Video
3-min walk from Exit E1, Mong Kok MTR Station
continue reading
Telephone
25916669
Introduction
With a traditional Japanese décor, this robatayaki restaurant resembles a local izakaya in Japan. It provides chicken skewers, roast seafood and vegetables in robatayaki section. Also a variety of sushi, sashimi and seafood don for selection.
continue reading
Opening Hours
Today
12:00 - 15:00
17:45 - 23:00
Mon - Sun
12:00 - 15:00
17:45 - 23:00
Public Holiday
12:00 - 15:00
17:45 - 23:00
Public Holiday Eve
12:00 - 15:00
17:45 - 23:00
*Last order start from April 21: Lunch 14:45; Dinner 21:45
Above information is for reference only. Please check details with the restaurant.
About Reward Scheme
3月12日係男友生日，因為佢鍾意食日本嘢，我search openrice見到呢間風評唔錯，就bk左枱同佢慶祝生日🎂呢度裝潢好有日本風情，侍應嘅服務都好好，有禮貌、收碟快、隨時加茶，照顧周到！拖羅根沙律 $78火炙燒吞拿魚尾，入口即融，油香滿溢，又加左爽彈八爪魚，係唔錯嘅開胃小菜鮮磨山葵牛肉串 $68牛肉入味軟嫩，山葵好溫和，唔會太嗆鼻虎蝦天婦羅 $98天婦羅衣好薄身，又唔油膩，最重要係虎蝦好肥美，入口啖啖肉，仲好新鮮彈牙！好出色的天婦羅🍤廚房發辦Omakase $298生日梗要嚟啲驚喜，幸運有男友鍾意食嘅帆立貝，又有好creamy鮮甜嘅海膽壽司！最正係壽司飯用日本靚米，加左醋，夠正宗！日式蜂巢手羽先 $28呢款好似係新嘢，所以我地都嗌左～雞翼甜甜地，燒得岩岩好活饅小串 $38男友鍾意呢道，外面香脆，內裏魚肉爽彈，而且仲唔腥豚肉蒜心卷 $28呢個配搭幾有口感，豬肉香脆乾身，蒜心軟嫩濕潤，入口有反差，但幾正；加上燒烤粉，香辣惹味燒粟米 $28粟米塗上牛油，燒得金黃微焦，更加香甜燒菠蘿 $58食左咁多野，梗要加碟菠蘿幫助消化！擺盤整到條魚咁，幾盞鬼！菠蘿好甜好多汁，係健康嘅飯後甜品！好彩男友都滿意呢餐生日飯，祝佢永遠18歲！😝
continue reading
呢間餐廳最近推出廚師發辦套餐，以最優惠價錢食盡刺身、壽司、串燒、天婦羅、燒烤、釜飯等日式料理🏮🥢長阪12旬彩席間料理($480/位)💗前菜梅水晶以鯊魚軟骨同梅子蓉製成，酸酸地好開胃；磯煮鮑魚彈牙入味；瑩光魷魚飽滿多膏，鮮味十足🍱💗刺身拖羅肥美柔嫩，帶豐潤魚油香；伊佐木雪白彈牙，佐以玉味噌🐠💗卷物以熟成6日嘅赤身捲入鮮甜嘅海膽，再加上長芋蓉，口感豐富🐟💗玉子燒玉子燒口感似蛋糕咁鬆軟，配搭火炙青森鯖魚箱押壽司🍣💗蒸物雞蛋蒸滑捊捊，放咗矜貴嘅鵝肝粒同魚子醬🥚💗味自慢燒物分別有三款串燒，有五花黑豚、汁燒雞肉大蔥、鹽燒薄切牛舌，每串都燒得啱啱好，超有肉汁🍢💗時令燒魚燒藍鰭吞拿魚鮫極之肥美嫩滑，魚油脂豐富🐟💗天婦羅天婦羅炸得金黃酥脆，而且粉漿夠薄，有星鰻同日本蕃薯兩款天婦羅，配上天婦羅汁或綠茶鹽🍤💗燒時令貝鮮嫩嘅北寄貝加入袐製湯汁同牛油燒成，非常鮮甜🐚💗漬物、釜飯釜飯選用山形縣女王米加上昆布汁煮成，飯粒飽滿而且較濕潤有粘性，配上魚乾同牛蒡漬🍚💗湯品鯛魚湯熬煮8個鐘，魚味濃郁，再加入蜆肉增加鮮味🍲💗甜品總共有四款甜品，分別係西瓜🍉、巨峰提子卷蛋🧁、忌廉十勝紅豆綠茶蕨餅🫘同熱帶果特飲🍹
