Video
3-min walk from Exit B, University MTR Station
continue reading
Telephone
37237932
Introduction
Sha Tin 18 is a new concept for Hong Kong, serving authentic Cantonese and Northern Chinese cuisine in a lively show kitchen environment.Guests can choose to appreciate a front row view of the chefs in action in the show kitchens.
continue reading
Additional Information
週末、公眾假期及特別節日（包括中秋節、冬至及農曆年三十）的晚餐座位安排： 首輪： 下午5時30分至晚上7時30分 次輪： 晚上8时00分至晚上10時30分
Opening Hours
Today
10:30 - 15:00
17:30 - 19:30
20:00 - 22:30
Mon - Fri
11:30 - 15:00
17:30 - 22:30
Sat - Sun
10:30 - 15:00
17:30 - 19:30
20:00 - 22:30
*Dinner seating arrangement on weekends, public holidays and special festivals (including Mid-Autumn Festival, Winter Solstice and Chinese New Year's Eve):
First round seating: 5:30 PM - 7:30 PM
Second round seating: 8:00 PM - 10:30 PM
Above information is for reference only. Please check details with the restaurant.
About Reward Scheme
Review (454)
終於同一班朋友夾到時間食飯，大家都好想再試吓火焰叉燒、豬油撈飯、北京填鴨等，所以選了這家人氣出名餐廳先來一客堂弄玫瑰露叉燒豬油撈飯！要有足夠人數才可預訂的招牌菜式，終於有機會試到😋 廚師即席點燃火焰，頓時整個房間充滿叉燒及酒香😌 特別選用本地永利威玫瑰露，叉燒柔軟多汁，散發陣陣酒香，配上豬油，及秘製醬油，拌飯一流，真係會不知不覺食哂一碗！ 傳統北京烤填鴨是另一款招牌菜，師傅即席將鴨去皮，技巧純熟，有淨皮，皮帶肉，及淨肉三種。 鴨皮烤得酥脆，香而不膩，用餅皮包住，加入京蔥、醬汁等，更有風味！另外我哋都點了幾款新菜式，都是師傅自家研發，當中的黃酒薑汁雞子煮桶蠔，桶蠔飽滿鮮味，雞子比一般的細小較易入口，加上令人驚艷的黃酒薑汁，香濃暖胃；黑胡椒煎焗老虎蝦，巨型虎蝦非常爽彈，醬汁豐富惹味；還有花螺紅芽芋仔燜鵝掌翼、杞子鮮腐竹瑤柱魚湯浸皇帝苗等，都必定要試！最後還有多款極具特色，加入中式元素的西式甜品，如腐乳芝士泡芙、焗黑芝麻湯圓酥皮批、合桃腐皮薏米糕 、芒果布甸、烏龍茶自製雪糕、芒果乳酪自製雪葩等
