吉吉點 (Closed)

整體點心不錯本人最愛是寶貝， 味道很特別 有點想小時候吃的糊仔整體點心不錯本人最愛是*寶貝二奶酥， 味道很特別 有點像小時候吃的「糊仔」，強烈推薦😋*棉花雞不過不失，雞尚算嫩滑🐔*鳳爪又香又多汁 值得一試👍*灌湯餃 餃子皮偏厚 但整體味道不錯😊本來對*蜜瓜脆脆卷抱很大期望， 但我覺得藥水味很重，不太喜歡☹️，可是我朋友覺得還好，但太甜。地方不大 一般要同人share table, 繁忙時間時間可能要預多點時間等位。坐位不算太舒服， 茶具有特色😊服務態度不錯 🤗價格合理👍

經常傷腦筋晚餐去那裡用膳，有人提議飲夜茶，有新意我鍾意。原來牛頭角有間點心小店，不過地點有點難找。晚上飲夜茶的人也不少，剛好有一張枱不用等位。隨意點了幾款點心，先來幾個蒸點。牛肉腸粉牛肉跟一般酒樓水準差不多，但腸粉內的牛肉滿滿的，而且有生菜夾在裡面，落足料。蝦餃皇蝦餃大粒，皮夠薄，肥膏很少，食完很滿足。鮑螺雞燒賣原來是一粒螺片另一粒以雞肉做成的燒賣。最初以為是仿鮑片，但食下去發現真的是煲湯的螺片。燒賣不太油膩，味道不錯。梅菜雞粒飯只食點心不夠飽，這個飯主要靠梅菜帶出味，不像一般蒸飯落很多醬油調味。其他點心如濃湯浸時蔬及豆苗餃等水準正常，不過不失。這裡每位茶價只是5元，又沒有加一，很相宜。雖然點心款式不算多，只有一張點心紙，不過重質不重量，有質素的話只有幾款已經有吸引力。

位於觀塘鬧市中 但入到去又係新一片天空。裝修同一般茶樓有別，整間店舖裝修係小清新風格，可以係忙中偷得浮生半日閒既感覺係正既。茶具碗碟都好有特色菜苗餃 用料係平日去飲婚宴個種菜苗，食落口特別清新，而且裡面的都好多蝦， 正！呢個係重點推介！ 芝心咸水角，掙扎左好耐應唔應該叫既， 芝士同咸水角個味好似好唔夾咁。不過鮮炸起黎真係超正，味道又岀奇地夾。不過提提大家，一定要熱食 因為凍左就硬哂！寶貝二奶酥。。個名係唔吸引。不過入面原來係煉奶同奶皇包既"咸"做既。好正！呢個珍珠雞超足料，冇得彈！呢個燒賣叫鮑螺雞燒賣，幾好味，燒賣入面有蝦米同雞，幾正。 不過就得螺冇鮑濃湯棉花雞，幾多雞同棉花，好足料

總括：店舖沒有如網上食評所說的值得一試，特別是看似多汁好吃的招牌灌湯餃，而且環境位置夾擠同時價錢不比外面便宜，每樣點心約$25-30左右，即使免加一，性價比亦不高。當中有較新穎的菜式如鴨胸燒汁腸粉，味道很好，建議舖頭可向這方面發展，以創新好吃來建立招牌。這間吉吉點位置較偏僻，坐立於牛頭角站和觀塘站之間，由觀塘裕民坊出口向牛頭角方向步行10分鐘到達，店舖在一條較隱閉的大斜路上，需要多加留心才會發現喔。我們一共點了7個點心，上菜很快，食物溫度夠熱，但坐的位置實在太逼夾，可以完全聽到左右兩檯食客的對話內容，還以為自己是和他們一起來聚餐1)燒汁鴨胸腸粉、炸雲吞前者味道出奇地好食，腸粉餡有鴨胸肉和生菜，加上燒汁配來吃很香口，粉皮不厚，這道菜式創新得來好吃。雲吞亦炸得香脆可口，新鮮熱辣辣，蝦餡足料。2)灌湯餃同傳統灌湯餃不同，這款是以湯浸餃子而非餃子包含湯汁一咬瀉出那種，雖然看其他的食評圖片時覺得挺吸引，但知道內裡原來沒有湯汁還是很失望。而且味道真的很一般，沒有像其他所說的是招牌菜。餃子浸在湯內太久，導致湯有一種粉皮味道，喝起來感覺奇怪。餃子皮有點厚，內裡的肉餡粗糙，吃到一半已經不吃了。3)蒸排骨

