秋月居 (Closed)

好多日本餐廳去到星期日或者d公眾假期都無lunch set，攪到好似假期食就貴左好多。秋月居就星期日都有set, 仲要平均都係五十幾蚊一個set，睇落個樣都好唔錯，就走左入試試。魚生飯都好新鮮，不過飯好似生左小小。個餐仲包基本飲品，好似檸茶檸水，特飲-雜果賓治要加10蚊、汽水就5蚊。價錢都算好低食。

喺太和站行大約15分鐘左右，就黎到呢間餐廳啦。門口望入去，見一面都坐得幾舒服，而且睇餐牌價錢唔算貴，於是就入去試一試啦。打開餐牌，就被呢個滑蛋鰻魚飯吸引左之後仲叫咗個汁燒三文魚飯總括來講，味道唔差，不過又唔算係10分抵食。因為要留意，佢係有+1服務收費的!所以，可以一試，不過不失啦

又煩惱緊今日食咩Lunch行下行下見到秋月居個lunch餐牌烏冬迷既我就俾佢地既烏冬set lunch吸引住喇😍點左個壽司刺身烏冬黎食凍檸茶不用另收費!今時今日真係好難得雖然整個餐稱唔上好好味但我認真謝得住$63 ($58加一)呢個價錢呀!以後大埔搵lunch又有多個好選擇啦

今晚好想同屋企人食好啲就決定出街食飯，又想食日本野就想試下秋月居。個日係星期日，人好多，所以要拎飛等位，我地等左20分鐘，前面都多人等😶係秋月居開外有個透明玻璃位，睇到個女員工係度燒串燒，個女員工幾靚，長頭髮，好認真燒野，眼見好多野食好忙。坐底叫左刺身盛宴鰻魚芝士蛋包飯、火炙三文魚壽司飯、軟殼蟹沙律、同一啲串燒。先講個火炙三文魚飯，好好味，加左沙律醬係三文魚上面再燒，個飯又暖暖地，好好味。啲沙律正常水準，不過不失。個鰻魚蛋包飯個花相好靚，打卡一流👍🏻另外，仲有串燒盛合，啲肉有肉汁，好濃，辣辣地，應該加左辣粉。仲有啲娃娃菜好大份，好抵食。環境方面，啲音樂好大聲，加埋食客傾計聲，好嘈，呢方面要改善下。整體來講食好多野都唔超過1000蚊，抵食！

行過大埔呢間日本餐廳, 見到裝修四四正正, 一於試下先~其實我間唔中就會想食pepper lunch, 今日又癮起 🤣🤣🤣所以二話不說就點左香蒜牛肉鐵板飯!! 都有8,9成似pepper lunch, 而且好似仲多d粟米, 重點係特多蒜蓉, 勁香口, 啱曬重口味既朋友😍😍😍 但飯就略嫌軟咗少少, 不過放喺鐵板上炒下, 飯就變得無軟林林, 口感好d喇!一個飯加熱柚子蜜都係$55, 價錢都可以啦, 大埔黎講, 唔算平唔算貴, 醒在份量夠多! 下次想食鐵板飯, 我會encore ga~

如果 有大人 又有 小朋友呢間舖頭 可以推介一下佢有好好味嘅 鰻魚蛋包飯而且壽司 都好新鮮有三文魚 吞拿魚全部都係即叫即整佢哋啲拉麵都好好食炸墨魚咀 炸雞軟骨食落好新鮮 又好香脆非常正!

去食lunch，成間嘢得兩個侍應，等左成5分鐘先有理我地，等左20分鐘先有嘢食！客人又多，上菜太慢，嘢食就不過不失啦，仲要出現漏單。食物唔係特別好食，服務又咁差，唔會再黎食！

大埔人好多都好鍾意大埔，又多好野食又有靚景，靜靜地未算被大財團入侵到毫無特色既一個小社區。經大埔地頭蛇朋友介紹，我地就到黎秋月，一間居酒屋式既日本餐廳，試下比市區平三成既日式料理到底質素如何。結果完全冇令我地失望，正啊👍🏼👍🏼由於價錢真係太抵玩，我地好似冇諗過budget想食咩就叫咩。先黎一客帆立貝同三文魚刺身，味道唔算頂級但總算肥大肉厚，可以分幾啖食慢慢享受。再來有火炙三文魚，赤貝同三文魚壽司（係，由此可見我地真係好鍾意三文魚）火炙三文魚入口既溶，油脂味散發喺口腔之內。三文魚壽司同赤貝都相當有份量，加上少少芥茉加倍滋味～不過我覺得黎秋月最抵其實都係飲酒食小食。清酒一壺380ml平均價錢一百蚊有找，冬天飲一口溫熱既清酒，寒意即刻驅走哂！朋友飲酒談天當然唔少得一啲送酒既菜色啦，串燒野菜拼盤有秋葵、青豆、磨菇、翠玉瓜同車厘茄，加少少鹽同七味粉已經夠哂惹味！唔夠喉仲有炸雞軟骨同炸八爪魚咀🐙新鮮炸起夠香口又唔會太油太乾身，真係食到停唔到！（所以真係encore咗哈哈哈）雖然小食壽司之類真係相當出色，但相對上主食既烏冬就爭啲喇，湯好淡烏冬好淋，有咁多烏冬專門店珠玉在前完成比下去。撇除呢樣，我依然

