Video
Exit E/ L3/ L4, Tsim Sha Tsui / East Tsim Sha Tsui MTR Station
continue reading
Telephone
27343722
Introduction
Loong Yat Heen, where customers can enjoy Dim Sum and classic Chinese Delicacies including abalone, shark's fin as well as fresh seafood in Chinese style. It serve business lunches, banquets and all meals with style from experienced chefs. The restaurant also features two private rooms to cater for intimate lunch or dinner gatherings.
continue reading
Opening Hours
Today
10:45 - 15:15
18:00 - 22:30
Mon - Sun
10:45 - 15:15
18:00 - 22:30
Above information is for reference only. Please check details with the restaurant.
朋友仔一向大推九龍酒店「龍逸軒」中菜，菜式款式選擇夠多之外，製作過程以致選材，一向有品質保証！今日就約埋一班朋友去龍逸軒一嚐最新推出既懷舊手工晚宴套餐，每一款中菜都係經典中嘅經典，以傳統烹調手法炮製出一系列滿滿情懷嘅懷舊美食！———————————————————🥢懷舊手工晚宴🥢🥢大紅香芒乳豬由自家燒味部師傅主理，烤製出一流乳豬！乳豬皮脆肉嫩，中間薄薄既油脂油香四溢，香脆得黎充滿濃厚豬肉鮮香！配以清甜多汁芒果，於面頭一層層鋪上，擺盤精美！🥢菜膽螺頭燉海參真材實料燉湯，夠哂滋補！湯頭清澈，入口滿滿螺頭既咸鮮味，配以超巨型海參，口感Q彈，加上以菜膽燉煮，份外清甜！🥢桂花炒魚翅功夫講究既菜式！量魚翅混合蛋絲、肉絲及椰菜絲爆炒，炒至乾身，火喉十足！魚翅入口滑順，層次分明，必試！🥢砵仔焗魚腸經典懷舊菜式！新鮮既魚腸經多重功夫處理後搭配蛋漿、芫荽及料酒混合，焗至外層香脆，內層既蛋漿及魚腸層次感十足，入口甘香綿密，新鮮味美！🥢碧綠蝦子柚皮絕對係一款講求細節嘅菜式！柚皮入口清甜，完全無苦澀味，口感豐富，份外Juicy，配以大量鮮香蝦子及秘製醬汁，特別滋味！🥢頭抽香煎美國生蠔採用煎焗嘅烹調手法，將肥美厚肉嘅生蠔煎至香脆惹味！再加入頭抽煎焗，將蠔肉嘅外層煎至金黃色，賣相一流，蠔肉啖啖肉咬落好Creamy，的確出色！🥢枝竹豆腐炆海星斑海星班每個部位都夠厚肉，尤其係骨腩嘅部位油渣後，外層香脆，加入枝竹、冬菇、豆腐等材料炆煮，食落香口得來滿滿鮮味！🥢古法八寶鴨整餐懷舊菜最期待嘅菜式！八寶鴨採用多種配料，釀入已去骨嘅鴨身，蒸煮而成，猶如百寶袋一樣！配料有齊蓮子、栗子、金華火腿、薏米、糯米及瑤柱等等，索盡鴨肉既精華，每一啖食得份外滿足，確為傳統經典懷舊粵菜！🥢蓮蓉西米焗布甸香甜既蓮蓉混入西米及雞蛋焗制，入口軟糯香甜，啖啖滿足！🥢懷舊芝麻卷懷舊芝麻卷全人手制作，用上大量黑芝麻磨制，經人手拉制後，一層層卷上，入口既芝麻香氣爆登，清甜得黎，煙煙韌韌，係我最鍾意嘅中式飯後甜品！———————————————————🌟餐廳：龍逸軒（九龍酒店）📍地址：尖沙咀彌敦道19-21號九龍酒店2樓
