29
8
5
7-min walk from Exit D1, Sheung Shui MTR Station
continue reading
Opening Hours
Mon - Sun
10:00 - 01:00
Above information is for reference only. Please check details with the restaurant.
Signature Dishes
Recommended Dishes
終於都癲娜，聽日後日大後日繼續操！閉關練功，心情不爽！情緒欠佳！勿擾！謝謝。操完又白廢，忍唔到口勁胃食無得醫，怪您過份美味無辦法。行去燉奶佬想食西冷無位。行去串燒妹想食大麻辣湯又無位。行去蛇王兄想飲蛇湯食蛇羹，點知突然無開。轉彎去潮興旺想食個魚蛋麵算，拉左閘？原來裝修下個月先開返！有無咁黑仔呀，最終回歸上海小館。情緒惡劣，要飲可樂去去負能量！十一點的晚飯，好疲倦唔想煮，指定菜色酸辣湯，無得頂 ﹗操得咁辛苦梗係要奬勵下自己，勁多料酸辣湯、勁厚蝦仁炒蛋，好耐無試過飽到想嘔既感覺喇，莫非我近來排細食左？酸辣湯，質素保持不變，超多料超好味 ﹗勁酸勁辣，味道特濃，厚薄剛剛好！配料豐富到不得了，塞到滿滿呢。豬大腸、木耳、肉絲、豬大腸、蝦仁、豆腐、筍絲、蛋花，味道非常豐富，不同質感盡在其中，回味無窮。實在太好飲喇，急不及待要全部立即倒晒落肚，熱騰騰滾熱辣燙到起水泡喇 ﹗師傅係咪我成個月無黎，所以加料炮製呢？比平時更多料，成碗湯係滿料！仲多左豬大腸，味道更豐富香甜，夠酸夠辣超級好味！酸辣湯麵，飲勻省港澳，頂級永遠滿分的酸辣湯只得此間！次次都係淨湯，酸辣湯麵第一次試。完全無偷功減料，味道及配料跟我飲開既一模一樣，而且特價粉麵抵到爛，平到 $28 蚊乍﹗原來唔係擔擔麵既？失望，我諗多左喇。比拉麵再次一等既上海麵條，莜麵質地，食不到麵粉香。一般麻麻地不喜歡。鐵板五香雞柳，熱騰騰的鐵板盛著佳餚，鬼殺咁嘈、吱吱喳喳送到，師傅細心地用碗蓋著，免得醬汁射到四圍係，耐心等待她們平靜下來才慢慢拿走。開呀﹗白煙直噴，芬芳氣味飛撲而來，香噴噴啊﹗不太覺得係五香粉味道，反而似薑蔥爆雞柳，有薑、蔥、蔥頭、洋蔥、青椒、蒜頭，大火炒起夠鑊氣，散發強烈香菜香料氣味，食慾大增。雞柳醃味非常甜美，濃郁醬汁，熱辣辣嫩彈細味，夾雜粉爽蒜子、爽脆青椒齊齊嘆，無投訴。椒絲腐乳通菜炒牛肉，一次漏牛肉、一次漏椒絲，笑死我咩 ﹗終於一家團聚喇。特濃腐乳味椒絲味，乳香吸引夠美味。微鬆牛肉醃得不太過份，淡淡牛味，嫩彈可口，滿意。翠綠水通爽嫩多汁，趙到索索聲，撈埋鮮牛肉滑溜溜，送飯一定正到痺，最少食兩碗滿滿白飯啦！淨食有點重口味，雖略咸但好食，都還頂得住！炒菜好貴啊，索價 $63 蚊。雞火津白、雞火白菜、雞油白菜，師傅非常有心機排得雞肉金華火腿齊齊整整，靚靚仔仔出場，兩色相間美侖美奐，狀甚吸晴。新鮮出爐傳來陣陣雞油香氣，爽甜無比的靚菜捲著濃味火腿品嚐，咸香跟菜甜撞得精采非凡；爽甜無比的靚菜捲著結實雞件品嚐，雞油味道甘甜不膩，只是雞肉就有點乾鞋，幸好濕潤的靚菜可補不足之處。烹調可口，所有食材融合打得火熱，迅間被我消滅得一乾二淨。白菜勁甜多汁，完全無苦澀味，但榮發白菜苦澀鞋硬齊晒。次次想食菜芯，都只係得白菜同津白，好心 update 返個 menu 啦，激死我。我要三鮮白菜，最後變左雞火白菜，我都算係熟客成日幫襯認真一點好嗎？三鮮津白，跟雞火差不多，多左蝦球囉。津白都依然爽嫩多汁熱燙燙，但非常淡口，忘記落鹽？