Video
Read full review
2021-09-12
3870 views
星期日去左仕德福酒店既德福閣食個自助午餐，每位$258包加一。仕德福酒店本身係一間幾新既酒店，搭lift去德福閣要按M字。德福閣既自助餐食物放係一張長長既枱，食物有刺身，壽司，沙律，冷盤，熱盤，麵包，湯，甜品，水果同pancake。餐廳既一邊有雪糕櫃同自助飲品，另一邊有香草燒西冷同粉麵檔。每人包四隻生蠔，超大隻而肥美又新鮮，好耐冇食過啲咁好食嘅生蠔。刺身有4款，分別係八爪魚，三文魚，吞拿魚粒，同立魚。三文魚最肥美，其他可以啦。凍海鮮有凍中蝦同加拿大青口。凍中蝦蝦頭有少少膏，味道可以。壽司有鰻魚壽司，帆立貝壽司，三文魚壽司，同熟蝦壽司。鰻魚壽司同帆立貝壽司要把握機會趁見到就好攞，質素正常，舊飯好飽肚。仲有日式冷麵，中華沙律同螺肉。沙律吧有粟米粒，紅腰豆，車厘茄，鮮青瓜，雜法國生菜。冷盤有好味既黑松露蛋沙律，麻辣木耳絲，菠蘿雞沙律，真係酸嘅柚子蓮藕片， 煙三文魚同雜凍肉。熱盤有海南鮮雞，泰式炒雜菜（應該係蝦醬炒，我食左好多補充蔬菜量），榨菜肉絲炒麵，和風牛肉，唔錯既葡汁焗青口，味道幾好而肉質唔韌既菠蘿咕嚕肉，鮮草菇扒玉子豆腐，獵户雞球，香煎鴨胸配黑車厘子汁，古法蒸龍脷柳，同雙色芝士焗薯角。
德福閣既自助餐食物放係一張長長既枱，食物有刺身，壽司，沙律，冷盤，熱盤，麵包，湯，甜品，水果同pancake。餐廳既一邊有雪糕櫃同自助飲品，另一邊有香草燒西冷同粉麵檔。
生蠔
52 views
0 likes
0 comments
刺身有4款，分別係八爪魚，三文魚，吞拿魚粒，同立魚。三文魚最肥美，其他可以啦。凍海鮮有凍中蝦同加拿大青口。凍中蝦蝦頭有少少膏，味道可以。
壽司有鰻魚壽司，帆立貝壽司，三文魚壽司，同熟蝦壽司。鰻魚壽司同帆立貝壽司要把握機會趁見到就好攞，質素正常，舊飯好飽肚。
仲有日式冷麵，中華沙律同螺肉。沙律吧有粟米粒，紅腰豆，車厘茄，鮮青瓜，雜法國生菜。
冷盤有好味既黑松露蛋沙律，麻辣木耳絲，菠蘿雞沙律，真係酸嘅柚子蓮藕片， 煙三文魚同雜凍肉。
熱盤有海南鮮雞，泰式炒雜菜（應該係蝦醬炒，我食左好多補充蔬菜量），榨菜肉絲炒麵，和風牛肉，唔錯既葡汁焗青口，味道幾好而肉質唔韌既菠蘿咕嚕肉，鮮草菇扒玉子豆腐，獵户雞球，香煎鴨胸配黑車厘子汁，古法蒸龍脷柳，同雙色芝士焗薯角。
香草燒西冷個樣同個名牌好似有啲唔同，其實似牛肉，雖然好瘦，食落都唔算鞋。
粉麵檔有張紙仔比你自己揀鍾意食既配料，包括米粉，油麵，肥牛，鮮蝦，豆卜，小魷魚，炸魚片，烚蛋。湯底有清湯同喇沙湯揀。
中式湯
26 views
1 likes
0 comments
水果有西瓜，哈蜜瓜，同菠蘿。哈蜜瓜特別好味。水果啫喱賣相好靚。
朱古力噴泉配料有棉花糖，青提子，哈蜜瓜。青提子特別新鮮同大粒，都好甜！哈蜜瓜又甜又多汁！
甜品有合桃朱古力班尼士（合桃好足料），香芒雪花慕絲餅（好味，芒果味香而慕絲好味，全場蛋糕最好味係佢），士多啤梨朱古力撻（撻底係朱古力，上面加左吉士，再加半粒士多啤梨），杞子桂花糕（完全唔甜），法式馬卡龍（至少有六款口味，係迷你size，算脆口，味道較甜，唔可以食咁多），法式焦糖燉蛋，
好滑既牛奶布丁，日式和菓子（我試左一粒，入面有豆沙餡），雜果啫喱。
班㦸同上次好似唔同左，感覺厚重左，今次只係食到兩份就夠啦。
配料有香蕉，提子乾，雜果，柚子，梛絲，杏仁片。可以揀朱古力醬，士多啤梨醬或者忌廉。我鍾意自己加雪糕一齊食，熱辣辣同軟淋淋既pancake加埋冰凍融緊既雪糕同埋梛絲+杏仁片同時放入口，超正！
雪糕係雀巢，有朱古力，芒果同雲呢拿口味，仲有雪米糍。
自助飲品有維他命水，蘋果汁同咖啡，任飲。老老實實，食物方面就唔多選擇，又唔係貴價野，不過勝在乜都有啲，限量生蠔質素就超值。座位舒適，完全唔洗同人逼同趕頭趕命。我哋都食到好飽，晚餐都慳返。
Post
