Video
Additional Information
Last order time: 22:30
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
每次行過大圍火車站出口，都見到呢度好多人排隊食嘢，今日我哋就揀左間平靚正越南餐廳食晚飯。餐廳已坐滿人，打開餐牌有好多嘢食，好吸引。最後我哋就叫左個小食拼盤、飯、湯河同兩杯特飲。河內小食拼盤：賣相豐富，有5款小食。雞翼炸得夠香口，係香茅味道。炸春卷剛炸起，熱辣辣，咬落夠脆，配料滿晒。蝦餅彈牙，扎肉都幾好食。米紙卷包得夠扎實，配料好爆，仲有隻鮮蝦，呢個就最爽最清新，幾好。河內特色綜合河粉：份量多，牛肉湯底正宗，牛骨味重，唔油。生牛肉同牛腩片有牛味，扎肉同雞絲吸左湯汁夠晒味道。香葉卷外皮係紫菜，估唔到浸左湯都咁好食，裡配配料又夠味，整體唔錯。越式咖喱牛腩飯：老公鐘意越式咖喱，因為佢唔會太多香料，蓋過咖喱味道，另外仲有椰奶香。牛腩同牛筋炆得夠淋，幾入味，配飯食就最更加原汁原味。飲品：我就叫左椰果椰汁西米露，椰果同西米露都幾多，椰果爽口，西米露就煙韌，好香椰汁味，甜度剛好。老公就叫左椰汁紅豆冰，紅豆冰口感軟綿，同樣重椰汁味唔太甜，幾好飲。
continue reading
💁🏻♀💁🏻💁🏻♂💁🏿♀💁🏿💁🏿♂🏷河內越式料理 @大圍💁🏻香茅雞翼湯河 $62超順滑的湯河去上超好食，天氣凍飲個熱湯暖笠笠之餘仲好醒胃，香茅雞翼炸既時間岩岩好，令人回味無窮，湯河好出色，必試‼️💁🏻順化豬肉卷撈檬 $66順化豬肉卷的味道非常豐富多層次，豬肉絲經過醃漬後，味道濃郁，讓人食指大動。配上清爽的生菜葉和蘿蔔絲，口感更加清新。還有加入碎花生，增添了香脆口感。個人感覺撈檬口味偏淡，如果再酸啲就更正啦💁🏻越式炸蝦餅（細）$32金黃酥脆的外層蝦餅十分美味。💁🏻越式香茅豬扒（細）$24份量勁大件，充滿油香的半肥瘦炸豬扒，啖啖肉，食肉獸最愛😆💁🏻熱蜜糖柑桔 $8蜜糖結合了柑桔既酸甜，驅寒一流💁🏻椰果椰汁西米露 $12口感滑嫩，味道香甜。軟糯的西米有咬勁但又不會太硬。鮮甜的椰汁則帶有濃郁的椰香。椰果的添加為椰汁西米露中增添了更多的口感層次和驚喜。是否推薦？✅抵食平民越南菜，湯河夠出色🏷️ 河內越式料理 @大圍▶️大圍站 A 出口▶️大圍村南道55號地舖
continue reading
今日嚟到大圍行完圍坊 就嚟到對面食呢間 河內越式料理～ 上網見到呢間都多人排隊 所以都特登早少少6點嚟食 入去坐低無耐就開始要排隊啦🤣 坐低睇睇餐牌 淨係越式湯粉都好多選擇 仲有唔少小食 樣樣都好吸引😋 極品牛三寶湯河粉 $72最先嚟到嘅係湯河 牛三寶包括 生牛肉，牛展，牛丸 湯河一上枱已經勁香😋 睇住啲生牛肉慢慢俾湯淥熟 牛肉大塊又有牛味 半生熟好好食😌 牛展煮得啱啱好又入味 牛丸彈牙 大推生牛👍🏻 香茅豬扒撈檬 $64豬扒大塊 香茅味香 唔會韌又入味 檬粉加咗撈檬汁酸酸甜甜好開胃😌 牛油果沙冰 $34呢個沙冰真係大推👍🏻😍 一上枱真係嘩一聲 超大杯！