好耐之前請屋企人黎呢到食飯。個次爸爸叫左本地牛同安格斯牛肉(第一次聽仲以為係牛扒XDDD)。爸爸話本地牛好好食，媽媽就中意num d既安格斯牛肉(可能因為佢無左2隻牙啦，哈哈)。而我就中意食個個響令同個老友鬼鬼，超好食。另外芝士狗(超贊)，黑豚肉同埋綿花魚肚(對皮膚好D啊嘛^^)都好正。哥哥同阿嫂就中意食大筒蠔，桂花蚌同珊瑚蚌。我覺得好食過火鍋本色，不過就有點貴。太耐之前既事，都唔記得幾錢，不過我記得就好似係1200到啦 (超肉痛T^T)上星期因為媽媽手痛，唔想佢整飯咁我話出街食啦。咁ARM行過間野個時個經理派傳單比我地，最初我嫌貴，但佢同我地講佢地轉左任食，仲加左D日本野，連我最愛既壽司都有~爸爸媽媽又話無所謂，咁咪去食囉。上次我地叫左個喇沙鍋，所以今次我地叫左雙併鍋，爸爸同哥哥就食麻辣，我同媽媽就叫食日式蕃茄豬骨鍋。個經理叫我地試下個蕃茄湯，超好味，我仲同媽咪講話仲好味過你煲個D XDDD，媽媽打左我一下 =P因為係任食2個鐘，所以我地首先叫左勁多壽司，食完可以慢慢睇下電視消化下再食。之後我點左黑豚肉同響令，仲有D日式丸類。我幾中意個明太子魚餅，另外有個好好好細粒既豚肉雲吞。呢個真係好細，但係意想不到地好味，所以叫左超多 XDDD 另外有舊正正方方既野都OK，最搞笑既係魷魚卷。佢係一條魚肉入面包住條魷魚。我試緊個時，媽咪話比佢試下，我話好啊~~我食左條魷魚之後先比佢食XDDD 媽媽扁咀超可愛~~ 不過最後都叫番比佢食，呢個都唔錯的^^另外椰菜雞肉卷同個福袋都係推介~~我自己建意就係個福袋有甘耐就浸佢甘耐先食，因為佢出面係付皮，吸晒D湯之後食真係好好食^^爸爸個一邊，就變左2隻食肉獸-口-"""""不過爸爸話雖然任食都食到隻差唔多好似安格斯既牛肉都算係咁啦，不過始終唔夠之前個兩隻好食。呢個時個經理唔知係咪聽到爸爸咁講，就埋黎同我地講話可以加$48食安格斯喎，原本爸爸想食本地牛架，不過好似話依家D本地牛唔靚所以暫時無住，咁最後就加左2碟安仔比爸爸囉~~可能因為係平日啦，個晚得5張台到，個經理話其實睇反情況，如果無咩必要都唔洗一定2個鐘就叫你走既，所以我地LAST 左ORDER，慢慢嘆埋杯雪糕，睇埋個電視先至返屋企~~~埋單都係800幾蚊到，比起之前真係平左好多~~ (贊)另外我覺得要讚一讚呢到既服務態度，我仲以為係打邊爐既地方一定無SERVICE，但係我覺得佢地D SERVICE 真係好好喎。我留COMMENT 之前睇到有個唔太好既COMMENT，我唔係明星，但我睇到既個個都好有禮貌同埋好友善丫~~而且上台野食都好快無咩問題~可能係有D誤會卦，唔知啦~ANYWAY~~~ 我覺得爸爸媽媽食得開心就係最好~~所以呢到係唔錯既~~^^(純粹個人意見)
continue reading
2
1
0
Opening Hours
Mon - Sun
18:00 - 02:00
Above information is for reference only. Please check details with the restaurant.
