靈隱寺

Open Now

Now Closed

靈隱寺的齋菜 已經食逾超過20年了， 每年拜山都會順道一去食齋菜，十多年前是非常非常難吃，十年前不記得 某一年起提供的齋菜突然大幅進步， 直至近幾年逐年水準下降了，剛剛又再冒險去試食一次，真的不得了實在太難吃呵， 已經再無藉口，發誓從今以後永不再冒險了，明年起唯有步行至大澳医肚，迫吓人都要去其他餐館啦!

讚1 環境好過同類型食齋既地方太多 可以寧靜咁食下嘢 黎呢度既食客都係鍾意寧靜既 所以感覺好舒服2 炸春卷香脆唔油 餡料好均勻 羅漢齋入味 唔算好油膩 齋湯好足料 而且好清甜 幾樣嘢都有水準彈1 茄汁素果個味道酸得好刺喉

一行十人去 靈隱寺 行下, 順道吃素因有2位小朋友 我們order 八位餐白飯, 湯,茶任添餸菜冇味精, 有香口,有清淡,份量剛剛好平日好像有白粥 但當天剛沒有吃完順道祭拜神佛寺內有護法殿、觀音殿和大雄寶殿，屬洗滌身心之處

搭乘11號巴士從東涌直接來到靈隱寺站下車，然後過對面馬路沿著平坦有少少斜的車路一直走，走路大約十多分鐘便到達靈隱寺，由於寺廟依山而建，所以每參觀每一部分都得上落樓梯，來到客堂，買了食券（$100/位）就可以找個位置吃齋菜，四餸一湯，簡簡單單、清清淡淡的一餐，感覺不錯。蠻適合同行的老人家，大家都吃得很開心。原本都擔心疫情可能取消供應齋菜，但總算有機會品嘗。

揾左閒日去左大澳一天遊，先去友人之農莊參观，跟住就遠足行上去靈隱寺食齋，去到靈隱寺感覺好清幽，難得遠離煩囂，感覺好舒服就嚟一餐簡簡單單的齋菜。齋菜沒有得選擇，只有套餐，要先行去買飛，每人98元包四個餸，湯及白飯任裝🤤由於平日嘅關係人客好少，目測好多都係嚟拜神，就順便喺度食齋菜，等咗十分鐘齋菜陸續上枱，入面有甜酸齋，春卷，蓮藕炒雜菜及雜菜炒雲耳雪耳麫筋，味道不錯，講真好食過出面啲齋舖多多聲👍如果嚟開大澳嘅朋友靈隱寺嘅齋菜值得一試。

現在每位要95元。素食質素名大於實，素湯如水加幾粒豆，素春卷只得春卷皮。其他三款素食只係蓮藕炆冬菇可以，其他係罐頭食品，新鮮菜都冇一條。大失所望。以後不會再去。

記得兒時每年暑假也會跟媽媽入靈隱寺住一星期，那時感覺很好玩⋯⋯因為有好多小朋友一齊玩🥳成長後，就已經好多年沒有去，今日跟朋友入大嶼山行行，就順便入去靈隱寺回憶下二時亦可以洗滌下心靈🥰🥰環境一樣沒有什麼大改變，仍然很寧靜環境很清幽齋菜是在2樓的，而且齋菜是自行買票，按人數安排的，所以不能隨自己喜好點餐的啊☺️但今日慶幸有芋頭魚yeah✌️✌️因為不是天天有的啊！齋菜的味道仍然沒有變👍🏻有甜酸齋，炸春卷，素雞等

今日eatmug9 #26朋友話帶我入大嶼山食嘢我話唔係掛 大嶼山好多蝗 實好迫㗎喎 佢就話有好地方推介喇即管餓住個肚跟下佢喇靈隱寺 唔算太隱蔽但就好清幽如果唔係揸車 就要行10分鐘斜路先到未入去先勞其筋骨 上到去 可能係閒日嘅關係 人唔多佢個lunch set就幾個齋菜 + 白飯湯水任裝$90位芋頭魚菠蘿酸齋冬菇蓮藕清甜老火湯坐櫃檯嘅婆婆原來都已經係百年人瑞但係仲好精靈 數口好精㗎食完飯不妨係寺廟行下 感受下畀大自然包住嘅寺廟中個份憩靜 洗滌一下疲倦嘅心靈

朋友作領隊，帶着包括我在內一行十二人到靈隱寺「食齋」。家住港島的我，雖然有地鐵，仍覺大嶼山是很遙遠的地方。今天到東涌站，再搭巴士入寺，頓覺踏入了另一個世界了。寺的建築很傳統中國樸實風格，沒有金壁輝煌的殿堂，而是閒素的平常家味道。齋堂也是方方的一個「吃飯的地方」。我們12時半到達，只有我們來飯堂，工作人員已準備好眉豆紅蘿蔔薯仔湯、飯。我們喝湯的時候，素菜陸逐傳上: 滷水豆腐、清炒油麥菜、草姑炒西蘭花、竹笙羅漢齋、酸甜菠蘿面筋、冬姑燜蓮藕、炸春卷、和竽頭魚。菜色是家常的美味，清清淡淡，沒有人造肉，也沒有很戲劇性的味蕾衝擊，吃得很老實滿足。整頓飯，就像寺院一樣，安穩充實，閒靜舒服。

