生記飯店 (Moved) New Location

之前聽人講生記唔錯，有日同朋友們行過，想 walk in 去食，點知話 full booking，今次終於約齊人，預早打電話去預約，可以試到啦! 鹽焗雞好滑，有雞味，外皮好香脆，唔錯，但美中不足係待應喺差唔多食完嗰陣先上醬料，夾埋醬料食，味道係更上一層。蜆芥鯪魚球魚肉陣牙，食到陳皮味，無魚腥味，夾埋蜆芥醬，好鮮好香。椒鹽鮮魷係薄粉嗰種，我鍾意，無咁油膩，同埋魷魚都夠爽脆。小炒皇有蒜芯、蝦乾、腰果同榨菜，加埋辣椒炒，好香好惹味，送飯一流。梅菜扣肉係瘦嗰種，所以啲肉食落就會乾啲硬啲，唔夠油香同鬆化，梅菜應該加咗好多糖去煮，所以食落都幾甜。雙菇扒時蔬啲冬菇同草菇都夠爽口，好味，生焯得剛剛好，好爽脆，但可惜打獻嘅油落得多咗啲，食得有啲膩。飯後送咗白糖糕，比較特別，出面酒樓一般都係送糖水或生果。白糖糕味道偏酸，質地都彈牙，但唔夠軟滑，不過送嘅無所謂啦! 呢餐飯果然無失望，可以加入去我個 encore list!

以前是有口碑的，小炒有🔥氣，海鮮都出名！近年已經少去，因為難訂枱，兼且出名侍應推薦的，是，九菜炒旦！！味道非常非常平淡！奉送的甜品是白糖糕，不好吃，頗大舊的，但沒有分派碟去盛，只派牙籖去取食！最後一定要提是：上菜時是幾個侍應四方八面的一斉把菜式放上枱😨😨怕怕！吃飯期間，剛吃完的餸菜，馬上便被收走，尚有幾片在碟內的，便自動將吃剩的，倒在其他餸內，不是換細碟！😨😨😨也沒有為我們換新碟🙁🙁可怖呀！，，

真係宇宙至強！叫咗幾樣餸，樣樣都咁好食，，水準又穩定真係唔知可以點樣來形容！枸杞浸豬潤真係好似食棉花糖咁！個蒸肉餅唔會太多肥豬肉，鬏化而有彈性！個涼瓜炒蛋簡直係傑作竟然食到蛋黃香味，唔怕油膩超爽！唯一要挑剔嘅就係今次個免費白糖糕竟然有小小酸，整餐飯值99分。

年尾又係朋友家庭gathering 忙碌日子，每個禮拜都唸下食咩好🤔朋友就介紹左去灣仔生記。響港島工作居住咁多年我都未聽過呢間老字號，處於灣仔舊樓心唸都係一般小菜貨色，上樓入到餐廳都算乾淨企理。八點好肚餓朋友先搶著點招牌鹽焗雞、生炒骨，我點了九杞豬潤 、炸云吞...全部餸菜色味俱全，有上等質素。另外，服務員態度很好，我們整晩食得舒服自在，又無人多嘈吵聲，係家庭朋友聚會好地方，之後我一個禮拜已再來encore，值得再來。

味道一般，香港人很喜欢喝海鲜粥，我觉得还好。午餐set不是很优惠，总体性价比不高点了午餐套餐的茄子，看起来没有颜色，味道还不错。颜值不高汤很好，本来不喜欢吃煮胡萝卜，在汤里倒觉得味道不错。总体来说不会想再去，是米其林推荐的，没有星级

3個男人唔知食mud 又即興走左去生記好彩剛剛有位地方雖然唔大但勝在有人情味見到d客人個個都同伙記好熟咁更令我期待今晚既野食蓮藕老火湯大好飲唔小心叫佢2煲冇錯2煲只係3條友飲菠蘿生炒骨色香味俱全雖然話生炒骨但唔多骨先正成餐最費既餸豉油王蝦好食就好食聽結帳那位友人話要成500$一碟😅😅食一次就夠芥蘭係普通好似火候唔夠時菜炒蝦人真不錯可以試下南乳齋我都食左少少因爲開始飽好味道鹽局雞好彩唔大隻唔係飽都暈好入味肉餅最正送飯就最好時菜豬潤大件又抵食未試過食到咁飽

omg! 寫左十次！Finally可以圖文並茂upload到！生記出名多富豪、名人去食飯。今次為左平D，我地自攜海鮮， 阿拉斯加蟹、海膽等等 (厚豐食品D海鮮堅靚，各大餐廳入貨可考慮）…… 講真每道餸烹調一流！地方cozy, 服務一流，待應有禮之餘不失親切！ 我總認為可以將最簡單"最平民"嘅餸菜煮得好食其實好難， 我不嬲對甜酸醬同炸嘅嘢食興趣不大, 但難得來到當然每一樣餸我都試下啦！真係不得不讚呢一味生炒骨！好鬼好食！ 唔肥唔硬唔太脆！