有微弱菜甜味。感覺油淋淋，食完漿住喉嚨起晒痰。雪藏雞乾鞋到出奇無醃過完全無味，有雪味，唔怪得等咁耐啦，是否剛解凍呢？蝦爽但無鮮味無甜味。金華火腿咸香油潤，有趙口又甘香，滿意。蝦子炆海參，幾片鮮筍有渣，冬菇好味。原身無味的海參撈蝦子及重味醬油，熱騰騰吃著，美味食唔停，勁震勁彈的海參，彈到醬汁四踐喇。椒鹽排骨，經常使我將排骨、豬扒、豬排混餚囉，依塊我會叫豬扒。喜出望外的演繹，上海椒鹽豬扒剛剛炸起，薄薄脆漿鬆化，不油不厚恰到好處，鎖住肉汁在內，咬扯噴射。甜肉混椒鹽咸辣惹味，質地有嚼勁，不硬不乾。可以沾埋大量甜酸咕嚕汁，開胃醒腦可以減低油膩煎炸感，別有番風味。蝦仁炒蛋，大蝦球不是蝦仁仔那麼簡單，爽爽咸香明蝦，不過火不過咸。炒蛋厚到厚燒玉子一樣，鑊氣迫人滾熱辣，每啖都輕煙飄飄香噴噴。蛋味香甜濃郁，包著蝦球在舌尖翻騰，堅堅堅拍案叫好。火腿白菜湯，足料落重本，勁多金華火腿呢，咸香突出加上香濃菜甜味，超好飲呀 ﹗白菜高質不澀帶甜，無渣無草青味。砂鍋津白，我仲以為淨菜添，點知雜錦鍋來的。有無味爽蝦、雞絲、火腿、豬肚、雞髀菇、竹筍、粉絲！仲驚食唔晒，免強完成啦，飽得很！濃郁津白菜甜味靚湯，好味道。一窩雜錦津白湯濕濕碎啦，全部沽清！大黃魚湯，嬸嬸傳來巨鍋，嚇死朕咩 ﹗應該都飲得晒既。魚湯要那那聲急急趁熱飲先最好味，凍左無咁好飲架。淡淡奶白色黏黏湯汁，魚味濃郁鮮甜，雪菜咸鮮，一邊飲一邊趙，痛快﹗黃魚煎過特別香口鮮甜又可以除去腥味，肉質嫩滑多汁，魚肚膠彈，每個部位都非常好食無得彈，魚骨魚頭魚尾都被我損得半絲肉都無剩！掛住食魚點豉油，再返轉頭飲湯會淡晒囉。紅燒黃花魚，用我最大的耐性等足半個鐘終於出場 ﹗紅燒黃花魚好味道喎，魚味濃郁，魚肉嫩滑多汁。炸得香口開胃，記得要趁熱食，否則蓋不過腥味，必須撈埋濃郁紅燒汁齊齊食，味道提升不少。魚肉配菜冬菇、竹筍、肉片、蒜子更加好味喎。撈飯無得輸，什麼都清晒，菇筍菜蒜全部無得留低。三絲黃鱔羹，熱辣辣送到，香噴噴！嚐一口，香蒜味濃，令我諗起鱔糊撈埋生蒜既味道。湯底十足係酸辣湯只係無落酸辣啫，好好味！但越飲越似碗仔翅湯底，顫顫驚驚加黑醋試試。即時變得同碗仔翅味道一模一樣，非常神奇！黃鱔絲滑彈，肉絲嫩口，筍絲木耳絲勁爽，全部高質心心眼。芽菜炒鱔糊，飽到只係食晒鱔柳同半碟芽菜。特濃醬汁不咸不濁，襯托著爽嫩充滿水份芽菜，即時好食百倍。鱔柳結實，不夠嫩亦不夠彈，整體蠻不錯。椒鹽鱔片，完全誤會晒，係黃鱔柳唔係白鱔片，同我幻想南轅北轍！炸漿厚硬，半點都不鬆化，殼一樣既脆粉加油膩感已完全蓋過黃鱔味道，似食緊硬餅乾，而且椒鹽調得偏咸，浸完喼汁免強可以入口。左諗右諗叫咩餸，洋蔥豬扒？椒鹽肉排？椒鹽鮮魷？最終試椒鹽鱔片啦，還掂未食過。麻婆豆腐，豆腐震騰騰好跌盪地上檯，彈力十足好鬼誘惑！勁滑豆味勁香濃，邊度買架？肉鬆彈彈甜美可口，辣味適中回味無窮。淨食有點咸，試試配湯麵食先。陽春麵，陽春麵係擔擔麵條黎喎，嚥韌有咬口，有蛋香，掛上豉油湯底，還可以。白菜太生食唔到，硬掘掘帶草青味。淨食麻婆豆腐有點油，唔想食飯又無豉油皇炒麵，明明見到menu寫住炒麵轉粗麵加 $10 蚊，但嬏嬏話全部係粗麵真係匪而所思，走既時後我見到食客嘆緊炒幼麵喎。油豆腐粉絲湯，點解係豆卜？唔係一塊塊油豆腐既？兩者口感有分別架喎！普通豉油湯底有點失望。白菜不甜，粉絲夾著冬菇絲筍絲撈上豆瓣醬都還幾好，除左無酸味外，有一刻我覺得似酸辣湯，紅磡珍珍雪菜白菜仔雞湯底好味得多。