瓜破 (Virtual Shop)

Open Now

Now Closed

🎈蛋糕類黎講，肥波就最鍾意芝士蛋糕🍰 因為肥成第一次整野食比我食，就係整芝士蛋糕呀💛我好想再食藍莓芝士蛋糕呀肥成～～～～🎈講返呢件芝士蛋糕，真係好好好好好味，芝士味好濃，蛋糕質地好滑，食落唔會好漏，會令人食完一件再想食多件。不過呢件係好耐好耐之前食𝕝𝕦，所以大家可以自己上佢個網睇下有咩新𝕔𝕒𝕜𝕖試下💛一定好食過黑心西餅😛📍瓜破菓子店📍葵涌葵昌路72-76號活@KCC 4樓409號舖

🔻#福岡甜王草莓蛋糕🍰 #雅 🔻（入面係北海道中沢忌廉 ➕🍓朱古力脆脆➕雜莓醬）-其實平時呢個口味唔係🙎‍♀️首選，不過呢個係好食嘅！海綿蛋糕既部份好鬆軟濕潤，一向唔太鍾意食咁多cream但佢啲cream好輕盈唔太甜，有淡淡嘅奶香！（最緊要呢樣）啖啖都會食到莓醬既酸酸甜甜同脆粒，🍓果粒都唔少，所以整體食落清爽，甜度剛好。🔸#熊本粟子焙茶蛋糕 #薰 🔸(入面係粟子+焙茶慕絲 ➕黑糖啫喱 ➕栗子忌廉 ➕三色蜜豆)-雖然有creamy既粟子mousse ，面頭又有大量加左忌廉既幼滑粟子蓉，但焙茶味冇被搶走，增多一份小清新。整體口感rich 但覺得甜左啲，始終粟子都係比較易飽膩，冇咁甜可以品嚐得多啲😹。🔅 2 款size都係15cm(w) x 5cm(h)，大概夠4-8人食。💰$368

茶 cha $348.抹茶海綿蛋糕。用左京都宇治抹茶慕絲、十勝紅豆慕絲同抹茶白豆茸。個蛋糕有濃濃ge 抹茶香味, 蛋糕中間有麻糬系入面, 食姨姨韌韌咁, 好有口感。而個茶味又好濃, 甜得黎又帶點茶甘味, 岩晒一班唔太鐘意食得太甜ge 人去食。.Size: 17cm(W) x 13cm(L) x 4.5cm(h) 4-8人份量.蛋糕外型上, 一打開第一眼就覺得好綠茶,真系岩晒一班抹茶控去食。.另外,蛋糕上有隻小蜜蜂(左邊)同2朵乾花做裝飾, 好有置身系一片竹林ge 感覺。.味道上, 由於系抹茶為主, 食落帶有點點茶甘味, 唔會太甜。個茶味仲要系好濃。而個紅豆慕絲又同個抹茶好夾, d麻薯夾左系蛋糕中間, 大大提升左個蛋糕口感。

雅 miyabi $368.草莓忌廉蛋糕。材料用左日本北海道中沢忌廉同福岡甜王草莓。食落更有士多啤梨朱古力脆脆, 口感清脆。而蛋糕入面d雜莓醬,令到個蛋糕甜得黎又帶有少少微微莓酸味,岩晒一d怕會太甜ge 人。.Size: 15cm(W) x 5cm(h) 4-8人份量.蛋糕外型上, 一打開第一眼就覺得好pink pink,仲好有少女、春天ge 感覺,外型好吸引。連士多啤梨都切成好似個心形咁做裝飾,外形上好有誠意。.味道上唔會太甜, d cream又唔會俾人一種好膩ge 感覺。d士多啤梨朱古力脆脆, 令到食落個蛋糕上都好有口感。雜莓醬食落酸酸地,一黎令到個忌廉蛋糕冇咁乾,二黎可以中和個蛋糕d甜味。最後,蛋糕入面d士多啤梨都唔酸。因為小妹好多時買蛋糕食,蛋糕上面d水果都會好酸。

