珍妮曲奇

Open Now

Now Closed

🐾四味奶油曲奇（細） $80/320g4mix Butter Cookies-S🐾🥛奶油花香脆鬆軟 超香奶油味 入口即溶☕️咖啡花既鬆脆又香奶油味之餘 仲增添咗咖啡香 一食就停唔到口🧈脆牛油比起奶油花缺少咗層次感冇咁鬆軟但仍然好香奶油味 🍪提子燕麥香濃嘅提子味蓋過奶油的香味對比起其他味嚟講比較遜色 🐾 夏威夷果仁可可脆片 $110/255gMacadamia Cocoa Crisp 🐾🥜大大粒嘅果仁好香口混合薄薄嘅可可味脆片 享受雙重脆味🐾朱古力奶油花曲奇 $60/220gChocolate Butter Flower Cookies🐾🍫朱古力花超濃郁嘅朱古力味 蓋過哂所有嘅奶油香食落口感鬆軟 但朱古力味太濃而有啲苦比較之下 都係奶油花最好食🫶🏻😢下午三點去已經有唔少嘢都賣哂😢好彩排隊都唔洗排太耐 15分鐘左右就可以買到

以為尖沙咀賣的是珍尼曲奇，當日進入店鋪示意選一盒兩味曲奇（咖啡＆牛油）。回到家一開發現與上環的「珍尼」曲奇完全兩碼事。感覺自己做了儍仔！請大家看看照片決定沒有下次！

營業時間10點至7點，早去最好，大約到中午12點1點左右人氣六號夏威夷果仁可可脆片就賣曬了。大部分時間都有3~4條隊，大約排10-20分鐘就買到，記住預留排隊時間。推薦人氣六號夏威夷果仁可可脆片，最多人推，最易賣曬，仲限購每人二罐，果仁味勁香濃，每塊都有好多粒果仁，又不甜食唔停口。必試十一號四味奶油曲奇 ，有齊奶油花、咖啡花、提子燕麥、脆牛油，可以試到人氣的二味奶油曲奇。必回購十二號二味奶油花咖啡花曲奇，曲奇界天花板，咖啡的香氣撲鼻，曲奇的厚實松脆正！十五號朱古力奶油花曲奇，朱古力味無咖啡咁香濃，朱古力味不算突出。只收現金

📍珍妮曲奇 (尖沙咀)尖沙咀彌敦道54-64號美麗都大廈1樓42號舖營業時間：10:00～19:00今日我閨蜜送我一盒珍妮曲奇😂😂😂😂好多好多年無食過🤭✨四味奶油曲奇 有兩個Size揀 四味奶油曲奇一罐有四種口味 一打開罐 牛油味香濃 ✨牛油花曲奇(Butter Flower)勁濃奶油味✨咖啡花曲奇(Coffee Flower)咖啡鬆軟 入口溶化✨脆牛油曲奇(Shortbread)食落牛油味就偏淡 粉粉地嘅口感✨燕麥提子曲奇(Raison Oat)四款之中最為脆口

早前上內地公幹想買盒香港手信俾內地同事，專登去小紅書睇下近期最熱賣香港手信係咩，竟然發現珍妮曲奇出左果仁脆片！今次買左夏威夷果仁朱古力脆片同松子仁咖啡脆片試試。⭐️夏威夷果仁朱古力脆片⭐️➡️每塊脆片都黏滿果仁，薄薄朱古力脆片唔算甜，焗過既夏威夷果仁香脆，一食就停唔到，一食就停唔到口🤣🤣🤣罐仔都裝得好滿的，但實在太好入口，大人細路都岩食👍🏻⭐️松子仁咖啡☕️脆片⭐️➡️松子仁本身細細粒，所以每片脆脆相對無甘多果仁，但咖啡味☕️超濃香！咖啡味濃度係連罐仔嘅膠紙都未撕開已經聞到，開罐時咖啡味係非常香，食落冇夏威夷果仁嗰款甘甜，鍾意飲咖啡嘅朋友仔一定鍾意溫馨提示：每款每人每日限買兩罐～另外呢間店只收現金，職員都冇咩服務提供，keep住有人排隊，揀好先埋去counter俾錢就唔會阻到後面了～

