奧日本料理 (Closed)

每個星期都會搵一日同同事出去食lunch，西餐食得多，今次同事就帶左我去食日本野。佢話呢到嘅二人前好豐富，啱晒我 🍽奧和風御膳(二人前) (午膳時段) 沙律同前菜，每人係各自有一碟，前菜每次黎都可能唔同。今次呢個係魷魚~正常味道~~ 食完前菜，就上刺身！今次個刺身好靚，整左朵花花，見到都加分但係上次黎係無咁靚架~每款刺身一人有一件。我無深究花花係咩魚，但三款都好新鮮！好有質感！ 金鉑鮑魚，一人一隻。已經細心地切開左一片片，唔會食到論盡。最好趁熱食！ 魚生飯，魚生相對刺身就無咁新鮮，同事仲食到某隻魚有d腥，但我就唔覺得有腥味。不過食到呢個位我已經開始有d飽~ 之後再上蒜片牛柳粒，又香又juicy，而且我好鍾意食牛呢~ 天婦羅味道正常，不過不太油膩呢點值得讚你以為食完？其實仲有麵豉湯同甜品，甜品可以揀雪糕或者柚子蜜！很滿足嘅午餐！2個人食咁多野盛惠$328，價錢算抵！只要like餐廳專頁同打卡仲有折扣優惠添！不過記得要事先book位，walkin嘅話十居其九都無位架！

Most rip off Japanese restaurant in townBring two of my clients to OKU on Monday, for the respect of the chief, we order “omakase,” which means “I leave it to you” chef. They serves average food, both amount and quality but charge very very expensive rip off price. Over 1,300 HKD per person. what is worse is they do it without asking us nor letting us to know, what as most of the "omakase" will do. OKU staff is TOTALLY misusing our respect and trust of a Japanese restaurant chef. What a ShameAdv

今日食在告士打道，品嚐手握壽司早陣子讀了本關於壽司之神的書，內容介紹了好多新鮮的食材，以及點樣先可以整一件完美的手握壽司，書裡面沒有寫明步驟，但成功的方程式就顯然易見，就是堅持+勤力+鑽研+要求，嗯，不容易呀!!lahris點了廚師挑選的9件壽司定食，當中有沙律、前菜、9件壽司、烏冬/蕎麥、麵鼓湯、咖啡/茶/甜品這裡的手握壽司用了赤醋，聞說成本比一般壽司醋貴三倍，米飯部份呈淡粉紅色，米飯體積比較小塊的，lahris倒是覺得方便進食，而且lunch hour食太多飯也不好，睡意一下子就會來啦!雖然你可以話lahris懶，唔想揀，就交畀廚師幫我哋揀，不過，又真係每次都有驚喜，有時會食到好多連名都唔知道的新鮮食材，這個就值回票價了! （其實應該問吓店員用上甚麼食材，只是我們都掛住傾計，忘了)今次lahris覺得特別回味無窮的有海膽軍艦卷，橘子色的海膽堆成小山丘，一啖放落口，溶化了，而且海膽和壽司飯的份量勻稱，所以每一啖飯都有海膽墨魚腳也超新鮮彈牙，軟軟的，好吃！帶子也超鮮甜，還有的就是SALMON ROE，粒粒飽滿，不腥，夠juicy，而左下的maguro也不錯，脂肪比例不多，是中赤嗎? 也

成日陪朋友出銅鑼灣行街既我, 第一次黎呢間日本餐廳食晚飯, 餐廳既氣氛都幾有情調,星期五夜晚8點幾, 餐廳門口都仲有2、3張台輪侯, 我地好快就入到去，既然咁早入到黎，於是我地都唔急住咁求其叫啲野食, 我地兩個人揀左幾款野食. 煎魚扒，刺身，布丁，多士仲有個2人定食，最值得讚既係件魚扒，咬落去幾乎係入口即溶，簡直食過返尋味。本身仲諗住驚唔夠食，但全部野食都夠哂份量，一啲都沽寒。下次有機會一定會再去試