上網見呢間餅店都幾多好評，抱住試一試心態。點知送貨服務非常差，交收蛋榚既時侯已經歪左，朋友睇到之後打返電話同店家講，店家居然話我地無check清楚🤬話唔係佢地責任！請問呢個時候係地鐵站交收要點樣成個蛋榚拎出黎檢查呢？上網買咁多次蛋榚，都係第一次遇到咁唔友善既店家！😡去到朋友屋企打開蛋糕發現正面都已經變左形！好失望🤮咩心情都無哂 🤕其實咁大個蛋榚理應要做好固定，問佢既時候居然話用cream 固定左🙄咁同無固定有咩分別🤷🏻‍♀️ 蛋榚都比相睇落去少士多啤梨，味道普通總而言之，唔會有下次，想訂既朋友記得到時check 清楚蛋糕先好交收！

老公生日，正煩惱要搵咩蛋糕，之前已經到過門市試過呢間餐廳嘅甜品，於是上網訂咗蛋糕， MoMo 桃味嘅蛋糕$298 ，預早網上訂購及上門市自取，可享九五折🌀桃mo mo $298以下係網頁嘅介紹（山形縣白桃慕絲 x 伯爵紅茶慕絲 x 山形縣白桃）尺寸: 17cm(w) x 13cm(l) x 4.5cm(h)，4至8人享用清雅的白桃慕絲，襯以英國川寧浸泡的伯爵紅茶慕絲，味道如斯脫俗淡麗。使用山形縣產的白桃，清新的果香，迎來初夏的味道。🌀我就早幾日喺網上訂咗個蛋糕，然後佢就會Whatsapp我details,因為我會去門市自取所以可以選擇到門市先至俾錢或者提早俾錢仲可以用PayMe，我覺得幾方便👍🏻🌀其實個蛋糕好好味，但其實可以四至八個人食，我哋得兩個人，所以都食咗兩日先食晒！個蛋糕唔甜，食得出伯爵茶味道士多啤梨亦很香甜，總括來講很滿意👍🏻

母親節快樂💓想媽咪sweet啲？😍最好緊係買個蛋糕俾佢嘆啦😘推介呢間人氣網店：瓜破👏🏻食完包佢心都甜哂呀！☺️ 悟 satoshi🍶 ($298)咦？蛋糕中間有個針筒嘅？😮原來係日本清酒sake黎架！細心採用小試管設計一擠清酒便滲透到深層蛋糕中而不會因浸淫過久而影響蛋糕質感既有心思又有創意之設計❗️ 首先外層為清酒朱古力慕絲🍶🍫用心把清酒獨特酒香注入朱古力慕絲中甫入口先品嘗到朱古力及清酒之微甘吞嚥後喉嚨緩緩滲出酒香酒味突出而令味道迅間昇華令人酒不醉人人自醉！😍 最有驚喜的是榛子脆脆餅底👏🏻入口鬆脆而具嚼勁與口感如絲細滑的慕絲互相輝映朱古力慕絲味道如dark chocolate般極濃而不會過甜配合口感幼滑的雲尼拿慕絲令人欲罷不能！🤤

第一次訂非門市既蛋糕，估唔到可以做得咁出色！首先上網睇完蛋糕款式，可以直接網上訂購，但係結帳幾次都唔成功，最後打電話去查詢，原來可以直接電話預訂，取貨先俾錢，送到最就近地鐵站取，真係好方便，呢點勝過一般餅店好多👍每款蛋糕都有獨特既名，好有意思桃 momo山形縣白桃慕絲 x 伯爵紅茶慕絲 x 山形縣白桃蛋糕層次分明，以白桃慕絲為主，果香突出，亦有紅茶味，令整個蛋糕甜味不會太重。整體味道出色，蛋糕面上裝飾得好靚，用心經營！💪

老公生日 上網訂咗呢一個心心蛋糕 好體貼可以連冰送到地鐵站交收 蛋糕個樣同網上圖片一樣入面有啲好香嘅紅桑子汁 唔算好甜 兩個人食啱啱好 心心好靚 打卡一流 隔離枱個女仔都問我哋喺邊度買 價錢仲要唔貴 真心性價比高

今日介紹吓呢間我心愛已久嘅網店 - 瓜破 Patisserie Uriwari恭喜佢哋早前喺葵興開咗實體店喇！🎉瓜破 係一間🇯🇵和風菓子店，所出品嘅蛋糕精心特別，絕對絕對喺出面搵唔到相似。而且每款蛋糕賣相都係美得要命，未感動味蕾都已經刺激眼球👀又係選擇困難症發嘅時候 😆呢個係我早前訂嘅 磅裝蛋糕 -🍑桃 Momo $288白桃慕絲 x 伯爵紅茶慕絲 x 山形白桃整個蛋糕好清新，而且白桃同Earl Grey好夾，中間有鮮果肉，清甜好味。一層夾一層，層次豐富，食落又唔會太甜 🤤除咗磅裝蛋糕，佢哋有件裝㗎 ($36-44)，咁就可以一次試多幾款啦！Search them on Facebook : 瓜破 Patisserie Uriwari

