Video
Read full review
2024-02-17
1209 views
。O小姐。樓上泰菜。日常。話說趁新年嘅時間，同娘親去一去花園街女人街，睇吓有冇嘢買，行到咁上下見攰攰地，咁梗係去食個飯先啦，再諗又諗，不如去食泰菜？上到嚟，原來餐廳係要一早預約㗎，好彩我哋早食，咁所以我哋都有位可以食個快din!呢度侍應叔叔同埋姐姐都好好人，佢哋都有介紹有啲乜嘢好食，見我係度影相仲幫我擺到靚靚添🤣由於我哋都唔係太想食煮食，所以我哋就叫咗小食拼盤、串燒、炒金邊粉、芒果糯米飯同埋兩杯嘢飲就算啦（但其實原來好飽好飽好飽）我哋先叫咗沙嗲串燒 - 我哋叫咗雞同牛，佢個沙嗲汁係好食嘅，同埋都烤得幾燶，好似喺泰國食嘅沙嗲甘😏驚喜嘅係泰式珍寶拼盤，我哋叫咗個細嘅，點解都會有咁多餸㗎！佢有雞翼、魚餅、蝦餅、、仲有春卷！超級多啊，四個人食都得啊，我哋兩個人食反而太多啦😳不過佢應該係即叫即炸嘅，好食嘅，所有嘢都脆卜卜同熱辣辣煮食方面，我哋就叫咗個炒貴刁，不過不失啦，係油多咗少少，不過啲餸就好大嚿，見到好大嚿青口啊！我同娘親大人各自叫咗一杯嘢飲，娘親大人嗰杯係紅豆奶茶，interesting !而我嗰杯呢，就係佢哋嘅泰屋特飲，其實叫完都唔知係咩嚟，問返侍應姨姨，佢話入面有幾樣嘢嘅，好有咬口，不
話說趁新年嘅時間，同娘親去一去花園街女人街，睇吓有冇嘢買，行到咁上下見攰攰地，咁梗係去食個飯先啦，再諗又諗，不如去食泰菜？
上到嚟，原來餐廳係要一早預約㗎，好彩我哋早食，咁所以我哋都有位可以食個快din!
呢度侍應叔叔同埋姐姐都好好人，佢哋都有介紹有啲乜嘢好食，見我係度影相仲幫我擺到靚靚添🤣
由於我哋都唔係太想食煮食，所以我哋就叫咗小食拼盤、串燒、炒金邊粉、芒果糯米飯同埋兩杯嘢飲就算啦（但其實原來好飽好飽好飽）
我哋先叫咗沙嗲串燒 - 我哋叫咗雞同牛，佢個沙嗲汁係好食嘅，同埋都烤得幾燶，好似喺泰國食嘅沙嗲甘😏
沙嗲串燒
6 views
0 likes
0 comments
驚喜嘅係泰式珍寶拼盤，我哋叫咗個細嘅，點解都會有咁多餸㗎！佢有雞翼、魚餅、蝦餅、、仲有春卷！超級多啊，四個人食都得啊，我哋兩個人食反而太多啦😳不過佢應該係即叫即炸嘅，好食嘅，所有嘢都脆卜卜同熱辣辣
珍寶拼盤
9 views
0 likes
0 comments
煮食方面，我哋就叫咗個炒貴刁，不過不失啦，係油多咗少少，不過啲餸就好大嚿，見到好大嚿青口啊！
炒金邊粉
10 views
0 likes
0 comments
我同娘親大人各自叫咗一杯嘢飲，娘親大人嗰杯係紅豆奶茶，interesting !而我嗰杯呢，就係佢哋嘅泰屋特飲，其實叫完都唔知係咩嚟，問返侍應姨姨，佢話入面有幾樣嘢嘅，好有咬口，不過我都仲未搞得清楚入面係乜嘢😳
7 views
0 likes
0 comments
最後，食泰國嘢梗係要食芒果糯米飯啦！估唔到呢個芒果糯米飯係由兩款唔同顏色嘅糯米組成，芒果甜嘅，唔酸！好緊要呀，連平時唔係好食甜品嘅娘親大人佢都有食到。
芒果糯米飯
13 views
0 likes
0 comments
食飽飽，最後埋單五舊水，以呢個價錢嚟講，同呢個質素嚟講都唔差嘅，起碼佢份量係足夠先，不過下次如果你食嘅話，可能就要訂定枱同埋搵多啲人嚟食，咁樣先至可以食得多幾款啦😏
17 views
0 likes
0 comments
Post
