粗菜館

Open Now

Now Closed

今晚來到九龍城覓食，決定試試名食評家蔡瀾先生推介的粗菜館。食店歷史悠久，店如其名，以粗茶淡飯作招徠，主打傳統廣式小炒。可能服務員對店舖有歸屬感，他們對食客都很有禮貌，更會不時為客人添水。🐷招牌炒豬雜～這款小菜是蔡瀾先生的重點推介，店內更有他親自題字的「炒朱什」牌匾。豬肝、豬腸，豬腰及豬肚等配上薑葱爆炒，鑊氣十足。難得是豬雜完全沒有豬臊味。聽老闆講，這道炒豬雜特別之處，是用上不同size豬隻的內臟：豬肚來自大豬，豬肝來自中豬，豬腸則來自細豬。難怪吃出來的口感較坊間選用同一豬隻內臟去炒的更突出，更入味。🐟招牌炒魚腩～魚腩只有一條大骨，啖啖肉，外脆內嫰，十分香口惹味。🐦秘製煀乳鴿～乳鴿用上以多種材料淆成的高湯及滷水去煀，非常入味，肉嫰骨香，真正做到令人齒頰留香😋😋。🥣老火例湯(細)～蓮藕豬骨湯用料豐富，每日限量二十煲，難怪味道鮮甜，火侯十足。🐷🍚豬油撈飯(細桶)～白飯以木桶盛載，上枱時連豉油及豬油各一樽，食客可按個人喜好隨意決定豉油及豬油的份量。拌上豬油及豉油的白飯油脂濃郁，色澤吸引，每啖飯都充滿油香。平日無飯癮的我也吃了兩大碗呢！粗菜館見證了“食材不需名貴，烹調用心才是皇道”！

喺九龍城嘅熱鬧街頭，有間叫做粗菜館嘅地方，呢度嘅傳統粵菜真係出名。今次嚟到呢度食飯，真係一場味蕾嘅盛宴。翠鯇魚：呢道菜嘅鯇魚肉質鮮美，牙菜同爽口魚片完美結合，食落好爽口。招牌薑蔥炒魚腩：魚腩外層煎到金黃酥脆，入口即化，薑蔥香氣提升咗整體風味，係間餐廳嘅招牌菜之一，唔試真係可惜。招牌炒豬雜：豬雜每一啖都咁有嚼勁，聽老闆講呢碟菜用上三種不同既豬來整，食落去好有層次感香芹同蔥花嘅加入令味道更加豐富，食落去真係停唔到口。生炒骨：排骨炒得外酥內嫩，醬汁嘅甜酸味道令人一筷子接一筷子。豬油炒飯：呢碗飯嘅每粒米都包裹喺香濃嘅豬油之中，帶有豬油嘅獨特風味，食落去真係好懷念。家鄉豬油渣炒飯：豬油渣嘅香脆同炒飯嘅軟糯形成對比，呢道家鄉風味嘅炒飯喚起咗好多美好嘅記憶。總括嚟講，粗菜館嘅每一道菜都係對食材嘅尊重同對味道嘅堅持嘅展現。呢度唔單止係味蕾嘅享受，更係一次文化嘅體驗。無論係同屋企人朋友一齊，定係自己一個，粗菜館都係品嚐粵菜嘅好地方。

今日心思思嚟到九龍城嗰間有名嘅食堂，預咗係一個人情味濃嘅晚上😋。第一撃就是山楂醬排骨，個排骨外層炸到啱啱好，金黃香脆，入口即溶，山楂醬酸酸甜甜，夠哂開胃。至於微辣秘汁炒蟶子，嗚，簡直勁爆味蕾💥！新鮮蟶子吸滿咗秘制微辣醬汁，真係麻辣鮮香，又唔會辣到飲晒啲茶。講起清炒蓮藕片，嗰清爽口感，完美平衡咗口腔嘅油脂，好食得滑口！最後，講下白粥嘅嘢，簡單嘅一碗粥，但綿滑嘅口感實在係話唔出嘅舒服，純淨嘅味道令人憶起屋企嘅味。今次食餐除咗飽，仲喺呢啲地道風味中，搵到一啲味道上嘅安慰。食到尾，真係食指大動，心情都大好！🍲👍🥢