continue reading
🌟餐廳：龍逸軒（九龍酒店）📍地址：尖沙咀彌敦道19-21號九龍酒店2樓💰價位：～$200 - $400⏰營業時間：星期一至日07:30 - 21:30📱電話：27343722今時今日，想嘆番餐懷舊傳統既手工中菜，又想坐得舒舒服服、環境優雅，絕對係可遇不可求👀👀作為中菜界天花板嘅九龍酒店✨龍逸軒✨就推出左全新既懷舊手工晚宴，一圍八位用，人均唔使$800，已經包含加一服務費及茶芥，一個價錢就可以嘆盡全港最高質之一嘅中菜🎊性價比極高👍🏻👍🏻———————————————————🌟懷舊手工晚宴🌟🔹大紅香芒乳豬講求刀工及火候控制嘅菜式！乳豬肥瘦適中，外皮卜卜脆，油脂及肉質好balance，由自家燒味部廚師主理，火喉一流！擺盤亦夠晒精緻，加入一片片清香既芒果，層次分明，又可以中和乳豬既油膩感，成個組合夠晒出色！🔹菜膽螺頭燉海參原汁原味燉湯，夠晒養生！用料矜貴，螺頭加海參呢個組合鮮味十足，夠晒滋補，湯頭清甜得黎又滋潤！🔹桂花炒魚翅材料豐富，魚翅經多重工序混合蛋絲及配料炒至乾身，條條分明，層次感十足！魚翅入口Q彈，配料豐富，值得一試！🔹砵仔焗魚腸呢款咁懷舊嘅菜式買少見少，除咗製作工序繁複之外，選材及主製過程都好考功夫！魚腸處理得非常乾淨，完全冇魚腥味道，入口帶點爽彈，搭配濃濃蛋漿，料酒等配料焗制而成，外層焦脆，肉裏蛋漿混合鮮嫩魚腸，口感綿密，大滿足！🔹碧綠蝦子柚皮另一款巧手懷舊中菜！柚皮經過多重處理，去除苦澀味，留下淡淡清香，口感軟綿綿，搭配大量鹹鮮味十足嘅蝦子，伴以濃稠醬汁及生菜，入口超幸福！🔹頭抽香煎美國生蠔美國生蠔出名肥美大隻啖啖肉，食落口感相當Creamy～餐廳將生蠔煎至金黃色，加入頭抽增其鮮味，一口咬落，色香味俱全！🔹枝竹豆腐炆海星斑海星班夠哂厚肉，外皮Q彈，連同骨腩等部位輕輕拉油後，加入枝竹、豆腐及冬菇等配料炆煮，食材夠哂豐富，海星斑新鮮嫩滑，啖啖鮮美絕無腥味！🔹古法八寶鴨主角出場，漸漸失傳嘅手工菜式，令人驚喜！廚師將原隻鴨起骨，刀工及經驗缺一不可，再釀入已炒香既金華火腿、蓮子、薏米、糯米及粟子粒，經蒸煮後，配料與鵝肉嘅油香完美融合，輕輕切開鬆軟嘅鴨肉外層，材料四溢，味道香噴噴，一款超別緻嘅手工菜式！🔹蓮蓉西米焗布甸傳統嘅中式懷舊甜品，細細個已經好鍾意食！蓮蓉西米入口軟糯，香甜滑順，下層布甸蛋香味十足，甜而不膩！🔹懷舊芝麻卷呢款懷舊芝麻卷口感Q彈，層層分明，入口滿滿芝麻香氣，夠哂清甜，為充滿懷舊特色嘅晚餐畫上完美句號！———————————————————「龍逸軒」既中菜一向夠哂水準，除咗用了選料高質之外，每道菜式都充分反映師傅巧手既烹調技巧！今次主打嘅懷舊手工晚宴套餐，每一款都係工序繁複，落足心機炮製嘅懷舊中菜，除咗份量十足之外，價錢亦超吸引，一個價錢就可以嘆盡咁多款既經典又巧奪天工既菜式，絕對係高質、高性價比之選！
continue reading
中午踏進久未到訪的九龍酒店，而「龍逸軒」令本來一條心吃點心的我變得猶疑起來！除了一般散叫點心，午市提供的任點任食點心 Brunch，備有前菜、湯羮、蒸煎炸點心、飯麵主食，與及中西甜品，除款式多樣化外，在數量方面備有半碟/一碟/一件的選擇，故極度適合心多多，甚至乎想 Me Time「獨食」的人。任點任食點心 Brunch 看似吸引，但另一邊廂有齊精緻點心、主食及甜品的精選點心套餐又令人神往。究竟要如何決擇是好！貪心的我，最終選擇了任點任食點心 Brunch，嘻嘻！由每人專享一件的原隻南非鮑魚燒賣皇揭開序幕！燒賣皇沒有騙人啊！