236
4
4
9-min walk from Exit A1, Tsim Sha Tsui / East Tsim Sha Tsui MTR Station
continue reading
Telephone
23833366
Opening Hours
Today
12:00 - 15:30
18:00 - 22:30
Mon - Sun
12:00 - 15:30
18:00 - 22:30
Public Holiday
12:00 - 15:30
18:00 - 22:30
Public Holiday Eve
12:00 - 15:30
18:00 - 22:30
Above information is for reference only. Please check details with the restaurant.
Recommended Dishes
656 views
早輪遊日光顧壽司廚師發板，即使同2022年比較已加了價，但日圓匯率跌得更犀利，仍然抵食。回港後一直沒有品嚐壽司，碰巧最近發現某銀行信用卡正在做推廣，加上心癮起，立刻在【鮨央泰】訂位。鮨店由曾經獲得《東京米芝蓮》一星加冕的壽司店「銀座いわ」創辦人岩 央泰(Iwa Hisayoshi) 和他的入室弟子金子 司於2021年底在香港開店，當時正值疫情期間，可謂藝高人膽大！翻查紀錄，其實岩 央泰先生在2013年底已曾經在中環開設【銀座いわ】同名分店，亦曾經獲《香港·澳門米芝蓮》頒星，但不知何故，在2016年撤出香港。今次(兩年多前)重臨香港，應該大有作為。餐廳位於海港城地舖，鋪面有大量落地玻璃，雖然已經用竹簾遮蔽，但同日本當地鮨店的古樸低調裝修風格比較，仍然有很大差異。室內裝修環境就好得多了，採用全淺色木材作設計原素，找回了心目中的傳統日本鮨店風情。不過，壽司吧就很大，可以同時招呼18位客人；超出了一般日本鮨店的小規模經營模式。另外有一間獨立包房，可以招呼7位客人。當晚有12位客人，3位師傅，每位分別負責招呼「匚」形壽司吧枱的其中一邊客人。香港分店本來由金子先生主理，但去年年底已經返回日本，之後【鮨央泰】的營運就由香港師傅負責。お任せ忍冬（$2380）共有21品，計有5品先付(酒肴)、燒物、12貫壽司、玉子燒、椀物及甘味 / 果物，如果要再奢華一點，可以用 $380 / $480 追加 2品 / 3品先付(可以從黑鮑 / 白子 / 毛蟹) 自選。同日本的廚師發辦的處理方法相同，壽司刺身交替輪流上菜。漬物有三款：淮山、牛蒡、薑。新鮮淮山爽腍適中，本身冇味，醃漬得稍為偏鹹。牛蒡爽脆，鹹味調校得較淮山合適。最鍾意切成細細粒的薑，鹹酸平𧗾，一向認為較切片好吃，多了份爽脆口感。柚子魚湯 類似日式清湯，但有少少稠身，魚味鮮而清淡。只有少少兩三口，但每一啖都有變化；去到小碗底的最後一啖，柚子味最明顯，亦滲出極清淡的海帶味。令和の怪物 產自岩手縣大船渡市的真蠔，近兩三年香港非常流行，不同級數的日本餐廳及超市都有供應。夠大隻，海水味唔算太鹹；肉質嫰滑爽口，並非 creamy 類型。蠔味鮮甜得來唔算重口味，係容易入口的生蠔。北海道水八爪魚配柚子胡椒及山葵蓉 煮得很軟身，再用鰹魚高湯及醬油浸煮入味，就算唔配調味都很好吃。第一片沾口味清新的新鮮即磨山葵蓉，另一片就配搭味濃的柚子胡椒；各有各的好味。蜜柑鯛鮮甜有魚香；但未算突出。