牛油果味濃 沙冰打得好滑身 同奶昔有得揮😋 叫咗少甜 味道啱啱好！ 河內豬頸肉三文治 $52啱啱烤好嘅法包咬落仲係熱同脆卜卜😍 豬頸肉都有兩大塊 醬汁調得啱啱好 加咗啲菜同青瓜好清新唔會膩 好食！ 順化炸蝦餅 $72食越南嘢一定會食蝦餅😋 啱啱炸好就上枱 蝦肉彈牙熱辣辣個邊又脆 大大塊點埋酸甜醬 好味🤤 軟殼蟹米紙卷 $70勁足料！軟殼蟹仲係脆卜卜 米紙卷包得好實 唔會一咬就跌晒出嚟👍🏻 整體嚟講 呢間河內越式料理 食物質素不錯 有去咗越南嘅感覺 店員服務態度好 地點又近火車站 下次都會再嚟食😬
continue reading
【必食越南美食🌟】大圍河內越式料理食越南菜咁就係要有越南嘅風味同原汁原味啦！係大圍河內越式料理係你食越南菜嘅最佳選擇🌟！佢哋嘅越南火車頭、軟殼蟹米紙卷、香茅沙嗲豬頸肉串燒同香茅雞翼，仲有椰汁珍多冰同椰青，絕對會令你食出越南嘅味道同風情！每一口都會令你愛不釋手，停不到口！大圍河內越式料理嘅菜式都好正宗，保證你食嘅係最道地嘅越南菜！重量級越南火車頭💰126係佢哋嘅招牌菜大大碗二人份量真係好飽，火車頭嘅湯底濃郁鮮甜，仲有牛肉🥩牛展和牛丸同米線，一啖入口即刻釋放出濃郁嘅越南風味！軟殼蟹米紙卷💰70同香茅沙嗲豬頸肉串燒都好好味，軟殼蟹米紙卷味道清爽～豬頸肉3串💰72肉質鮮嫩多汁大推！！加上越南特色嘅香茅醬汁，絕對令你嘅味蕾感到無比滿足😍！套餐追加小🍽️香茅雞翼💰22醬汁入味，每一口都好香濃！椰汁珍多冰同椰青係完美嘅結尾，清涼又解渴！📣大圍河內越式料理📣全日外賣自取(除下午茶時段)全單9折📣詳情請到店內查詢🍽️ 餐廳名稱：河內越式料理 (村南道) (大圍)📍 地點：大圍村南道55號地舖（大圍站A出口)🕑 營業時間：11:00 - 23:00💰 人均消費：$51 - $100 📞 WhatsApp：23313688
continue reading
星期五夜晚黎到呢到晚餐門口已經唔少人等位不過都好快就有位用餐✨順化豬肉卷湯河粉 $68豬肉卷好香而且份量都唔少湯底幾清甜另外會有辣椒同青檸可以自己加落湯底加左會更加fresh嘅感覺而且帶少少辣更加開胃✨河內雞絲湯河粉 $61一樣都係大大碗🥹食完好滿足除左雞絲仲有少少炸蒜，食落會再香啲*如果想走青，落單前講就ok啦不過個人覺得芫茜份量唔多可以接受就算唔鍾意食芫茜嘅都唔怕😙嘢飲方便+$8-12就可以有杞子龍眼茶好香甜 龍眼肉都好多！三色冰亦好大杯 解渴一流✨小食拼盤 $135台面有幾款醬汁可以配搭一齊食～酸酸甜甜就更開胃啦拼盤超豐富樣樣有啲！蝦餅彈牙而且都幾大塊地道春捲炸得好香脆！鮮蝦紙米卷蝦嘅大細適中，點醬汁食唔錯👍🏻香茅雞翼皮脆肉嫩都幾juicy仲有扎肉，同埋河粉一齊食加餸好正🤤-呢間越式餐廳好多分店整理黎講好抵食，下午茶都有埋優惠而且唔收加一！👍🏻👍🏻👍🏻
continue reading