上層有非常吸睛的南非鮑魚 (我至愛南非鮑)，而下層燒賣部份起碼是一般燒賣的兩倍，富有菇香的豬肉，質感彈牙鬆化，好吃！香港很美、原隻南非鮑魚燒賣也很讚～冰糖蜜蓮藕 貢菜海蜇 蜜汁黑毛豬叉燒先來嘗試三款前菜小碟。前菜小碟有開胃的冰糖蜜蓮藕、清爽的貢菜海蜇，還有記得趁熱品嚐的蜜汁黑毛豬叉燒！至於餃皮掃上食用金箔的春筍金箔蝦餃 (新派系列)，圓胖可愛，一咬內餡豐厚，蝦肉爽彈，是值得一試的點心！個人認為沙律醬蝦多士是必吃，入口焦香不油、焦香配合點點蝦香，不用沾沙律醬已令人滿足，同樣記得趁熱吃！賣相桃紅晶瑩的粉彩松露石榴球，餡料是菇菌與黑松露，菇菇菇香果然撲鼻！坊間幾乎絕跡的糯米包，正是「龍逸軒」的懷舊臘味包 (新派系列) 的名字，依然能吃到舊味兒，愛吃糯米包的人兒記得要點啊！櫻花蝦潮州粉果 (新派系列)看似沒怎樣的櫻花蝦潮州粉果，卻有著相當惹味的餡料，意想不到小小櫻化蝦帶來奇妙的變化！這是鮮清甜美的蟹肉菜苗餃。蟲草花淮山蒸排骨 (新派系列)十年陳皮紫米豆沙包 (新派系列)香煎汁燒和牛包我和友人特別喜歡十年陳皮紫米豆波包，不妨一試！款式太多，差點遺忘了金勺鹹水角和脆皮素鵝卷！菠菜野菌腐皮卷 (新派系列) 也是我的推介，炸得香脆乾爽的腐皮，配上菠菜野菌的素材餡料，口感和味道的配搭一流！主食的飯麵有雪菜火鴨絲燜伊麵、皮蛋瘦肉粥、豉椒牛河和海皇泡飯的選擇，已接近十成飽，還是試了濕潤的海皇泡飯。湯底不俗，配上點點脆米，吃得滋味又舒服！甜點選了中式的燕麥香芒卷，芒果非常新鮮甜美，一點點冰凍，有著飯後吃水果的清新感！選擇任點任食點心 Brunch另一個增值的元素是同時可享 「倚窗閣」Lunch Buffet 的甜品，對愛甜的人來說是一種無可抗拒的加分，對愛 Movenpick 雪糕的人來說就是誘力魔法，我已被困了，哈哈！以上照片是我在作出選擇前，在 「倚窗閣」粗略拍攝的，其實現場甜品不是那麼的少！我敗於十二款口味的 Movenpick 雪糕，真的好想多吃幾款口味，可惜肚容量不爭氣！選了幫助消化的檸檬青檸雪葩，Ummm....... 果然我至愛的雪糕品牌！事後訪問友人對精選點心套餐的吃後感： 金腿蘿蔔絲手袋酥精緻、酥皮鬆香不膩； 鮑魚海鮮灌湯餃含帶子鮑魚足料香濃； 楊枝甘露微甜清新可口。究竟任點任食點心 Brunch？抑或選擇精選點心套餐？大家是否開始動搖呢！1. 「任點任食點心 Brunch」供應時間為星期一至星期日，分 1045 - 1245 及 1315 - 1515 兩個時段供應；2. 「任點任食點心 Brunch」星期一至五 成人每位 HK$355.30 / 小童每位 HK$300.30；星期六、日及公眾假期 成人每位 HK$399.30 /小童每位 HK$344.30。3. 預先透過九龍酒店官網預訂可享高達8折。
continue reading
呢日同一班老友走咗去九龍酒店龍逸軒食懷舊菜，真係食返到細個嘅味道個個都食得好滿意。呢個懷舊宴有10個菜大食如我都捧住個肚嗌飽走！第一味係大紅香芒乳豬好有去飲嘅感覺，香脆嘅乳豬油分好夠配酸酸甜甜嘅芒果食落去冇咁油膩感覺都幾得意。燉湯係菜膽螺頭燉海參，入面有成條海參真係好鬼慷慨！加埋菜膽、螺頭同埋雞腳呢啖湯係好鬼香甜呀。桂花炒魚翅整得好乾身唔會油淋淋！入面仲有新鮮嘅蟹肉口感同味道都好得。跟住呢個砵仔焗魚腸係我老婆大人嘅飛佛！蛋焗得好甘香加埋魚腸整得乾淨冇腥味，呢個焗魚腸味道係唔錯嘅。香煎美國生蠔夠晒肥大厚肉，炸到香香脆脆咁加埋鮮味點都好食嘅。呢碟枝竹豆腐炆海星斑我哋咁多人都一致讚好！炆得好入味魚肉又香滑，側邊嘅枝竹同埋豆腐都係正嘢嚟㗎手快有手慢無。呢個碧綠蝦子柚皮真係勁懷舊嘅手工菜！淨係揸柚皮都要用幾日時間，呢個柚皮整得好鬆化又冇澀味，加埋啲鹹香蝦籽同埋個芡汁真係好高質。古法八寶鴨又係巧手菜之一！去咗骨嘅鴨入面釀咗啲鹹蛋黃、蓮子、薏米同埋糯米，跟住炆到好酥香配埋個濃郁嘅醬汁真係好味道。最後仲有兩個甜品！一個係蓮蓉西米焗布甸另一個就係懷舊芝麻卷，食到太飽嘅關係甜品就意思意思食少少算！不過兩個味道都唔錯好鬼滿足呀。