今日去九龍城食飯揀咗粗菜館食之前知道係明星飯店，但係都冇太大期望畢竟都隔咗咁多年 都知呢啲「明星飯店」其實無咩特喇5個人 叫咗蓮藕餅 油麥菜，豬油炒飯，家鄉炒米粉 山渣骨 漁香茄子蓮藕餅，同埋豆豉鯪魚油麥菜係幾好👍🏻蓮藕餅都幾香口山渣骨就係酸小小嘅咕嚕肉 偏細碟炒飯 炒米飯都麻麻地😫😫😫尤其個米粉好重色 但食落淡口 好似屋企炒出嚟咁職員態度好好，價錢又唔算貴嘅環境可接受唔抱期望去食都還可以 🤓當係普通街坊飯堂

之前試過外賣不錯，今次就約左共8人一齊食。晚餐時段有訂台所以不用等，工作人員簡單介紹了新菜式便靜候我地叫菜。服務態度可圈可點，可能太忙，叫左幾次斟茶先有人理。始終都係九龍地明星食俯，雖然今餐味道絕對唔合格，但仍會見到有藝人幫襯。仲有一個豬油炒飯忘記影相，但呢個炒飯卻是全晚最出色的，秒清

講到九龍城 好多人諗到泰國菜 同 打邊爐，但係依間粗菜館絕對無Number one ! 佢有30年歷史，能夠穩守香港30年嘅絕非易事，實力不容忽視！招牌薑蔥炒豬雜$95如果100分滿分，我會比120分🥹🫶🏽 真係好香好惹味～ 最值得欣賞嘅係啲豬雜洗得好乾淨，冇異味，而且每件都切到細細件咁，一啖豬雜一啖蔥，真心正😋真係心機之作惠州梅菜扣肉 $90-餸飯食一流嘅菜式，老土啲都要講：肥而不膩，入口即溶。腍得黎又保留到嚼勁，梅菜好香，味道岩岩好。一個咁考功夫，咁需要時間去制作嘅菜式，只售$90真心覺得好平。蔡瀾鹹魚醬炒時菜（油麥菜） $85-油麥菜要大鑊炒先好味，家用電磁爐真係煮唔好食。我都係第一次試佢個鹹魚醬炒，本身怕好咸，但咸魚味香得黎小小咸咁好惹味，保留到青菜應有嘅清爽。豬油撈飯（細筒）$60-聽到豬油我諗好多人都怕，但係又唔係日日食，人一世物一世點都要試下，有啲野試左返唔到轉頭架！粗菜館嘅豬油好新鮮乾淨，無雜質，無油膱味，香口惹味，建議大家第一啖唔好落豉油住，細心感嚐豬油撈飯嘅香味，真係會令人沒齒難忘。平時食1碗飯嘅我可以食到2碗🤭皮蛋酸薑 $38- 每次幫襯必定會叫，我係酸薑皮蛋嘅死

我的中學老師曾經教過我書本其實唔需要由頭睇到尾，只睇精華的部份就夠，如果唔係你只係浪費人生。頭一次聽到簡直係當頭棒喝，所以有時搵好西食的時候都係一樣，人的胃口有限，黎到一間餐廳，只需要享用最好食的菜式就夠，而唔需要浪費自己食野的Quota。呢個系列就係介紹一些奇貌不揚的餐廳，當中亦搵到滄海遺珠美食推介。第一間介紹就係粗菜館。粗菜館係舊時都有少少名氣，主因係得到蔡瀾先生推介，不過隨時蔡生推介唔同的餐廳後，自然好快將粗菜館消失係大家腦海。當中有一道菜係黎到必叫就係秘製沙薑雞，佢同其他食店的沙薑雞唔同，外面佢會係白切雞或鹽焗雞，之後配上沙薑醬俾你點就係叫沙薑雞。但粗菜館係做得好細緻，首先會將雞煮熟，之後用秘製沙薑汁去炆，雞肉入晒味之餘又唔會過鹹，而雞肉肉質仲可以保持嫩滑，最後將沙薑汁打芡淋上雞肉上枱，可以話睇得又食得，只係呢道菜已經可以送幾碗飯。