呵呵😒說是七點收鋪，結果六點五十去到已經唔俾入去，呵呵人地遊客講兩句咩去換錢啦換完返嚟一樣可以入去，香港人唔俾入～真係勁垃圾，等人地遊客買完，六點五十七收鋪呵呵真垃圾

之前一直聽講過珍妮曲奇好好味🍪但我成日覺得係target遊客，應該都麻麻哋。不過最近聽屋企人試過話真係好好食，就決定買返2盒試下。出面坊間原來真係好多抄襲嘅牌子，藥房係搵唔到珍妮曲奇，要去專門店門市買。weekend 嚟到尖沙咀門市，大排長龍……成程同旅客逼，等咗成10分鐘。買咗2盒細嘅4味曲奇，一盒$80。一盒自己食，一盒送俾女朋友屋企。返到屋企試，咖啡味真係最香，都鬆脆，總捨我覺得係好食嘅，但未至於我會願意要等又要用$80去再買😂推薦指數：💛💛

看到這是香港手信路過就去買來食吓，有咩甘吸引！點知價錢又貴，食落真係無言，真係白癡先會買呢間，好食D乜？唔係難食，但絕對沒驚喜，這個價格跟味道完全不值得，怪唔得本地香港人唔會去呢間買，無下次，亦唔會推比朋友買，浪費金錢！

係十年前 曾經有個台灣既朋友問我有無食過珍妮曲奇 我答佢 ᴡʜᴀᴛ 加黑人問號?! 最後發現原來好多亞洲籍遊客都知呢個香港出名既𝒥𝑒𝓃𝓃𝓎 𝒷𝒶𝓀𝑒𝓇𝓎 每次去台灣 朋友們都指定要呢個手信 所以今次我買左𝟛罐四味奶油曲奇 𝟚罐係圓形$𝟟𝟝 𝟛𝟚𝟘𝕘 𝟙罐係正方形$𝟡𝟘 𝟛𝟠𝟘𝕘每次買圖案都唔一樣 不過都係圍繞住熊𝟜款曲奇都好好味 好鬆脆 好香 好正 最愛係咖啡花 咖啡既香味好濃 好鬆軟 一食係想食多塊 但係一罐真係得好幾塊 所以要忍一忍 如果唔係真係會好肥要注意既係 1. 要比ᴄᴀsʜ! 2.係要排隊(男朋友嚇親 完全唔知原來錦出名 而且佢都係第一次聽到𝒥𝑒𝓃𝓃𝓎 𝒷𝒶𝓀𝑒𝓇𝓎) 不過好快就買到! 3.唔好比周圍既鋪呃左 尖沙咀得𝟙間有買 其他既係扮𝒥𝑒𝓃𝓃𝓎 𝒷𝒶𝓀𝑒𝓇𝓎畫同罐既質感係完全唔同嫁 高級好多 後話 見到好多人話員工態度好差 但係我覺得佢地幾好 因為我唔小心夾多$𝟚𝟘埋單 員工係叫住我還返比我 如果唔係我比多左都唔知

態度超級惡劣，給完錢不給收據，還說早不說。哪裡不是給了錢再給收據，要怎樣早說，超無語啦。為什麼會不給收據呢？想瞞什麼呢，不想退貨嗎？而且只收現金，其他支付不收。太沒品啦

佢以前喺赤柱仲有舖頭嗰陣我已經開始幫襯一直食開都係正正常常，今次冇貨又想食第一次買呢種瑕疵品，估唔到而家水準去到呢個地步，極度失望😑1月14號嗰陣買，下晝排緊長龍，排到去面前已經有預感話4 mix 冇曬貨，但店員推薦話自己食可以買瑕疵品（係用正價出售）👋🏻當時店員聲稱只係少少碎，咁我都以為程度只係小小既碎啦😂一打開發現… 如圖：即係咁，d曲奇冇排返位都已經算啦😒一打開好似成個垃圾咁樣廚餘，好唔好意思賣俾客？雖然店員有講係碎，而且底部亦有標上「碎」既字眼，但我真係冇諗過係呢個程度Normal 冇話有瑕疵嘅細盒版嘅四方形盒送左比親戚，希望唔會到時人哋打開果陣真係有驚喜😵否則真係尷尬，唔敢想像

