京笹居酒屋 (Moved) New Location

亞士厘道餐廳雲集， 京笹居酒屋就在街口的樓梯旁邊。 門面是傳統日本居酒屋的設計， 晚上亮起紅色的燈籠， 非常搶眼。 侍應非常有禮， 會主動開門迎接客人，更會熱情介紹是日精選菜式。原來這間餐廳大部份侍應都是日本人， 餐廳內亦有不少日本客人，令到整個氛圍都非常日本！ 坐下後， 侍應立即上前菜。 前菜 是日式沙律，材料有仿魚翅、帶子裙邊和青瓜， 非常有咬口，味道開胃。聽說日本人到居酒屋用餐，必定會叫一杯Hi Ball，我只好入鄉隨俗。熱鍋非常暖胃，除了牛肉和豆腐，還有彈牙的粉絲，湯底甜了一點。清酒湯底香濃， 蜆多肉鮮甜。第一次吃神田卷， 是加了魷魚和紫蘇葉的黃瓜小卷。但口感豐富多了， 魷魚煙韌，黃瓜爽脆，紫蘇葉香。多春魚燒得剛剛好，外皮香脆，魚肉多汁。野菜炒得野味， 家常的味道，可是份量比較少。食物固然不錯，但最深刻的是餐廳的服務及氣氛。 日本人的細心和有禮，令我都變得有禮起來，不斷點頭和微笑回應侍應。 餐廳牆上掛滿日文餐牌、日本侍應和客人、及日本家常的口味，就像穿越空間， 來到日本的居酒屋 。

尖沙咀平價位於亞士厘道的日本高質午餐。一個魚生飯午餐，90蚊都唔洗! 尖沙咀黎講 ，絕對係一個又平又底的選擇。京笹係我公司同事我飯堂之一，不論香港或者外國同事都鍾意去。唔岩食魚生的話有好多熟食選擇。 老闆係日本人，所以日本菜非常正宗。 通常我都係叫角切魚生飯，都食過佢哋嘅吞拿魚蓉飯但我覺得好流。 由於我唔食牛所以不能評論但我同事話個sukiyaki set 好食, 眼見到好多其他枱都會嗌sukiyaki set的。

亞士厘道不嬲都好多嘢食，今日嚟到呢一間日本餐廳，平時日日都好多人排隊，今日好彩咁啱有枱，等左都冇5分鐘就有得入，一於試吓點解佢咁受歡迎。依間餐廳原來係日本人開嘅，staff有部份都係日本人，不過佢哋都聽得明廣東話，所以叫野食係冇問題。佢平時有一張固定既lunch set menu，另外一張係每日都唔同嘅定食，不過今日就試咗set menu上面嘅嘢食。我叫咗個牛肉壽喜燒，份量都幾多，又配左麵豉湯、飯、同埋一隻生蛋。隻蛋係撈落去個鍋度嘅，鍋入面嘅蔬菜同牛肉都好多，不過味道就偏鹹，食多幾啖就覺得越嚟越鹹。不過$72都幾抵，尖沙咀來講都食得過嘅。

居酒屋嘅門口唔係大馬路旁邊，比較隱蔽，但係卻十分有名氣～店主同佢老婆都係日本人，打過去book 位嗰下好驚喜，因為店主會好熱情咁講一大段日文開場白，然後聽到你唔係日本人，就會用佢獨特發音嘅廣東話好過癮咁同你講嘢，重複你電話號碼嗰d 資料，好得意😂😂每次嚟都會叫必點三寶；明太子撈烏冬、鹽燒花魚同刺身沙律。前菜係店家免費提供嘅肉碎芽菜，味道不錯。鹽燒花魚 $88好厚，魚肉好juicy 嫩滑得嚟有口感😍食到魚嘅鹹香味同鮮味，好味明太子撈烏冬 $78烏冬好彈牙，撈左紫蘇葉碎同紫菜碎，食嘅時候除左濃郁creamy 有d 似沙律醬味嘅醬汁外，仲有紫蘇葉嘅香味～～加上明太子獨有嘅鹹香，配搭彈牙嘅烏冬，真係好夾！食完一啖又一啖！好好味！但係份量太少啦。刺身沙律 $78個汁酸酸辣辣，辣度係普通人可以接受～～幾清新過癮～～入面有好多唔同嘅刺身，例如吞拿魚、鯛魚、蟹肉、章魚、三文魚、魚子、昆布、沙律菜等等～好豐富滿足，但食耐左覺得有d 腥。今次覺得必點三寶都係保持水準。

