太興 (Closed)

今日同朋友去跑馬地踢波，順路經過太興，平時午餐、下午茶、晚餐都有食過，早餐就未試過，於是就入去試吓，諗住嚟到太興，可能早餐都會有燒味食，點知原來都係得一般嘅選擇，諗咗一陣，我叫咗個頂級午餐肉滑蛋公仔麵，而朋友就要香剪雞扒拼香草腸，公仔麵味道尚可，但午餐肉嘅厚道就非常薄，朋友嘅雞扒更加細得有啲過份，而且無乜汁，煎得比較乾，雖然食物比較一般，但環境同衛生就好好，員工亦好熱誠，可能始終係大集團啦，不過我都係唔食早餐先會再嚟

今晚在太興銅鑼灣店外賣义燒，不停同師父強調要肥义燒。點知返到屋企一睇，全係廋义燒，又唔比汁，加上乱切一通，斬到一舊舊好似排骨咁。如果無肥义燒就應該同客人講冇，問客人唔要唔，唔係乱比一通就算，這店唔應該叫燒味餐廳囉。

太興係其中一間我覺得食得下嘅連鎖快餐店。一定唔稱得上好食，但係當附近無咩野食，又想食燒味，我就會去太興。但係呢間簡直係.... 侍應service 差不在話下，佢送黎嘅燒味係外暖內凍架！食左幾啖就已經唔敢食。希望太興可以好好管理各分店嘅食物質素啦 ...冰鎮奶茶係太興比較突出嘅飲品，好可惜，冰鎮係為左做到凍，但唔會加冰而整到啲奶茶凍晒。呢度竟然杯奶茶都勁淡，好失望。

自從係電視睇過泰興最新嘅IronMan廣告之後，一直想去試試佢出名的冰鎮奶茶。 今晚有朋友約我放工后到銅鑼灣攞旅行手信，所以去太興食晚飯以及試吓佢嘅奶茶。 冰鎮奶茶 (茶味夠又滑 正!!!)煲仔咖哩牛腩 (very一般又完全唔棘)我坐咗差不多兩個鐘頭,店員唔單只冇趕我走還在我飲完餐飲後，給我一杯免費水及不停替我refill今時今日, 咁的服務態度去邊到找? 餐後感 - 服務態度一流 可以再去開飯

其實, 好耐都無去太興食野. 因為真係貴貴地又唔係好其他燒味店太多. 比咁多去酒樓食感覺仲好.今日經過, 忽然想食個下午茶. 一點點貴都算啦. 完先發覺周圍都無人點下午茶, 個個都點正餐.燒味飯黎了. 果真, 呢個分量真係好少... 料係豐富啦. 四寶飯裡面, 紅腸很有彈性, 燻肉很入味, 雞肉鮮甜.蛋正常, 飯與菜很少. 咸檸檬水不錯, 咸檸檬夠沖兩杯, 好飲. 服務也很好, 坐得也舒服.

食了一個點心 brunch，到4點的時候已經感到肚餓。身在銅鑼灣，便物色附近的茶餐廳。本來打算去利園山道的太興，但見人太多，要在門口輪飛仔，便決定行幾分鐘去禮頓道那一間碰碰運氣。還好、一去到就有一張卡位。坐下後看看餐牌，都是點了最喜歡和最穩陣的餐肉炒蛋公仔麵，再加一杯冰鎮奶茶、而朋友都是點了同一款食物，但就加熱奶茶。記憶中這款套餐之前好像是三十二元，現在已經要三十五元了。現在百物滕貴，本來加三元一份餐都無可口非，但總是覺得現在d餐肉好似比以前薄了，而炒蛋又比以前少了。這樣的一加一減後，就覺得加幅好似不少了。我不太喜歡餐廳將貨就價，例如吃餐肉的基本要求就是要煎到外脆內軟，但餐肉一薄就沒法做到這樣的效果了。除了餐肉打了折扣外，公仔麵本身亦煮得過“林” ，沒有了彈牙的感覺，完全吃不起勁！冰鎮奶茶亦覺得太甜了。不知道是偶然失手，還是這就是這間餐廳的水準，如果排隊能夠換取食物的質素，我寧可排隊。

正常的返工日，一旦早到了銅鑼灣或灣仔，我必然會找個好地方食早餐。是日，因為坐了去北角的巴士，停的地點正好就近禮頓道，算是就腳，我就選中了太興食早餐。太興的奶茶出晒名靚，所以無論是早餐宴晝下午茶或夜晚黎太興，我點都會叫杯奶茶飲飲。因為造兒的奶茶，濃、香、滑三者並存，而奶味又不是狂重那一種，雖然不是坊間最好，但已經是水準之作。早餐，太興的早餐中，我最會選的就是他們的餐肉蛋公仔麵。首先，麵是正宗的出前一丁湯底，味道比起用光身麵的茶餐廳香濃得多。餐肉，是火腿餐肉，一粒粒的肉粒在餐肉的切片上，味道比起一般茶餐廳的圓形餐肉，更為惹味，而那個包蛋，內心是半溶的，非常之滑溜。早上太興的早餐，雖然選擇並不多，但就這一個餐蛋麵來說，已能給人一個喜悅的早晨。