一粥麵 (Closed)

和友人來了一粥麵，原來這裏不只有粥麵，還有飯！由於早前沒有活豬供應，所以一直吃不到我最試的豬潤粥，這晚終於有機會了！但原來味道很一般！油炸鬼普普通通，不過不失吧！反而上海排骨菜飯有驚喜，排骨啖肉又惹味，菜飯夠香，肉醬四季豆也很送飯。

今日放假，去完游水就同媽媽食午餐。之後就去咗行街街，晚上約了男朋友去食飯，但中間又怕肚餓，見到有一粥麵就一於黎食個下午茶。宜家多咗好多選擇，有夾包、湯粉麵、糯米雞等，選擇都多又抵食，我想食粥，所以點了一個粥的套餐。選了香茜魚粒粥，加配選擇可選蘿蔔糕、腸粉、炒麵加叉燒包、糯米雞等，我就選了炒麵加叉燒包。有個紅色牌，餐會有服務人員送到面前。這個價錢有這甚多野食，真的抵喔！（香茜魚蓉粥）喜歡熱騰騰，魚粒有咬口，粥都綿，可惜食完有點口渴。（叉燒包加炒麵）份量都幾多炒麵都幾好食，有芝麻更香口，有少少紅蘿蔔絲及蔥，但油了點！（叉燒包）餡料都香、叉燒包唔錯，多汁唔會太甜！

今日想吃粥，就黎左買魚腩粥、齋腸粉、加凍檸茶，外賣自取，點知拎到返去變左成粟米瘦肉粥、豬扒包，熱檸茶，呢個都算啦！最容忍唔到嘅係點瘦肉有點異味，當堂無哂胃口吃，我諗以後我都唔黎買啦！失望！！最衰唔記得留低收據🤦🏻‍♀️🤦🏻‍♀️🤦🏻‍♀️敗之無咁敗！！！！！！！！唉..............................

係附近諗唔到食乜喎，剛巧一粥面麵有人派傳單，咁就上去食野啦～上到去唔算係好多人冇位坐，叫左個粥未多金額用Coupon, 叫多個菜就多啦～變相半價叫個菜。個粥都好大碗呀～個菜就等得耐左小小黎到。。。不過不失，唔係好大期待入去，都唔會失望既

不知何時開始有捧餐服務，對於食客真的方便不少，但人手不足，想服務好也難。紫菜三寶麵以快餐連鎖店來說三十七元比較貴。賣相ok嘅！一塊乾紫菜半浸半浮，要自己將它放入湯內，最慘的是湯少又不夠熱。三寶是墨魚丸，魚餃和雲吞各兩粒。墨魚丸不錯，起碼食到粒粒墨魚。魚餃中規中矩。雲吞就麻麻了，雲吞皮黏著一大舊，好難食。整碗麺好鹹，未到一半己放棄了...😭

昨日去一粥麵食早餐，食燒豬扒抄麵加一雞蛋，燒豬都沒有肥肉跟家人分來食，炒麵夠醬油味又不乾身，雞蛋要開殻食幾特別。到11時多加8元食紅豆沙糖水，有少少陳皮香，甜味十足。

中午有$37面餐，多數都係雙拼面黎試左個牛肚併雲吞面🤡+$8可以食腐乳通菜..我緊係加啦一黎到..好多餸呀估唔例有埋香羅白..算甜冇渣牛肚夠林同入味雲吞正常..面有小小林左估計係送餐問題但最有驚喜既係碟腐乳通菜

今日同阿爸一齊去佐敦睇醫生，經過見到一粥麵，下午茶時間唔太多人，所以就決定去呢度食飯。我哋兩人各自有一個背包，因為環境比較迫，窄，兩人座位，只好把背包掛在椅嘅背後。一睇下午茶餐，其實唔係好底，一個麵包一杯熱飲。所以朋友點咗個雲吞麵加山菜。而我就選擇下午茶餐，雲吞麵加熱奶茶。等咗五分鐘到，兩個餐已經整好，都好快，不過啲雲吞有啲少，得幾隻，個麵同湯底普通，幾好味。可惜個量编少，好快就食完，但係都唔飽，所以可能一陣要去其他地方揾小食店，再食過

屬大家樂集團的一粥麵素來以大眾價錢取勝，也就是三數十元的價位，在街坊心目中的標準食堂。近年集團業績下滑，口啤較同級對手大快活及美心MX要遜色，為了挽救業績，推出了深宵食堂及枝竹羊腩煲等系列。三十元左右的早餐，也就方便了上班一族。一貫港式粥店的招牌-豉油皇炒麵。牛肉米粉，沒有驚喜，沒有太差，正常味道。

