大食代 (奧海城2期)

Open Now

Now Closed

琴晚唔想食麥記同KFC煎炸食物, 去左大食代food court, 揀左吃上海野, 叫左個酸辣湯麵, 花雕醉雞同加左二粒小籠包, 唔洗等好耐就有得食, 先飲啖酸辣湯, 又唔酸又唔辣, 可以用無乜味來形容🤔, 再食啖麵, 一樣係無乜味道🤔, 食佢包左的兩舊茄子, 反而覺得ok,👍 再食兩粒小籠包, 以food court質素都算好食👍, 然後再試花雕醉雞, 酒味好濃, 但d雞完全食唔到肉味, 只係食到酒味, 如果再去大食代, 下次都唔會食佢😅

泰雅上星期同朋友去奧海城食晚飯，諗極都唔知食咩好，就去咗1樓個「大食代」嘅Food Court搵下有無好西食，見到一檔係賣泰國菜，價錢又幾親民，於是就試下啦！1.泰式蒜香雞扒飯$50+泰式無骨鳳爪$13（9/10）呢個雞扒飯個雞扒煎得好香，皮脆肉嫩，個飯有甜豉油做底，份量算多，雞扒切條後都有5件加配小食就揀咗泰式無骨鳳爪，鳳爪有3隻，簡直辣到噴火，出又有醋又有辣，呢度得辣，辣得好過癮好好味！2.青咖哩雞球飯$58+泰式魚餅（2件）$13（9/10）呢個青咖哩雞球飯入面有薯仔、 秀珍菇、洋蔥、紅蘿蔔同雞球，青咖哩係辣得嚟又甜甜地，味道好好，唔錯！加配小食就揀咗泰式魚餅，魚餅有2塊非常香口，仲附送一包泰式辣醬甜甜地又辣得好過癮，好正！3.泰式炒金邊粉（雞肉）$68（8.5/10）呢碟炒金邊粉炒得唔錯，炒得唔會好乾，唔會好甜又少少辣串，入面有紅蘿蔔、洋蔥、雞蛋、雞塊同椰菜，份量算多，幾好食！4.泰式冬陰功雞肉串燒（半打）$68（9/10）呢6串雞肉串燒味道係冬陰功，辣辣地， 雞肉燒得唔會乾，唔鞋好嫩滑，好味！3人總共價錢$270個人口味總評分：8.875/10地址：大角咀海庭道18號奧海城2

就一款宣傳中的飲品香水檸檬茶作評論我已經是今年第二次光顧大食代的，它正在宣傳一款全新飲品：香水檸檬茶，我是因應它宣傳而光顧的。可惜兩次都是失敗而回。尖沙咀一次，大角咀又一次。一般人點餐可以加飲品，難道加一杯香水檸檬茶也不可以嗎？光顧了這次以後暫時不會再光顧大食代了。

第一次食到臭既海鮮純豆腐辣湯。拎野食時已經聞到陣臭味，開頭以為佢塊板臭，坐底試左淡湯又冇臭味，但keep住聞到陣陣臭味，直到食佢既青口，頂未食拎起聞到陣臭味，花蛤都系臭，連蝦都系霉同臭。真系食甘多次韓國屋，第一次食到臭又霉，勁失望

今日要OT想食d有湯嘅野就同同事來奧海城food court食餃子，叫左出面較少見嘅京蔥牛肉餃子，一碗有8食，都好大隻下，餡好足，京蔥同牛肉味都好濃。份量夠dinner唔想咁飽嘅人。

今日放咗工要嚟奧海城攞啲嘢，於是諗住食埋early dinner先返屋企，行咗成個場未夠6點好多食店都未有晚市時段，行下行下入咗food republic即係商場𥚃面嘅food court 尋下美食其實選擇太多反而仲令我有選擇困難症啊最終老公仔話不如試吓最尾呢間日式爐端燒R2 Xpress Teppanyaki二人套餐啊見有對CP已經食緊廚師👨‍🍳又係到努力炒緊，咁睇落又真係好似係日本街頭小店食緊地道小菜於是就坐喺吧枱位置睇住㕑師爐端燒我哋份二人餐囉你咪話唔得呀！以呢個價錢都有充夠份量你倆個吃飽飽有湯、有飯、有餸、又有飲品，而且味道都唔錯呢下先夠誠意下次諗唔到食咩嘅時候，呢度真係一個勁好嘅選擇

同朋友喺奧海城食飯時間唔係太多，咁諗唔到食乜就走咗去大食代搵嘢食入門口右手邊見嗰間餃子店之前未見過之前未見就試吓其實佢有煎餃同埋湯餃嘅選擇 (可惜唔可以煎餃拼湯餃如果唔係一流)最後我叫左鹹蛋菜肉湯餃雙併韭菜湯餃波菜麵但配料上有咁多海帶同粟米再加上湯底都係似日式拉麵嘅感覺 小食方面我選擇左涼拌土豆絲，份量唔多味道不過不失（食完好似冇食過咁）醬料辣椒油同埋辣菜譜係普通野其實嗰幾個餃子都幾好味，但係食落去有fusion菜嘅感覺

