Video
4-min walk from Exit E1, Sheung Wan MTR Station
continue reading
Telephone
28809828
98858057
Additional Information
Set lunch 供應時間為：星期一至五 1130-1500
Set lunch 截單時間為 : 星期一至五 14:30
Opening Hours
Today
11:30 - 23:30
Mon - Sun
11:30 - 23:30
Above information is for reference only. Please check details with the restaurant.
About Reward Scheme
Weekend放假🏖️梗係訓到自然醒，約埋三五知已，一齊去嘆返個Brunch Buffet🥰好友們揀咗木子園✨週末限定嘅2小時任食半自助餐🍴可以任食傳統北京烤鴨🦆16款點心、冷盤、甜品、湯再加一款主食，選擇甚多，真係超豐富💗💗位於中環The L.Place嘅木子園，環境優雅帶點典雅風，中央位置設櫻花樹🌸門口更有吊椅可以比大家影相打卡📸Brunch Buffet設自取區💁🏻♀️🔹冷盤：紹興酒糟醉雞、四喜烤麩、鴨胸沙律、青瓜雲耳。推介紹興酒糟醉雞，酒香四溢、濃而不烈，雞件肥嫩唔嚡口～🔹小食：蒜香蝦春卷、叉燒焗餐包、炸小饅頭。推介叉燒焗餐包，麵包超鬆軟，咬落內涵豐富，叉燒多汁夠Juicy！🔹點心：豉味鳳爪、馬拉糕、紫薯包、流沙奶皇包、珍珠雞等。推介流沙奶皇包，一咬開就流出細膩綿滑奶黃餡，散發著香濃奶香，味道甜中帶鹹，爆漿有驚喜！🔹另設任點點心，包括蟹籽燒賣、灌湯小籠包、魚肚四寶雞扎、紅油抄手、珍寶蝦餃皇、豉味鳳爪、陳皮牛肉球、蘿蔔糕等，點心即叫即蒸熱辣辣上枱特別吸引🤩款款都好有水準，特別推介蟹籽燒賣，爽口蟹籽配飽滿多汁豬肉餡，大大粒夠晒足料！🔹湯羹啱晒鍾意飲湯嘅我❤️蟹肉粟米羹，濃烈鮮蟹味配香甜粟米🌽素食酸辣湯，口感穠稠滑順，味道酸酸辣辣十分開胃😜🔹主角之一嘅北京烤鴨色澤紅潤油亮，肉質柔軟多汁，配以京蔥、青瓜絲及秘製醬汁，再用嬤嬤皮包裹，口感豐腴，層次感十足！🔹主食有15款供選擇，我哋揀咗霸王辣子雞、孜然羊肋排、、蔥爆牛肉、櫻花蝦海鮮炒飯、鹹蛋蝦球。眾人都大推酸菜魚片，一大盤份量十足，加入酸菜、辣椒、花椒等配料，熬製出金黃色酸香湯頭，微辣而不膩，酸度同鹹味都恰到好處，配以爽滑魚片，無骨啖啖肉！🔹甜品有生磨蛋白杏仁茶及楊枝甘露，推介生磨蛋白杏仁茶杏仁味香噴噴，入口香濃幼滑，潤肺又養顏，忍唔住食咗兩碗！🍹愛酒人士可升級$188/位兩小時任飲🍻包括汽水、果汁、支裝啤酒、意大利氣泡酒、紅白餐酒及烈酒🥃Weekend Brunch Semi Buffet 逢星期六、日以及公眾假期11:30 - 15:30供應，成人收費$348、小童$198 (11歲或以下) 、100cm以下免費，以上費用已包茶芥加一，價錢真係超抵食🥳🥳木子園✨📍中環皇后大道中139號The L Place地下高層🔗https://the-muzi.com #hongkongfood #chinesefood #barhongkong #themuzi #barandrestaurant #cocktails #foodiehongkong #木子園 #京川菜 #京川滬菜 #京川菜館 #fushionfood #hongkonger #中環美食 #中環好去處 #中環餐廳 #上環美食 #調酒師 #hongkongtravel #香港探店 #片皮鴨 #semibuffet #semibuffethk #半自助餐 #自助餐 #中環自助餐
continue reading