話說今日朝早陪屋企人去佐敦睇醫生 ,睇完醫生後,正直係中午時間,於是就喺附近搵嘢食。行行下見到間一粥麵,於是就打算去睇下有咩食,,呢間一粥麵唔同平時的一粥麵,當你入到去店內的時候,你只係需要搵位坐低 ,然之後有侍應會行去你身邊落單,落完單等一陣就會有侍應將你點嘅嘢送畀你枱面,但係佢餐牌上面嘅價錢同其他分店係一樣嘅。好啦入正題啦,由於我同屋企人都未食早餐,於是就打算早餐同午餐一齊食,咁我哋就點咗個 排骨鳳爪煲仔飯,同埋牛坑腩雲吞麵。 鳳爪排骨煲仔飯呢個煲仔飯係用瓦煲原煲上,即叫即做,上枱嘅時候仲熱辣辣,然後加啲豉油落去再撈勻啲飯,香噴噴冇得頂,冬天食就一流,套餐仲送一杯熱飲價錢都$47蚊,大家話係唔係好抵呢 (只限午市)。牛坑腩雲吞麵牛坑腩,應該係用柱侯醬去整,嘅非常之入味 ,而且佢雲吞都係保持一貫水準。

產檢完選擇左位於佐敦嘅一粥麵簡單食個早餐，早餐選擇唔少，有粥粉麵同點心，而且價錢相宜，味道尚算可以，顧客唔多，適合趕時間又想食得平嘅朋友，而且服務態度都算ok~

之前在調景嶺分店食過，對一粥麵印象麻麻。但佐敦這家分店卻令我完全改變看法。呢間同其他分店唔同，有人送餐去你張枱，食完才俾錢的。我晚上八時多去，落單時我叫雲吞麵，有位女待應竟然主動提醒我有宵夜餐。之後，八點半，佢仲主動過嚟幫我落單。我叫了雲吞麵+生菜（$34）、咋咋（$7）。食物唔錯，生菜很嫩。其間，有男待應主動送上熱水一杯。而埋單時職員亦好有禮貎講多謝之類。令人覺得有賓至如歸嘅感覺。值得再去。

今日同屋企人去佐敦使做野，做完嘢之後就去搵嘢食，大家都諗唔到食乜，於是平平地行去一粥麵睇下有咩好食，喺門口已經見到有啲食物嘅餐牌，見到有一個好抵嘅砂鍋雲吞雞套餐，又見到有煲仔飯食，呢排天氣又凍所以決定入去呢間度試下，呢間一粥麵同普通一粥麵堂有d唔同，呢度係有人負責幫你落單，同埋將你點嘅食物拎畀你，非常方便。好入正題講呀我哋食咗啲乜， 本身想食煲仔飯點知太好賣一早冇曬，於是就要食其他，於是叫砂鍋雲吞雞及粥底蒸鮮鍋。砂鍋雲吞雞呢個砂鍋雲吞雞，係原隻雞上的，咁當然啦隻雞當然係會細咗，係小雞喇啦。（ 雖然隻雞細咗細隻但係勝在肉嫩，同埋易入味，都好好食㗎）咁除咗雞之外呢佢就配一個福建炒飯或者咕嚕肉， 咁我哋呢次就揀咗福建炒飯，個炒飯就一般般啦， 炒飯鑊氣唔係好夠，同埋個面個芡汁都一般。雖然隻雞係好細隻但係勝在肉嫩，個湯雞味好濃，雲吞雖然細咗啲但味道都唔錯。 隻雞應該是全隻的，但之前忘記影相。粥底海鮮鍋 呢個粥底海鮮鍋配料都比較多，佢有一盒肥牛肉，又兩個小烏冬，青菜， 豬潤，龍躉肉兩舊同埋一1隻蝦。如果兩個人食飯，點呢兩個餸都好足夠啦。

附件無咩平既素食餐廳，行行下就入左一粥麵睇左成個餐牌就得兩、三款先係素素地既食物咁就隨便叫左個「薑蔥時菜撈粗麵」成個餐都只係36蚊，唔係太貴，食完雖然唔係太飽，但係都叫醫到肚蠔油唔叫少，不過就可以再多Ｄ～整體都叫做不過不失，食又得唔食又得，而且個地方都唔太乾淨，不過勝在佢又平又快，趕時間就可以黎呢度食

約左兄弟姐妹食晚飯, 點知好多間酒樓都冇位, 求其搵間就腳同冇乜人嘅地方, 行經佐敦見到呢間大家樂集團嘅一粥麵, 見冇乜人就入去試吓, 食完出面巳有人排隊, 入面裝修似快餐店, 有侍應問幾位, 睇個餐俾價錢唔算貴, 仲有侍應幫客人落單, 比大家樂好, 埋單就要去櫃枱俾錢, 仲可以用八達通添花膠雲吞雞煲套餐 $72有幾粒細花膠, 成隻雞, 3粒好大粒嘅雲吞超正福建炒飯只係將芡汁淋上面, 味道不過不失茄子豬扒煲 $68豬扒煲味道略咸同多油, 猴頭菇湯好鮮甜豬軟骨菜飯 $42 豬軟骨比較咸同太肥, 食到一口油 , 不過咁嘅價錢都唔可以要求太多