秋月居 (Closed)

周圍食市都似要排隊 見到沙律幾吸引來試下 等左好耐位終於有位 場內左面吧枱位擺滿好多酒類飲品, 因為要駕車所以只飲玫瑰荔枝梳打, 賣相玫瑰浮在飲品面上, 唸住應該一般沒有花味, 飲上口味道比想像中好飲。蒜片牛肉鐵板飯, 賣相與相片似有點出入, 牛肉偏薄, 不太油膩, 但味道一般。沙律賣相最吸引, 抵食份量大, 但炸麵條太多, 基本上食唔哂, 食完感覺熱氣, 配料味道可以。刺身雙款魚生及帶子$68,口感新鮮, 不算厚身。整體食物質素可以, 價錢抵食,需改善上菜次序,應該先食刺身冷盤才到熱食主菜, 飲品餐牌名字有點攪笑,酒類飲品看似應該不錯。

一行四人同老爸食生日飯店子看似小小，但坐位原來不少，7:30準時到達，小店以坐滿了，看似不錯Menu選擇不算多，有串燒小食沙律，壽司刺身較少款，飯面比較多，drink menu 卻意外地又多又不貴我們點了三文魚壽司，炸蠔，春卷，海鲜冠軍杯，叉燒拉麵，鉄板牛肉飯，軟殻蟹沙律炸蠔一客三隻，夠香脆，春卷唔夠脆，少少淋三文魚壽司長長的，新鮮又肥美，飯細細件軟殻蟹沙律份量大配芝麻汁好開胃主角海鮮冠軍杯賣相精緻，好吸引，一隻大赤蝦，三件帶子，海膽，頗多三文魚子，中間有toro蓉，蛋絲同青瓜，食落好fresh 好夾鉄板牛肉飯上面有牛油，跟飯，粟米牛肉伴均好香好好味叉燒拉麵普普通通，勝在抵食呢度唔收切餅費，而且服務細心，一定encore r

正 吾算貴味道正第一次清枱 真係一啲都冇剩 特別燒番薯仔 同雞拼盤不過燒扇貝得一隻咋😭海鮮烏冬都ok 個清湯底超正 勁香昆布味下次再試下其他正野下次一定會再黎過架 呵呵呵呵

由於在大埔區工作，所以有時也會在大埔區晚餐。其實早前已常常看見這間餐廳晚飯時段很多人排隊，一直很想試，可惜沒有機會。由於適逢朋友還有一段時間才到，好吧，我先去排隊好了！最後...我快等了一個小時才有位...真的一位難求！我們先點了一個秋月居沙律，份量頗多的，材料也很豐富，有蝦、生菜、蕃茄仔、粟米等，配上芝麻醬，味道清新自然。另外這個沙律還有一大重點, 就是它中間的脆脆炸麵，這個炸麵雖然有點熱氣，但真的很好吃，香脆可口，配下面的沙律一起吃，不但中和了當中的熱氣感，仍帶來了一絲絲的清新感。另外我們也點了一個鐵板牛肉飯，不知道是不是所用的牛肉是肥牛關係，感覺有點油。而且由於有黑椒，所以也略帶一點辣味。但總括來說，味道已值得讚賞的

星期日係大埔搵野食，真係好難，度度都要排隊，出名果幾間更加大排長龍。今日lunch time搵野食，間間都要排隊，行過呢間日本野，見到唔洗排隊就試試佢啦。間鋪頭裝修似食串燒，入到去打開個menu，果到有壽司，不過d圖就真係一d都唔吸引啦，黎到就試下佢嘅牛肉鐵板飯啦（pepper lunch果款）。再叫左個沙律同鰻魚蛋包飯。牛肉鐵板飯黎講，個味道無pepper lunch咁濃，油比較多，牛肉份量比較少，完全唔特別。沙律黎講，整體比牛肉飯出色，賣相唔錯，不過沙律汁太少，唔係好夠。脆脆果部份烤得唔錯，唔算油，配菜食口感比較豐富，不過如果菜嘅部份多番d，會比較好。鰻魚飯係今餐最出色嘅食物，意外地見到佢加左芝士，有驚喜。而且上枱時蛋未完全熟，配飯一流。不過鰻魚略嫌太細塊，但整體算唔錯。總括而言，今次唔洗排隊嘅午餐算合格，不過環境太熱，冷氣唔夠，所以食完都快快走了。如果肚餓又唔想排隊嘅，可以一試。不過環境都算嘈，想傾計嘅就唔建議啦。