店舖𥚃面大多數產品都冇貨，年三十晚己不用排隊，但是在沒有客人之下的服務態度也依舊惡劣，根本冇心做生意。問一句答半句，極度不耐煩….。只是同一件產品問多左一次貨源是否有存貨，職員就即刻黑面，而且即刻俾說話你聽。（職員即刻說：問完又問，問夠未）其實好欣賞曲奇made in hK，每年都有幫襯，但是服務質素就每況越下，可悲😔😔😔希望負責人可以正視職員態度問題。其實已經好多客人反映你們員工的服務質素。

📍香港📍尖沙咀📍珍妮曲奇📍尖沙咀彌敦道54-64號美麗都大廈1樓42號舖 （我2023年1月去暫時搬左去地鋪）📍星期一至日 9:00~19:00🌹只收現金。好多人投訴佢既服務態度差，但我今次體驗還好，佢知道個女人打尖專登serve左我先無理佢住。🦄 四味奶油曲奇 $75 (320g)🦄 評分: 7.5/10經典四味包括牛油花，脆牛油，燕麥提子，咖啡花。一打開個盒聞到好濃郁既咖啡香，唔知系咪我期望太高，食落無其他人講到咁誇張咁好食咁濃味🤣牛油味唔夠平時聲稱用金罐牛油整嘅曲奇香，不過系好鬆脆既，唔會一咬就四散曲奇碎，隻手亦唔會好油。牛油份量重所以都幾飽肚。食得多會好膩。最愛牛油花同脆牛油。#foodieschu尖沙咀～～～～～～～～～～～～～～#香港美食 #尖沙咀美食 #曲奇 #珍𤤗曲奇 #美麗都大廈 #下午茶 #afternoontea #曲奇餅 #珍妮曲奇 #送禮 #cookies #cookie #牛油曲奇

珍妮曲奇真係勁出名，之前疫情前都勁多人買嚟做手信，我都食過好多次，不過好耐冇食，咁咁啱經過就買下！🍪四味奶油曲奇 大 $140 649g (10/10)🍪牛油花 (10/10)超級鬆化，勁香濃牛油味，食完都有好大浸牛油嘅香味同埋餘韻！但食多兩件會膩同漿住個喉嚨🤣🍪脆牛油 (10/10)比較香脆，冇另外一隻咁濃，但香啲，但有少少奶香嘅味道！冇牛油花咁heavy，輕盈啲！🍪燕麥提子 (9/10)比較香脆，同埋乾身，麥味比較重，帶有少少微苦，有燕麥同提子嘅香。🍪咖啡花 (10/10)非常鬆化，好香濃咖啡味，食到最後有少少咖啡甘香微苦。推薦指數: 10/10基本上每隻味都勁好食🤤全部都唔會甜，食得出本身味道嘅香味！暫時未揾到一隻好食過佢嘅曲奇？$140有640g都唔貴，咁大盒又高質，真心會再買！

十多年前在赤柱小店時已定期幫襯, 曲奇味道多年不變, 非常好吃! 可惜因為自由行而寵壞了, 服務原本已經不是太好, 近年更每況愈下, 疫情下雖然不用排隊, 沒有客人之下的服務態度也依舊不變, 依然寸嘴, 問一句答半句, 唔耐煩....再講, 今時今日只收現金, 唔衛生又唔方便, 同街市冇分別. 坦白講, 他們賣的是高價曲奇, 應該配合好一點的服務, 真不明白為何遊客會願意受氣去買, 難度香港真的沒有其他更好選擇??  作為土生土長香港人, 我完全唔會因為呢間咁出名曲奇店感到光榮, 反而覺得羞恥, 如果大陸親朋真的想食, 我寧願我受氣去買, 都唔建議佢哋去見識他們差勁的服務!費事丟架.希望創辦人能夠看到這篇食評, 深切反省, 作出改善!