continue reading
原本對呢間餐廳冇特別期望，估唔到無論服務質素定係食物質素都極之推薦👍🏽呢個價錢可以坐3.5小時，仲要全程啲職員有禮貌，有傾有講，不斷斟茶遞水，每一個道菜都詳細解釋而且菜式好精緻，目不暇給嘅感覺！熟食Omakase 啱晒唔食生野嘅朋友又滿足到我想食日本嘢嘅願望😍
continue reading
蟹子沙律：切得好幼既青瓜絲配上蛋黃醬，去除左青瓜既草青味，只剩低清新既感覺，加上粒粒蟹子令口感更豐富，出奇地好味😋沙追魚天婦羅：呢個價錢有3舊魚加片紫蘇葉幾抵食喎，魚肉幾滑，不過個天婦羅汁就有啲唔夠咸。火炙三點刺身：有炙燒帶子、拖羅同左口魚邊配上海膽同三文魚子，左口魚邊啲油份燒出黎好香，帶子冇咁多油但鮮味同面頭既焦香融合埋一齊好好味，美中不足既係拖羅有啲過熟既感覺，不過有燒過既油香搭救，海膽同三文魚都幾鮮甜，中和番炙燒刺身油膩感。芥末青瓜：估唔到芥末同青瓜係咁夾既！佢地將青瓜個芯批左出黎果舊特別好味，可能因為相對有皮既入味啲，吸左啲柚子醋同芥末，都係令到個青瓜完全冇草青味又開胃。串燒：最中意係燒年糕，本身以為佢係入面有芝士果隻原來冇，但冇芝士冇咁膩更加好味；免治雞肉串點蛋黃醬油唔會錯啦；青椒蝦滑就偏辣唔食得辣既要小心；雞皮同菇本身冇咩調味，我地唯有點番蛋黃醬油😂呢到仲有啲特別啲既串燒例如係提燈同埋鵝肝大黑菇，可以一試👏🏻環境方面非常唔錯，坐吧枱可以幫住師傅整野食，吧枱凳高侍應仲會好貼心幫我地推凳，廁所都乾淨企理。餐廳仲有生蠔供應，價錢都好親民，大家中意蠔既話都可以黎試下！
continue reading
一位深綠色衫女店員，應該係經理，態度十分極之差。 真係難怪而家越嚟越多港人北上消費。 餐牌上寫住生蠔四隻配一杯白酒，送上嚟嘅時候變咗rose，問呢位女店員，佢就話係㗎啦得呢款， 基本上係送嘅咁你要唔要？ 我哋心諗咩叫送呢！？你喺餐牌寫出嚟，其實價錢已計在內！白酒配生蠔應該係夾嘅，你而家整杯rose？ 跟住我哋話我哋唔要喇，然後佢就好黑面，大大聲聲向廚房講，掉咗啲生蠔佢！ 大佬呀，而家係你違反咗商品說明條例在先，態度仲可以咁差？ 呢位綠色衫店員落單其實已經好hea，我哋叫一個 松葉蟹蓋燒， 我仲有指住本menu話畀佢聽喺邊款。。 埋單發現佢落單嗰款都係蟹蓋不過多咗幾件多士，然後由原本嘅好似68變成128。 既然都食咗，我哋都冇問返佢了。唉～ 廚師發板壽司質素亦超級麻麻， 啲飯應該煮過了太久時間或者加咗太多水，然後用力手握完之後個口感好差，連wasabi 都無加入，睇相都見到軍艦嗰兩件嘅紫菜完全淋曬 ！！咁嘅質素絕對唔值呢個價 (HK$388 未加一)。 連平價連鎖餐廳 元x 都好食過佢好多。 彈還彈，讚還讚，呢度有位黑色衫短頭髮嘅女店員禮貌非常好，可惜好人通常都畀人蝦，朋友聽到佢同綠色衫女店員講自己剛剛淥親隻手，眼見隻手真係紅咗脹咗，但係綠色衫裏店員都無動於衷。反而黑色衫女店員仲繼續做嘢。 工傷喎，真係完全唔理會㗎喎？！當時好想即刻同高級經理反映呢件事，但係見到在場得綠色衫女士係著綠色衫，其他全部人著黑色衫，咁我同朋友估計綠色衫嘅店員已經係可能最高級嗰位，真係投訴無門！
continue reading
You may be interested in