梨和園韓日料理 (Closed)

我是第一次到這餐廳食野,都不是想樣中咁差,價錢都算合理,D海鮮幾新鮮,由其燒蟹好正！燒烤食物分開生同熟（生既都OK款色夠多,魚生不夠,但熟既就不太夠熱不過都可以入口,希望改善下）拿食物既地方細左Ｄ,如果大小小會好行Ｄ！最好都係飲品任飲！

好耐冇食過韓國燒烤，喱間我地都係第一次食。價錢：成人每位$108 茶$：每位$3 (晚市)加火Ŋ ：每Ŋ $20喱度環境都唔錯，但地方唔算太大。食物都有好多選擇，有雞肉、雞扒、牛肋骨、肥牛、豬肉、豬扒、豬頸肉、魷魚、多款丸類、菜、粟米、菇、玉子豆腐、麵、金菇肥牛卷、煎釀三凾 、豆腐卜、蝦、蟹& 青口......d 野食醃得幾好味，唔錯！而熟食亦有多種選擇，有各式前菜、滷蛋、滷水雞翼、豬腳薑、湯、壽司、日式八爪魚仔& 螺肉、咖哩蟹& 青口、各式炸物(如薯條、春卷、薯餅、魷魚酥、炸饅頭......)d 炸野凍晒，冇人? 食，個樣似翻炸，嘛嘛地！甜品有豆腐花、生果、雪糕、糕喴 、紫米露、木瓜雪耳......估唔到d 甜品都O.K.喎！豆腐花& 紫米露都好味！仲有豆漿、西瓜汁、酸梅湯、竹蔗芧根任飲。d 服務都幾好，收碟算快，叫佢地換燒烤鐡板手腳都好快，唔錯。

初初原本去太久保食ga...點知我同朋友搵唔到...就見到梨和園又平,又正咁...就上左去啦!環境都可以話ok ga...可是我朋友話地下都幾滑ga...服務都有點麻麻地啦!無嘜笑容...食物方面...實在太過離哂譜ga...十成有九成都好難食...好似留左好耐的食物咁...d野又凍哂...無哂味道咁...仲有甜品差d食到我真係嘔左出來!講真...食到我真係肚痛...痛到叫救命...衛生署得閒睇下呢間d食物啦!完完全全離哂譜啦!價錢同出面卡拉ok個d差不多啦!比我寧願去第二間仲好...

千其千其千其千其千其千其千其千其唔好去旺角登打士街的梨和園呀。服務態度好差好差好差好差好差好差好差，初初同你講話有一個半小時任食，但到一個小時，就要你埋單。同話唔洗睇張單咁致細的，又話有九折。最後就咩都無。人地食緊?，一放低個碗就即時收走你個碗。一放低個杯又收你個杯。仲有個侍應企向附近。好似想迫你走咁。未足一個半小時就迫你走。今時今日咁既態度邊得嫁

都幾多食物選擇，雖然冇得燒烤，不過都有已煮好既肉如荷葉雞、牛仔骨、豬扒等等，我就覺得佢d荷葉雞都幾好，但最開心係有好多糖水選擇，我每款試一啖，實在非常滿足，亦都有我最like既椰汁糕，食物亦唔係凍冰冰既...唔係特別好食，但滿足左食buffet既意慾，價錢都算幾抵啦，加埋一40幾蚊

OK, but the floor very WETTTTTTTT!

其實今次都唔可以算係食評...因為我地最後無食到就走左. 但係真係好激氣, 所以在此勸告大家唔好幫襯呢d咁既食肆. 上個星期一(21/8)我老公生日, 連同佢妹妹三個人加2個兩歲幾既外甥五個人到梨和園食自助餐. 係張六人枱坐低之後有個阿嬸走黎問我地兩個細路幾多歲, 我地答左佢之後就話"吓!咁咪兩個都唔駛錢?"跟住我問佢咁樣係咩意思! 佢話咁即係得三個人啫. 跟住我話係你地話三歲以下唔收錢, 唔係我地話架喎! 佢之後走左去, 半分鐘後又一個亞姐過黎, 話你兩個細路唔收錢架喎! 咁唔可以開2個爐比你喎! 咁我都算啦, 返正2個小朋友都唔識燒架啦. 一個爐已經得架啦! 我話ok啦! 點知佢話叫我地坐過d,話要比人搭枱. 我話點搭枱呀,我地5個人,你要搭枱都係得一個人搭啫!點解要我地坐過d呢!! 跟住佢話2個細路無收錢,所以無位坐囉! 我真係未聽過囉! 第一,三歲以下免費係佢地公司訂既,唔係我話噃. 第二, 細路仔去邊都要有個位架. 唔通抱住佢食咩! 有無d咁既人架? 做唔到就唔好學人做生意啦!咪同客人講幾多歲都要收錢囉!!

三大罪狀:1) 三人食野要我阿媽迫埋一埋，食都食得唔自在2) 爐頭壞壞地無火出，咁請問點燒烤呢?3) 埋單又埋錯單以上三樣你向服務員反映及投訴，只換來三個字：無辦法!!!最後我心想，我亦回應大家三個字:唔好黎!!