餐廳乞立於尖沙咀多年，一直只食過其午餐，早幾日終於有機會一嘗其晚餐。我本來就特別喜歡餐廳的氣氛，餐廳面積不算大，內部佈置得充滿傳統日式居酒屋的格調，店長更係日本人，走入餐廳令人彷如置身於日本。我地一行三人行叫了8道菜，每一碟菜的水準都意外地高，其中酒盗芝士($48)我認為係餐廳必食之選! 起初聽落名字怪怪的就抱着一試心態，原來酒盗芝士係指羊奶軟芝士配以醃制魚內臟，味道竟出奇地配撘，可能因為本來我就很喜歡芝士，這道酒盗芝士簡直叫我食到停唔到手! 另外其雜錦魚生(小) ($330) 亦係必叫的另一選，共有6款魚生加海膽，而小的份量剛好每款3塊，魚生的材料全部都十分新鮮，尤其海膽更係極為鮮甜，難得係香港可以食到如此新鮮的魚生，價錢而言更是物超所值。燒物方面，燒雞棒($48)同鹽燒牛舌($59)都燒得香口，牛舌更係燒得外脆內軟，食得滿口充滿牛肉鮮味。雞腎炒芽菜($49)份量雖比想像中少，材料簡單但炒得充滿鑊氣，又是令人驚喜的一道菜。另外野菜沙律($78)份量頗大食材新鮮，海膽牛油果天婦羅($78)同日式雞泡魚干($70)亦係不過不失，只係雞泡魚干略嫌醬汁甜味蓋過了魚干原來的鮮味。整餐飯而言，每

每次外出吃午飯時， 如果要食日本菜。首選一定是這裹啦。因為以價格和味道這裹是我不二之選。尖沙咀要叫一個午餐貴就不在話下，但味道很多時都不是相乎。這裹有很多款午餐既選擇。而我通常都會擇牛肉煱啦，由其是冬天呀。這裹有點像家庭式的經營，而店員都是日本人，會說一點點廣東話。所以味道上我覺得和日本的很相似。這個煱會配上一隻雞可以揀生或者熟，我通常都會叫生的，店員說日本人是用來沾牛肉吃的。我就比較喜歡將蛋放在白飯上加點豉油吃。他的牛肉不太肥，對我來說是不錯。 但如果你對牛肉有一份執著可能就會有點過熟。而他的配菜都得豐富。這個份量都好足夠。另外這裹冬天會有炸生蠔午餐也是十分正的！

最近早上係附近進修下１１３０半就放學，就慢慢行過黎亞士厘道等依間居酒屋開門，係我等既期間發現係開門之前係員工既eating time，唔怪得做起野上黎禁精神啦😂一坐底就比毛巾你擦擦手先👍btw我係今日第一個客人😆三式飯($6x)包括三文魚剌身x魚子x海膽💕作為非海膽控都覺得好傑出，可想言之依到既海膽真係好鮮甜！三文魚刺身都算厚切,而魚子令到成個飯唔落醬油都鮮味十足👏個日本員工仲幫我包好把傘，仲要包得好整齊又靚，真心讚讚讚，服務值１０１分😂👍👍👍

想慳錢又想食好野？呢度既午餐就岩哂喇！星期六、日都有架！但要留意營業時間呢！海膽魚生飯#23號餐（$63），計埋加一，都係$70，超抵食！自從朋友帶我黎過，我就已經encore 左三次，而每次都是食同一樣既野---海膽魚生飯。餐廳是日本人開的，特別令人有好感。一坐底，店員就會遞上熱毛巾給食客抹手，然後奉上熱騰騰的綠茶。魚生飯附送麵豉湯，湯式不是死鹹那種，而且材料份量很多呢！豆腐切成小粒，海帶亦很滑，不會鯹。魚生飯，有三大塊三文魚腩，非常厚身，充滿魚油的香甜；海膽都有三份，肥美得唔捨得食，入口即溶；三文魚籽好新鮮，微鹹，送飯一流。除了魚生新鮮，白飯也是精髓！店主採用了日本特級A七星米，雖然唔了解評級，但這絕對是我在香港吃過最好味的日本米！！！（激動的！）米粒大小均勻，晶瑩剔透，帶少許黏性，口感綿軟。欣賞店家在每個細節上的用心，食物價廉物美，正是我encore 多次的理由。