來實習的小妹妹今日LAST DAY，一如往例必有FAREWELL LUNCH，今次的地點選了離辦公室極近的生記。由於事前已預先訂座及安排食物，所以基本上去到已有得食。店舖裝修為老派中式飯店風格，侍應的態度十分有禮親切。由於有其他同事在場亦不便拍照，吃了許多道食物：例湯：粉葛湯，味道清甜，但熱度不夠咕嚕肉：據說是這裡名物，獻汁味道適中，排骨香脆咸蛋肉餅：前人有說這道菜「入口即化」，但個人覺得從賣相至口感都是一般蝦仁炒蛋：炒蛋算嫰滑，但不曉得是否「大量生產」之故，賣相有點奇怪。白菜仔牛肉、四季豆炒雞柳、紅燒豆腐、清蒸帶子、豆芽炒魚鬆、三色蛋浸菜：個人認為今日相對較正常的數道菜式酸甜斑腩：獻汁不平均，熱度不足蘿蔔牛腩：沒有吃，不作評論揚州炒飯：沒有吃，賣相可以，但份量偏少。埋單約一千一百元。很坦白講，入席時已發覺由湯至部份餸菜都有熱度不足的問題，不曉得是否店內冷氣太強或者其他原因，如果是熱辣辣的食物，會理想得多。如果這是一間米芝蓮店的水平，無法接受。不過，我還是想找一天去吃吃它的晚市，因為我喜歡吃傳統的中式住家食物，也許用晚市的經驗再去批評這裡，會比較公平。無論如何，祝同事前途無限。

今日行灣仔食晚飯，人一世物一世試下間好野（以為)，話曬都係米芝連食店~生記位置係商業大厦1及2樓，侍應安排左2樓雅座~員工有禮及貼心，叫左沙畺珍肝，超正，如果多D肝會好D，因為有腎兩溝另外叫左豬潤現菜，生炒骨及泥猛粥、鹽焗鸡等。猪潤唔熟及酒味太重，生炒骨普通冇肉味，粥冇鱼味及有肉丸2粒唔明?鹽焗鸡完全唔得~似擺酒雞真係米芝連?失望~

今晚一家人去灣仔 生記 吃晚飯, 上午已去電話訂位, 排坐第二輪八點, 為怕太夜很多想吃的菜式也沽清, 訂座時已預訂了秘製鹽焗雞半隻. 及家鄉手磨蓮藕餅.   酒家地點交通方便, 可由地鐵, 巴士, 電車直達.  酒家在大廈二樓, 算是幾低調, 隱蔽.出了電梯, 眼睛一亮, 因為看到 "米芝蓮食府" 推介, 真是威威.   入到二樓大門, 正是八時正.  只見人頭湧湧, 相信是第二輪交檯有些緊張混亂.  我們被編位在三樓. 好像比較安靜.店員多是中年男仕, 招呼較為穩重得體, 座位寬敞, 水滾茶靚.部長交來菜牌, 留意紅色大手指是酒家推介菜式. 更設專頁介紹招牌菜, 必先細閱: 招牌古法鹽焗雞及   泥鯭粥. 先點個 正宗老火湯合掌瓜煲唐排湯, 非常好的自家湯, 各人一大碗, 份量不錯.  這個老火湯煲的時間足夠, 食材豐富, 有合掌瓜, 好肉唐排, 粟米, 紅蘿蔔, 杏仁, 花生, 眉豆, 淡菜, 入口美味甜濃.家鄉手磨煎蓮藕餅: 煎得好靚, 又香口, 蓮藕先切細粒, 再混合豬肉, 有少許臘味及陳皮味, 食出家鄉菜風味. 不錯.菠蘿生炒骨,   炸皮夠薄, 入口香脆, 

Comfort food for the unadventurous - pre-ordered porridge with nei-mang fish, half a salt-baked chicken,  pig's liver with gau-gei leaves all as good as previous visits, delicious, tender, flavoursome.  The only downside was the portion size of the recommended bitter melon and beancurd sheet with fried garoupa filet - it was HUGE!  The taste was great even though the texture of the fish was not as smooth as a smaller specimen simply steamed,  we couldn't let any go to waste and boy were we stuff