一早去試下，都幾多人，我見隔離檯既腸粉單都幾亂下， 我見連錯三次，建議去食既留意下上檯有無上錯叫左5樣野 ， 基本上都幾好食蜜瓜脆脆卷-- 一入口就覺得似熱飲既蜜瓜豆奶流沙包-- 唔係個個流， 我嗰個唔流，但對面食個個話有流青芥鮮牛肉饅頭-- 尼個其實幾得意，不過舊肉偏細，個包比較厚身同硬，變左都係要分開黎食。鍋貼-- 偏油蘿蔔糕-- 煎得香口鳳爪排骨飯-- 飯偏乾另外別要求有服務，真係無乜服務可言，同埋全間店最嘈係個後生仔侍應， 我唔明點解佢講野要咁大聲，包括佢自己同同事講野，好近既都要好大聲， 成間店最嘈佢 尼間 應該都無下次了

聖誕禮物日晚上，慕名品嚐了新開業的拉麵店過後，見胃部稍有空閒，特此品嚐此間人氣疊字點心店。原來此間點心店主打即叫即蒸的點心外，還提供特色咖啡及手工啤酒，深受不同年齡的食客歡迎。吉吉蝦餃皇 兩件 $17芒白色的晶瑩剔透，飽滿圓潤，可見用料十足，並無欺場。 蝦餃皮薄餡靚，黏口十足，口感煙靭微彈，富蝦味。鮑螺雞燒賣 $22主打產品之一，賣相傳統老實，但兩燒賣各自鋪上鮑魚片及雞肉，可見創意精緻。鮑螺燒賣味道豐富，雞肉燒賣濃厚，可見用料童叟無欺。Coedo Kyara $36手工啤正如餐紙簡介，酒花味濃厚，苦澀味鮮明豐富，口感溫潤順口。個人認為重口味男士之選。侍應外表雖新潮型格，但服務大方老實，開宗明義說明即使不用開茶，也先小人後君子地解說須取茶介，實在值得稱讚。

近期好像與觀塘結緣了，每逢周六都會到觀塘吃午飯，再到apm 或是鱷魚恤中心逛街及看精品。以往我會都會選擇樓上cafe，畢竟觀塘的樓上咖啡室真的有很多，不過，這次我們就轉一轉，吃點心。吉吉點的位置相當有趣，因為宜安街除了用上數字條號，或有英文字母區分，我們沿街走了2次，還是找不到，最後，在宜安街7號的一條小斜路走上，就找到了這家點心店。 我們大約1時左右來到，人客已經相當多，好不容易找到位子，便可以查看餐單，看看有什麼抵食的點心，這裏沒有加一服務收費，茶位只收HK$5，而點心的款式及種類非常多，而最特別的就是這裏有西式的咖啡茶喝。 上茶樓的話，吃蝦餃及燒賣相信是指定動作，吉吉蝦餃皇及燒賣都是以2件作計算，蝦餃皮薄餡多，口感煙韌得來又不會黐牙，而蝦肉鮮味爽彈，非常好吃。 蟹子燒賣皇大大粒的，豬絞肉放得滿滿，肥瘦適中，入口時帶有濃濃的脂香味道，而脆卜卜的蟹子就可以更加燒賣的口感。 薑蒽牛栢葉的味道不錯，牛栢葉入口爽脆，咬口豐富，味道辣辣的，而且薑味重，非常惹味。 個人極力推介這個翡翠鮮蝦腸粉，腸粉口感細滑，內裏放滿了一隻隻的鮮蝦，口感爽口彈牙，鮮味十足，而最特別的是蝦腸內放了生菜絲

喺open rice搵到呢間嘢，於是去試一試。佢嘅地點真係有啲難搵，我住喺觀塘接近两年都吾知有呢間店存在，去到街市都係搵吾到，於是打比店舖，原來喺斜路小路中間，真心的難搵。我們一家三口吾想一下子叫太多點心，只叫左五樣嘢：蜜瓜脆脆卷、古法馬拉糕、煎蘿蔔糕、是日老火靚湯、千層糯米雞。蜜瓜脆脆卷係女兒點嘅，裏面係好甜嘅蜜瓜味(但吾知係咪真係一舊蜜瓜)，因為個餡係蓉蓉地嘅，一碟三個，一人一個，好漏，我嫌佢甜得滯。馬拉糕同蘿蔔糕正常嘢，無乜特別，蘿蔔糕煎得香口，吾錯。糯米雞蒸得淋得滯，吾喜歡淋b b又濕淋淋的糯米，一夾就散。個湯係粉葛眉豆煲豬骨，吾太咸，好味，亦算熱(本人非常重視湯要熱辣辣的)，不錯。可能呢度位置實在吾起眼，人流吾多，晚飯時間都有两三張吉台。可能清靜左少少，侍應比較悶，目無表情。另外特別想講，佢有啲特別嘅飲品，如鐵觀音咖啡，榴槤咖啡，下次有機會先去試。