深海池魚油份豐富，入口軟滑，肉質結實；正常水平。北海道帆立貝配青檸汁及海鹽突顯貝類的獨有鮮味，甜道鮮甜、入口軟綿，稍嫌青檸汁及海鹽份量太多。左口魚裙邊及左口魚 一以過吃齊左口魚的兩個部位。火炙左口魚裙邊入口即溶，油香濃烈，帶有燒炙的香氣；左口魚味淡而鮮，有少少嚼勁。出色。稻草煙燻鰤魚 配九條蔥、蘿蔔苖及柚子蘿蔔蓉，上面的一片厚切鰤魚煙燻味很淡，配合味道更濃烈、帶點辛辣的九條蔥及蘿蔔苖同吃，吃不到煙燻味，幸好冬天當造的鰤魚魚脂豐膄、肉質爽滑。下面的鰤魚腩好吃很多，燒炙後帶出油香、又有明顯稻草煙燻味、再配搭柚子蘿蔔蓉的果香，三種香味合而為一，今晚最好吃的先付(酒肴)。赤身 夾了一小片紫菜在魚料及飯粒之間，多了一種鉄火卷的味道及口感。醬油漬おとろ 熟成後的おとろ先放入熱水灼熟表層，然後才用醬油浸漬，避免醬油過分滲入魚肉。吃起來沒有一般醬油漬鮪魚的濃味，鹹度適中均勻，更能突顯おとろ的天然油香及甜美。沒有筋膜，入口即化，滿口魚油香甜。好吃。鰆子鯛 魚皮少許香脆，肉質鬆軟。天婦羅太刀魚 拍得住天婦羅專門店的水準，外衣夠薄、夠鬆化。肉質鬆散，入口輕嚼即化。碗底有少量天婦羅汁及一小撮蘿蔔蓉，托起了太刀魚避免被天婦羅汁浸腍，簡單而聰明的做法。茶碗蒸 係非一般嘅茶碗蒸，配搭時令的螢光魷魚同吃，尤其炒香了的螢光魷魚蓉的天然鹹香提升了蛋香。吃到茶碗底又有驚喜，唔係常見嘅銀杏，而是一小口煙煙韌韌的日本年糕！以為即將農曆新年，所以茶碗蒸才刻意加入年糕，但師傅話係今期餐牌嘅先付特色。雖然個人口味認為日本年糕同茶碗蒸唔匹配；不過，蒸蛋又的確非常滑溜，整體仍然好吃！小肌 係江戶前壽司嘅重點，最能夠突顯鮨店級數及師傅手藝。每間鮨店都有自家方法醃制小肌，越高級的鮨店，小肌會越好吃。始終不太喜歡鹽醋漬魚肉，師傅就換了昆布漬白蝦。富山縣產白蝦預先用昆布海鹽醃漬，軟腍清甜以外，滲透了昆布的海水味；揑成壽司後再用昆布卷起成為迷你卷物，多了昆布的軟爽口感。炙北寄貝 活北寄貝經燒炙後更爽彈。味道甜美，但柚子皮及海鹽份量太多，魚料變得偏鹹。金目鯛 在各種壽司魚料中擁有最靚嘅賣相(顏色)，魚皮橙紅色，魚肉同樣有少少粉紅。油份高、肉質緊緻爽滑。燒物炸甘鯛 魚味鮮甜、肉質嫰滑。炸香了的魚皮魚鳞更好吃，香脆、略帶鹹香。芡汁用海帶及魚湯煮成，配魚肉相輔相成。北海道產海膽 顏色充滿光澤；香甜馥郁，鮮味滿瀉。あなご 無論賣相、燒烤技巧及鰻魚汁均稍為遜色，肉質亦未夠鬆化；以這個級數的鮨店，應該可以做得更好。玉子燒 一日一西，出色之作。江戶前玉子燒只用雞蛋、蝦膠、魚肉、鰹魚高湯制作，打發後焗制成形，外型如同蛋糕。切成丁方後見到如同蛋糕般的綿密質感；入口鬆軟如海綿蛋糕，蛋香以外、又有海鮮香甜味，好吃！另外一小塊是迷你法式焦糖雞蛋布丁，表層焦糖脆皮香脆濃甜，下面的雞蛋布甸滑溜香甜。味噌魚湯 味噌鹹味濃郁，有少少魚肉鮮味。味噌味太濃，如果魚湯清一點、魚味再濃一些會比較好。甜品紅豆大福 紅豆蓉的甜度有刻意調校，減低了甜味以配合香港人口味。服務配合鮨店級數，侍應主動添茶，師傅又會介紹每一道壽司 / 酒肴，亦主動同客人交流。食材新鮮、質素亦很高；但欠缺特色，沒有特別魚料。這個價位的廚師發辦套餐，是否應該有更吸引的食材？
continue reading
