熊本牛鍋 (Yuccie Square)

Open Now

Now Closed

【元朗區】【熊本牛鍋】以前朗屏站斜對面有個地盤，原來而家已經起好晒，叫做「世宙」，裡面都有啲餐廳，同同事春哥入去探吓路，緬懷一下以前喺呢頭嘅回憶。見到呢間「熊本牛鍋」都幾多優惠，挑起晒我哋條火鍋癮，即刻一齊入去攞位啦。我哋試個 $298 嘅「澳洲M4-M5和牛套餐」，首先嚟「日式和風雞煲」，又濃又香，食完加埋「蘿蔔豬骨湯」就係火鍋湯底。然後見佢哋有「打卡送免費蒸海鮮」活動，讚好、分享、留言就送蒸海鮮，數量有限，送完即止喎。不過店員都話如果提早預約會優先安排喎，咁我哋冇預約食到都好彩。入正題，呢個餐任食「澳洲M4-M5和牛」、「牛白肉」、「頂級牛肉」、「牛肩胛」、「保濕豬豚肉」同埋自助區嘅食材、飲品同甜品，啲嘢新鮮又企理呀。佢哋所有套餐都係冇限時嘅，啱晒我呢啲中意慢慢食嘅老鬼。以後常食的話仲可以做會員，整張「會員儲印卡」，最多可以換到和牛餐咁正喎。呢個會員獎賞幾簡單同實際，詳情可以參考熊本牛鍋嘅 社交平台，嗰邊會詳細啲。仲有其他優惠，有客人嗰個月生日，用 WhatsApp 提早預訂同講明用生日優惠，四人或以上同行嘅話，壽星即可免費食 $268 皇牌套餐或者 $298 嘅澳洲和牛套餐。我咁