譚仔雲南米線 (Closed)

一直都認為譚仔比譚仔三哥好食，湯底味道比較傳統正宗。我點左份重慶酸辣小辣腩肉魚腐米線，我覺得食辣湯一定要有魚腐！因為魚腐吸哂啲湯底既精華水份後，非常惹味，咬落去水份極豐富，加上魚腐濕左水果種獨特既質感，簡直係錦上添花。腩肉亦係不可多得，譚仔既腩肉一向以爽脆新鮮聞名，呢兩樣餸基本上係我每次叫譚仔都必點，湯底辣度及風味就視乎番食客自身既喜好了。

譚仔既腩肉真係幾好食，個人好怕厚切個種，呢到就岩岩好，一次過食都唔會覺得好heavy。不過最最最鐘意係tamjai既豬耳! 好爽口同埋個麻辣汁真係世界級! 有時都會畢幾啖汁落個湯到，仲好食!

譚仔基本上現已成為我們一班同事的食堂，一星期梗有１—２日以上係食佢，價錢相宜，服務態度好，諗唔到食乜就會去食譚仔，真係食極都唔厭。今日就叫左３個餸，芽菜，脆肉鯇同埋炸醬，先講譚仔個脆肉鯇真係好味，又脆又香，就連自己去街市買黎食都未必有咁脆，不過就略嫌份量太少，可能成本比較高啦，但係有陣時叫兩份又食唔曬，麻辣湯底水準飄忽，夠辣不過就唔夠麻，湯底豬骨味一時又濃ｄ，一時又淡ｄ；辣度都係一樣，有時辣ｄ，有時無咁辣，令人無所適從。

今日食豬膶牛肉麻辣米線中辣～配熱奶茶一如以往，好味，加咗豬膶嘅米線係會特別好味🤤今次叫嘅辣到適中，冇特別辣咗，正正宗宗嘅中辣💓米線煙韌～咁我叫咗小米線，個份量啱啱好😛奶茶就唔使講啦，正

譚仔就成日都食，佢啲小食真係好正，尤其是啲辣由，真係好想可以買一樽返屋企。最鍾意佢嘅麻辣豬耳，無論去邊間分店食都好爽口，次次除咗食碗米線之外都會嗌啲麻辣豬耳過下口癮。

試左譚仔呢期新出嘅烤雞炸醬撈米線米線就基本款啦烤雞都算嫩滑 但撈尼講 可以熱返啲雞皮冇脆卜卜 冇乜烤既感覺炸醬份量都幾多 佢有啲醬汁同埋甜酸菜個人覺得麻麻地 甜酸菜亦都唔係好配搭到同埋佢都有幾多水喺度撈埋話佢係湯米線都得

最近譚仔出咗新米線，唔係平時食開嗰啲湯米線，而係乾撈米線。🦑🦑難得有新意，咁咪試吓佢囉。太多人食，所以我決定都係買外賣返屋企，仲可以自己煎隻蛋，撈埋啲蛋汁一齊食，非常正！😊個米線本身辣辣地，最少都5小辣，加埋啲酸菜，味道不錯。如果有花生嘅話，就更加錦上添花。🤔配送就有烤雞，肉質嫩滑，好食過平時就咁叫嗰啲雞肉，如果可以長期推出，作為米線嘅餸菜，就非常完美！😃😃不過定價就比平時嘅米線貴咗啲，要$47，未食過嘅都可以試吓

平時返工諗唔到食咩既話，我通常都會去食譚仔，貪佢平靚正又夠快手。今日食晏又黎左食譚仔，果然係同標題咁講：我最愛既飯堂！我平時最鍾意叫雞肉金菇炸醬重慶中辣走芽菜。雞肉份量都唔少，食到最後都仲有雞肉可以夾，係我最鍾意既餸黎。相對黎講金菇份量就少啲啦，得兩三撮咁樣，好唔抵食，平時去街市買10蚊都有兩包炸醬我諗都唔洗我介紹，相信作為譚仔fans都一定會好likey!真係難怪譚仔依家會出個炸醬撈米線，的確有gimmick! 湯底夠晒酸又辣，重口味推介！

呢排譚仔新出左呢個麻辣汁烤雞炸醬撈米線$43本來都滿心期待 因為見到相都好似幾好味 佢入面有炸醬，厚切雞件同酸菜當日碗米線黎到一點失望，原因係賣相唔得，第二佢既配料得好小，份量唔夠，如果呢個價錢我相信有更好既選擇。

開工開到冇時間出去搵食，唯有貴少少 ，叫熊貓外賣啦，咁我就叫左個牛肉，豬腩片，墨魚丸米線，由於我極度唔想食辣食到成身汗咁樣工作，所以叫左10少辣，唔好笑我。之後再加單一份大蒜泥白肉，口水汁皮蛋。外賣一向都係湯另上，唔會整軟晒啲米線，肉類都好夠味，墨魚丸都夠味夠彈牙，10少辣岩岩好，醒胃，蒜泥白肉就夠蒜香，豬肉夠薄夠滑，而皮蛋唔算叫做好糖心，但配岩個汁都算叫頂到引，但我都始終喜悅啲汁有少少酸嗰隻，整體都ok。但下次都係唔熊貓，有啲貴

最近譚仔新出左呢款麻辣汁烤雞炸醬撈米線🐓✨ 本身聽個名以為會一大pet炸醬撈落碗米線會好油膩 點知試左發現係另一回事又幾惹味(*´︶`*)辣度最低係5小辣 但感覺比湯麵無咁辣 似10小辣多啲 面頭嘅炸醬 加上甜甜地嘅麻辣汁 撈勻黎食又幾夾！而且唔會越食越油膩 烤雞亦整得唔錯幾香口 但大部份都無左雞皮 感覺如果全部都連皮會仲正～ 不過整體已經好唔錯 值得一試🤍☺️

平時食開譚仔一係嗌清湯，一係嗌四小辣。見佢個menu推薦胡麻酸辣湯底，就決定試一試，都俾到驚喜我，一落口係類似酸菜魚嘅酸味，唔會太淡，飲到落喉嚨，一兩秒之後先有麻嘅味道出返嚟，後勁亦都幾利害，雖然唔會超級辣超級麻，但整體味道十分之特別，適合唔食得辣但又想過下癮的我。

I like to eat minced pork sauce chicken rice noodles,I think sweet and sour is with my appetite.The services is very good.The staff is very polite.The hygiene is extremely tidy and clean.Good value for money😙 I love it.I like to eat rice noodles and I recommend people who like rice noodles to try it.Good service attitude.

餐餐食魚都唔會厭！其實譚仔之前已經出過脆肉鯇配唔同湯底，今次就配香茜皮蛋魚湯！滿滿嘅芫茜再配上鮮魚湯底，鮮味十足！脆肉鯇夠晒爽脆，個湯底除左芫茜之外，仲有埋皮蛋如果唔夠喉仲可以再追加～加$3可以額外追加芫茜山或者加$10追加皮蛋海至於新出既飲品－凍葡萄特飲配乳酸爆珠夠晒清新夠晒爽，仲有最愛嘅爆爆珠，都幾過癮

🤣🤣3️⃣ #川風香辣黑柏葉 $28 #巴蜀爽脆生腸 $334️⃣ #菠蘿冰 加配價$11 #凍豆花黑糖薑母茶 加配價$11食完辣野 飲番杯特飲即刻解到辣🥳—————⚡️食物 4/5⚡️環境 3/5⚡️服務 3.5/5