妹記大排檔 (Moved) New Location

間唔中都會嚟妹記食飯, 不過今晚既水準真係帶來100個失望 唔通廚房換咗師傅 ?同男友兩個人ORDER咗以下三樣嘢:1) 小炒皇: 唔夠鑊氣而且係愈食愈出得多水份, 同埋當中既西芹個味道係帶酸的, 蝦乾就非常之咸, 結果食剩大半呀, 好浪費2) 薑蔥蛹蠔: 份量6隻 收費 $128, 如果整得好食, 覺得絕對唔貴, 不過層粉漿略為厚, 個人口味唔喜歡, , 而且其中一隻有異味, 食唔到! $128, 唔值呢!3) 南乳齊煲: 無南乳味, 而且略咸, 結果又食剩一半, 又浪費了 短期內唔會再去了!

是日星期一,同朋友黎妹記食飯,八點幾到,幸好不用等位! 鋼窩雞: 好香,好有火氣。辣得黎好鬼開胃。 南乳香酥骨: 炸到好入味,雖然乾身左D,不過仍然食唔停口! 豆豉虎皮尖椒: 好好味,不過價錢就偏貴京都骨: 汁好味,不過略嫌佢D骨好肥,食左一舊已經頂唔順。西蘭花炒鮮魷: 鮮魷好老,D西蘭花又唔夠入味。預左會好吵,估唔到比我想像中光猛。唯獨個餐牌污糟到唔想再掂...

在舊店時我成日去食飯的.當成屋企一樣.一星期食足5日.唉~~點不知轉左新店.開頭都OK既.點不知越來越衰.黃金蝦:炸得不夠香,又細隻.本人覺得好似返炸一樣.鋼鍋雞:油多.沖多.雞小.得個6.7.件..又不夠辣.食完仲有好多油係到...唉~飛天通才:真不知果到的師傅係唔係好得閒.炒到D菜過哂火.全部淋的.鬼馬油炸鬼:粉多,又硬.又不夠熱.小D牙力都食唔到沙拉骨:個心涷的.好似無炸過一樣..可取的是老板娘的態度.夠熱情又好笑容.但想我再去多次都幾難.大排檔在我心中不是這樣的.夠鑊氣,出菜快.但妹記已經不再了.失望

當日叫了一些熱門介紹的菜, 如:炸墨魚嘴黃金蝦鋼鍋雞炒聖子... 酒~好失望... d 炸野好似番炸, 又實又乾. 雞呢... 我地六個人, 每人一件, 算唔算多呢? 唉~蝦... 又係數埋無十隻, 隻隻好似未成年少女咁, 我都無興趣夾佢入口. 酒 , 居然唔夠凍!!!! 有無攪錯?! !!

都算是有一班瘋狂的舊同事，久久未有與他們飯聚，有的變了很多，有的依舊在崗位，總之人人際遇不同，而我也離開了舊公司一段日子，是日又見到以前經常對着的每一張臉。大家都住在九龍或新界區，所以我這個港島人也不便找港島的食店，最後選了最為大路而選擇又多的尖咀，在云云的店子之中選了妹記，就是貪它夠經濟又夠市井，大家吃着飯，叫多一點餸菜也不肉赤，狂吹水狂隊啤，很快活也。訂好了位，而大家也比我還早來到，大家每人出了一些意見之後，就都認真的點起菜來，最後大家也非常好人的接受了我大部份的意見﹝其實即是我想吃的東西﹞，點了一個南北杏菜乾豬肺湯、椒絲腐乳通菜、黑椒薯仔牛柳粒、油浸荀殼魚、炸大腸、鬼馬油炸鬼、避風塘茄子、豉味辣蟹煲及一個單尾肉絲炒麵，相信是很豐富的了。未有小菜吃，就先吃着脆口非常的花生，及拿着戰鬥碗隊哈爾濱啤酒，已經在其他的食評中提及，此品牌的啤酒喝起來較清，但喝起來夠冰凍就是了，加上不得不提店家的戰鬥碗，是預先雪得冰冷，這實在是細心。之後就來個湯了，這個南北杏菜乾豬肺湯，材料除了有南北杏、菜乾及豬肺外，還有不少的雞腳及瘦肉，湯夠清又甜美，豬肺洗得夠乾淨，所以個湯沒有很濁，而豬肺吃起來都是一點異