回鍋肉炒麵，從未食過炒粉麵，以前多次聽到食客要回鍋肉炒麵唔通好好食？試試先。阿姐建議粗麵比較好食，幼麵係炸脆麵來的，但我想食幼麵喎，那就幫我多汁吧。誰知多汁都未能將脆麵軟化，廣東炒麵跟上海炒法不同，而且個汁好杰。甜甜的醬油味，微弱辣味，椰菜、齋叉燒片、五花腩片，麻麻地。下次再試過炒粗麵先，但唔會係回鍋肉，$35 蚊仲平過牛腩雙併湯麵堅抵喎，原來宵夜時段平好多。醉雞翼，開邊想更入味嗎？我只覺得更乾更靯。酒香仍在，先甜後澀，少少雞味，冰涼唔難食。鮮肉鍋貼，實惠只需 $24 蚊有 4 大隻呀 ﹗餃皮跟一般的不同，十分黏嘴的啊，沒有滑溜感覺，厚厚的皮使到食幾隻已好滯。肉餡甜美多汁有彈性，餃底焦香金黃，浸完喼汁直接入口，比小籠包更美味。西湖牛肉羮，清清地西牛胡肉羹！牛肉鐵質蛋白質，西芹降血壓血糖，蘿蔔補腦養顏！健康補身又好味道，洒上胡椒粉香香辣辣，飲得津津有味。
continue reading
呢間上海店係我平時夜晚最常去既餐廳皆因真心平靚正不論多人去食定小人去食都有不同既選擇而且過左9點半仲有宵夜時段就仲抵食我必叫既都為雞絲粉皮同小籠包仲有佢既酸辣湯都唔錯既如果想清淡啲又有粥食所以想平平地食個飯，呢度都係唔錯既
continue reading
聽朋友講，上水有間上水野幾出名，我地搵搵下，原來係我地屋企附近架咋！門面係一間懷舊feel既餐廳，入面無乜裝修，都比較簡陋，但係價錢親民，今日就試一試！Lunch time都要排隊喎，證明質素不錯呀，我叫左個獅子頭客飯，客飯仲送個湯，蓮藕湯。湯味道一般，比較淡味，但係湯面油份不多，都值得飲～主菜黎啦，好多菜，雖然只有一舊肉，但係獻汁相當出色，好濃味，獅子頭內夾雜獅肥豬肉，令咬起黎有嚼勁，一味瘦肉唔好食既！一個獅子頭點可以滿足到我地呢？我地仲叫左條炸銀絲卷，呢度最好就係煉奶任添！雖則係炸，但係油絕對唔多！銀絲卷好軟熟，皮亦炸得好脆，就算放得耐啲都唔會出水。我見到店員同啲食客有傾有講，相信舖頭都係sell人情味，做下熟客咁，如果有時間，可以幫襯下d細舖，支持下佢地～
continue reading
說起來，自從轉換了工作地點後，已經很少機會過來上海小館了。今次中午到上水買東西，正好順道重臨。客飯都不用$40，算是便宜了。回鍋牛肉夠鑊氣，而且用牛肉代替五花腩是健康少少，蘸點一下豆瓣醬，辣辣地更加刺激味蕾，用來伴飯一流。例湯是蓮藕湯，亦都夠火喉，湯渣的蓮藕片加點豉油，都不能放過。也許這些小店，就只能在舊區中殘存，難保又頂不住貴租而結業。
continue reading
一行5人食午餐，呢條街好多食店，剛好呢間門口有車位， 舊式上海店，格局近菜館，粉紅枱布，店員自己食緊午飯，仲好好人咁話幫眼睇車！大家各叫自己喜歡嘅食物分享！ 小籠包（$65）一籠10隻，椰菜葉墊底，小籠包皮較厚，鮮肉新鮮多汁！點黑醋好味！ 麻婆豆腐（$42）好大一盤，豆腐嫩滑，豆瓣醬汁微辣開胃，撈飯一流！ 担担麵（$20）幼麵彈牙，已經剪開，不過花生味唔濃，湯底味道唔夠濃，所以唔夠味！炒鱔糊（$32）好濃好杰，鱔肉彈牙，最喜歡用銀芽炒，撈埋汁爽脆好味！ 酸辣湯粗麵：我試飲少許酸辣湯，一湯匙已經好多料，豬皮木耳絲爽脆，豆腐嫩滑，湯底微辣，酸酸地開胃！ 回鍋肉（$32）醬汁唔夠濃味，椰菜太大塊，好硬，肉塊唔夠嫩，唔夠味！ 紅燒肉（$32）自己唔太喜歡紅燒，所以只食了一件豆卜，豆卜爽晒醬汁，醬汁香濃，濃味又唔會過鹹！食物幾好，店員親切！又肯睇車又有笑容！好開心嘅一餐！
continue reading