呢間餐廳，每次經過都見到大排長龍，咁岩今日6點令經過，無乜人，就食個early dinner試下啦😁藍色生死戀🍹，個名就old school啲，不過味道就幾fresh👍🏻和風滑蛋飯（牛肉）， 一如其名，啲蛋真係好滑，呢個價錢，有呢個水準，絕對ok!黃金吉烈廣島蠔，好味外面卜卜脆，入面仲保持到有少少蠔汁三文魚刺身總括來講，價錢大眾化，也有一定水準，值得一試！

軟殻蟹沙拉唔錯！都好大份炸雞軟骨粉太厚！一般般魚生拼盤 樣樣都好鮮！燒3文魚魚腩飯，好食但好「流」串燒拼盤，推薦雞腎同雞翼價錢唔貴！但有排等！平日都好多人等位呀！

之前見過好多人排隊同裝修幾靚就黎試下，7點倒唔洗等。叫左三文魚、凡立貝、蟹棒三款壽司。刺身同蟹棒唔新鮮，紫菜林的，飯一夾就散晒。仲叫左個鐵板香蒜牛肉飯，d肥牛幾好味，但d飯林林濕濕的，好奇怪，仲有係勁油。因為唔夠飽，叫多個地獄海鮮拉麵，menu寫係spicy，但湯底只有少少辣，無咩味，海鮮亦比較少。只此一次，唔會再黎。

嗱！大家唔好亂諗野呀下！😂呢間係大埔新開既日本🇯🇵料理其實係九龍灣都有分店價錢係屬大眾化💁🏼呢個叫秋月沙律以店名為名當然係中間個舊炸脆脆最突出啦⋯⋯而個底只係普通既蝦粟米胡麻醬沙律不過見外型咁特別就同大家分享下仲叫左芝士鰻魚飯個飯份量都算多鰻魚唔會好腥，不過食完個飯會有d滯膩刺身拼盤，4式刺身新鮮程度還不俗仲order左一大杯菠蘿冰！兩個人share都飲唔哂，都只係$25蚊

身為大埔友，見呢間日式菜新店開張無耐，又幾多街坊幫襯，於是平日晚去跟屋企人一試。新店都幾多人捧場，我們等了大約三十分鐘。因店內坐位唔算多。碰碰秋月居沙律 $48賣相特別趣致，中間高高既係炸麵，食落有dd似媽咪麵，好脆，齋食會比較咸又有熱氣感覺。沙律配料有鮮蝦，什菜，粟米，蕃茄仔。配胡麻醬，食完沙律加脆麵，混和返無咁dry. 脆麵分量都幾多，因為較熱氣，都無食哂。三文魚壽司 $18/2件三文魚肥美，長長拖尾，厚度適中，食落有口感。浦燒鰻魚芝士蛋包鐵板飯 $78鰻魚軟腍，芝士已跟蛋漿溶在一起，金黃色賣相搶鏡，蛋漿仲係流心未完全熟，食時將蛋包住飯一起吃，飯浸透芝蛋香，又滑又香。不足之處就係個賣點，鐵板係唔夠熱不似某間鐵板飯個鐵板會gi gi 聲仲滾緊果隻。呢方面的確失色，因為我們心想食鐵板緊係熱辣辣架啦⋯⋯點知••••••帆立貝三文魚鐵板飯 $68呢個比想像中差，原因都係個鐵板一d鍋氣都無，材料三文魚未熟，唔知係咪唔太新鮮，有少少腥。但因為鐵板唔熱，撈完個飯都只係暖暖地。希望餐廳會作出改善，始終個鐵板唔係只係裝飾，食鐵板都係想食到上菜果下都會熱辣辣好新鮮咁飲品又幾有特色創意，不過我地未試。