放假間唔中都會去食返一盅兩件嘅點心，慢慢嘆番個lunch～想坐得舒服，食物又有質素，好友就介紹咗呢一間位於中環嘅木子園🌟最近推出週末限定 • 2小時任食半自助餐 ，有齊多款冷盤、點心、湯、甜品等，另加一款主食～最吸引一定係任食傳統北京烤鴨 😍😍一到門口就見到好精美嘅吊椅，大家一齊影相打卡好開心🤟🏻店內裝潢滿佈心思，優雅之餘中央位置仲有一棵好靚嘅櫻花樹，梳化座位又坐得舒適，成個用餐體驗都好唔錯🥳先為大家介紹自取區🍴有齊冷盤、精選點心、炸物等，款式多之餘refill速度快，店員都好勤力快手呢😀冷盤有四款👉🏻紹興酒糟醉雞、四喜烤麩、鴨胸沙律及陳醋青瓜伴雲耳。最愛四喜烤麩，麵筋索滿醬汁，味道鹹中帶點微甜，特別開胃🤤精選點心/炸物👉🏻叉燒焗餐包、炸小饅頭、蒜香蝦春卷，三款都係平時去飲茶必叫🤣最出色係叉燒焗餐包，入口甜中帶鹹、酥中夾香，半肥瘦叉燒口感佳又惹味🌟湯品👉🏻蟹肉粟米羹及素酸辣湯，兩款都係熱辣辣呈上～蟹肉粟米羹金黃香甜，除咗有粒粒粟米仲有彈牙蟹肉，口感好豐富！酸辣湯嘅素食版真係第一次試，酸甜香辣唔會過膩，穠稠得黎又滑順～飲緊湯嘅時候，任點點心都到咗～嗌咗唔同款式可以大家開心share👉🏻 珍寶蝦餃皇、蟹籽燒賣、紅油抄手、陳皮牛肉球、灌湯小籠包、豉味鳳爪、蘿蔔糕、珍珠雞、魚肚四寶雞扎。咁多款最出色係我最愛嘅珍珠雞，荷葉香滲入糯米，內餡包著臘腸、蝦米、冬菇、雞肉等，每一啖都爆餡超豐富🥳食到咁上下，係時候要嘆主角👉🏻北京烤鴨🪿外皮油亮香脆、鴨肉細嫩，以厚薄適中嘅荷葉餅皮包裹，加以青瓜條、甜麵醬等同食，鴨片咬落極之香酥鬆化、鴨肉肥而不膩，滋味滿分💯主食方面，我哋每人揀幾款，可以一齊試多幾樣💗包括鹹蛋蝦球、蔥爆牛肉、霸王辣子雞、孜然羊肋排、櫻花蝦海鮮炒飯，每款賣相都好吸引！我就比較推薦霸王辣子雞比無辣不歡嘅朋友～辣勁非凡同時又無嗆鼻辣味，辣子雞外酥內嫩，愈食愈香，愈食愈令人停唔到口🔥最後仲有任食甜品🍮包括生磨蛋白杏仁茶及楊枝甘露，兩者我都好鍾意！推介有芒果雪糕嘅楊枝甘露，配搭香甜芒果果肉、酸酸甜甜葡萄柚肉，清爽透心涼，夏日食用特別消暑🥳想飲返兩杯嘅記得升級埋$188/位兩小時任飲，除咗汽水、果汁、支裝啤酒等，仲有意大利氣泡酒、紅白餐酒及烈酒，飲飽食醉好好relax一番🤟🏻Weekend Brunch Semi Buffet 逢星期六、日以及公眾假期供應，時間為11:30 - 15:30，有興趣嘅快啲訂座啦！☎️28809828/WhatsApp：98858057 木子園🌟地址：中環皇后大道中139號The L Place地下高層
continue reading
門面已經有一個打卡位 🌸🌼入到去餐廳都好闊落，主要都係有啲花草做為主題～尤其係呢棵櫻花樹特別吸引到女仔既目光🤩魚子醬流心蛋$78 🐣流心蛋本身好滑，仲要加上鹹鹹地嘅魚子醬有雙重嘅口感！紹興酒糟醉雞$88清香嘅酒香，配上滑嫩嘅雞肉，啖啖肉得來但係有啲甘香，好開胃😋火腿津白 $148火腿津白唔係第一次食，不過佢呢個火腿做法零舍特別，係要夾埋娃娃菜一齊食，甜甜厚厚感覺有啲似唔乾身既肉塊🤣新式嘅京川菜，當然都要試吓啲辣嘢！宮爆雞丁$138 🔥 朋友冇咁食得辣，叫咗小辣，但係都食得出好惹味炒得好有鑊氣！覺得都係必試嘅一碟菜！小籠包$98其實都多上海菜式，小籠包比想像中出色！😳畢竟本身唔係專食上海菜～鮮嫩多汁！記得要趁熱食🙈炸雪糕$98雪糕好大塊，有三個味可以揀就揀咗朱古力味，多重口感，又脆又凍，幾得2😝另外都想讚吓呢度嘅Service ，侍應有一路留意我哋飲完啲茶會主動過嚟幫我哋加👍🏻下次同多啲朋友嚟會再試吓佢招牌北京填鴨！坐得舒服得來味道中上服務又好🤭嘅京川菜
continue reading