第一次黎已有不愉快經歷啦, 唔俾BOOK 位, 唯有黎等啦, 等左差不多1HR, 焗氣. 我22號, 點知叫到27,8號都未到我地呀, 話我地多人要大台呀, 要等, 最焗氣就係, 人地7位就有位, 我地8位就唔入得, 7位AND8位有咩分別?!?!我地咪嘈個服務員囉, 佢地先搵張台俾我地呀. 幾想唔吃走人呀, 但冇理由等左咁耐E+先走架, 忍佢.叫左8樣送, 我冇樣送係覺得特別好吃O既, 只是豆豉鯪魚炒油麥菜是普普通通,比較O岩口味, 其餘都唔得囉. 求其搵間大排檔都好吃過佢多多聲啦, 服務仲差過出面D大排檔, 一定冇下次呀!!!!

上星期二一家四口到尖沙咀妹記大排檔吃晚餐, 當晚食客不多, 服務員不錯, 見我手攜一盒西餅, 主動提出放入雪櫃暫存. 大熱天氣, 先來一枝啤酒, 這裡不是用杯盛啤酒, 是用碗的, 名字叫戰鬥碗, 很有氣勢. 而且碗是預早放在雪櫃雪到冰凍, 很體貼! 碗內印有勝字, 用這碗喝啤酒特別暢快. 啤酒小姐不時到各枱為客人斟酒. 我們點了以下食品: 小炒王 有兩粒帶子,蝦乾, 魷魚, 腰果等炒西芹. 炸墨魚嘴 很香口, 送啤酒一流. 鬼馬油炸鬼 有創意, 油炸鬼內釀入墨魚膠, 醮上炸漿後炸, 炸漿略厚, 入口頗油膩, 適合一件起兩件止. 籠仔蒸雞 雞肉夠嫩滑, 肉汁豐富. 雜會炒菜 想不到豬潤都炒得不錯.

自從妹記搬左之後第一次幫襯...伙記態度依然有禮, 仲會同你有講有笑...食物方面有點令人失望了...味道跟以前差天地, D小菜無晒鑊氣, 而且只係暖暖地唔夠熱, 感覺似用微波爐返叮一樣...上菜速度超快, 啱啱落單, 啤酒未到, 小菜已到@@所以更加肯定係一早整定叮返出黎...可取的是份量依然足料, 以及價錢經纃, 今次每人也只是夾了百多元...所以拉回分數, 不足以比1個喊面...

之前去過舊舖, 好多嘢都好好食, 好回味.... 可惜........兩個人, 3味餸, 無叫......豉椒炒聖子 $68 好鮮味! 又唔會被豉椒搶咗d聖子味... good鮮茄金銀蛋肉崧浸白菜仔 $48 個茄湯好茄!! 不過白菜仔太爽口.......油浸筍殼魚 $68鹹到nar喉!!! 向店員要求救下, 佢話不如倒咗d豉油試吓..... 仲話條魚係無yip過, 係就咁落油炸..... 唔知係米筍殼魚係海魚呢, 係鹹架噃~~~~ 米玩啦..... 後來, 醒起可以用酸去中和番, 所以叫店員咗拎d檸檬嚟.... 好好多~~~~~店員服務態度良好, 只欠精靈 3味餸, 未夠飽, 不過已經唔知想叫d乜食..... 走嘅時候先8點未夠.... 行咗陣街, 經過壽司店, 再食過

行到累,友人叫我去妹記, 想也不想便叫了1. 黃金蝦- 味正, 蝦頭及閃電位都切曬, 所以D黃金入曬蝦身, 好香口, 不過食完有小小胃痛.(係自己年紀大的問題吧)2. 紅燒豆腐- 味濃,豆腐多到食唔曬, 冬姑有幾粒味幾先WOR. 如果有菜心放WOK底致好. 個WOK仔勁熱, 食得我地成頭汗.3. 鬼馬油X鬼 及 干炒牛河- 好大碟,太飽食唔落, 所以no comment.叫埋單見到老闆"妹記" 態度十分好,我地無比貼士都無黑面. 下次一定會叫多d朋友一齊去.

