華記海鮮飯店

Open Now

Now Closed

入梅窩宅渡假，臨離開去熟食市場華記食午餐，叫咗炒粉麵飯正常普，跟住叫咗個豉油王蝦，咁就出事啦。味道屬於正常嘅，點知道埋單一睇，一斤豉油王蝦（大約十七隻，即係都唔大隻），埋單 $ 412元。嗌嘅時候我認我冇睇價錢，佢有個牌寫住26蚊一兩，所以我唔係喺度話佢呃人。而係佢嗰碟豉油王蝦412蚊實在係偏離咗正常收費水準，一個唔留神就中招。味道正常普通，蝦嘅肉質同大細亦都係一般198蚊嘅質素。所以呢間華記就真係真係絕對絕對唔好食海鮮，炒粉麵飯同小菜就正常。記得唔好幫襯佢食海鮮

我真係好多年冇入黎梅窩喇~一落船見到熟食市場既呢間 華記都幾熱鬧下，已經幾乎滿座！行到埋去，已經好好招呼叫我地坐介紹有咩海鮮食❤️真係估唔到咁有！水！準！離島海鮮都唔係第1次食但呢間食完係覺得好滿意😋全部啲汁同炸蒜都勁好送飯瀨尿蝦之前係第到食佐清蒸今次試下呢到既椒鹽先我啜晒啲殼同手指🤣沙薑雞真係整得好滑！仲有靚雞既啫喱🤪沙薑佢上之前已淋面，額外仲俾佐碗半隻雞份量黎講都算多呀！炒蜆個鼓椒汁值得一讚唔會好似第到咁一味得個濃呢到係岩岩好唔會蓋過蜆味清甜好多！仲要全部隻隻有肉冇甩到周圍係或者冇肉證明火候煮得岩岩好開晒蓋就上👍🏻5,6百蚊2個人好抵食，仲要好食又飽肚🤰🏻如果下次再有機會入梅窩一定再幫襯！☺️👍🏻👍🏻

梅窩必食！！！食物：質素高，海鮮款式多，白灼蝦鮮甜爽，椒鹽鮮魷九肚魚香脆可口（必食），其他菜式都好有鑊氣，不過有啲就偏重口味鹹咗啲，價錢就合理。服務：樓面足夠，上菜速度快，態度良好，值得推介。環境：坐係海邊食野好舒服，衛生情況正常，比一般大排檔好，唔會覺得唔衞生，食得舒服開心。

去咗梅窩玩，晚餐時間想搵檔海邊海鮮檔食下，見呢間有張邊邊檯，就坐低咗。本身諗住呢啲都係一般飯店，但竟然有驚喜。蠔餅- 蠔仔唔算好多，但都算份量適中，有鑊氣，一啲都唔咸，正炒硯- 好好味，足料，味道適中，熱辣辣，如果加啲配料，例如三色椒同洋蔥，應該會更好，不過可能老闆想比足啲硯既份量，所以先咁既安排。椒鹽鮮魷- 炸粉唔厚，魷魚好好肉，可惜略為咸咗啲。總括食物質素係好味既，服務質素都ok。唯一想提一下，當我哋食食吓既時候，都滿座了，有兩個客人到了，然後話訂咗檯，但店員話佢訂嗰張檯有人坐咗，個客話訂咗位架喎，店員就話”訂咗檯但有人坐低了都無辦法”，咁訂檯有咩用呢？！😂😂😂

登山后的海景大排档一餐，三位男士点了两瓶啤酒，人均200港币。点餐：1.椒盐九肚鱼 份量和味道都不错，焦黄酥嫩，刚刚炸出来还挺烫嘴，美中不足是要等一阵子，不建议吃到一半加单。2.椒盐濑尿虾 味道还行，份量的话200港币只给了4只不大的濑尿虾，觉得不太划算，但这个店的好处是点餐的时候可以让店员拿濑尿虾过来给你看看尺寸和份量，建议下单前看看，心里有个准备。3.椒盐大排 男士硬菜，味道和份量都不错，颜色偏酱油色而不是金黄色，比较下饭。4.蔬菜某蚬煲 全场黑点，将近100港币的价格，煲里只有上层一层薄薄的白色蚬汁，里面有那么一两只看起来像牡蛎肉的蚬，下面都是充数的蔬菜和粉丝。本来想拌匀了三个人分一分，没想到里面竟然有根头发。找店员反映，某店员态度蛮不耐烦，好在年长店员帮我们把这个菜退了，然后我们另点的椒盐九肚鱼。景色有幸坐在了临海的这排桌子，抬头就能看到对面银矿湾沙滩，夜幕下灯火连成一片，挺好。吃饭途中还看到了还有渔船开过来，也不知道是不是来给店家送刚捕的海鲜。综合海景不错的大排档，价位，口味，服务 以及卫生情况都没有惊喜，有个高个男店员普通话不错，也贴着标识支持支付宝付费。