身為飯桶，見到這日本餐廳有「二重飯」Set Lunch(HK$118)，馬上拉著同事來試試﹗我選了「黑豚肉生薑燒飯」和「鹽燒鯖魚飯」，十分美味，尤其鹽燒鯖魚燒得外層香脆，內裡魚肉又不會太乾，我們個個讚好(另外同事還點了照燒鵝肝飯」和「照燒雞扒飯」，都很不錯)﹗Set Lunch還附上麵豉湯、沙律、餐飲 / 超濃香味的芝麻雪糕，值得一試呢﹗

原本諗住行去灣仔食熱湯餃子。行過見到呢間又記得前排開張諗住入去，雖然尋日已咗食壽司，今日試新嘢無所謂啦。壽司定食包括沙律、前菜、9件壽司、烏冬/蕎麥/麵鼓湯、咖啡/茶/甜品。沙律新鮮，醋麻醬調得幾好份量適中。前菜係煮茄子，紫藍字質感實唔係腍pat pat。壽司嚟到，驚喜地見到用赤醋飯。赤醋成本比普通壽司醋貴三倍，唔係太多店會供應。我所知香港有嘅唔過十間(志魂、穴蔵、湖舟、鮨森、鉄人旨花、 Sushi Mori Tomoaki)，“奧”係新加入。原來因為呢度嘅偉師傅來自鮨森！坦白講個赤醋飯為味道加唔少分，體積較一般小，飯身鬆緊度拿捏剛好，調味適中。三文魚籽卜脆、日本海膽幾鮮甜、竹籤魚幾肥、帶子甜、甜蝦幾膠質重、深海池魚肉味濃鮮，但師傅處理魚生唔夠細緻，我最憎啲魚邊好韌咬唔斷要lur渣、油甘應是魚背位幾爽、中拖羅油脂稍少都可以但有渣、鰻魚味道幾好但太腍冇質感。蛋卷幾有蛋香可惜太乾。熱蕎麥麵個湯好淡木魚味，麵質稍嚡但可接受。咖啡落咗較多奶先掩蓋到過濃過苦陣味。除咗刺身處理唔夠細膩，出菜上菜速度亦太慢。其實店舖得27個位，我12:35入到去得一枱客3個人，陸續入多5個分3枱，全店得5枱9份餐先

知道有間新既日本餐廳開又喺公司附近，就收工同同事試菜，唔錯的話公司大小活動都可以喺度搞，座位唔係好多夠晒我地公司人數。我地4個人試菜當然要試omakase啦，睇下有咩特別之處。omakase有前菜，刺身，湯，燒，煮，壽司，甜品開支酒飲下，就係我同事男神必然會做既。問侍應有咩靚酒介紹，問左我地鍾意咩口味後就介紹左我地飲路上有花，一聽個名我地兩位女仕就好鍾意。食物先黎既係鹹菜，比我地餸酒。前菜有三樣，茄子，烏魚子，腐皮，腐皮就冇咩特別，茄子同烏魚子都唔錯。刺身有象拔蚌，拖羅，獅魚，拖羅入口溶不得了，象拔蚌爽口。湯，唔記得叫咩湯，好滑好清甜。海鮮蒸蛋，同其他餐廳唔同，有海水味完全唔洗加豉油。燒喜知次同?魚，好好味，好夠味。和牛溫泉蛋黃，蛋黃汁流落和牛到好滑總之就好好味。壽司有4件，識得海膽同金目立，另外有件唔記得。其中一件燒既好肥好香，可惜唔記得叫咩名，希望下次去有得食返啦。甜品係北海道牛奶布甸配柑味既汁，真係好味，其實好似每樣我都係話好味，但我真係只識得用好味黎形容，我唔係好識表達。哈哈環境唔錯，日本feel得黎簡樸，廁所又另一種日本feel幾位同事都大贊出色，決定公司大小活動都去呢間搞。