新年假期去尖沙咀鮨 央泰食好野。 今次我哋吃午餐Omakase ，店內廚師水準很高 ，食物質素很好。✴️日本長戶素冷面加咗冷麵汁，淮山黏黏地， 比較爽口 味道清淡✴️松葉蟹茶碗蒸，入面有好多松葉蟹， 還有一舊隱藏嘅年糕 ，好有口感 ✴️壽司左口魚北海道帆立貝白蝦 💚自製蛋黃醬汁，白蝦同飯中間加了昆布，這個壽司畀前兩款比較清淡，有水準刺身北寄貝，超爽甜池魚 💕魚味較香北海道池魚，上表層有焦香魚味 ，油脂多亦身醬油漬，超讚 ，回味美味大拖羅好好食，青森下前出品，油份極高， 超新鮮北海道馬糞海膽， 超新鮮， 好吃海鰻壽司，超有魚嘅味道 ✴️玉子燒， 由右邊開始吃起，右邊的貌似蛋糕，但他沒有澱粉質，深受女士喜愛 。左邊並沒有海鮮，有焦糖脆皮，很好吃的甜品，甜度岩岩好 ✴️麵鼓湯 ，有超多海帶， 湯熱度足夠✴️甜品, 來自日本士多啤梨造成士多啤梨醬汁，放在奶凍上， 味道很融合
continue reading
今日收消息🦭老公仔升職加人工🥳梗係要食餐好嘅賀一賀佢啦！賢淑嘅老婆仔 (我🐹) Book左間老公仔期待已久嘅OMAKASE好好慶祝一番🥳餐廳位於尖沙嘴海港城鬧市中嘅一個隱蔽角落😌就好似繁華中寧靜嘅世外桃源❤️木色系裝潢設計簡單而有神秘格調！我哋行入門口嘅瞬間已經開始期待今晚嘅晚餐啦🥰OMAKASE - 皇 $1780/人餐前湯係用湖蜆煮成嘅熱湯🍵鮮甜而且有暖胃作用！岩晒餐前先醒醒胃再慢慢享受大餐！生蠔係日本岩手縣嘅令和之怪物🦪我鐘意唧啲啲檸檬汁點綴一下！果然如圖所見好鮮好甜👍🏻蜜柑雕＆赤身第一次食愛媛縣嘅蜜柑雕🐟蘸點蛋黃豉油特別惹味！軟糯口感味道好特別帶淡淡蜜柑味👍🏻赤身醬油漬口感滑嘟嘟軟綿綿！食落冇筋好抵讚👍🏻連wasabi都磨得好軟滑！壽司前菜有自家製淮山、醋漬牛蒡、薑🫚仲有食壽司專用嘅貼心抹手布❤️我鐘意食淮山好爽脆！老公仔就鐘意醋漬牛蒡夠惹味！墨魚壽司新鮮爽口不在話下😋如果中間嘅wasabi份量太多😌可以同師傅要求落少啲！不過我哋食落份岩岩好👍🏻梭子魚壽司梭子魚即係香港俗稱剝皮魚🐟魚皮表面炙燒更帶出魚油香😋更加提升鮮香味道😋喜知次壽司 係北海道嘅名產獲「海中紅寶石」嘅美俗💖表面有岩鹽磨成粉！連豉油都冇滴😳好鮮好甜而且魚皮火炙過更香魚油味！車海老壽司車海老鮮味濃郁甘甜🦐肉質彈牙！北海道水八爪魚師傅話新鮮嘅水八爪魚經人手按摩後🐙同蘿蔔一齊慢火細煮🔥蘿蔔會軟化八爪魚令肉身更幼嫰😌唔怪得食落口軟糯霖甜好味啦😋配搭柚子糊椒/柚子皮一齊食！甘甜味提升左幾倍🤤果然係鋪頭嘅signature菜色！咁特別嘅八爪魚真係呢到先有得食😋稻草煙燻鰤魚稻草煙燻嘅味道好香好濃！但一啲都唔覺得刺鼻👍🏻鰤魚爽甜再配搭日本洋蔥蓉豉油特惹味！因為豉油係用洋蔥心製作！清甜味更濃郁🧄中拖羅壽司我同老公仔都好期待吞拿魚壽司！果然冇令我哋失望👍🏻冇筋新鮮而且入口溶化🤤魚油包裹住壽司飯🍣真心正😋炙燒大拖羅壽司炙熱後魚油更香更濃郁🫧入口即溶大滿足！比起中拖羅壽司更多魚油包裹飯粒😍大拖羅好似留係口腔游動一樣！我哋食到唔捨得吞呢啖壽司呀🤤燒金雕炸脆魚鱗再配搭自製紫菜汁😋魚鱗炸到好脆口！片片都企晒起身熱辣辣♨️魚肉結實又滑漏！馬糞海膽軍艦海膽好飽滿食到軍艦一半都仲有🤤鐘意食海膽嘅我大滿足呀👍🏻海鰻壽司同一般長海鰻壽司唔同🤔係偏肥美闊身嘅海鰻！味道細膩淡雅跟壽司飯互相輝映🌅玉子燒玉子燒有兩款🥚第一款睇落好似蛋糕😂真係唔講以為自己食緊海綿蛋糕😂聽完師傅講解先知其實係似蛋糕嘅玉子燒🍳成份冇麵粉反而有魚肉同蝦肉製作😳口感好似蛋糕咁好軟熟！咁特別嘅玉子燒真係第一次食😋另一款玉子燒表面有焦糖火炙過😋味道似焦糖燉蛋嘅質感！焦糖下嘅玉子燒好滑漏甜美😋魚湯魚湯由各種各樣嘅新鮮魚加份蘿蔔蓉煮成！🐟湯面上嘅日本香蔥好香！蘿蔔蓉去除魚腥味令整個湯提鮮不少👍🏻士多啤梨紅豆大福係日本嘅新年必食甜品😋大福寓意吉祥🧧所以日本新年都會常常見到呢個甜品😋