友人説這家是排隊店，正好今日有空，六點到，晚市剛開，不用排隊。餐牌內有魚生、壽司、串燒⋯據說燒豬肶仔也十分推薦，不過，今日被鐵板芝士蛋鰻魚吸引往了。一上桌，好香，也漂亮。鰻魚不算肥，用了黒椒去腥。但芝士蛋實在好吸引，一匙蛋、芝士、鰻魚及飯，混在一起吃，更是美味。份量頗多，把鰻魚及碟邊的芝士蛋都吃光，飯就吃不了多少。女士的話，還是跟朋友分享較適合呢。離開時，果然客滿，有客在門外等呢。

放幾日假，係郊遊覓食好時機！入大埔揾個大埔地頭蟲朋友帶路，順便去埋大尾篤踏下單車！大埔人話最近開左間新既日本菜，我就當然話好！因為每一間對我黎講都好新一睇Lunch Menu 先知道價錢比其他區合理好多，叫左兩個set 鐵板芝士漢堡飯($58)同三文魚刺身丼($42)！三文魚丼，三文魚好新鮮，份量我都覺得非常合理！唔係因為價錢平就偷工減料！不過，驚喜不大！鐵板芝士漢堡，塊漢堡好足料，係芝士味唔夠，但已經好好食！最緊要係上菜時仲熱辣辣，即叫即整，所以個面仲係帶住焦脆感！特別推薦呢到既飲品，本應lunch set 已經包飲品。朋友叫左杯逆插水蜜桃，要另加$18 ! 平時茶記，檸蜜，紅豆冰都加10幾蚊！諗住佢都係 gimmick 下，點知杯野超抵飲，杯已經大，仲逆插住一整枝，等於2杯咁既size ! 入面既水蜜桃粒都好多！後悔地我只係叫左汽水，見到其他枱叫其實飲品都好靚！呢到既吧枱應該好俾心機諗過！如果大家入開去，真係要去試試！唔會失望！

2016-03-15今日寫番我星期二去食秋月居既食評夜晚收工同男朋友去左試食，門口都有人等位因為吧台有位，所以好快可以入座咁我地就叫左野飲先,諗住想識下飲佢地既酒因為見到啲名好特別，點知原來間鋪仲未有酒牌咁只好等下次再嚟先試喇，咁我就叫左杯「逆插蜜桃水果冰」 我男朋友就叫左杯「藍色生死戀」飲落好飲雜果賓治 之後我地叫左三款野食「 三文魚壽司飯」喱個個人覺得唔錯，三文魚食落都新鮮「什錦刺身 」2款 「炸軟殼蟹野菜沙律」 宜喱沙律唔值喱個價，雖然佢都好大碗！但啲軟殼蟹就好少，都係兩隻切開分開，如果就係想食軟殼蟹都要$59(2隻)如果佢咁既價錢比隻咁細既size真係覺得搶錢但都好食既個沙律總結：叫左兩杯飲品，三野餸再打埋服務費$24，今餐食左$270.6

大埔近日開咗好多新店！每星期一日假，我可能要食一個月先至可以食晒大埔嘅新店！今日午市就揀秋月試試！店裝修幾靚、環境也不錯！食物方面叫左兩個鉄板！分別係豚肉鉄板及帶子三文魚鉄板！豚肉炸得太過火！焦了！所以一般！另一個帶子三文🐟就不錯的！飯也好可吃的！飲品叫了個䄂子梳打！一般般！總結整體也不差！不是好吃也不難吃！

開業不夠一個月午市同晩市已經要等位，午餐包一杯飲品，有巨峰提子梳打、柚子梳打、薑味汽水等，價位都只是五十幾到六十幾。掛著食野唔記得同食物影相，之前食過他們的鰻魚飯外賣超大碗，午餐時只要＄65勁扺食。今天想再叫但已無貨，認真搶手。之前試過他們的辣炒海鮮烏冬，夠辣但分量偏少，只有四隻帶子。所以今天試新野。火灼三文魚飯，雖然火灼三文魚得4塊，但味道不錯，可惜分量偏少，成個portion比鰻魚飯少很多。滑蛋吉列豬扒飯，洋蔥香，但吉列豬扒唔juicy，肉質鞋囗。跟餐可追加炸蝦、雞蛋、玉米、牛肉等。