愛吃家常便飯 (Closed)

和幾個女仔朋友去咗間叫家常便飯的小店晚餐，間店地方整潔並有柔和音樂都幾舒適。 3人一坐下，店員細心地奉上熱茶，茶具是傳統的公雞圖案，LIKE ! 先點了芥末拌雞絲，入口陣陣芥末香味但食落又不辣都幾特別味道亦不錯，值得推薦呢。 九肚魚炸得金黃很脆很香之餘，仍能保存魚入面嫩滑，正 ! 當然少不了佢既招牌杏汁白肺湯，杏汁味很重，湯清甜而不油膩，果然是招牌: 亦ordered 咗佢既鑊仔咸菜煮鮮魚，個湯底胡椒味夠濃，魚肉亦好滑，都幾好，但個人認為個湯略為辣D，建議胡椒可以不全部開花。再叫咗鮮竹銀杏浸菜苗，我朋友喜歡呢碟，佢話湯味夠濃，我哋並叫咗紅米飯來送餸。飯後仲有糖水送，個糖水不是太甜，正合意因我最怕糖水太甜。總括嚟講，呢餐味道都不錯，有機會會再來。