燕窩羹，蟹肉唔小之餘又啖啖燕窩，好濃稠，相當真材實料，令我幾驚喜👀！
蟹粉蟹肉高湯燴燕窩
13 views
0 likes
0 comments
🔹紫蘇蒸大閘蟹：
清蒸大閘蟹唔算好大隻，但蟹肉十分鮮甜。因為食大閘蟹兩隻手食都幾捩咁棄，所以打開個蟹蓋時無手再留影，不過一打開蟹蓋時已見到金黃色嘅蟹膏，幾濃郁同都算夠膏。
紫蘇蒸大閘蟹
24 views
0 likes
0 comments
當晚一路食蟹時，同行友人分享咗一啲食蟹嘅小知識，話食蟹時要注意有幾個地方因為太寒涼，食完有機會肚痛，所以盡量剪開唔好食，呢度都分享俾大家😊：
一)蟹蓋裡有蟹黃沾住嘅位置有個三角形嘅蟹胃。
二)旁邊兩排好似扇仔嘅蟹腮。
三)蟹中間塊黑膜衣下面有蟹腮，蟹腮中間白色六角形嘅蟹心。
四)蟹腸，即蟹肚下面嘅三角殻裡面有一條連接蟹身嘅黑線。
🔹吉列越南虎蝦球配蟹黃醬：
脆漿好薄，色澤係金黃色，炸得啱啱好，好脆口。裡面嘅蝦球好彈牙好滑，配埋濃郁嘅蟹黃醬食，非常惹味。
吉列越南虎蝦球配蟹黃醬
22 views
0 likes
0 comments
🔹鮮准山胡椒高湯浸班球：
呢味餸可以清一清味蕾，裡面有准山，芹菜，雲耳同斑塊，斑塊滑溜有魚味，准山好爽口，但成個胡椒味唔算話好重。
鮮准山胡椒高湯浸班球
15 views
0 likes
0 comments
🔹蟹粉海皇窩巴：
蟹粉味重，同上面嘅蟹黃醬非常相似，但裡面亦加多咗啲蝦同蟹肉等，窩巴煎得好脆口，加埋呢個蟹粉點汁，好難唔好食，食完哂窩巴都仲有好多蟹粉剩低，所以都幾大碗。
蟹粉海皇窩巴
31 views
0 likes
0 comments
🔹黑糖薑茶湯圓：
臨尾仲有個薑茶驅寒同中和返大閘蟹嘅寒涼，兩粒芝麻湯丸細細粒，啱哂已經食飽哂唔駛太有負擔，口感亦夠Q彈，薑茶薑味好重，偏少辣，個人非常喜歡。
黑糖薑茶湯圓
8 views
0 likes
0 comments
雖然我比較少食大閘蟹套餐，無法同好多坊間比較，但整體嚟講佢哋嘅蟹製菜式都做得相當唔錯，而且又好足料，大滿足呢！
除咗大閘蟹之外，我哋亦都叫咗幾款其他菜式，不得不提呢度嘅「西班牙黑豚肉叉燒」真係相當唔錯。
西班牙黑豚肉叉燒
18 views
0 likes
0 comments
佢哋嘅叉燒係以秘製煮法去烹調西班牙黑豚肉，豬肉邊緣有少少燒焦，肉質柔軟嫩滑，夠軟綿綿之餘亦淋而不爛，唔會過肥或過油。入口有麥芽糖香甜味，不過對我嚟講醬汁有小小偏甜，如果加碗飯可能更完美。不過切得偏薄，切得再大舊厚啲就更正，因為個人覺得只講味道唔講每舊嘅大小，同天龍軒嘅叉燒有得揮。
Post