呢間喺九龍城開咗好多年都冇試過，今日終於叫左外賣番歸試吓。雖然餐牌都係茶餐廳菜式，但味道確係高質，絕對有下次。炭燒豬頸肉 - 比附近某一啲泰菜更高質，估佢唔到茄子煲 - 超好送飯，最快清嘅一碟豉椒炒鮮牛肉 - 鑊氣十足，推瑤柱蛋白炒飯 - 好食！小朋友都要添食

去九龍城都是吃泰國菜, 今次轉下口味, 看到有名人加持既粗菜館, 入去試下個午市套餐. 店舖不大, 內部裝修普通, 食客貌似街坊, 有跟侍應傾計, 估計都是熟客. 看到有名人黎過, 簽名留念, 應該都可以一試. 研究咗牆上菜單推介後, 叫咗姜蒽魚腩, 跟飯, 仲有個湯送, 都OK喎！ 首先個湯先來， 雖然冇話什麼老火湯， 但幾好飲喎， 讚！！！ 飲完個湯都等咗一陣， 個魚腩終於來了。 唔， 個魚腩有炸過， 所以十分香口， 最後連蒽都吃咗， 而且個飯都食哂。 其實看見這間啲負評時都有點心驚, 但午餐所費無幾, 費事走來走去， 一試無妨。 試過又覺得可以喎!

今日約了妹妹及妹夫晚飯,到達時人不多,兩、三枱客,樓面姐姐不單只冇笑容,直頭好似欠她錢的悔悔氣氣,到落單時更是站在距離我們十多呎外的櫃面的電腦前叫我們說給她聽叫什麼菜,大排檔、茶餐廳啲伙計都會行埋你身邊take order啦,駛唔駛幫你入埋單呀！離晒譜！叫了四個餸,只是蜆介牛肉多幾粒粒其中蜆介牛肉及炒豬什味道及配料一模一樣大量羌片及青葱,只是蜆介牛肉多幾粒1非常細小的蜆肉,牛肉落得勁多鬆肉粉,一入口已經食到鬆肉粉的味道勁濃,跟住就係苦澀味,其他幾個餸普普通通冇乜特別,叫加茶要叫幾次先加還索性取一壺茶放枱上,費事你再叫她加茶,我心稔咁即係我地入嚟坐底嘅時候你又偷懶冇開壺茶比我哋啦,到埋單嘅時候又重施故技企係櫃面叫我哋出去埋,但我見佢哋幾部機(八達通機、支付寶機、信用卡機)都係無綫嘅,今時今日咁樣嘅服務態度想人返轉頭幫襯都幾難喇,點知最後出門口嘅時候仲比我見到一隻成人手指公咁長咁大嘅曱甴,嘩我即刻叫咗出嚟,搞到坐我哋側邊嘅女食客即時彈起身跟埋我哋出門口(當時同佢一齊嘅男人埋緊單),呢啲咁嘅餐館等摺喇。想比零分,原來open rice set咗最各項少要比一粒星先可以發表,無奈

搵到參加左Seafood Loves Sake既其中一間餐廳位於九龍城，宋皇臺站行幾分鐘就到，個名好特別叫粗菜館，不過我相信唔係粗菜黎。話明係海鮮愛清酒，主角當然需要新鮮既海鮮食材再加上特別配搭既清酒，餐廳推介香脆辣魚腩，相信係佢地招牌菜，配埋鯉川 別嬪 つや姫 純米吟醸うすにごり，配酒屬輕濁酒，清爽酸度高，配搭香辣食物特別出眾。入口甘甜，回韻辛爽，可以洗走油膩感。呢次味覺配搭令人印象非常深刻，好值得推薦朋友一試。

粗菜館最有印象就係當年睇有線蘇絲黃介紹佢個豬油撈飯， 眨下眼都十年前仲可以屹立不倒，respect。估唔到仲可以咁新穎有個「SEAFOOD LOVES SAKE」。海鮮愛sake個活動都黎到第4年，主旨係日本清酒配廣東海鮮菜式。粵菜以外都有另外10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，帶來耳目一新的清酒體驗。香脆辣魚腩 x 鯉川 別嬪 つや姫 純米吟醸うすにごり 魚腩以薄粉包裹，炸得香脆可口，一上菜已經香味撲鼻，仲配有香辣汁 。配上嘅清酒係鯉川 別嬪 つや姫 純米吟醸うすにごり，呢隻sake屬輕濁酒，清爽酸度高，配搭香脆辣魚腩特別出眾。入口甘甜，回韻辛爽，可洗走炸既油膩感。估唔到喺粗菜館除食豬油撈飯，都可以品嚐高級嘅清酒同美食，讚！