continue reading
主打江戶前 Omakase 嘅鮨央泰 由曾奪得米芝蓮一星嘅壽司大師岩央泰同入室弟子金子司主理 全部食材都由日本各地嚴選 每日由日本空運到港非常新鮮！可以話係我最近食過令人難忘嘅Omakase 之一❣️佢坐落係尖沙咀海港城 裝修整體以木系為主好有大自然嘅feel好舒適 最特別係壽司吧台以擁250年樹齡嘅和歌山吉野檜木製成～ 好有質感🪵SUMERAGI皇 HKD1,780/pp印象最深刻係日本岩手縣令和怪物生蠔🦪大大隻真係好重蠔味 好鮮甜好滿足 配青檸汁好refresh✨另外北海道八爪魚🐙 係用特製醬油冷藏咗二十四個小時 口感好軟熟 同平時出邊食開嘅八爪魚好唔同！而且師傅仲原條展示咗俾我哋睇 真係好大條！！配上特製醬油同柚子胡椒 好好食٩(ˊᗜˋ*)و日本蜜柑鯛魚刺身 用咗自家製醬汁 入口清甜中拖羅刺身非常肥美🤤❤️入口即溶化～燒物係燒赤鯥魚 一上枱已經聞到好香 賣相吸引 肉質鮮嫩又juicy💖之後就到壽司🍣真鯛炙燒北寄貝深海池魚鰤魚釜山蝦青森大間拖羅炙燒北寄貝喜之次每一件壽司都非常新鮮 最估唔到會有珍貴嘅喜之次！ 個人最愛青森大間拖羅同埋深海池魚 真係好好食😋 肥美可口～另外釜山蝦仔好特別 口感非常豐富🤍當然唔少得嘅就係海膽🧡 師傅會首先拎原版海膽出嚟俾我哋影相打卡先！之後再每人一個多到滿瀉嘅海膽軍艦🤤 好鮮甜好正大滿足！另外仲有好好食嘅海鰻同特別嘅玉子燒～醬汁真係用咗海鰻骨去整！海鰻口感軟嫩入口即化❣️Appetizer - 3 kindsSashimi - 2 kindsYakimonoSushi - 8 kindsTamagoSoupDessert ♡
continue reading
同朋友去尖沙咀海港城逛街，去食日本料理，朋友帶我去米芝蓮星級食府 Sushi Hisayoshi (鮨央泰)，壽司師傅 Hisayoshi Iwa 經營，師傅經驗豐富及屢獲殊榮！打開餐牌揀咗dinner set，原來lunch 都係680起，好抵食啊！ 選用高質食材，今次點了 DINNER OMAKASE皇$1780，包埋餐前靚湯～大和蜆湯，好鮮甜呀！先付三點：❤️ 北海道軟煮水八爪魚配芥末及柚子胡椒❤️ 岩手縣原隻生蠔-令和の怪物❤️ 稻草煙燻鰤魚配自家製洋蔥醬油及蘿蔔苗、九条蔥、茗荷、芝麻刺身兩點：💜 青森縣大間赤身醬油漬吞拿魚（熟成十日）💜 蜜柑雕配蛋黃豉油燒物🩵甘鯛立鱗燒配紫菜芡壽司-八貫1️⃣ 左口魚2️⃣ 深海池魚3️⃣ 北寄貝4️⃣ 吞拿魚赤身（熟成十日）5️⃣ 大羅拖（熟成十四日）6️⃣ 金目鯛7️⃣ 北海道馬糞海膽8️⃣ 醬燒海鰻食材好新鮮，追加 鮑 、白子、毛蟹白子：北海道鱈魚白子天婦羅配蘿蔔蓉、天婦羅汁毛蟹：北海道毛蟹配土咗醋啫喱鮑魚：北海道蝦夷鮑魚配鮑魚肝醬江户前玉子燒及魚湯食埋甜品，為晚餐劃上完美句號🍮焦糖布甸蛋、草莓紅豆大福Sushi Hisayoshi（鮨央泰）📌尖沙咀海港城港威商場地下G111號舖
continue reading