continue reading
沙田十八可以話係今年其中一間my favourite餐廳，搞完局之後好多朋友都話要encore，如果真搞多次，就要食餐飯睇下今季何師傳有乜嘢新野帶俾我哋先。今日食嘅已經係全新未見過的，先吃點心就香辣蟹肉餃蟹肉勁多，那股辣好香好惹味，方魚芥蘭肉碎餃又係肥美飽滿，焗孜然羊肉酥風味十足都深得我心。甜品部分有懷舊沙翁同芝麻卷，懷舊沙翁熱辣辣即炸，係好似百利冰室嘅個種舊沙翁味。新點心只係前菜，主菜才是大癲，呢個黃酒薑汁雞子煮桶蠔足夠叫我帶班佬食下進補。黃酒又熱又香，桶蠔大隻肥美到一個極點，而雞子又新鮮又小巧，那種感覺不是你見到的一般雞子，細細粒鮮甜好味，加埋呢幾日天氣咁凍飲口黃酒，真係不能停下來。黑胡椒煎焗老虎蝦就大份加新鮮取勝，用刀叉吃的虎蝦加上勁香的黑胡椒汁，又點會唔好食。花螺紅芽芋仔燜鵝掌翼，個醬汁好好味，燜鵝掌翼好淋好吸味，加上鮮甜的花螺，仲有平時唔食芋仔的我都覺好食嘅芋仔，你知道會值得一點。籠仔糯米蒸腩排不是新菜式，但第一次吃嘅我就勁驚喜，糯米同腩排渾然天成，怪不得係長期受歡迎菜式。陳年醬柚皮帶子炒飯係個種令你不能想像嘅感覺，陳年醬柚皮的酸令你越吃越開胃，而一路沙田18這類炒飯當然不會令你失望，每粒都咁靚。甜品又有新野，紅棗貝殼蛋糕配橙酒吉士醬唔算好新，但加了點味道上的新元素，都好令人欣喜。餐廳的雪糕永遠都咁好食，酸車厘子相思梅雪葩同椰子芋頭雪糕都好新鮮，酸車厘子相思梅酸度就好像剛剛的食物也消化了。既然消化完畢，不如再食隻填鴨同整個叉燒飯啦？定係下次搞一局就食哂今日講嘅所有野，如果係咁，你又會唔會有興趣？
continue reading
2872 views
獲獎無數的「沙田18」我自然不會陌生，多年前初遇為品嚐盛名的片皮鴨及首創中國白酒入饌的雪糕，回味無窮，印象深刻，只因平日少在沙田活動，久未重訪。碰上朋友邀約來嚐新菜，正好閒來無事，卻之不恭；現在乘東鐵線，香港島人去新界只需半個鐘！酒店內的中菜廳，門面寬敞堂皇，用餐區設計高雅，倚窗而坐，陽光透進充滿溫馨感！菜式果然配搭新鮮，創意來自廚藝心得，並非只求新奇；最欣賞主廚自調醬汁，資深歷練的成果，我樂意坐享其成！面前附上的辣椒醬，各有特色，味香不霸氣，輕輕為我的肉餃及炒飯提升層次。香辣蟹肉餃 $73別於一般餃子皮，以疑似潮州粉果的粉皮包裏，通透見橙橙綠綠的餡料，色澤漂亮。入口軟軟熟熟，蟹肉鮮甜美味，辣度只是BB辣，似有似無，我覺得唔錯啊！方魚芥蘭肉碎餃 $68這一道是四方形的餃子，方魚肉碎不煮粥，原來做餃子很好吃！懷舊莎翁 $68外脆內鬆軟，沾滿砂糖，食落有蛋香。焗孜然羊肉酥 $68 孜然味道非常輕，也許只為除羶味，太濃恐怕大部份人不接受。外酥脆鬆軟，滋味肉香在中央，我喜歡！黑胡椒煎焗老虎蝦 $438見到烏黑黑的濃郁胡椒醬汁及色澤亮麗的老虎蝦，並嗅到胡椒香，我已經垂涎！原來是以新鮮黑白胡椒與香茅自煮調味醬汁，味道帶一點甜，惹味非常，正合我意，虎蝦新鮮，肉質細緻彈牙，有水準！黃酒薑汁雞子煮桶 $448這道菜真滋補！黃酒薑汁不止，更有並非常吃到新鮮雞子。雞子口感特別，一咬爆漿；再加上桶蠔，肥美鮮嫩，細意品嚐。花螺紅芽芋仔燜鵝掌翼 $458首次品嚐這樣的組合，湯汁有鮮味有肉香，芋頭吸盡精華是亮點，鵝掌翼炆得軟腍入味。籠仔糯米蒸腩排 $308腩排軟熟，糯米吸盡肉香，愈食愈滋味，我喜歡吃這一道，添完再添！