今日同朋友食飯，本來想去漢陽園食韓燒，但係朋友話唔好食，於是就去另一間價錢較為相宜既梨和園~入到去，都覺得環境都幾好啦~~~都坐得幾舒服，於是同朋友出去睇野食~點知睇到D野食，就真係唔係咁開胃，生既食物款式都算OK多啦~~但係一睇到D熟食，就想嘔，個樣唔吸引之餘，食落口就仲難食，無味之餘又凍喎~D魚生又結晒冰咁~~~好恐怖....仲有D野飲，完全係由糖精沖成，越飲越口渴呀~個度D SERVICE仲得人驚，D姐姐態度都唔係咁好~我地有一個朋友遲左入去，食左3個字就想趕我地走~仲同我地講佢都黎左成半個鐘啦，咩都食晒啦~~但係我要強調，ACTUALLY係未夠鐘，而且都無人等緊，就係咁趕我地走~真係唔係好得呀~~

本來平價下午自助餐應該沒甚要求,不過想起來真是有點離譜...First I was thinking the kitchen was taking some time to refill the trails, after half an hour, there were still 9 empty ones with no food on it. Come on, you're doing buffet and you are not supposed to let it empty. 3 kinds of cold drinks fountains one was empty. It's summer there were full of kids and students, and they plan to cut budget, that's my conculsion. I talked to the waitress about it, it's still one hour to go (before the buffet ends), her reply was, th

見未試過又買哂廣告,就走去試下,點知換黎既係一肚氣呢日無book六點幾去到,已經坐左一半位,經理都好好招呼,一坐低就去左揀野食返位燒,好多選擇,但三文魚剌身一早就無哂,揀好哂野食返埋位燒,一食就知,0華!!!勁鹹,好難入口,即刻攞西瓜汁沖口,其他熟食還可以,但雪糕硬過你阿媽塊面,"不"唔到,鑿都鑿唔開最差既係...我地都未食完,明明見到食左1個鐘零十分鐘就有人走埋黎話要埋單,因為多人等位只可以食個半鐘,但我地走個時出面根本無人,真係唔明點解會趕人走,食到一肚氣,以後都唔去

今日同家人去食飯,早早就預定位了但是準時好到, 但是佢哋完全無記錄底囉所以有定位同無都無分別囉服務員的態度太差了本身話可以坐一個鐘加三十分鐘, 但是因為多人等位就叫d客人早d走囉好似趕客!! 我哋是七點四十分坐下的但是佢亂話我哋是七點十坐下的真是亂咁講其實要我哋早走!!!><食物質素唔新鮮又唔多選擇不太如雜誌寫的好囉好失望

我同我的家人去食(三個人), 之前已經預定位....我哋去到, 點知他哋是無記錄底預約的, 都是要等囉(唔明定位同無定的分別) > <服務員的態度也好差本身是話可以食一個鐘頭三十分鐘, 但是因為多人她哋就是咁叫d客人早d埋單,仲要是本身我哋是七時四十分座下, 但是她哋亂話我哋是七時十分坐下的, 太差了食物的質素唔新鮮, 又唔多選擇, 又唔太好味(同雜誌寫的不相符) 好失望!!!> <

17/05/2006 今晚我地一行四人大約7點半到達,可能今日打風,所以唔算好多人...坐底之後就攞出係雜誌剪的coupon,$108/位任飲任食韓國燒烤,有coupon仲有9折同一客壽司送,另外加廿蚊仲可以加個火鍋添...飲品有豆漿,五花茶,西瓜汁...食物方面,有熟食,有沙律,有燒烤食品,火鍋食品....熟食當然唔少得有韓國泡菜,同埋一D韓國前菜,好似魚乾仔,醃青瓜,白菜仔等等(好多款)...仲有其他小食,例如,滷水雞翼,春卷,炸薯條,豬腳薑,咖哩蟹,應該有成二三十款,簡直係琳瑯滿目,除了青瓜可以話係難食之外,其他都不過不失....燒烤食品不外乎都係個D啦,豬牛羊肉,魷魚,魚柳...都係樣樣有D,味道不算好好,勝在選擇多囉,我地攞左D火鍋用既蝦來燒,又幾好味wor...火鍋食品都唔少,一般既肥牛,菇類,蔬菜,都應有盡有,另外亦有蝦,蟹等海鮮添...但D肥牛個樣就唔係好新鮮,所以我都唔係好敢試.全晚我覺得最好味既就係木桶豆腐花,個豆腐花好滑,拌上紅糖同薑味濃郁的糖水,令人覺得好滿足...仲有個朱古力雪糕都唔錯架,有D朱古力碎係中間....總括而言,每人百二蚊都唔洗可以享用咁多唔同款式

朋友生日, 打算食韓燒。比較像樣的漢和已結業多時, 奐不想去漢陽苑, 見這裡好像新開不久, 於是便來試試。我們一行十人, 絡了我們坐房, 雖然房比較細, 但總算自成一各, 而且坐得也不算太迫。食物種類比較少, 特別是熟食, 少得來也不好食。燒烤的食品也不多選擇, 水準也只是一般。雖然有魚生供應, 但數量太少, refill 也很慢, 經常都拿不到。生日有紅酒/香檳+ 蛋糕送, 蛋糕很不錯。整體是很一般, 但仍比漢陽苑好, 在同區沒什麼選擇下, 或許仍會再去。p.s 是晚結賬是除9 份, 請壽是女。