154
30
14
Exit F1, Causeway Bay MTR Station
continue reading
Additional Information
Cake keeping service is provided but no cake cutting service
Opening Hours
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
Review (207)
星期六晚突然好想食燒肉，但又唔想等位。搏一搏打去伊呂波睇下有冇位。點知星期六晚都竟然有位。去到個埸都係坐得一半，有d 擔心呢間餐廳今日黎食放題，佢有分＄298 52品同＄398 60 品。男友中意食既野多數都係＄298 52品到有齊哂。今日就食住＄298 先。宜家都幾自助既形式，自己將食物編號抄係張紙上面比侍應。出餐都快，個爐都夠熱。絕對夠哂時間食到回本。為左節省時間，我地通常都會叫d 熟食打下底，一路食一路燒。唔好諗住熟食，唔係佢地招牌野就會求求其其。我其實幾欣賞佢地好有日本料理一絲不苟既精神。海鮮煎餅係熱辣辣上枱，食得出係即叫即煎，仲要係慢火煎到外脆內軟。八爪魚丸 粒粒都有八爪魚係入面，而且個粉開得好幼細，同街邊果d “日式“八爪魚丸爭9條街。連炆牛肉呢個日本家庭料理，佢都有加入日本芋絲，真係跟足日本傳統做法。天婦羅個粉漿厚薄岩岩好，油溫都控制得好好，顏色好均勻。比好多日式放題做得好好多，不過宜家見呢間有以前咁有名既高級燒肉店要做埋放題，我宜家拎佢同d 放題餐廳，感覺有d 唏噓無奈。講返d 肉 ，非常靚仔，冇將貨就價，同正價食既肉水準依舊，油花分佈好平均，肉汁好豐富，大部分既肉都有鹽味或醬油味可以揀。就連牛舌都有得任食，不過＄298 只包薄切牛舌，要食厚切既就要叫＄398。最推介牛里脊同牛胸外膜，肉嫩多汁，超滿足！就算係薄切既牛排肉都唔會容易燒到乾爭爭，一樣咁juicy！燒到個網焦左，請侍應換網手腳都好快手純熟，而且換幾多個網都唔使另外收費，有d 燒肉店只包換一次網，再換要收費…真係有點兒…不過食燒肉唔包野飲，呢樣就有d 掃興。如果可以加錢包埋野飲就更加好喇。
continue reading
🍍食放題貴精不貴多一向係菠蘿仔嘅格言，想當年伊呂波都算係日式高級燒肉店，都要$600-$800/位，面對越開越多🇯🇵日式燒肉店同埋🇰🇷韓國燒肉嘅衝擊，近年伊呂波都要推出晚市放題提升競爭力嚟到銅鑼灣伊呂波食燒肉放題，52品$298、64品$398，第一次食伊呂波嘅放題先試吓初級版52品先啦！-52品包括🐮牛肉、🐷豚肉、🐔雞肉、內臟、海鮮、前菜、燒蔬菜、沙律、一品料理同湯，飲品不包括在內！⭐️推介：塩燒牛舌、牛排肉連骨、牛里脊肉、塩燒厚切五花腩、貝拼盤、露筍-總結：食物質素不過不失、可以一試，冇漏單。貼心地有圍巾唔會整到自己件衫、而且食完唔會成身燒肉味👍🏻
continue reading
今日和家人去了銅鑼灣伊呂波吃燒用，他們有晚市放題，$298/52品及$398/60品，限時90分鐘。$298餐：燒肉有牛肉、豚肉、雞肉及內臟，牛肉有鹽燒牛舌，牛排肉，牛里脊肉。豬肉有鹽燒厚賜豬五花籃豬頸肉雞俾肉雞翼牛為牛大腸。另外還有海鮮：雜錦串燒、紅蝦、魷魚，串燒響螺、貝類拼盤⋯等。蔬菜類也有任點任食：有燒牛油菇、粟米、南瓜、蘆筍、雞髀菇、茄子，前菜有枝豆、生椰菜、泡菜、牛舌配有子胡椒。也有各種沙律，如蔬菜沙律、凱撒沙律！豆腐沙律和牛舌沙律。有飯麵和湯，今次試咗蔬菜湯和海草湯。超飽！
continue reading
一次愉快既用餐經驗肉品質好好，種類多，上菜快店員服務非常好，又親切介紹點樣落單好抵食，食完成身都無燒肉味平時食其他燒肉都會有好大既燒肉味，但今次一啲都無成個環境都坐得好舒服，吾會好逼
continue reading
一放工餓餓哋，就同同事仔喺銅鑼灣覓食。無意中行咗去渣甸中心，成棟都係食肆，好多選擇。同事仔因為心情不佳所以揀咗去食豪啲，就揀伊呂波。眾所周知，呢間日式燒肉都係主力貴價日本靚牛肉，一入去已經做好心理準備要好貴，點知一坐低見到個燒肉放題5牌，即刻放心晒。放題有兩款，我哋揀咗$298包52種食物選擇，嗱，唔包嘢飲，淨係有杯茶。不過又包飲湯啵，最後我哋都無加錢叫嘢飲。落柯打係寫落張memo 紙度，都幾隨心嘅。一落咗單佢就即刻開著個爐預熱。食物方面，主打牛里脊肉同牛舌好好食，肉質好juicy，其他可以少叫啲啲。😁尤其是係貝殼類，唔新鮮成盤都有沙的。總括嚟講，食品質素好好，除肉類外，菜嘅種類都好多，連泡菜都有，如果可以包一罐飲品就更好。
continue reading