Video
5-min walk from Exit D4, Causeway Bay MTR Station
continue reading
Telephone
28016330
Opening Hours
Today
12:00 - 22:00
Mon - Sun
12:00 - 22:00
*Last order: 21:00
Above information is for reference only. Please check details with the restaurant.
好耐冇食台式蛋餅、鹽酥雞嗰啲嘢，好掛住台灣嘅味道！今晚就嚟咗銅鑼灣呢間Check-in Taipei，裝修好靚，非常適合打卡📸 仲有窗口位望住靚靚海景👍食物選擇唔算太多，我哋點咗鹽酥雞、蛋餅、牛肉麵同埋麻糬，食吓食吓都幾飽。我哋飲咗杯紅豆牛乳，勁好味呀，紅豆味香濃，配牛奶真係冇得頂！如果多少少紅豆粒粒，口感再豐富啲仲正😋鹽酥雞好大件，配三款唔同醬汁，辣辣哋嘅水牛城雞翼味道幾惹味；我自己就鍾意松露醬多啲；柚子醬最清新，減低肥膩感😂蛋餅有好幾款選擇，我揀咗最Classic嘅味道： 皮蛋配肉鬆！一盒份量都好多，配埋醬汁都唔錯。牛肉麵最特別嘅地方係會有啲油脂，侍應話即刻喺湯度溶咗舊油脂，湯底會更加香更加好味。確實係咁樣！牛肉麵嘅湯底好正，我哋冇揀面底，揀咗台式粗粉絲，口感煙靭幾好味👍最後出場嘅甜品真係必食推介！！！麻糬香甜軟腍，配上海量嘅花生碎碎真係好正，而且花生碎碎唔會太甜，食吓食吓真係會清晒😂呢度環境真係好適合打卡同埋約閨蜜食飯，下次再嚟！
continue reading
CHECK IN TAIPEI三間分店均有各自特色，而且更有不同限定菜式供應，這次正是衝著數款銅鑼灣分店限定的甜品而來。店內裝潢以台灣鐵路作為藍本，座位以華麗皇族花車設計，牆上以千片手工木拼成漸變日落的阿里山景觀，加上天花上的手繪梅花及藍鵲油畫，充滿台灣原住民色彩。三色鹽酥雞 ($128)鹽酥雞炸得乾爽鬆脆且保持肉嫩多汁，碟上伴有柚子、松露及水牛城三款醬料，其中又以柚子最得我心，並非以現成韓式柚子蜜濫竽充數，反而近似檸檬酪（lemon curd）一樣，酸甜有致更加清新。明太子甜不辣 ($78) 甜不辣一如既往炸至外脆內軟，口感煙靭彈牙，淋上明太子沙律醬鹹香突出。松露玉米起司蛋餅 ($98)蛋餅餅皮質感煙韌略帶彈性，選用鴨蛋所以蛋香的確更加突出，黑松露沙律醬加上粟米及芝士的組合固然難有差錯，水牛芝士味道較溫和所以整體亦不會過於濃膩，但緊記趁熱享用否則芝士冷卻凝固後口感會稍遜一籌。明太子麻糬蛋餅 ($98)蛋餅內藏明太子及整整一條麻糬，表面更舖滿櫻花蝦及明太子沙律醬，麻糬口感軟糯煙韌，本身只帶淡淡米香，配以明太子的濃郁鹹鮮正正相輔相成恰到好處。酸菜魚湯牛肉麵 ($148)四件厚切牛腱一如既往鬆化軟腍，麵條分別有手工刀削麵或台灣寬粉絲選擇，手工刀削麵質感厚實煙韌，酸菜魚湯比本來的牛骨湯多一分微酸，配上以本地六十年老字號「兆記肥牛」牛脂肪製成的自家製牛脂油，融入湯中微辣豐腴更添層次。花菇雜菌魯肉飯 ($98)魯肉七分肥三分瘦，尤其是肥肉部分近乎入口即化，油香豐腴但肥而不膩，醬汁濃稠但份量可更慷慨，加入花菇口感彈牙且更添一份菌香，而白飯則選用台稉九號米粒粒飽滿分明。萌萌傻鴨 ($108)傻鴨椰子奶凍由於需要保持造型，防止因搖晃而破爛，質感比較堅挺亦無可厚非，不如一般奶凍般綿密柔滑，底層舖上班蘭金寶及竹炭海綿蛋糕，仿造出青青草原之外令整體口感更加豐富。芋泥三Q拿破崙 ($108)將台灣經典手信「三Q餅」以拿破崙形式呈現別出新意，酥皮與鹹蛋黃、肉鬆、芋泥及麻糬梅花間竹，鬆脆、綿滑、煙韌、鹹甜交織，不論口感或味道都同樣豐富，另外紫米芋泥麻糬卷同是銅鑼灣店限定，可惜當日已經售罄，緣慳一面。OREO奶奶麻糬 ($98)對上一次品嘗奶奶麻糬已是在中環店，一如既往選用日本鮮牛乳，故個人認為比起淡水元祖店的奶香更為醇厚，有別於一般麻糬或糯米糍般煙韌，而是軟嫩柔滑得入口即化，配上OREO碎。粒粒花生奶奶麻糬 ($88)淡水元祖店的花生鮮奶麻糬只用上花生粉，這裡除了花生粉外更加入粒粒花生碎，口感更加豐富。芋泥牛乳 ($55)芋泥牛乳一如既往香醇，甜芋泥與鮮奶平衡得宜，當中更帶粒粒芋頭真材實料。芭樂牛乳 ($52)番石榴與牛奶的配搭相對少見，淡淡番石榴味微甜清爽。