呢個禮拜日雖然要返工但係老婆大人就我約咗朋友喺中環一齊食晏，仲要食半自助餐啱晒我呢個過氣黑洞。我哋就係去呢間木子園早兩日食過晚飯見呢度三百幾蚊就食到個半自助早午餐，有點心有片皮鴨有上海嘢仲有川菜，我哋三個人嚟食各自都有鍾意嘅嘢食到啱晒合尺。去到大門口見到呢兩張吊椅啱晒啲靚女喺度打卡，餐廳仲有好正嘅裝飾櫻花樹成個世外桃源咁款靚到唔似食中菜嘅餐廳。不過我覺得最正嘅係呢間餐廳有一個標準嘅酒吧，有好正嘅雞尾酒仲有好多其他靚酒飲。我哋今日食呢個半自助餐就可以加$188 喺兩個鐘頭入面任飲紅白酒、意大利氣泡酒、支裝啤酒、汽水同埋果汁，對於我呢啲酒鬼回本容乜易吖。老婆大人唔鍾意甜所以佢就揀咗飲呢個青檸梳打，我偷飲咗一啖真係好香青檸味最緊要夠氣呢杯合格呀。講明半自助餐梗係會有一啲嘢食係自助任攞嘅！呢度擺咗啲冷盤同埋炸點心，全程係不停添加唔使驚想食嘅時候要等。細心嘅老婆大人每樣攞咗啲返嚟同我哋一齊食，香口點心有我鍾意嘅叉燒焗餐包，跟住仲有蒜香蝦春卷同埋炸小饅頭，擺喺道都保持到幾熱同埋香脆口感算唔錯。湯就有兩款可以揀辣我梗係鍾意唔辣嘅蟹肉粟米羹多啲啦！不過嗰個素嘅酸辣湯味道都幾唔錯，不過對我嚟講真係辣咗少少囉。呢碟冷盤嘅醉雞夠嫩滑同埋整得好入味，青瓜木耳酸酸地幾開胃，四喜烤麩都整得好夠味唔會太甜太鹹，如果鍾意清新嘅呢個鴨胸沙律有味得來又爽口，頭盤開咗個好靚嘅序幕希望嚟緊嘅點心、北京填鴨同埋主菜都咁正啦。呢個半自助餐相信最吸引肯定係任食嘅北京填鴨，新鮮熱辣出爐嗰浸香氣真係好令人流口水。師傅一刀一刀將鴨皮片出嚟呢下係聽到個皮嘅脆聲！跟手夾啲青瓜同埋京蔥攞埋個嬤嬤皮拎返入去一齊食。個片皮鴨好香鴨油嘅味道仲要一啲都唔臊勁好食，我哋足捫拎咗咁嘅份量三碟嚟食哈哈。呢道嘅點心有10幾款每次嗌就兩件起跳我哋都差唔多叫晒嚟試！點心嘅質素都幾平均吓算係食得過，咁多款入面我就最鍾意陳皮牛肉球、魚肚四寶雞扎同埋馬拉糕。食咗頭盤、北京填鴨同埋點心都已經飽咗九成，但呢個話明係半自助餐即係有主菜啦！我哋每人可以揀一款主菜估唔到個份量大得咁誇張，我就醒呀食到咁飽梗係嗌個菜啦，呢個係茶樹菇上湯小豆苗清甜爽口用嚟解滯啱晒。鹹蛋蝦球爽口彈牙加埋甘香嘅鹹蛋黃好邪惡，不過又真係好好味呢個真係要嗌嚟試吓。點都要嗌返個辣菜俾我老婆大人食嘅！呢個公爆雞丁原來都幾鬼辣嗰喎！不過辣得嚟又好香口仲有啲雞粒好滑唔會鞋口唔錯唔錯。甜品有生磨蛋白杏仁茶同埋楊枝甘露可以揀，兩個之間如果要我揀我就會鍾意楊枝甘露多啲，因為食到咁飽酸酸甜甜嘅味道易入口得多。
continue reading
中環木子園新派京川菜充滿驚喜輕盈藝術品櫻桃鵝肝具仙氣之作🌟 如果中菜一直給你一種老成的感覺，今天要打破這種思維了。位於中環的「木子園」糅合傳統味道以及創意手法，帶來全新京川菜式體驗。傳統中菜加上嶄新演繹方式， 配合特色風格裝潢，讓人充滿驚喜。🍒櫻桃鵝肝 $168櫻花樹下仙氣飄飄的竟是一道輕盈藝術品。精緻的櫻桃鵝肝，外層特製櫻桃醬，包著法國天然養殖鵝肝，加上手作龍鬚糖同吃，平衡酸甜味道，口感細緻軟滑。🦐 花雕蛋白蒸蝦球 $78/位花雕蛋白蒸蝦球，滑嫩蛋白散發陣陣香氣，蝦球爽口，蛋白入口散發陣陣花花雕甘香餘韻，令人一試難忘。🐷 菠蘿咕嚕肉 $148咕嚕肉香脆外皮掛滿酸甜醬汁，外脆內軟，有酸甜香脆雙重滋味。鮮甜多汁的新鮮菠蘿經微烤處理，搭配酥脆香口的咕嚕肉，配搭更清新。🥟 濃湯小籠包 $98每一顆都小籠包灌以濃湯，肉餡新鮮、口感緊緻、湯汁濃香而不膩。🤍 生磨蛋白杏仁茶 $38/位溫熱的杏仁茶 杏仁香濃郁撲鼻，口感順滑 味道香甜，非常適合小仙女們品嚐。🫖 人蔘烏龍 $28/位🫖 粉紅玫瑰 $28/位餐廳會提供小火爐給每位茗茶的客人，保證客人無時無刻都喝到一口溫熱的茶。🍽 店舖：木子園 🌐地址: 中環皇后大道中139號 The L Place 地下
continue reading