continue reading
對老饕而言，經典懷舊粵式就是回憶的味道，能間中去回味一下，其實也不是易事；能讓味蕾重溫當年的滋味，讓那些快將失傳的手藝好好保留下來，其實也是值得我們好好去欣賞的！知道尖沙咀九龍酒店內的龍逸軒，由今年4月至6月，推出這個「全新粵式經典佳餚滋味再現」套餐，內容包括多款經典懷舊菜，重現當中熟悉的老味道，當然令人蠢蠢欲試；原來想食也要預早兩日前在網上預訂，而且更有$1300優專，平均每位也只是$636(已包加一服務費及茶芥)，真係超值又好味！當然要立即行動。訂座網址：bit.ly/粵式經典再現港幣$6,388*（八位用）額外顧客每位 港幣$636**已包括加一服務費及茶芥供應時間由星期一至日，晚上6時至10時30分。說完資料，就讓我正式介紹一下這款套餐吧；首先第一味是「大紅香芒乳豬」，乳豬事前去骨，只淨下表皮及厚厚的一層肉，食落酥脆有肉香，和芒果肉一齊放入口，原來可以這樣夾，鮮甜的芒果更能有效減低油膩的感覺；直得留意是芒果肉太滑，放在豬皮上很容易滑走，但如反轉肉向上，再放上芒果，就會比較方便。第二味是燉湯「菜膽螺頭燉海參」，甫開盅蓋已感受到一股熱氣及傳來燉湯的香味，大廚選用優質的螺頭及海參，而大大條的海參，口感爽彈較有筋道；湯頭清甜，入口甘香醇美，好喝。第三味是「桂花炒魚翅」，這道菜看似簡單，其實要做得好一點也不容易，精髓在於要乾爽及鮮香的口感，加上粒粒炒得金黃色的「桂花」及煙韌有彈性的素翅，配上鹹香的金華火腿及鮮甜的蟹肉，食落更是滋味；份量夠大，炒得又夠鑊氣，自然好食。 第四味是「砵仔焗魚腸」，表面焗得香脆，魚腸份量也不少，配上果皮的濃香，蛋食落香滑又濃郁，加上少許胡椒粉一齊食，更加惹味；平時食這味菜一定要趁熱食，生怕冷凍後會變「腥」，但今次竟然沒有，意外驚喜。第五味是「碧綠蝦子柚皮」，手工程序複雜，柚皮處理得軟滑無渣，絕對是考師傅的功夫與耐性；柚皮以鮑汁扣得鬆化，汁香味濃，炆得又入味，更是完全沒有半點苦澀味。第六味是「枝竹豆腐炆海星斑」，賣相看似平凡，但味道卻是出奇的好食；魚肉嫩滑，炆得入味，豆腐及枝竹吸收晒所有精華後，當然更加好吃。第七味是「頭抽香煎美國生蠔」，煎得外脆內軟的美國生蠔，色澤金黃，咬落肉汁豐富鮮味，喜歡吃蠔的朋友，應該會很喜歡。第八味是今晚的重頭戲「古法八寶鴨」，據說八寶鴨被評為上海十大經典名菜之一，就可知其製作難度及歷史故事悠長；廚師先將帶骨鴨開背，填入配料(鹹蛋黃、蓮子、薏米及糯米等餡料)，封好玻璃紙後上蒸籠，蒸完出來不但鮮香味濃，鴨形豐滿，最後澆上芡汁，風格別具滋味。最後兩款甜品是「蓮蓉西米焗布甸」及「懷舊芝麻卷」，兩款也非常吸引，而且甜度適中，唔錯。懷舊菜工序繁瑣，因此現今很多食肆也拒絕再做，如沒有繼承及支持，相信下一代也只能在資料庫中找到；如想找回當日的味道，就不要吝嗇，好好去支持一下！#大紅香芒乳豬 #菜膽螺頭燉海參#桂花炒魚翅 #砵仔焗魚腸 #碧綠蝦子柚皮 #枝竹豆腐炆海星斑 #頭抽香煎美國生蠔#古法八寶鴨 #蓮蓉西米焗布甸#懷舊芝麻卷
#龍逸軒地址: 尖沙咀彌敦道19-21號九龍酒店2樓電話: 27343722
continue reading