日船章魚小丸子

Open Now

Now Closed

章魚小丸子🧆最緊要係新鮮熱辣🔥🔥🔥🔥，啱啱整起就係最好食😋😋不過唔係好多地方食到新鮮熱辣嘅章魚小丸子🥺，好多時都係整定，但係啲貨又去得唔夠快🐌，擺喺度等人買，最後變得唔新鮮🫣🫣🫣🫣🫣呢度嘅章魚小丸子因為比較多人買，流轉得較快，整完無耐就比人買走左，所以啲小丸子可以一路keep住新鮮熱辣章魚小丸子味道可以話係正常，但唔算特別好食，只係勝在係夠新鮮不過蛋黃醬麻麻地，好似煉奶

天頭熱，想買杯沙冰飲，行過見到哩間日船章魚小丸子，有芒果味，於是買杯飲吓，原以為簡單不過交易，都出現小問題.芒果沙冰制成後，睇落D色水唔多對路，好似加咗奶，細問之吓原來真係加咗奶，可惜我受唔到奶，餐牌上只寫上芒果沙冰，而制作果位妹妹居然仲話沙冰一定有奶!慶幸收銀嘅姐姐明白事理，知道我唔受得奶，即刻幫口整過另一杯.咁好嘅服務當然會幫襯下次，而且沙冰芒果味夠濃，無偷工減料，價錢又唔係貴，所以必定會再嚟幫襯.

講起小丸子，我一定諗到呢間，不過平時行過唔覺得有人買唔通佢變左味?! 🤔$28/份（6粒），呢個價錢真係算好抵食喇，其他鋪頭閒閒地都$30以上。工作人員會問要唔要wasabi，咁我緊係要啦～攻鼻又咸甜咸甜咁，先最好味俾左錢、唔駛等，即時有一盒。鋪滿木魚碎，仲有多到瀉嘅照燒汁同沙律醬＆wasabi 效果好澎湃 唔好以為係凍嘅，佢其實仲熱辣辣，我成粒食都好辣口成個口感係比較軟少少脆咁，包住爽脆嘅生菜同一粒頗大粒嘅章魚粒，係真係好好食我個人就好like喇 不過一人食晒6粒真係好飽肚，食到後面仲覺得太多醬添下次再買要叫佢少醬先得個人覺得呢度仲係咁好食，價錢又合理

記得好多年前我都係排好耐隊先食到，隔數年之後經過見到，就想再試一試。$28蚊6粒呢個價錢以依家嘅物價黎講算係抵食，佢整定一盒盒放係度，所以唔洗等即刻有。章魚燒嘅外皮好淋，個人比較鍾意外脆內軟，蛋黃沙律醬又甜又鹹咁好好食，成粒最鍾意就係佢呢個醬😂

重溫舊夢 日船章魚小丸子🐙以前曾經有一排好鍾意食日船既章魚小丸子，仲記得嗰時係好似喺惠康定百佳有攤檔擺，好方便。之後就越來越少見，而家應該得返一兩間，好在有一間喺旺角行開都會食下。今次再食番，啲感覺出返晒嚟，係個Wasabi比以前攻鼻。大致上都食返當年嘅味道🥹本身$26一盒， $35-37左右連杯野飲。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7.5⭐️賣相（10⭐️滿）：7.5⭐️味道（10⭐️滿）：9⭐️（感情分）價錢（10⭐️滿）：8⭐️服務（10⭐️滿）：7.5⭐️地點（10⭐️滿）：8⭐️［日船章魚小丸子 (旺角)］📍旺角花園街18-24號華園閣地下3號舖#食飯 #推介 #美食 #美食推薦 #美食日記 #外賣 #外賣自取 #takeaway #hkfoodpic #delicious #foodpics #foodies #topcitybiteshk #foodblog #hkblogger #foodhk #hkfoodshare #discoverhongkong #hkeat #eeeeeats #foodiegram #instag

而家香港好多小丸子嘅價錢都好貴，日 船 嘅價錢比較容易接受；加上味道都唔錯，每次食都係熱辣辣， 個醬汁好正！而家佢唔係嗰啲lum到爛 一pat嘢嗰啲～ 章魚都偏向大粒！不錯～環境方面，地理位置好方便，喺旺角市中心～如果將來可以喺其他地方都有分店會更好 唔洗專登過旺角買嚟食🤣🤣🤣$26/6粒 真心幾抵食

一直幫襯開都幾好食但呢間舖頭新請返嚟嘅店員態度好唔掂加左價但應該好好培訓吓啲店員要配料話冇配料 仲要啲小丸子係整定嘅小丸子唔係熱辣辣嘅話其實唔會好食希望呢間舖頭好好改善

食左幾年，早排以為佢頂唔順執左，點知今日經過旺角見到佢，原來搬左折刻買番盒小丸子支持下個外賣盒幾有心思，有一個個窿比啲小丸子散熱，唔怕擺耐左會有倒汗水今次叫左芥末醬小丸子，一共有六粒小丸子，章魚大小適中，芥末醬有小小辣，都係原咪啱我啲