今晚特地到灣仔覓食，預先致電生記訂了座位。一出地鐵站便到對面馬路尋找位置，原來此店隱藏在大厦一樓，到六點才在地下豎立招牌，否則很難察覺所在。由於聞名已久，便點了此店的招牌菜。先來個是日例湯---青紅蘿蔔煲唐排，真是正宗老火湯，有自家湯水的滋味。再來個家鄉手磨蓮藕餅，肉香彈牙，更有蓮藕粒粒爽脆的口感，一碟十件，確實份量十足。侍應送上菠蘿生炒骨，酸甜味道適中，不太油膩，而且肉嫩香脆，值得一試。到此店必定要點鹽焗雞，皮薄無油脂，肉嫩不“鞋”口，充滿雞味，果然是招牌菜式。另一款必吃菜式就是上湯枸杞浸黃沙豬潤，豬潤外脆內腍，百吃不厭。最後再吃甜品白糖糕，尋回童年回憶，確是一頓美好的晚餐。

又過年啦...祝身體健康, 新年快樂!!! 今年公司開年飯選址生記...門口好細, 搵左陣先知道入口係協生大廈既一樓...我地叫左 招牌鹽焗雞,  馳名菠蘿生炒骨,  老少平安,  家鄉手磨蓮藕餅,  上湯枸杞浸黃沙豬潤...送左個 老火湯... 老火湯: 蓮藕豬骨湯...我覺得有味精, 而且咸左d...但係送仲送咁多, 無complaint lu... 招牌鹽焗雞: 我唔記得影相呀 ...不過呢個幾好食, 無咩碎骨, 雞皮又薄又脆又夠咸, 係個肉有少少少少乾者...不過唔會太過份...淨係為雞皮都可以再食! 馳名菠蘿生炒骨: 呢個係我另一個覺得好味既餸...肉夠淋, 唔會太多骨, 炸皮夠哂薄, 汁既味道唔會太酸或者甜, 味道剛好, 濃稠度亦夠...撈飯一流...唯獨就係炸粉太薄, 無左炸過脆脆地既感覺 ...相比起上年食既星記就各有各好, 兩個都好食, 睇你會唔會追求脆啦... 老少平安: 好軟身, 豆腐比例應該比較多, 不過仲可以食到有魚味, 有少少少少碎骨, 有陳皮味...而且有d普通...唔係太鐘意... 家鄉手磨蓮藕餅: 煎得好靚又無燶...好薄既藕餅, 

兩父女今晚難得撐樓腳，即刻搵下灣仔邊度有好味中菜 生記地點方便，對面就係灣仔修頓球場，巴士、地鐵、電車行幾步就到 煎藕餅抵食，一碟有10件咁多，大大件，又香口，每人食5件都唔嫌多。 出面有啲做法係將豬肉夾入兩片蓮藕黎煎或者炸，呢種整法我唔buy，但生記做法係蓮藕先切細粒再混合豬肉，我比10個like 佢，唔怪得每枱都有叫啦 第二碟係生炒⻣，其實即係咕嚕肉？肉排無乜肥肉，肉瘦但唔乾唔鞋，又係好好味，酸甜汁食得出似係用山楂新鮮整成，真係有鑊氣又有心機架 清清地叫多碟上湯浸菜芯，菜生鮮，煮得剛剛好，咬落去仲係爽口，唔會淋pat pat兩個人，三碟餸，剛剛好

中餐中近期除了唐宮，我都十分喜歡生記。生記是典型的中式食肆格局，坐滿食客時有點嘈吵，還好今晚不滿座。入座時出名的雞和蓮藕餅已經售罄了。我來其實是為了紅燒豆腐，怎料點菜時連這個都售罄了，晴天霹靂。我們點了家常的鹹蛋蒸肉餅，魚香茄子煲，蔥爆牛肉和乾燒伊麵。蔥爆牛肉的牛肉嫩滑，蔥亦香，不過牛肉的份量頗少。鹹蛋蒸肉餅是最經典的一種，加上少少的豉油和蔥，味道不濃不淡，送飯最好。魚香茄子煲的茄子頗硬，不是我杯茶，不過魚香的味道不錯。乾燒伊麵麵身乾爽不油膩，味道不會過濃，還有點點的菇香，可以一試。飯後甜品的白糖糕都是我所期待的，微甜不膩，最佳的飯後甜品。