天氣熱熱地，心思思想食壽司。一入餐廳，日本的侍應便勤快的帶到坐位，並立刻奉上熱茶。午餐選擇頗多，價錢實惠，舉目鄰座的人都叫便當和刺身飯。心想這餐廳熱食和刺身都這麼受歡迎，一於試下較冷門的呑拿魚腩香蔥飯。附餐面鼓湯比較普通，但飯一來，心裏暗喜。七十元的呑拿魚魚腩蓉是滿滿的！鮮嫩的粉紅色吞拿魚魚肉加青蔥,配以日本生雞旦及鼓油青芥拌飯，呑拿魚的魚蓉鮮味在白飯的襯托下滋味加倍。簡單的曰式丼作blue Monday 的午餐，心情大大提升，下次要試試它們的牛肉壽喜燒。

京笹居酒屋~清酒蜆。麻香雞沙律。泡菜炒豬。日式燒餅 等位有少少 亂。入去第一時間有人sell sake.但無人比水。直至 second order先有。原本叫帶子刺身4@$90, 但好耐無來cancel. 清酒蜆有少少咸。沙律雖算大碟但一般。麻醬汁好似超市買再 加椰菜青瓜絲雞絲番茄等。 泡菜炒豬普通。不辣。 日式燒餅算是不錯。沒太多粉。內有八爪魚粒幾爽口。食後好 飽。 或者這出名食燒物。其他實在有d普通。

係尖沙咀行左好耐都唔知食乜好...原本諗住去東京食...但係太多人排隊啦...周圍都太多人排隊食飯啦....太肚餓既緣故...就入左黎呢間試試啦.....坐低之後..waiter會比熱毛巾你抹下雙手...好少可食日本野會咁...通常去酒樓先會咁...服務都算細心..初頭幫我take order果個waitress我以為我講得唔清楚.所以先聽唔明....原來後來先知佢係日本人..之後個manager好主動走埋幫我take order...並且幫我地汁埋豉油睇menu d食物價錢我覺得都比一般既貴...所以我地2個人就隨意叫左4樣食住先....前菜:青瓜拼海哲海哲無乜味...食落好似有d怪味三文魚刺身:一客5件$38唔算貴.....但食落唔太新鮮...太過都算肥美清酒煮蜆:可能酒味太濃....蜆肉食落比較咸...食唔出佢既鮮味...份量比較少@@唔夠喉....金菇肥牛卷:呢個好味呀....金菇索晒佢d汁加埋肥牛一啖放入口....好juicy...好味滑蛋豬扒飯+麵豉湯:食左幾樣野之後...我地都覺得好似無野落過肚咁.原來仲諗住食完要出去食多碗雲吞麵....諗住碗飯應該都唔會大得去邊....

21-12-2008食完麻麻0地好食的 Sogo 糯米茲, 去文化中心睇話劇前拉了朋友一齊食 lunch. 想去的八王子原來成 2:00pm 先開門, 結果0黎了呢間幾年無幫襯的居酒屋.揀了燒秋刀魚定食, 跟薯仔沙律 (亦可選納豆), 麵豉湯及一碗白飯:- 薯仔沙律: 真係勁多粉粉的薯仔粒, 仲有紅蘿蔔及洋蔥, 食落甜甜的又帶點生洋蔥的辛辣, 幾開胃.- 麵豉湯: 濃濃的, 鹹度剛好, ok.- 秋刀魚係原條鹽燒, 燒得香口, 魚肉連骨食落帶魚油甘香, 不過 d 腸對我0黎講太苦了, 唔識欣賞.- 白飯亦認真, 粒粒黏黏的, 夠米香, 好食.- 不過無啦啦「隊」了包「味0付紫菜」過來... 唔係好知想點...朋友的三文魚丼 set lunch 就跟漬物及麵豉湯, 賣相不錯, 唔知好唔好食呢?另外亦 share 了清酒煮蜆及牛舌鹽燒:- 清酒煮蜆: 酒味好強勁! 蜆仔幾肥美, 不過因為酒味太勁, 蜆仔食落苦味多過鮮甜味, 個人而言唔係太鍾意.- 牛舌鹽燒: 初初以為係串燒, turned out 原來係一碟上的薄切牛舌, 雖然幾淡口0下, 食落爽口彈牙, 香口又幾豐潤, 都幾