Signature Dishes
剛看到傳單話有日式火鍋放題，所以上去試下。因為早沒有人差不多包場。叫了個喇沙湯底。有特飲奶茶送，好飲。湯底來了，經理叫試下d湯，好湯底唔錯。壽司好新鮮。但火鍋料不太好。除了牛肉可以說好點其他都普通。青口全是沙。象拔蚌完全沒有味。脆鯇一點都唔脆，羊肉好蘇。不過服務真的很好
continue reading
尋晚 去北角 近 健威花園 一間叫 "鍋居" 的火鍋店 打邊爐 , service very BAD 服務非常差 !!! 出菜非常慢 , 味道普通 與價錢不合理 ,這都未算最差 , 最令我話佢地差的地方係, 佢地每張檯都不停上菜, 就係冇我地份. 係果到足足三個幾鐘都未走得. 明明隔離枱比我地遲到, 但佢地全枱食物 唔通我唔係名星名人就唔上我地枱菜!!!! (但買單時即叫佢 又好鬼快立即 買單 俾$$$$) 我地有 兩老 加 三大人 仲有三個小朋友, 一個三歲, 二個7歲. 見三個小朋友叫肚餓, 好可憐, 仲要係新年的 大年 初三 難得全家人每一個都到齊一起出街用餐, 我地都怕人多等位, 而且聽聞有名星去食, 所以7点就到. 眼見有好多位,我地最早到, 天氣涷,以為早d食完早d走,可以返屋企煲劇. 但10点都未走得!!!!! .\/. .\_/. .\___/. >.< >.<........我地好早就落單, 一定係7:30之前 !!!! 果到有電視, 落單的時候都未做東張西望. 叫在好多嘢, 但只來一樣魚滑, 我睇完東張西望, 仲要睇完結婚方程式. 所以一定有一個鐘頭, 都未有其他嘢食, d牛肉片, 豬肉片呢... 怎會呢d都咁耐未有得食 仲有水餃呢 一碟只有8隻, 就算即叫即包,一個鐘都未包到出來 ....菜芯都要9:30先有得食, 因為做完第二套劇集......(仲有太多不滿,不能盡錄)最後俾我的食後感 係 你唔係名星名人就唔好去食, 一定唔上你枱菜 (ps 我仲要係有人介紹去都被咁的對待)
continue reading
還是夏天的時候 (已是 5 月的事了), 一年四季都嚷著要吃火鍋的朋友們說要來試試這家當時還在試業中的鍋居。門面其實還不太顯眼 (不過入口正正在銀龍旁邊), 還要上一層樓梯才到。上到去, 但見地方小小, 也算新淨企理 (當然了), 而我們就成為當晚的第一檯顧客, 所以可以獨佔一張大檯。湯底都算多選擇, 在座有人不吃得辣, 而在座的女生們給一個叫「魚美人」什麼的湯底吸引, 於是大家就要了這個湯底。記憶中這個湯底好像還有花膠的, 難怪會叫做魚美人 - 但其實它應該解讀為「『魚尾』人」, 因為裡面有一大尾的魚尾啊 (應該是大魚之類)! 湯是奶白色的, 膠質頗重, 也算香濃, 如果現在還有這個湯底的話, 值得推介。吃火鍋我最喜歡的環節是「混醬」, 這裡我是一大盤的給我們任撈, 都幾開心的。我只是簡簡單單的弄個辣椒豉油就 OK 啦。素來對火鍋料不甚了了, 就交由友人揸主意, 雖然有個黑板寫著是日的時令海鮮, 但大家結果都是挑些大路的配料, 肥牛牛肉等等當然少不了 (沒我的份兒了), 我就專注吃各式丸類, 是手打的, 有點質感, 不錯; 另外有些墨魚滑呀鱔片呀我也吃了不少。響鈴是一朋友的至愛, 灼幾秒就可以吃了, 軟之中又有少少脆, 幾得意。加些蔬菜, 也挺滿足的了。 初開業, 經理當然緊張一點, 不時過來問我們意見。座位好坐, 又有電視看, 不錯吖, 就是冷氣太勁了一點。
continue reading