每逢生日，大家可能會習慣去連鎖餅店訂蛋糕，今次搵咗間網上蛋糕店叫「瓜破 Patisserie Uriwari」，雖然冇門市，但有送貨服務。·👑 絹（$248）今次訂咗個叫「絹」嘅蛋糕，賣相好靚，非常好食，唔會太甜，座上嘅男男女女都大叫「好味呀」！😋·上網睇返詳細資料，原來呢個蛋糕係由以下材料製作而成：- 半熟芝士蛋糕- 自家製紅桑子果醬- 法國特濃忌廉- 杏仁曲奇撻底·作為芝士控嘅我，非常喜歡呢個蛋糕，芝士味好香濃，撻底好脆，非常出色嘅配搭，絕對係誠意之作！😍·蛋糕盒放咗幾張卡片，食完之後覺得有興趣嘅朋友唔怕搵唔到間店 😉

認識瓜破係因為之前朋友訂過，介紹好食，所以自己都訂返個試試瓜破走日式風格，呢個蛋糕好似叫做「和」，係網上訂完明明寫住會有電話confirm我，但最後冇，我WhatsApp問嘅時候先同我講confirm，總覺得佢哋嘅落order程序有啲混亂蛋糕個樣好靚，雖然我唔係覺得個蛋糕好驚豔好好食，但有時唔想淨係買連鎖店嘅蛋糕，支持吓小店瓜破嘅蛋糕都係幾好嘅

由從前只找到店名，到現在已經有不少評語。今天終於自己寫 也是第一次寫評語～*非門市經營，可能信心度及方便度 ，會覺得 係咪得架！？但從聯絡＆包裝＆甜品上，便知道用心經營。因此更要支持～*製作者用心製作，享用者感受到，便會用心品嚐。友人半個甜品控 食前已經預備茶⋯每種蛋糕都有個名，今次＂凜＂ 。整體視覺感很好，友人首選栗子甜品，但又唔想又係成個栗子產品⋯見到 呢個特別配搭 ，黑加倫子丶朱古力丶栗子忌廉⋯係你啦！原本一見黑加倫子 都怕太甜⋯但食完⋯不太甜 剛好，微酸甜*一層層忌廉狀，也不會太＂溜＂，口感幼滑 蛋糕底也軟硬度不錯，平時很怕 空氣海綿蛋糕⋯已經諗 下次到我食邊款🙈

聽過瓜破好耐啦！真係有機會食啦！就係朋友生日既時候訂左黎試啦❤️🙆 聽說老闆以前係新聞界既朋友，之後轉左行，去日本學藝整餅，成件事好有夢想，又好有畫面😉 呢款係桃MOMO $268一開盒，同圖片一樣架，無失真🤣桃+伯爵茶既味道，好清新，甜度適中，每層之間鬆軟之餘亦多Juice, 中間有夾住D白桃，幾清甜，好岩女仔食，因為通常食完飯已經好飽，食唔落成個蛋糕！但今次我地6個女仔，食得哂呢！哈哈！一班大食女人🤣值得encore! 下次一定會再幫襯！

剛開始寫食評不久，就是想先寫一寫那些一直覺得很讚的小店。首嘗瓜破的蛋糕已經是3月的事。平常都是秘書姐姐花心思幫大家慶生，到她的生日輪到我安排，希望尋找精緻點的生日蛋糕，於是選定了這間口碑不錯的網店。電話查詢可以送貨到公司樓下的地鐵站口，正適合鼠唔得太遠的打工薯仔這次訂了2磅裝的'桃momo'（$526），是山形白桃x伯爵紅茶的口味。一開盒，圖文相符無投訴蛋糕果肉充足，不會太甜，用清新和淡麗形容正好。大家都好歡喜，是個很好的消費經驗。在香港這個資本主導的市場，大部分價格最於都係用於交鋪租，遇到能堅持交付產品價值的店很難得。值得推薦