麥當勞

Open Now

Now Closed

今期McDonald's 推出套餐加大都可以有shark shark粉送，加入去薯條真係超好味，仲有套餐食物全部都好夠熱，雪糕亦推出阿華田味超正，都只係賣8元1杯，超抵

麥當勞早餐今天放假可以慢慢嘆一份豐富的麥當勞全餐👍早晨魚柳全餐早餐🐟🐠魚柳很香脆好味再加上一杯即磨咖啡在於寬闊的餐廳內十分之舒服。慢慢食。餐廳內環境設計舒服。大大塊嘅魚柳及香滑的蛋。💕魚餅是我最喜歡的✌️炸得好香脆😁而家都係用環保嘅刀叉。為環保出一分力💪

食過呢間嘅薯條係最熱最好味嘅～叫左個麥樂雞餐加大配埋個蜜糖bbq味shake shake粉，薯條個量都比其他分店多配埋個大可樂真係一流。同埋啲staff 態都好好👍

Puff Pastry Chocolate Pie $10Portion was smaller than usual. But the puff pastry was super thin with many layers. The chocolate spread was of Kit Kat! Great flavour but not sufficient. Overall quality was excellent given the price!

早兩晚喺麥當勞買嘢食，咁啱見到呢一個福岡草莓配埋Kitkat嘅promotion，作為草莓粉絲嘅我，咁就一定要試啦！雪糕呢同佢麥當勞平時啲雪糕一樣嘅，都係相當幼滑，福岡草莓味係超級濃郁，條Kitkat嘅朱古力呢，就同張圖有少少唔同嘅，相對係短少少細塊少少，但係都唔影響整體成個雪糕嘅味道！而且性價比高相當高而家都只係賣緊$8，好耐冇食過$8嘅新地，個雪糕仲會有好多朱古力醬，士多啤梨加上朱古力呢個配搭真係一流

榴槤控要注意啦，麥當勞最近出咗D24榴槤麥旋風，只係出咗幾日，好多分店已經賣哂，好彩今日經過銅鑼灣見到仲有，立即下手！！.🍨D24榴槤麥旋風榴槤蓉係馬來西亞直送，聞落已經好香，溝埋雪糕新地，一啖榴槤一啖雪糕，超正呀😋😋不過一球榴槤蓉唔係好大嚿，食食下就好快得返雪糕，加多一球就最fit，不過價錢要貴多$15🙈🙈.如果想食記得去麥當勞社交平台睇下各分店供應情況，咁就唔洗撲空啦！！！！

想食少少嘢 入到黎全部枱都放晒食完嘅餐盤.搵咗一陣先叫到人收野..叫咗個脆辣雞腿包餐 雞炸得好脆但咬落都幾多油 醬汁啱啱好 薯條好似放耐咗腍腍地食落麻麻地 即磨咖啡就唔錯

今日要外出工作 又想速食😝加上今年係麥樂雞40週年🤩所以就去左M記食麥樂雞同shake shake薯條🤩主食：麥樂雞6件因為而家有$28 6件麥樂雞餐，比起9件麥樂雞餐平🤭我揀左最中意既蜜糖芥末醬，麥樂雞係啱啱炸起，吾係翻炸再翻炸，所以好味😋主食：加大薯條我揀左美式BBQ蜜糖調味粉，同以往一樣水準☺️飲品：白桃梳打有幾粒雜果係面，有d咬口，都吾算差👍🏻👍🏻係港島區既最平午餐，如果吾趕時間可以慢慢坐，吾會有人趕😂😂 用麥當勞app買$37

🍦🍨好立克新地麥當勞嘅新地一向唔便宜，今次限定甜品櫃先有既好立克新地有半價，$14變$7。新地有得揀扭紋底（原味溝好立克）或者全好立克，我揀咗全好立克。新地賣相幾好，好立克底加好多好立克粉係面。粉好香，個底係好滑既軟雪糕。好立克粉溝埋個底啲咁好食既軟雪糕，真係幾好食，好過就咁飲好立克。#雪糕 #新地 #好立克 #好立克新地 #麥當勞 #怡和街 #甜品櫃

麥當勞啊，係我哋平時最愛食嘅快餐之一啦！佢哋嘅炸雞啦漢堡啦，味道都好好味。炸雞脆脆嘅外皮，入口即化嘅肉質，就算食多幾塊都唔會膩。漢堡就更加唔洗講，每一款都有佢嘅獨特味道，加上軟綿綿嘅麵包同新鮮嘅蔬菜，一咬就滿口幸福感。如果你鍾意甜品，麥當勞嘅蘋果派同雪糕都好正，又甜又香，一食就停唔住。最後，唔好忘記試下佢哋嘅薯條啊，炸得剛剛好，酥脆可口，真係好好味。總之，麥當勞係一個可以滿足你所有口腹之欲嘅快餐品牌，真係值得一試！

放假朝早諗得最多就係”食咩好呢?” 而麥當勞早餐多數係我最佳選擇，因為佢可以電話落order既方便又唔洗排隊等！咁今次我就叫咗一個板燒雞腿扭扭粉配豬骨湯套餐，咁套餐會跟個薯餅嘅，麥當勞薯餅都出名熱辣辣又香脆，所以不嬲都係信心保證！另外板燒雞腿扭扭粉，佢呢有少少辣嘅，咁都令到成個扭扭粉早餐更加香，咁我多數都會揀豬骨濃湯味，因為另一個湯的話呢，佢有時會俾咗嗰啲雜豆，咁我自己唔係咁鍾意食三色豆，豬骨湯底有啲粟米粒，咁食落口感非常之豐富，而早餐嚟講呢麥當勞早餐真係夠晒飽肚！

禮拜六返工🏋️ 就梗係要食返個早餐Good morning👍🏻 今日就食咗份麥當勞既珍寶套餐麥當勞 (銅鑼灣)銅鑼灣怡和街46-54號地下至2樓抵食指數: ⭐️⭐️⭐️⭐️珍寶套餐 $40食麥當勞唔食薯餅🥔又點叫食麥當勞先 所以我已經第一時間將塊熱辣辣嘅薯餅🥔食落口，套餐有齊熱香餅🥞豬柳同炒蛋🍳唔知你哋會將炒蛋同豬柳夾麵包一齊食定分開食呢食個醒神早餐，再配一杯檸檬茶🍸 就真係完美good day啦😋😋

今日同個女學完興趣班，女兒又不停要嗌食麥當勞，個女又食返佢最鍾意嘅麥樂雞餐，而我當然係至愛既紫薯新地，無論食幾多次都係咁鍾意~紫薯味道不太甜加上Oreo好有咬口，今星期會無限再輪迴

由細到大都好鍾意食麥當勞嘅脆香雞翼，基本上每個月都總有一次會去食，完全係麥當勞脆香雞翼嘅忠實fans。一盒有四隻，外皮好香脆，帶有幾少微辣嘅味道，令人食唔停口。佢每一隻雞翼嘅肉質都好嫩滑溜，都好多汁，超級正。

最近出成日同女兒去呢間麥當勞食嘢啊！因為有2層！地方好大～放學搵位好容易～最開心又可以食開心樂園餐《又有玩具啦》又可以食最鍾意食嘅薯條！麥當勞嘅薯條係最好食嘅～仲有麥樂雞添—甜酸醬啊