昨天5月6日致電訂5月7日 7:30pm檯, 店員回覆訂檯不能. 當期時我跟他說openrice上資料是可以訂檯. 而我客氣地說我們12人. 而且會準時到. 店員又說不能, 要留給walk-in客. 他說很多生意, 不能hold 檯, 先到先入, 而且叫我5月7日7:15pm前到達就有機會安排. 今天5月7日 3:30pm, 找一個女子朋友再致電訂檯, 店員回答: fully book

星期五個日放左學之後行左一陣街，就同男朋友搵下有咩野食，行到金巴利道見到有為數十幾人係門口排隊，就去睇下間野係食咩啦，原來d人就係排緊妹記，咁我地以為咁多人排隊都應該ok啦，咁我地就拎飛排隊。入左去之後我地叫左三樣食物同一枝啤酒兩個飯，個三樣野食都好唔得，我地叫左鋼鍋雞，個鍋一d都唔熱不特止仲要成個鍋得五至六件雞，其他都係d蔥蔥蒜蒜，另外有一個蒜蓉粉絲蒸絲瓜，好油，不過已經係叫做可以入得下口個碟，另外一個叫做鬼馬油炸鬼，其實係將d墨魚滑上炒拎去炸，炸嘅食物應該係脆，不過佢好明顯係返炸過唔知幾多次，完全係硬到咬唔到落去咁滯，我男朋友就同佢地d職員講呢個餸好硬，佢竟然夠贍話佢係比較硬架，我即係呆曬囉，比較硬都唔會硬到咁呀，之後我地都無食到就埋單啦。我臨走之前去左個toilet，見到人地個鬼馬油炸鬼比我地個碟淺色好多，好明顯佢地係返炸比我地啦。個日兩個人去食比左$197，不過係食唔飽，因為d野真係太難食都無咩點食到，以後一定唔會再去囉。

之前行過黎男友話見唔到,以為佢摺左or搬左然後出親尖沙咀就係度"um"話想肥今日由我親自帶佢睇,大大間遠處就見到個招牌一定係男友對眼太細睇唔到大概七點就去到,唔使等位,不過坐門口人人行入黎第一個見到就係我地,有d唔舒服平時我不嬲唔叫飯,不過今日好想食飯所以我地只叫左兩個送黃金蝦 : 好快黎,加上唔熱,所以我肯定佢整定擺左係度好耐...d蝦細隻,咸蛋黃唔夠多...不過我同男友都清左碟,即係都唔係慘都食唔落口既西蘭花炒鮮魷 : 鮮魷好un,咬到我牙都甩...白飯 : 又唔熱,又唔夠軟...still,我地兩個清哂d野...食左我大半碗飯既男友更加飽到坐立不安

呢間野埋單最好CHECK清楚張單，我地叫左7支啤酒，單有8支，冇叫過汽水張單又會有一支既，叫左4碗白飯，單又有7碗，D員工態度超差，請都唔再去~野食都算唔差，最差都係果碟黃金蝦，D蝦又細隻，得手拍尾咁大隻左右，最後都cancel左我味道就唔算太差，野食都算上得快.........ps:我地有9個人去~

今天下午,約好今年大學畢業的朋友到理工影畢業相,和他影畢業相前,我們便約好先到尖沙咀食lunch. 今天我們打算到一些茶餐廳食飯,剛好經過"妹記大排檔",便落去試試.到了妹記大排檔,便覺得這間大排檔像當年在尖東的"香港拼圖". 牆壁上貼滿了60,70年代香港大排檔特色,無論燈光,掛牌,擺設也配合回60,70,80年代時的大排檔, 這個主題不錯不錯,不過看看食物是否也是不錯及可否令我回味當年大排檔的風味.今天,我們各人都是order寫在黑板上的套餐. 而我今天order的便是粟米汁魚柳意粉-$28還記得落單時,我也要求伙記,可否多粟米汁. 他們真的很客氣,真的給我很多粟米汁,使我整碟意粉也吃光了,因我每一口意粉也可以吃到充份美味的粟米汁. 魚柳的皮也炸得很香脆,很香口,正.各朋友也order了以下中午套飯,而我今天也特別有口福,因各朋友也知道我很喜歡寫openrice,所以每一位朋友order的set lunch也分了幾口給我試食. 例如菠蘿汁豬柳飯-$28這一個汁也是很好味呀. 酸酸甜甜的汁,特別開謂. 正干炒牛河-$28干炒牛河也炒得很有鍋氣. 最重要的,是牛肉不韌. 真的不錯不錯.