突然間想吃饅魚飯，雖然依照日本人的說法，現值初秋時份，和夏季相比，已過了吃饅魚飯的最好時機，不過想吃就是想吃，到最後是沒有合理的理由。也想吃一點有質素的，貴一點也沒所謂，連鎖集團或Food Court的，暫不在考慮之列；想起在亞士厘道有幾間日本料理，由日本人來主理，收取中上的價錢，也算有好評，就找了這一間「京笹」試試。週日下午的Menu的也不缺選擇，只是少了日替及一至兩樣。雖然事前做了功課，倒感到其裝修格局，家庭式之餘，倒是十分地道的。據聞其日籍老闆有點架子，港人侍應的招呼還算殷勤，事前提醒饅魚飯要稍等，這個我是知道的。用上碗藍色重身碗來盛載，問題不大，但當然以方形錦盒為最佳選擇。說到味道，這條烤鰻魚果真肥美，原條之下，其近腩部味仍然不失厚身，有魚香之餘，肉質也嫩滑，最重要是表面烤得有點微焦，令外皮有點脆口。好多時吃饅魚都會遇到腥味的問題，今次倒是吃不出來，這條烤饅，水準頗佳。不過確有美中不足的地方，覺得下的醬汁太少，結果就連飯面，也察覺不到醬汁，令這個飯底來得有點「寡」。其所用的是否真正的日本米，也沒有深究，看飯身仍然混圓，加上口感帶點粘，收你八十餘元，不能說太貴了。不過如果有下次，

話說周日就係十六月天，時間真係過得快呢﹗決定搵間居酒屋慶祝一下，點知發現原來尖沙咀好多居酒都係星期日唔開門的.....有咩理由星期日唔開呢？唔通太好生意唔憂做？做生不如做熟，所以我地去左京笹.......因為我地有上次的優惠咭﹗優惠咭有咩用？當然係有野送啦....小清酒一支，成$70架﹗一坐低前菜就醃既牛肉粒，好腍好好味的呢﹗今次唔叫0的貴價魚生，只係食0的小食飽﹗先來燒雞軟骨，工友最愛，即叫即燒好脆好惹味﹗蒜片炒雜菇，岩哂我呢個蒜怪﹗0的菇好肥美﹗正﹗金菇牛肉卷，0的牛肉半生熟好鮮甜，入口大大舊感覺豐富﹗手打墨魚餅入面好多墨魚粒，嫌個魚餅打得唔太彈牙，有0的似食魚片一樣﹗我發板就唔洗講野，魷魚鬚天婦羅配綠茶鹽，一流﹗一百分﹗最後來多個日式燒餅﹗工友心水，入口軟棉棉的，裡面包住蔬菜同埋見到有豬肉，有0的似食街邊章魚小丸子的口感﹗好食﹗唔洗講野，十六月天，飲勝﹗Yeah﹗最後品多一瓶醉心清酒埋單一人二百幾，很地道的一間居酒屋﹗今日全場見到有九成都係日本人，係咁同個老闆嘰哩咕LU，唔知佢地講咩呢？更多相:http://hk.myblog.yahoo.com/smallsmalllin/ar

好久之前來過, 覺得蠻不錯, 除貴了點外. 是日跟友人試試這裡的午餐.點了三色飯, 有海胆, 三文魚, 三文魚籽. 三色飯賣相很不錯, 魚生排得很精美, 下面還有紫菜碎. 先試三文魚籽, 很新鮮, 甜甜的, 跟平日過鹹的完全不可相提並論. 三文魚係魚腩, 肥美. 海胆雖然唔係頂級, 但沒有"up"味, 鮮甜. 唔錯! 飯更係加了醋和糖的壽司飯. 係日本吃到的, 魚生係舖天蓋地的, 雖然這裡的並非如此. 但新鮮程度, 係香港吃過的午市定食來說, 算十分上乘! $58, 有此質素, 夫復何求!