陳皮醬柚皮帶子炒飯 $308特色在啡色的粒粒陳皮醬柚皮，據說師傅自家醃製柚皮有兩年，陳年味香。炒飯夠乾身，粒粒分明，帶子新鮮份量足。酸車厘子相思梅雪葩 $55椰子芋頭雪糕 $55五糧液朱古力雪糕 $60終於等到我期望的項目，再嚐五糧液朱古力雪糕，酒香獨特，朱古力味道濃郁，依然精彩！另外亦愛上酸車厘子相思梅雪葩，酸甜味非常討好醒神；椰子芋頭雪糕也不錯，很有芋頭香，雪糕萬歲！芝麻卷 $68順滑富芝麻香，但相比雪糕自然失色了。
continue reading
每年都會同屋企人去呢間係大學站附近嘅沙田18飲茶。 因為喺酒店裏邊，飲茶價錢絕對係五星級嘅！雖然係咁食物嘅質素餐廳嘅氣氛服務全部都超過🎖️🎖️🎖️🎖️🎖️🎖️星級！入到餐廳你見到點心師傅樣樣都係現場親身整，你真係感受到食物嘅質素同埋用心處理！真係物超所值㗎！每次飲茶都會叫呢幾款點心：帶子腸粉、東莞炒米粉，上湯牛肉球、玫瑰露叉燒一邊近距離欣賞廚師精湛廚藝，一邊品嚐美味佳餚，每年獎勵自己同屋企人飲茶選擇之第一選擇！
continue reading
早排同朋友慶生, 所以一班朋友就揀左位於凱悅酒店嘅沙田18食飯, 一早聽聞E到嘅火焰叉 燒豬油撈飯同北京填鴨都非常出名, 所以今晚車車都特別期待! 餐廳空間感十足, 更設有獨立廂房, 私隱度十足, 適合一班朋友／親朋戚友一齊聚餐! ✨️傳統北京烤填鴨 傳統北京烤填鴨係E到嘅招牌菜式, 師傅即席將鴨皮一塊塊片出嚟, 除左有淨皮, 仲有皮帶肉,同淨肉三種口感, 任君選擇, 鴨皮酥脆可口, 入口即化, 香而不膩, 加入京蔥、青瓜、醬汁等, 用餅皮夾住食, 滿滿嘅幸福同滋味!✨️黃酒薑汁雞子煮桶蠔平時唔食雞子嘅車車都幾推介嘅菜式之一, 黃酒薑汁清香暖胃, 桶蠔飽滿鮮甜, 雞子用上新鮮嘅, 所以食落唔會有奇怪嘅味道, 而且size比起一般見到嘅細, 食落幾爽口!✨️黑胡椒煎焗老虎蝦一上枱已經聞到胡椒香氣, 食落好惹味, 蝦肉爽口彈牙!✨️花螺紅芽芋仔燜鵝掌翼花螺口感爽彈, 吸收左鍋內精華後更顯鮮味, 紅芽芋仔本身澱粉較多, 入口鮮美細膩, 粉而不粘, 鵝掌翼燜到好腍好入味✨️杞子鮮腐竹瑤柱魚湯浸皇帝苗點左咁多肉類, 所以都點左一個菜食, 湯汁清清地, 味道剛剛好, 皇帝苗清脆爽口, 鮮腐竹豆香濃郁, 沾上湯汁後更美味!✨️堂弄玫瑰露叉燒豬油撈飯E款火焰叉燒需要有足夠人數先可以預訂, 廚師會先係叉燒加上永利威玫瑰露, 再即席點火, 成間房即時充滿住叉燒同玫瑰露酒嘅香氣, 叉燒可以揀‘’原舊‘’上或切件, 車車強烈建議‘’原舊‘’上, 因為會更滋味, 美食當前, 儀態都可以不顧🤣 口感軟嫩多汁, 每啖都散發住陣陣酒香,與砵仔蒸飯同食, 上面淋上邪惡十足嘅豬油同甜甜地嘅秘製醬油, 飯粒口感乾爽, 挺身而分明, 米香特濃, 每一啖都係滋味, 好想再添多碗呢!✨️沙田18特色甜品拼盤沙田18仲有一個好出名嘅原因就係佢地多款加入左中式元素嘅西式甜品, 好似有腐乳芝士泡芙、焗黑芝麻湯圓酥皮批、合桃腐皮薏米糕 、芒果布甸、烏龍茶自製雪糕、芒果乳酪自製雪葩, 每款都各有特色, 估唔到可以中西融合, 最令車車難忘嘅當然係腐乳芝士泡芙, 入口好creamy, 帶淡淡嘅腐乳香, 好有層次感, 腐乳味道唔會搶過左芝士, 兩者平衡得十分好!
continue reading