係大埔開左一段時間，午餐餐牌都無改過。今次就叫左豬骨湯叉燒拉麵同埋滑蛋牛肉飯。豬骨湯叉燒拉麵個湯唔係好得，完全無豬骨味。叉燒就有D硬。而滑蛋牛肉飯D牛肉有D老，不過滑蛋就幾好。如果可以改下餐牌就更好。

食物種類算多，小食，鍋飯，串燒，井飯都有，食物新鮮又味道。我也是第一次吃整一只軟殼蟹，味道真可以; 另外，春卷是新鮮做的，加上自家特制的千島醬，實在很美味，十分贊！

午餐黎食，餐牌依然係一模一樣，一樣無魷魚筒飯，咁最後就叫左個鐵板牛肉飯、火炙三文魚飯、滑蛋牛肉飯。個鐵板牛肉飯非常香噴噴，蒜蓉味十足，而且牛肉厚度同埋熟嘅程度適中，非常好。火炙三文魚飯黎傢時候個碗非常熱，但飯嘅份量係比以前少好多，但個d三文魚都算okay。滑蛋牛肉飯係非常適合d好餓嘅食客，因為佢飯嘅份量超級多，滑蛋係包住哂d牛肉，非常好食。午餐每人都可以包一杯飲品，包括汽水、柚子梳打、巨峰梳打等等。

秋月居鰻魚芝士蛋包飯✨✨✨✨✨✨✨✨✨✨✨✨✨鰻魚芝士蛋包飯($78) 🥘有啲失望🙁完全唔似日本野 個蛋太熟 好香黑椒味但我個人覺得黑椒太大粒而且啲唔係珍珠米😩只係普通既米 所以食落有啲硬豬骨湯叉燒拉麵($52)🍜拉麵食落好似中式面咁🍝而且湯底冇乜特別太重洋蔥味 又唔夠熱😰香辣牛肉飯($45)🐮🍚燒牛肉飯辣辣地幾好味但係唔夠鹹啲菇好入味幾好食牛肉飯既蛋好食過鐵板飯個蛋少少 滑少少😝啲牛肉太太老 😶餐廳既食物似food court既質素🙈但價錢就略微貴左少少如果lunch set 既價錢就無問題但其他時間去就唔抵啦👉🏻👈🏻

大埔越來越多好野食，新界朋友唔駛去到油尖旺都可以大飽口福今次試下 秋月居星期日夜晚未夠7點都已經有人排緊，不過唔知係咪唔夠侍應，我地好幾個人企係出面都冇人理又冇人派籌好彩最後唔駛15min就有位首先叫左呢個沙律原來差不多每枱都有order呢個沙律佢賣相又真係幾outstanding既雖則佢叫做沙律，但中間果條炸麵柱就係gimmick所在佢唔單只企定定唔郁，咬落仲係熱辣辣架至於呢個蛋包飯。。堅麻麻首先奇怪既係，佢同沙律好快就一齊上菜，真係好怪，咁梗係食沙律先架嘛！而蛋包飯就梗係啲蛋要未熟透仲有蛋漿先正啦。之但係個鐵板可能太熱。搞到啲蛋熟晒唔太好味最後。。啲飯係削既。。。。。。。。OMG...... all fail睇番之前既食評。原來已經有人講過呢個問題，希望食店可以留意下點改善啦飲品反而有驚喜，飲落去好fresh都幾香。但冇乜特別出色總括黎講就真係好一般應該唔會再去第二次，因為附近仲有好多好野食

上網成日見到鰻魚芝士蛋嘅宣傳見九龍灣外 大埔都有分店忍唔住去食下😍下午時段 1:20pm 去食都幾多學生哥 我地4人去好彩早左一步 遲少少就要等位秋月居有午餐食 好抵 係超級抵!!!價錢$38-48為主 另收加一有鐵板飯 魚生飯 包野飲 好多都好高質野飲有汽水 有果汁🍹又有巨峰梳打果啲特飲 原價都要$18 仲要都係大大杯！唔夠食可以追加小食有三文魚壽司🍣有刺身 有芝士年糕 etc.真係好抵食！最重要學生85折 帶學生證都得係全張單85折！ 帶屋企人去抵抵抵！Cocktails 都好抵飲！餐飲 巨峰提子梳打🍇午餐$68 好多鰻魚 燒得好香午餐 $38 同P字差唔多 不過足料好多 味道不錯但食晒會有點咸蒲燒鰻魚芝士蛋包鐵板飯 ($78 主餐牌)呢度鰻魚好有質素 好有口感！蛋同芝士混為一體 食落好滿足可惜 呢個飯等左30分鐘有多先黎到 有啲耐不過賣相吸引又要時間整蛋包芝士 都明白的😋會想再食！高質！

看到Openrice 上的comments 不差，於是經過一試，誰知中伏黃金厚燒玉子，玉子分離，醬汁過量燒雞泡魚乾，同樣是面層汁醬太濃，蓋過魚味...鰻魚燒飯糰，除了醬，還是醬飯糰外層太韌，內裡卻又腍又爛，自家製的都比它好多倍燒墨魚丸無乜墨魚味，又唔夠彈牙，衰過街邊串燒。。。燒娃娃菜&雞串燒盛，一律加過量濃烈的調味料，完全吃不出材料本身的味道，吃完還覺得非常口乾真正的串燒不是靠醬料的！！簡單啲講，唔值咁嘅價錢順帶一提，明明寫11pm收舖，聲稱1030pm截單，但係我地9點幾去到，已經見員工執拾緊，準備收舖咁，令人卻步究竟係咪仲做緊生意...