人大了每日返工放工，使我更珍惜跟家人相處的時間，所以無論星期五晚我幾夜訓，第二朝仍是會爬起身同屋企人去飲茶。但Family Day不是人人有，所以今晚就帶男朋友去感受下飲茶的樂趣。 早茶&下午茶均有$2優惠，可惜這次我倆無福消受。 茶具是鐵造的，拿上手挺重手。 Q版錦繡炸雲吞 $20平日的炸雲吞都像一隻飛碟這麼大，但餡料往往是很少，這4隻炸雲吞剛好相反，細細隻卻內藏漲卜卜的鮮蝦。 吉吉蝦餃皇 $17雖然一籠只得兩隻，不過就十分大隻而且蝦肉夠新鮮爽口。 金牌蠟味糯米飯 $26上面鋪著臘腸及潤腸，使整個糯米飯彌漫著玫瑰露酒的香氣，唯一不足是面頭缺少了蔥花莞茜。 香煎蘿蔔糕 $21我從未在街外食過如此厚身的蘿蔔糕，當中吃到有不少瑤柱碎，$21蚊三大件確實抵食。 桂林頂級鮮牛肉球 $24被它的名字吸引到，由於現今牛肉都非常貴，所以平日吃到的牛肉球都總是沒有牛肉味，粉漿多於一切，但吉吉點的牛肉球卻比別的結實得多。 薑蔥牛柏葉 $24牛柏葉很足料，整碟上上下下都是牛柏葉，沒有用其他配菜墊底，而且爽口但又不韌，至於味道方面辣味是夠的，加入薑蔥後十分惹味。 灌湯餃 $24點心即叫即蒸的好處是

點心係我地由細食到大，對於我地香港人係普通不過既食物，但其實係國際上有好多外國人黎到香港都會慕名而來試一試，試過係外國同當地人傾計講香港食物時佢地都知道咩係DimSum，當有外國朋友黎到，我都會帶佢地去試一試呢種廣東食物。如果大家食點心食到有的悶既話，我今次都可以推介下呢間比較與別不同，包括佢用料同做法都可見呢間餐廳勇於創新同嘗試，正好適合我呢種食點心食到悶既人，可以對點心有種新鮮感。而呢間餐廳視之為「點心之藝術」。門口已經好有聖誕氣氛蝦餃皇$17第一次黎食當然要有蝦餃同燒賣，先講蝦餃，皮好煙韌，容易咬開，入面成隻蝦好爽。燒賣皇$17而燒賣就咁睇圖其實唔覺實物原來比較大粒，啖啖都係肉味而且保留原有肉質同口感。流沙包$21至於流沙包黎到因為我無即時食，到發現時已經有少少漏氣，但外皮仍然好鬆軟入面奶黃味好濃，但記得唔好放太耐，唔係涼左入面，就唔流沙。灌湯餃$24印象中比較少見既係灌湯餃入面竟然放左蟲草花，即時感覺增加營養價值，而湯本身味道都好入味。煎堆仔$25原本以為煎堆仔入面空心，一咬先知入面加左奶皇，雖然剛剛已經食左奶皇包，但再一次食到奶皇味都係覺得非常正。芥末漢堡$31今次我覺得最具

