富華冰室

Open Now

Now Closed

一到tea time，睇住個餐牌，次次都係叫熱狗餐加薯條，下午茶熱狗餐大大份，係銅鑼灣黎講價錢算係咁，食完一個熱狗餐加熱飲就已經飽肚。味道都唔錯，份量充足，無論咖啡定奶茶都唔錯。

上星期平日 晚上 點了一個咸蛋蒸肉餅 點知等了超過半小時。 當時餐廳只有3分之一客人度， 啲伙記好得閒下 唯了幾次都冇乜反應，總結：。 食物質素普通 服務埋單要$91。 冇下次！

去完花展順便同在附近食個晚飯，見呢間餐廳都幾多人，於於是坐低食個晚飯。見對面枱上點左條䱽魚好大條好吸引，於是我地都點左䱽魚套餐，雖然等左成半個鐘，但魚肉都算嫩口，豉汁味唔錯，最緊要係夠熱。另外仲點左碟菜心炒牛肉，呢個送餐速度勁快，味道一般般，牛肉肉質正常，但有啲韌。見到門外寫住香芋麻糬熱賣中，點個黎試下先，但入面好空心，無嘜香芋味，一般般。🔎富華冰室 (銅鑼灣)📍銅鑼灣糖街1-5號銅鑼灣商業大廈地下1-3號舖

本身因為減肥，食茶餐廳都會叫雜菜煲，平時雜菜煲因為要煲熟啲菜俾你，都會要耐啲時間才出的，今次去呢度食海皇雜菜煲，勁速上菜，本來好開心，但一看個煲，發現全是不用煲，加熱水就食得的東西，這個跟本不應該叫煲吧～叫雜菜加湯吧～平時出面食雜菜煲都係好熱，啲湯都好有菜的甜味，這個食到一半已經開始凍了，非常失望，以後不會再來這裏叫雜菜煲食，不過其他食物還未食過太差，係這個真係差，89元都唔算太平呢～

琴日去維園花市.經過新開嘅富華.於是入去試下四個人叫咗四個餐.牛扒沙律+雞髀薯角+一個豬扒炒公仔麵，+多個蒜蓉炒菜心..食到我有啲懷疑人生.份量少之餘.牛扒靭過紙皮沙律貴過牛扒，雞髀薯角一個薯仔都唔夠.豬扒炒一丁豬扒硬過石頭個面鹹到擺唔落口.菜心係烚到林晒.唔係炒到林晒.呢班廚房有啲心得係一班好嘅廚房，必須推薦比街坊.不妨一試難忘的早午晚餐.希望佢生意興隆..俾一餐咁好嘅回憶我.一世難忘嘅一餐多謝富華冰室不過一次足夠冇下次

這間前身是翠華，見啱啱裝修好入去試吓。見到枱上面有食物碎，就行去攞張紙巾抺吓，點知個阿姐好大聲話「紙巾要收2蚊架」。What?!紙巾要收錢？再望下餐廳四圍，佢真係有寫住紙巾2蚊😦😦😦只能無語，買一包紙巾都係3蚊，餐廳用一張紙巾要收2蚊會唔會太過份？！

新開嘅餐廳，外面有包買，可惜買包嘅服務員態度超級差，手腳慢吞吞，同客人講唔等得唔好買，冇禮貌，最近都有幫襯，因為提子包幾好食，但係員工方面真係要請啲比較有耐性嘅，因為始終直接面對客人