continue reading
Check in Taipei之前起中環的時候，都去過好幾次。最近發現搬了去銅鑼灣世貿中心。今日去試下，一入去覺得同以前中環的店感覺好不同，裝修感覺豪華，空間闊落，餐廳盡頭的座位可以看到維港！雖然裝修較之前的店豪華，但是食物價錢也是差不多。蒜香三色台腸前菜叫了這個蒜香三色台腸，台腸彈牙，三款味道各有不同，份量十分多，一邊傾偈一邊食住等下一道菜！海鮮炒王子麵蛋餅呢個海鮮炒王子麵蛋餅結合了我喜歡的材料。麵炒得香口，蛋餅夠薄夠軟綿，入面仲有不少海鮮，再配上滋味的醬料，每一口都好滿足。蒜泥台灣水蓮我第一次食過台灣水蓮後就念念不忘，香港很少買到，只有某些台灣餐廳才有。它的口感是十分獨特，這個前菜非常開胃，口感爽脆，味道清新，配上蒜泥醬，令人食到停唔到！黑蒜牛肉麵主食叫了黑蒜牛肉麵，這裏的牛肉麵選擇幾多，有不同的口味。牛肉煮得好軟好入味，而且牛肉份量幾多，湯底蒜味濃郁，帶出有別一般牛肉麵的獨特風味。芋泥3Q拿破崙把拿破崙、芋泥、肉鬆和麻糬放在一起，真是很新穎的甜品。拿破崙鬆脆，芋泥滑溜香甜，還有芋泥蓉的質感，3Q口感源於不同口感的食材，有芋泥的香綿，有麻糬的煙靭軟熟，肉鬆的鹹香和鬆脆的拿破崙，每個食材各有其特點，但是食落覺得十分匹配，互相輝映。因為是即場製作，所以上菜需時，但是只是大概10分鐘， 絕對值得等待。銅鑼灣嘅 Check in Taipei 相比之前的中環店更有水準，不論是環境、菜式和服務都十分好。十分適合相約朋友、家人食飯傾偈，甚至情侶撐枱腳也不錯。
continue reading
最近同朋友去咗銅鑼灣世貿中心嘅臺北棧 Check in Taipei 餐廳以淺粉紅色為主色 燈光柔和打卡好靚💕 而且環境好大坐得好舒服！有好多唔同嘅台式食物 仲有大量邪惡嘅麻糬/芋泥等等 好睇又好食😋 ♡ 芋泥3Q拿破崙 HKD$108由芋泥 鹹蛋黃 麻糬 肉鬆製成 超邪惡但又好好食～口感真係超級超級豐富！拿破崙口感一切開好好好酥脆👍 仲好香牛油味～～ 麻糬煙煙韌韌同肉鬆芋泥都超夾😛😛 佢有幾間分店 而呢個係銅鑼灣分店先有嘅甜品！♡ 明太子麻糬蛋餅 HKD$98佢有好多款蛋餅我都想試🤣 最後揀咗呢款！好好食！上枱熱辣辣～面頭仲有好多明太子醬同埋櫻花蝦 而且拉絲嘅效果勁吸引XD 唔係講笑真係超多明太子同埋麻糬😱 同蛋餅呢個配搭好match🧡💛 明太子/麻糬fans一定會鍾意～♡ 鹹蛋黃芋泥球 HKD$78同樣賣相好吸引嘅一款小食 一粒粒咁樣好可愛💜 外脆內軟～～ 好香芋頭味！鹹蛋黃同埋芋泥呢個配搭又係好邪惡😛 ♡ 招牌牛肉麵 HKD$116 加溏心蛋+HKD$8見係招牌所以叫嘅牛肉麵！湯底好正好濃郁牛肉份量仲好多～ 仲有特製嘅辣牛油 加埋落去一齊食好惹味❣️♡ 木瓜牛乳 HKD$52本來掙扎咗好耐要芋泥牛乳定係木瓜牛乳🤣 見其他嘢食都已經揀咗芋泥 所以今次就叫咗木瓜xdd 牛奶好香好滑 木瓜同牛奶呢個配搭冇得輸🧡🤍
continue reading
忽然台灣菜癮起，原來銅鑼灣都開了Check In Taipei，馬上去試試。店內裝修華麗別緻，非常適合打卡！髒髒鹹蛋黃芋泥蛋餅軟糯蛋餅內包滿綿密嘅芋泥，外層灑上芋頭粉及鹹蛋黃碎，顏色非常奪目！招牌滷肉飯 肥瘦各半的五花肉滷得香濃入味，醬汁鹹淡適中，與白飯拌勻，肥而不膩，再配上溏心蛋及醃蘿蔔，真是百吃不厭！明太子甜不辣 甜不辣口感Q彈扎實，不會黏牙，食落唔會覺得油膩，配上明太子醬滋味更有層次！黑芝麻奶奶麻糬必食的奶奶麻糬，麻糬口感非常軟綿柔順，帶點冰涼的感覺，甜度適中。黏滿脆口的芝麻粉吃，口感層次十足。觀音兵用上萬壽無疆杯盛載嘅Cocktail，真係別有一番風味！鐵觀音茶加入Vodka調製而成，易入口之餘，更能突顯茶味香而甘醇。芭樂苦瓜汁 結合了芭樂一和苦瓜的天然風味，帶來了一種清新的口感，更是一種健康和營養豐富的選擇！總括來說，這店用傳統的食材加上創新的烹調演繹，真是令人喜出望外！
continue reading