豬油撈飯：豬油係涼既，半碗飯落兩匙豬油，食落有少少香口，唔係好感覺到豬油存在，無試過其他舖頭既豬油撈飯，可能本身就係咁掛豬油渣炒菜心：正常炒菜味道，豬油渣可能擺太耐，軟晒，仲以為係魚腐炒豬雜：醬汁幾好所以豬潤唔錯，蔥都有味，頭兩啖豬腸真係覺得好好食，油脂十足，直到第三啖豬腸食到有臭味，不停說服自己係醬汁味，但真係點試都好似行豬欄嗰陣會聞到既味。結果係十舊豬腸六舊臭既，真係抽獎式豬腸皮蛋酸薑：屋企人話皮蛋無異味，唔錯魚皮：唔爽口小白菜豬肺湯：湯係半透明既，偏淡，自己落左豉油山楂醬排骨：一口咬落去可以食到明顯既山楂果香，比咕嚕肉好食，層皮都夠脆，唔錯XO醬韭菜花炒蜆肉：可以話係將當晚心情拉到谷底既菜式。韭菜花，一d菜味都無，只有非常純粹既辣味，可以唔誇張咁講，就算喺張A4紙上面搽XO醬，個味道都會一樣。蜆肉，霖晒，無彈性，當然亦無蜆肉味，只有咬爛嗰陣有少少蜆內臟既味，但好快又比單純既辣味遮蓋住。咁無味既炒菜都係第一次食到，真心懷疑唔係師傅手勢有問題而係唔記得落鹽。因為用左哩味菜收尾，依家個嘴非常空虛。

九龍城除咗泰國菜都有好多其他選擇，當日係9月其中一個星期日，三人叫咗5餸同一個豬油撈飯。叫咗薑䓤炒魚腩，山楂醬排骨，北菇扒時菜，鮮魚湯浸時菜和蜆蚧炒雞肉。每個餸平均都係80幾蚊，都算平，不過份量真係細咗啲。個北菇扒時菜啲汁太傑，普通。返而個湯浸時菜雖然望落好清，其實係好夠味，健康之選。山楂醬排骨有好多舊，好食，酸醋甜甜，呢個推介。至於薑蔥炒魚腩正常出準啦，蜆蚧雞肉就伏伏地，味道過鹹同雞件冇肉嘅。呢間餐廳都開咗好多年，記得當年係以蔡潤推介吸引食客，尤其係豬油撈飯，令人懷念小時候⋯⋯下次會再去食其他餸，希望發掘更美味的菜式。

自從炮台山的分店結業, 再加上佐敦的分店轉手之後, 九龍城的那家就成了碩果僅存的粗菜館. 吃過轉手後的佐敦店, 菜式選擇和原本的差不多, 但味道和火候比之前的差太遠, 始終最原始的風味, 才是最對味. 買了幾道小菜外賣回家, 除了省卻在家煮飯的功夫和時間外, 這些經典小菜我和女友也處理不了, 還是讓專業的來! (笑)點了水煮牛肉, 煎鯪魚餅, 沙薑雞以及豬油撈飯. 水煮牛肉的醬汁送飯一流, 麻辛香味濃郁, 沒有吃起來一口油, 極之油膩的感覺, 麻辛香而沒有過辣, 也沒有蓋過牛肉的肉香, 牛肉份量充足, 而且每件師傅也切得相當平均, 口感實而不韌, 被不少川菜菜館煮得更好.煎鯪魚餅件數多, 不如傳統的大塊, 魚香混合了陳皮香, 溫柔但層次豐富的味道, 是經典的做法, 口水感弾牙中帶軟熟, 並非如添加了很多合成物的彈牙魚蛋, 附上的蜆芥醬不如羅富記般”鹹鹹濕濕”, 味道就不如魚肉本身般吸引. 沙薑雞和豬油撈飯表現正常, 味道不如前兩道菜般深刻, 但作為住家菜已經足夠.