今日再一次走到靈隱寺去，除了禮佛外，當然要吃素菜。九十元一位，兩個人就有四碟素菜。湯是靈隱寺的招牌菜，色澤，味道配合得好，只是咸了一點，如果再淡些就更完美了。共飲了四五碗之多，好飲就唔停得啦。素菜最驚喜是魚魚。。。兩個人竟然有尾小小仙斑，精緻可口。其他的平淡簡樸，在深山內品嚐到平淡歸隱的素菜，一絕呀！

吓! 山長水遠去到大澳，仲要上埋《靈隱寺》食齋? 係呀! 因為有車車我地去吖麻。去《靈隱寺》，其實是兒子學校旅行的其中一個目的地，也是行程的午餐地點。先簡單地遊完大澳的某海味店，(學校團都氹我地去指定店舖消費)，我們再上車回去《靈隱寺》的路口。由於《靈隱寺》的路窄，大巴不能上，成班家長、教師連學生，就一齊由《靈隱寺》的路口，行山咁行上去。 《靈隱寺》，就是這樣的一個 Building。一點也不宏偉。不宏偉的原因主要是這兒並不是一個為吸引遊客同大量信眾而建的寺廟，而是一個給信徒清修同先人安息的地方。他們亦有辦團體的齋宴，而是日阿仔的學校旅行，來參觀《靈隱寺》的主要目的，就是品味《靈隱寺》的團體齋宴。 可能我們是早報名的一批，被安排坐在真正用來招待訪客的 "客堂"用餐。另一部份的同學仔，家長及教職員，就要坐在主堂內用餐。我入過去，好多先人相啊....... 說回 "客堂"，是一個很簡單的用餐地方。我們坐在室內的地方，也有半露天的餐檯。若不是當日下雨，應該會使用到《靈隱寺》的廣場而不是大殿的地方。 齋宴的食物大多是簡單的純蔬食，但絕對稱得上是豐富的。寺院方一見大家似是安頓好之後，店員就在一個

另一半講左好耐..同我去"靈隱寺"食齋因為佢之前食過..話好味~咁食完順便可以行山喎之前多數由"東涌>大澳"~如果食素lunch..要倒轉行咁都好! 因為次次係大澳走..其實等車都幾辛苦一來已經攰..仲要勁多人等車出東涌+車程要1hr次次回程都暈車浪~所以今次試下咁行都唔錯呢* * * * * * * * * *09:15出發~坐車去東涌..再轉11號巴士入大澳晨早已經勁多人~我地等左3班車~要坐10:30果班入去中途"靈隱寺"站落車~車尾方向行..過對馬路見"靈隱寺"牌過左馬路..行大約7分鐘就到"靈隱寺"環境超正~好綠林..有與世隔絕feel素lunch($80/位)素湯..好香豆味+好濃郁~真係好好飲(encore)2位素餐..4個小菜~食ing見隔離檯有春卷,有d有芋頭魚食完問阿姐~佢話師傅新鮮煮起咩就會派咩..但都可以點oh! 下次知道要點春卷/芋頭魚~我超勁鐘意食炸野豆腐實淨又滑口..無粗鞋感~醬油入到味..豆腐好味"蓮藕炆冬菇"..又係好夠味好入味~4款中最like依個依款夠鹹夠味~無以往食齋果種清淡無味感"羅漢齋"..食材多款式~但比較油膩素湯&白飯可以任添~最

一連四天復活節假期，決定約埋屋企人一齊去靈隱寺食齋菜，屋企人係第一次去，我地係東涌乘搭11號巴士前往，在靈隱寺站下車，徒步十分鐘就到寺廟，到達時11點半，廟宇內不多人，我地買票後便坐下等齋菜送上，每位80元，7人食送來6餸一湯，白飯及湯是任裝，齋湯真是很清甜，熱辣辣送上，大家飲左幾碗，餸菜也很美味，因是假日，所以今天齋菜有齋湯甜酸芋頭魚供應，但可惜有芋頭魚，就沒有炸春卷，見隔離枱客人選了春卷，雖然我地已經好飽，但見春卷也很美味，於是問了服務員可否另買三條春卷俾我地，服務員很好喔，幫忙問廚房是否還有沒有春卷，最後我地都滿足品嘗到呢三條春卷，大家攬住肚離開，媽媽對此讚不絕口呢！

食過好多間郊區既齋菜都係一般，甚至又唔夠熱又唔好食，身邊好多朋友都話靈隱寺的齋菜好好食，於是約左三五知己去行山，順便去靈隱寺食午餐，果然無介紹錯，靈隱寺的齋菜唔止好食咁簡單，齋菜夠熱好味又唔肥(無油) ，齋湯滾熱辣又香又甜又濃又好味，而且服務又非常好添，食一次都唔夠喉，有機會一定會再次幫襯！

這日與友人來個大嶼山一日遊。在東涌集合後便登上前往大澳的11號巴士，不過我們第一站不是總站大澳，而是中途於靈隱寺落了車，往靈隱寺裡吃頓素菜午餐。在下車後跟著小徑走約10-15分鐘便到達靈隱寺，的確很有隱世的感覺，要不是友人介紹我也不會找到這裡呢。這裡是按人頭收費（好像$80一位），不用點菜，寺方會為大家提供當日菜色。先喝了碗很甜美的素湯，不需放肉只用豆類和蔬菜煮已很好喝。菜色方面都是簡單和基本的素菜如麵筋和炒菜炒菇類等，味道和用料簡單卻又吃得舒服。最喜歡是他們的白粥，很有米香又很棉，吃得腸胃都很舒服。現在想起也想立即再吃一碗！這裡真是值得推介的食素好地方呢！