Video
Read full review
2023-02-07
622 views
好味指數😋😋😋😋回頭指數 ⭐️⭐️⭐️開心指數🤗🤗🤗 約朋友gathering，因為大家嘅時間唔太對得上，就揀咗一個 weekend 嘅下午茶時段嚟個短聚！因為大家食咗 lunch，之後又會食 dinner，所以諗住叫杯嘢飲，再叫2個甜品 share食！網上見到好多人都叫咗有棉花糖嘅窩夫打卡，好似好靚咁，眼見有另外2檯都有叫，不過，我同時見到2檯都不約而同咁，影完相後將個棉花糖放埋一邊😂諗諗吓，打卡嘅嘢，唔好為咗佢叫特定嘅款式，都係叫返想食嘅味道！（到最後我都冇見到2檯嘅客人食個棉花糖呢～）另外有個好好笑嘅狀況係，我朋友準備要叫2個餐廳冇再整嘅甜品，點解會有呢個咁好笑嘅狀況？因為店員俾咗一本冇 update 冇貼紙封住嘅 menu 我朋友，我朋友又咁有趣叫中晒餐廳冇再整嘅嘢！🍴重口味朱古力窩夫（$98/半份）呢款甜品除咗窩夫外，有好多其嘅配料，包括Brownies、Mövenpick Swiss chocolate 雪糕、Oreo 餅乾同朱古力醬，窩夫外脆內軟，有微微朱古力味，加埋朱古力醬食好正！Brownies 個外皮焗香咗，入面好 gooey，好味！點窩夫時，店員特地提醒我哋呢款係冇棉花
回頭指數 ⭐️⭐️⭐️
開心指數🤗🤗🤗
約朋友gathering，因為大家嘅時間唔太對得上，就揀咗一個 weekend 嘅下午茶時段嚟個短聚！
因為大家食咗 lunch，之後又會食 dinner，所以諗住叫杯嘢飲，再叫2個甜品 share食！網上見到好多人都叫咗有棉花糖嘅窩夫打卡，好似好靚咁，眼見有另外2檯都有叫，不過，我同時見到2檯都不約而同咁，影完相後將個棉花糖放埋一邊😂諗諗吓，打卡嘅嘢，唔好為咗佢叫特定嘅款式，都係叫返想食嘅味道！（到最後我都冇見到2檯嘅客人食個棉花糖呢～）
另外有個好好笑嘅狀況係，我朋友準備要叫2個餐廳冇再整嘅甜品，點解會有呢個咁好笑嘅狀況？因為店員俾咗一本冇 update 冇貼紙封住嘅 menu 我朋友，我朋友又咁有趣叫中晒餐廳冇再整嘅嘢！
🍴重口味朱古力窩夫（$98/半份）
呢款甜品除咗窩夫外，有好多其嘅配料，包括Brownies、Mövenpick Swiss chocolate 雪糕、Oreo 餅乾同朱古力醬，窩夫外脆內軟，有微微朱古力味，加埋朱古力醬食好正！Brownies 個外皮焗香咗，入面好 gooey，好味！點窩夫時，店員特地提醒我哋呢款係冇棉花糖！其實我哋覺得好食比打卡重要😂
重口味朱古力窩夫
$98
25 views
0 likes
0 comments
🍴流心軟芝士麻糬厚鬆餅（$135）
切開後中間有流心，鬆餅非常鬆軟，空氣感十足，芝士味好輕巧，唔算太容易食到，如果係想要食到比較濃郁芝士味的話，就未必太滿足到，同時唔係太有甜味，所以味道上似蛋白梳乎里多D，但呢個一定會滿足到厚鬆餅嘅鬆軟口感。另外，可能係因為share 食嘅關係，我 share 到嘅部分就唔太搵到麻糬啦，我自己覺得呢款一般，唔算好突出～
流心軟芝士麻糬厚鬆餅
$135
26 views
0 likes
0 comments
🍴招牌水果茶（$46）
放咗比較耐先飲，果味比茶味濃，蠟燭令到果茶全程都有溫暖感。
招牌水果茶
$46
20 views
0 likes
0 comments
雖然係 weekend，但下午茶時間唔算多人，坐得好舒服！不過服務可能要有少少改善，除咗要make sure 個 menu 係啱之外，我哋叫咗2個甜品，坐咗差唔多45-50分鐘都冇出，當然我哋都係想傾偈為主，遲出係冇咩問題，就冇特別去問店員追單。跟住發生嘅奇怪位係，店員響落單後大概一個鐘左右，嚟問我哋有冇點嘢食嗰吓有D 攪笑，我哋就答點咗2個甜品，之後再過咗一陣就出，攪到我都好難唔去諗，佢哋有冇漏單！😂
另外仲有個有趣嘅 observation，店內我見到有2檯客想影相，係叫另外嘅客人幫手影，跟住到我哋想影相時，因為周邊冇咩客人，就叫店員影，但個感覺係，佢唔太想做呢件動作咁～
Post
