Video
Exit C2/ H, Kowloon Tong MTR Station
continue reading
Introduction
Oliver's Super Sandwiches provides soups, pasta dishes, baked potatoes and over 40 kinds of sandwiches to choose from.
continue reading
Additional Information
Meatless Menu Details: Wide selection of vegetarian dishes available daily.
Opening Hours
Mon - Fri
07:30 - 20:00
Sat - Sun
08:00 - 20:00
Public Holiday
08:00 - 20:00
Above information is for reference only. Please check details with the restaurant.
今日約朋友兩人食tea經過super sandwiches 見到tea set 幾吸引，仲好想試佢個忌廉酥皮湯，一於入去試下！門口已經有紅外線自動量體溫，仲有酒精搓手液，先確保每個入黎既人體溫正常先叫野食。叫完野食之後，可以先坐底，見到每枱都有玻璃板隔住，讓大家安心食。侍應好active 去幫客人送餐，有咩需要拎佢地都好快手好helpful 幫手，減低我地食食下要再帶口罩拎野既情況。我叫左圖中burger, 一杯coffee, 加酥皮湯，味道好滿意！用完餐，佢地都好有禮貌先幫手收起餐盤。下次會再試埋其他野！
continue reading
🐻樹熊今日即興邀約熊妹去又一城樹熊熊妹好耐都無到訪的飯堂《Oliver’s Super Sandwiches》食晚餐。📌一心朝著沙律過黎食，因為好大兜又多醬又多料又好味，可惜7點黎到賣清光哂咁濟，唔知而家係咪疫情關係少啲生意所以唔會refill呢？記得以前晚上8點黎食仲有一大盤的。📌無沙律就睇下晚餐menu喇，都係著名的焗薯🥔、意粉🍝同漢堡包🍔，價錢大概$77-$138，包一客湯🥣及一杯飲品，🍹，免加一，好難得喎！📌今次最新大發現，有假日二人套餐喎，包兩客餐湯，一客二人小食拼盤，一客烤雞拼薯條主菜，另一款主菜可選意粉、沙律或者三文治，再包二件精選蛋糕同一杯餐飲，價錢$198，免加一，比起叫兩款晚餐主菜仲抵食喎！一於試下呢款喇！酥皮湯，跟餐價，加$12兩客湯，樹熊忌奶點左雜菜湯，熊妹最愛奶，點了黑松露忌廉湯，樹熊同熊妹都想食酥皮湯，所以各加左$12。《Oliver’s》的酥皮湯真係做得幾出色，酥皮焗得非常脆，浸落湯食，啖啖索哂湯的精華連埋一齊食，超級滋味。黑松露都唔少，奶奶的忌廉湯慢慢滲出濃濃的黑松露味，非常之夾。二人小食拼盤小食拼盤就係炸物，有洋蔥圈🧅、芝士薯波、海鮮春卷同泰式檳檸雞槌，全部都炸得好香脆，足料之餘調味都好夠，唔會厚厚一層炸粉蓋過本身食材的味道，係水準之上！香草燒雞拼薯條到套餐必備的主菜燒雞有半隻，隻雞幾大隻，面頭見到粒粒香草葉。雞肉幾嫩滑，唔鞋，焗得幾入味，啖啖肉都要拆下骨，份量都幾多。另外，伴碟有沙律同粗薯條，份量都幾多，不過無咩沙律汁，慣常地，沙律俾熊妹清哂，薯條就益哂樹熊喇。經典公司三文治（全麥方包）另一款主菜，樹熊嚷住要食三文治，就揀左《Oliver’s 》經典公司三文治🥪。三片麥包烘底，中間夾雜著沙律蛋生菜，雞肉，芝士片同蕃茄，形成滿滿的公司三文治，滿足哂樹熊對三文治的食慾喇。精選蛋糕-芝士蛋糕兩件精選蛋糕係小小的芝士蛋糕，份量細左啲，不過味道幾唔錯，質感幾扎實，帶微微忌廉芝士的酸，細細啖放入口慢慢細嚐蛋糕🍰的味道，唔錯。📌整體黎講，呢份二人餐由餐湯同甜品份量都幾多下，有大食樹熊係度都食唔哂，唔收加一又坐得咁舒服🛋，難怪樹熊熊妹都咁鐘情《Oliver’s Super Sandwiches》。💕
continue reading
今天小朋友復課終於可以到餐廳享受早餐，到了又一城的 super sandwich，餐廳門口有一部探測體溫機，枱與枱之間也有膠板隔開，有些枱更貼了暫停使用貼紙。現在用餐真的很方便，以手機掃QR code便可點餐及付款，職員更會將餐送到枱上，不用離開座位。我點了的早餐超級豐富，有蕃茄濃湯貝殼粉、兩片麥包多士、吼半隻蕃茄、香腸、脆薯餅、兩隻太陽蛋，加$7轉飲凍檸茶。濃湯番茄非常好味，香脆薯餅夠鹹香，炒蛋更可轉為太陽蛋、反蛋等等。
continue reading
好多年前晌City 讀書都好經常會來這間super sandwiches當然而家食就係貴左好啦。就好似我既體重一樣重左好多。而餐廳都轉型左好多既，記憶之中以前淨係有焗薯食、三文治而家多左好多野食，意粉、熱湯得都有仲有好多沙律食，而d沙律都整得有有heart感覺好似都幾健康有好多係super food，好似係紅菜頭、藜麥、南瓜。d配搭都幾特別架。整體感覺上係輕西餐，感覺輕盈d，唔會話太飽太heavy 。OL 好適合呀！
continue reading
每逢星期六，都想食個豐富d嘅早餐，過一個good morning，呢間平時食lunch都會幫襯, 早餐就未試過，第一次試點左個炒蛋輕盈早晨全接觸：有齊炒蛋，腸仔，茄汁焗豆，蕃茄，仲有個迷李牛角包，都幾豐富，食完其實都幾飽。最鍾意食佢嘅腸仔，有濃郁芝士味。唯一美中不足就係跟餐附送嘅飲品，我點左杯熱檸水，但唔知係咪個檸檬浸左好耐，飲落都幾澀。
continue reading