Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Signature Dishes
Recommended Dishes
雖然係外賣 但明顯可見小曱甴已經係酸菜撈左一段時間佢個size 仲要同黑芝麻相約 差啲食埋佢哋中午同晚市都好多人好多外賣 本身都等得比較耐 無諗過酸菜加左料 好睇睇到啲腳同觸鬚🤮大家食之前都要睇清楚係黑芝麻定有腳嘅生物
continue reading
雖然由喺香港開到依家個menu 已經變咗好多 （啲大胃王友人以前最鍾意佢哋個免費添飯😂），但嚟到大戶屋佢哋嘅料理始終係有種温暖嘅自家製感覺，係一間性價比高嘅日式家庭料理~太古呢間係長期長龍店，晚市通常都要等，所以今次索性下晝嚟食咁就唔洗等咁耐啦~今次嚟到我依然係揀選我最愛嘅吉列熟成豬扒玉子鍋 （長情囉，咩呀😎）香脆嘅吉列豬扒外層薄又香脆嘅吉列炸衣包裹鬆化而厚身嘅豬扒，肉味濃郁唔油膩。而最正係加埋個玉子鍋，香滑嘅蛋液混合鮮味中帶甜嘅汁用嚟伴飯簡直係一流，一次滿足幾種唔同嘅口感同味道係一個昇華版嘅他人丼然後仲有友人最大力推薦嘅五花腩 🐖我哋揀咗特選增量熟成，分別有燒醬油同埋鹽麴熟成兩款口味嘅五花腩~ （個人覺得鹽麴熟成更加出色）經過烤爐高温燒過嘅五花腩有微微焦香，一方面迫咗啲油脂出嚟同時鎖住肉汁，所以食落感覺唔肥肉質緊實而且肉汁豐盈；鹽麴嘅酵素可以自然咁分解食物，從而帶出甜味同鮮味，加上鹽麴有天然鬆肉的效果，所以啲肉質係自然地更加軟嫩易入口。（又係另一個白飯殺手呀！——）屋企人要咗最穩陣嘅銀鱈魚西京燒，最經典嘅菜式。魚身雪白油脂豐厚，食落係夠嫩，帶少少入口即化嘅感覺，但個敗筆係但今次個調味一味得個鹹字，無咗應該有嘅甘甜味，就算我加埋巨量嘅蘿蔔都係於事無補。浪費咗條銀鱈魚囉...鰻魚盒子飯（全條）鰻魚都幾肥美，而且份量足，不過今次個鰻魚係唔夠調味，狂加咗山椒粉都係無乜作用。就，又係個調味浪費咗個食材，哎~整體都係豬料理大勝🐖🐽比較貴嘅魚料理，今次嘅故事教訓就係，貴嘅嘢食又未必係啱口味，有時候「地味」先係個皇道。
continue reading
這次來到大戶屋，一坐下就叫了鹽燒蓮子鯛定食和迷你滑蛋吉烈豬扒飯配烏冬。蓮子鯛嗰份量啱啱好，魚肉嫩滑得嚟又保持住魚嘅鮮味，簡直係咸香就正啦 👌🌊。至於迷你滑蛋吉烈豬扒飯嘅部分，豬扒肉質夠彈牙，嗰啲滑蛋又真係滑到出位，配埋好有嚼勁嘅烏冬，一流！🍳🍜 真係食到嘴角都甜晒，讓我𠺘非常之滿足呀！揾食做嘢，平時都幾忙嘅。有咁間大戶屋可以咁即叫即食，正！食完之後又有精神返去拼工作，真係好keep住！🔥 環境舒服，服務態度仲唔錯，感覺得到員工對食物嘅用心。等嘅時候都唔覺得耐，因為知道啲嘢食好食，呢啲等待都值得啦！下次有機會，仲要再嚟試下其他菜呀！🥢👀
continue reading
Lunch time 同幾個朋友去咗呢度食lunch，大約1:30pm 落單，但食物要等成25分鐘先上到枱我哋上堂唔可以遲到，所以用最快速去食晒，好趕急！根本品嘗唔到嘢食好食定唔好食…..而且定食碗飯好細，不過呢度好處係每個餐可以添飯。
continue reading
間唔中就會好想食大戶屋，但繁忙時間唔夠膽去，因為實要排隊，今次平日黃昏唔駛等就有位～。食物燒醬油五花腩拼牛扒$133真係好好味，最正係五花腩同埋果pat薯仔沙律，沙律菜都超多！今次牛扒好大舊，但有一舊趙極都趙唔到…有人話蒸蛋好味，我就冇乜感覺，個湯都好一般。不過啲茶就好夠熱，店員都會幫你加茶。平時落單店員會叫你等廿分鐘，但今次十分鐘到就有食物。。衛生留意到，通常食物快冷掉時，就會引到蒼蠅飛黎，都幾討厭，今次無所不用其極先影到一隻！而且都幾大隻！佢都幾識食！。服務可能想本人早點交檯，我一用電話店員就想收餐～前後兩次。會員制本身欣賞可以會員儲積分換野～。結論有時間本人鍾意去中環店多啲～
continue reading