呢間經典港式章魚小丸子，真係每次經過都要食。就算唔會經過，都會揸車去買盒食😂多沙律醬小Wasabi多木魚碎呀唔該，啲女人真係好難服侍，叫盒章魚小丸子都咁多嘢。但係呢一個係最好食嘅組合，一定一定要咁樣叫😂😂😂 因為太多Wasabi會攻鼻，太少沙律醬又唔好食，最緊要係多d 木魚碎🤤🤤🤤仲要記住記住，買完要即刻打開個盒蓋，唔可以俾佢焗林，咁先keep 到佢外脆內軟。講起我又好想食啦！ ！ ！ 好想又買返盒黎食呀

以前成日見到日船，而家唔係度度有加上好耐無食過章魚燒，咁啱行過日船就幫襯下先～叫咗一份六粒章魚燒🐙見好似有唔同味揀，最後都係揀咗基本款，照燒汁口味😂排隊比完錢後，店員就拎出一盒已整好咗嘅章魚燒再為我哋加醬店員十分快手，好快就整好比我哋醬汁方面，照燒汁同沙律醬落得好足，柴魚片亦落得好多，好味！😆而章魚丸本身非熱辣辣，但仍然不減佢嘅風味入面嘅餡料有椰菜同章魚，真材實料一盒六粒$24，價位適中，買嚟過下癮都不錯。

🌄日船🛳呢間舖頭嘅章魚燒係整定嘅😗所以拎上手係微溫💥但佢好足料👍🏻面頭亦沾滿蛋黄醬 燒汁同木魚😆蛋黄醬雖然唔太濃 但勝在夠多🧈佢入面有幾粒章魚🦑有唔少椰菜🥗口感十足🤤但佢就冇其他款味🙈只係得原味～.回頭率💫： 🌕🌕🌕🌗🌑💰$24

今日家姐介紹我嚟試一間係旺角既章魚小丸子，佢話自己每次黎旺角都會幫襯，好食到咁我唔試都唔得啦。😝餐廳主打章魚小丸子，其次係幾款串燒同飲品，估唔到賣章魚小丸子都可以係旺角呢啲咁貴租既地方屹立不倒，相信品質都應該唔會差。買完返到屋企，同家姐一人一盒唔洗爭。😝 章魚小丸子 ($24) : 小丸子口感外脆內軟，每粒小丸子都有幾大粒八爪魚同椰菜等配料，果然係真材實料 👍🏻 而且最重要係口感軟腍，唔似有啲小丸子整到勁實勁多粉漿，食落一啲都唔好食，加上配埋芥未醬同煙煙韌韌既柴魚片，真心唔錯。😋

之前位於彌敦道嘅日船搬遷左黎花園街嘅新鋪😍一於再黎搵返童年回憶嘅味道啦！•🍡章魚小丸子配日式芥末醬 (HKD 24 / 6粒)一打開就見到有好多柴魚片，煙煙韌韌，咬落好似食緊魷魚絲咁🤣小丸子嘅外皮係比較腍身，熱辣辣！每粒小丸子裡面都會有一粒章魚粒，仲有椰菜，配埋日式芥末醬，非常惹味😋除左芥末醬，本身都有燒汁同沙律醬，食落多重味道，正👍🏼

之前係油麻地嘅日船依家終於再開啦$24/6粒小丸子大粒又足料👍🏻有四款醬任你選擇同包個人講曬要曬四款又得剩係要照燒汁同沙律醬但多沙律醬又得我通常都會先叫一盒食完仲唔夠喉可以再買多盒咁就唔怕浪費食唔曬😛咁嘅價錢，相比起其他小丸子呢間係最抵食啦😉

之前經過彌敦道都好想食，今日經過花園街發現開左分店，上openrice望先知原來係搬左鋪。日船係排隊俾錢再即場拎食物，所以都有十幾人排隊。一位負責收錢裝小丸子，另外仲有兩位就不停整小丸子，買完都仲見到d人繼續排隊。開頭以為只可以揀一個味道，後來發現係一份有齊照燒汁、黑胡椒粉、蛋黃沙拉醬、日本芥辣醬同柴魚片。本身想叫2份，一份有齊所有醬，一份唔要芥辣醬同黑胡椒粉，但最後都係叫一份試下先。章魚小丸子($24/6粒)每粒小丸子都有一粒章魚粒，有誠意，唔係hea既。但可能太多人排隊，小丸子一熟就上盒，所以粒小丸子係外軟內軟，我個人就鐘意外皮脆少少既小丸子，相信小丸子放係爐上再慶耐d，外皮會脆d。雖然整體口感淋左少少，但係寒冷既晚上食到新鮮出爐、熱辣辣既小丸子都係好滿足。至於芥辣醬味道太重，黑胡椒粉好似唔係好夾，個人唔太喜歡。如果有機會再食，我會選擇唔要芥辣醬同黑胡椒粉。作為小食，日船既章魚小丸子係唔錯既選擇，但如果太多人排隊就不了。餐牌寫柴魚片/紫菜片，但我個盒得柴魚片，可能係睇佢當日有咩貨，又或者要主動同佢講要邊款？(個人口味S: 3/5)(個人口味E: 3.5/5)