多數早上飲茶先會食點心，但行過俾餐廳門口既裝飾吸引左黎食！睇餐牌先知佢唔係賣普通點心甘簡單！佢有好多自創既點心，係出面無得食，有啲諗都諗唔到佢會甘做，哈哈！八點半到到，差不多坐滿晒人，唔少係年輕人。呢個黎到要必試！超好食！平時食開都係西式包夾漢堡扒，呢個係張炸左既饅頭做包，好香口，饅頭外邊好脆，入面好鬆軟，雖然係炸，但唔係好油，有一陣陣炸既酥香味！入面有芥末醬、生菜同一塊漢堡，正常野。我覺得成個包既精髓係個炸饅頭，廿樣配答又幾好，好夾！外表同普通咸水角一樣，好脆口，但入面係肉加芝士，聽落好似有啲古怪，但食落又幾好味喎！要趁熱食，但又要小心太熱熱親蒜味好香，但又唔覺佢有好多蒜係碟野度。排骨唔肥，好林，好入味！like it!雞肉入味，嫩滑。平時食棉花雞時覺得佢個湯汁好油，會擠壓晒啲油出黎先食，但呢個湯汁唔油，好似湯甘，可以飲埋！只餃好大只，皮薄，餡好多肉。個湯好甜！無諗過食點心都有西式甜品雪凍左，面頭焦糖上枱前先燒，所以樽頸會較熱，要小心啲個面好脆，入面好滑，好甜。楊枝甘露，幾大碗下，但只需19蚊！芒果肉多，好甜！不過可能柚肉唔係當造，所以唔甜，肉多渣。睇得出間餐廳用心做食物，亦會係傳統

平時大家去完觀塘行完街,都起碼8-9點,唔想食費野,又唔想食food court的話,不如大家黎呢間吉吉點試下飲夜茶啦,黎到時個感覺比較似居酒屋style,因為係條後街上樓梯咁我地如常開始落order,飲茶又點少得一壺靚茶呢?眼見器具都非常講究,用餐環境都非法舒服,我地就叫左非常多點心,因為小胖女真在太餓了,先黎一個炸雲吞,外皮炸到卜卜脆,非常開胃之後就係小弟至愛出場啦,叉燒包,馬拉糕,全部熱辣辣,軟綿綿,真係吃極都唔會厭再黎係上湯鮮竹卷,鳳爪排骨飯,牛柏葉,上湯時蔬,燒賣,真係中式放題咁款,鮮竹卷我就配埋鳳爪排骨飯當送咁食,用黎送飯的確好正,牛柏葉整得夠哂味,燒賣又係大大粒,記得要配埋辣油食阿當然點可以唔食返條菜呢?夠清夠甜重點係全部野無咩味精,食完唔會口渴,最後一道上既係青芥牛肉饅頭漢堡,最近都好興食呢款新派點心,入口味道幾特別,牛肉配炸曼頭軟硬具全我地再叫埋個甜品,楊枝甘露同埋個奶凍,飽到唔想郁了

抱著試新式點心嘅心態入去，當然要叫啲比較特別嘅點心啦江南俏鍋貼 鍋貼油雖然多咗少少，但勝在有適當嘅厚度而肉餡上有肉汁流出翡翠豆苗餃 餃皮屬於比較黏黏果種 而內裏鮮蝦同菜比例同質感相當平衡煎雲石馬蹄糕 開頭以為雲石係白色同黃色點知原來係芝麻同馬蹄而形成嘅黑白 相當有新意、味道亦不俗 食到粒粒芝麻 ，芝麻味道相當濃而且馬蹄亦都好爽口 十分推薦青芥鮮牛肉饅頭漢堡 炸饅頭夾上鮮牛肉，青芥末味刺激而牛肉嫩滑有汁 一啖半個，相當唔錯

鍾意食麵包嘅我，成日都會去茶樓但新式點心舖質素普遍都比茶樓好所以今晚就嚟試下高質點心 古法馬拉糕 馬拉糕顏色較深 而且有蛋香味質感仲好軟綿 吉吉蝦餃王 蝦餃雖然只有兩粒，食落發現質素同價錢係正面掛鉤 內裏有啲濕潤，蝦肉仲好彈牙而外皮有啲咬口，係比酒樓嘅製作認真好多 芝士鹹水角 因為鍾意食香口野，所以叫咗鹹水角內裏唔單只有肉粒，仲有鹹香芝士 芝士味道唔會過於濃郁，而係恰到好處 濃湯鮮竹卷 鮮竹卷因為吸收咗湯嘅味道，味道一啲都唔淡而內外食材質感不一，所以咬落有層次，入面既係比較爽口

細細間的吉吉點，點心家人愛食，一家大細來食傳統的好西。翡翠鮮蝦腸粉 - 即蒸鮮蝦腸粉，簿簿的很透，十分黏著口，仲有一點蝦及蔬菜。千層薑汁糕- 是媽媽至愛，食到薑汁味呀，煙煙靱靱的千層薑汁糕。千層珍珠雞 – 平日少食，食完飽飽的呀，食點心必食千層珍珠雞。芝心咸水角 –平日只食咸水角，芝心咸水角未食過，加了芝心，黏口份外香。