在梅窩行完山, 慢步完沙灘後, 便想優閒地食中秋晚餐賞下月, 沿梅窩碼頭的熟食中心是很好的選擇, 首先近碼頭, 可check 好開船時間才放心吃晚餐, 而且有海景, 又可欣賞到銀礦灣酒店在沙灘中的夜色, 再者, 價錢豐儉由人,  想食貴海鮮又得, 小炒又得, 或者碟頭飯都得。由於入坐時只是5時許, 所以未太肚餓,  於是我們兩人 order 了 豉椒炒蜆, 非常有獲氣, 豉椒好香口, 帶出了蜆肉的鮮嫩味, 而且好大碟, 望落去已經好有滿足感, 另一碟羅漢豆腐, 份量爆碟, 大大片豆腐, 喜歡, 再加一碟菜心鮮魷飯, 菜心嫩, 鮮魷又很軟身,  飯的份量都很多, 真係正晒。這一餐食得很寫意, 吹著海風, 見到小魚 jump 出水面, 真有趣。我們入座時間早, 無咩人, 我們食完離開, 約 7 時左右便已經 full house 了。

自己最鍾意行山睇海食海鮮，嚟到梅窩好想推薦呢間華記，完全滿足哂我！食物雖然唔係最好味，但性價好高；午市薑蔥炒蟹，味道唔錯，但比較少肉；避風塘炒蜆好惹味！豉椒炒蟶子，味道都可以，不過比較細隻；蠔餅無咩特別；西蘭花鮮魷好新鮮，有蝦醬點；楊洲炒飯ok，有好多蝦仁；仲加埋兩支啤酒幾鑵汽水，賣單只係900另外個人最鍾意既就係d座位好接近海邊，可以一面吹海風聽浪聲一面用餐誠意推薦比追求價錢同鐘意海邊環境既各位！

今晚食左椒鹽瀨尿蝦，好好食好脆好惹味!跟住又點左雞絲炒飯好一般，冇咩咪係好足雞柳同生菜一起炒。。第三樣叫左辣味東風螺，本人覺得一般，可能佢落左好多黑椒既辣，而唔係辣椒果種😅

梅窩碼頭隔離的熟食市場要幾間食店，行入少少就可以見到呢間海邊雅座嘅小店，小炒海鮮樣樣有，最殺食嘅就係座位係正海邊，別具風味，絕對係打卡聖地。而且價錢非常公道，二人餐有三餸一湯，都係二百幾，非常抵食！

Squid was great, however we got full on scammed on fish price. Sold us a small pompano (goes for around 30 HKD in market) for 180 HKD, they charged us for the price of a grouper! When confronted they refused to switch and said that was price. I guess we didn't ask to see fish first, however the price of this at a nice restaurant is 90, many don't sell this fish as it is a cheap one. one expects decent business practice. Beer was reasonable priced however they had two additional add ons to the bi

行完山，終點站係梅窩。自己一條友又想食海鮮，又驚食唔晒所以叫咗一碟海鮮算....最後點左呢個椒鹽瀨尿蝦。雖然味道唔錯，但可惜成蝶有6成瀨尿蝦好唔生鮮好霉好臭....係就係幾隻幾大隻，但係大隻嗰幾隻全部都係好唔生鮮..不會再光顧

白灼虾很好吃炒蟹很好吃然而炒扇贝太咸，炒饭也太咸了。具体名字记不住不过太咸有些失望Shrimp is very goodCrab was goodShells were toooo saltyFried rice was too salty

剛巧端午節入梅窩，見到哩間多人讚就試下，入到去全部座滿，好彩提前訂位；叫咗豉椒炒蜆，薑蔥炒蟹，菠蘿拼大腸，腐乳椒絲通菜，古法鹽焗雞，椒鹽九肚魚，蠔餅，楊州炒飯。鹽焗雞係即整，要等半個鐘，但非常值得，因為好有雞味，一齊上嘅雞汁係精華所在，蠔餅啲蠔都幾大隻，有蛋味，無乜油，啲蜆似花甲咁大，炒飯有鍋氣，整體都好滿意，又抵食，我哋6個人只1100埋單。最初惗住遊客區都唔好期望咁高，但係結果真係好驚喜，讚！讚！讚！

每次去離島都覺得要食海鮮先岩feel，梅窩好既餐廳唔多，睇完一輪食評就揀左呢間。椒鹽九肚魚超級有驚喜，雖然去大排檔必叫，但講真唔係間間做得好食。 本來預期係大大條斬件個種，點知呢度係細細條既bb九肚魚，入口就覺得極度鮮甜，係我人生食過最好食既九肚魚，絕對會為左佢再黎梅窩。避風塘炒蜆好有獲氣，香口惹味，蜆唔算好大粒但都好新鮮，唔會全部得個殻。椒鹽鮮魷岩岩炸起，幾厚肉嫩滑，不過不失。白焯東風螺有少少失望，雖然好大粒又彈牙，不過唔算好鮮甜。

去到梅窩總係想搵一個海邊嘅餐店食一食晚餐。如果唔想咁貴但係又可以享受到地道風味嘅，去依間華記係唔錯嘅選擇。依間大排檔唔係好大，當日係假期，我哋已經係六點嘅時候去到，但係都要搭枱。但係好有趣嘅係同我地搭枱係幾個識得講廣東話嘅韓國人，佢地都好地道啊！我哋都好喜歡係用嘅雞公碗碟。我哋叫咗大排檔我哋都會習慣叫嘅椒鹽排骨，味道好香口，好入味，好啱送飯。另外都叫咗牛仔骨，肉算係好多，好林好濃好入味。對面嘅韓國人見到我哋叫都跟住叫，但係只係六點四嘅時間侍應就話賣晒囉。下次如果再嚟到呢邊食嘢，會繼續選擇呢間大排檔，雖然室外位置冇冷氣，但係吹住海風，享受地道美食，係唔錯嘅選擇。