成日来食，都算正常。星期六lunch食三送+星洲炒米，食到一半见到米线中间有曱甴。好恶心。最後尾送返，提醒店家注意，唔洗退钱，都唔洗煮多个比我地，因为已经唔想再来。成日来食，都算正常。星期六lunch食三送+星洲炒米，食到一半见到米线中间有曱甴。好恶心。最後尾送返，提醒店家注意，唔洗退钱，都唔洗煮多个比我地，因为已经唔想再来。成日来食，都算正常。星期六lunch食三送+星洲炒米，食到一半见到米线中间有曱甴。好恶心。最後尾送返，提醒店家注意，唔洗退钱，都唔洗煮多个比我地，因为已经唔想再来。

想餃就餃🥟一班人去食飯搵food court係一個唔錯嘅選擇，每人都可以揀自己鍾意嘅菜式。面奧海城呢個food court食物種類都幾多選擇。大白菜鮮肉餃湯餃8隻 $45 🥟一開始黎到嘅時候店舖比少咗一隻餃子，不過店員都好好了解過後後就俾返一隻我。湯餃會附送一碗湯，而且自助醬料有蠔油，辣菜脯，辣醬，醋可以自己選擇。湯餃粒粒都好大粒，餡料好飽滿。食落都唔覺好多味精，餡料亦都唔會實，性價比高。👍🏻👍🏻

鐵路便當大碗飯套餐 $69嚟到碟嘢真係好鬼大碗，見到啲炸豬扒同雞扒擺到成隻碟滿曬，就知道佢對得起呢個價錢，另外仲有鹵水蛋、鹵水豆腐、滷肉、榨菜做配料。炸物炸得唔錯，炸物外皮酥脆，亦都唔會太厚粉，肉質唔會太硬或者太乾，食落仲會有肉汁。鹵水汁夠曬入味，幫黎配飯食啱啱好，啲飯唔會煮到淋哂。成個餐嘅份量好足夠，午餐黎講食得好飽，而且上菜速度都好快，工作放飯時間來都唔會食得好趕。價錢緊講又唔算太貴，真係當快餐食又得。

你想食嘅嘢同朋友唔同？唔使分道揚鑣嘅～Foodcourt係至佳之選😌<洪祖師>古早滷什錦大婉麵 $69送一碟烚菜。見counter唔多人排隊，試吓無妨，比想像中好食👍🏻而且見咁大碗認真嚇咗一跳！湯底雖然係滷汁，但味較清，好在各款滷味小食本身都很夠味，雞翼有酒香、幾突出，菇成吋厚、幾索汁，全熟滷蛋適度鹹香，豬手同紅燒豬軟骨都正常。麵身偏腍、啜起爽滑，肚餓嘅人揀呢個可以大快朵頤一番🍴極上廣島蠔豚肉拉麵 $79湯底豬骨味濃厚，拉麵較台麵硬身，但啜起身都爽滑俐落，3件叉燒都唔錯，肥瘦均勻，炸蠔嘅蠔味都好出，脆卜卜。其實各有各特色，有咁多林林總總的麵食，可以烹調出唔同嘅風味，全部都想食😍

好耐無去奧海城行街街.商場內好多商舖都搬遷或者改變.行到攰.入咗商場food court(大食代）歇歇腳.嘆番個休閒下午茶. food court內有好多不同種類食店選擇.都唔知食乜好.最後選擇了上海嘢. food court環境好靚.好有文青feel.座位好舒服.靜靜地睇吓書.人生一樂也！點餐以下：1. 上海粗炒配酸辣湯$52元2. 腐乳通菜$14元呢度取餐及餐具全部自助！1. 上海粗炒味道唔錯.有椰菜肉絲伴炒.在配合豆瓣醬進食.增進食欲.酸辣湯內有筍絲/肉絲/木耳絲.酸辣度調教剛剛好.好似碗仔翅.好好味！2. 腐乳通菜.通菜嫩口.腐乳醬調教好味！如果腐乳醬多番少少更好！食評滿分：👍👍👍👍👍今次食評：👍👍👍👍👍

係奧海城Food court搵嘢食，咁啱想食台式嘢食，就嗌咗碗什錦麵套餐，價錢一般般，冇話特別抵食。 古早滷什錦麵套餐 $69成個麵有豬手、滷肉、豆腐、雞翼、冬菇、菜。分量真係唔可以話算多，做粗重工作嘅男人應該會唔夠飽，我諗佢嘅賣點係上菜速度快，同埋裏面有好多唔同嘅菜式。豬手幾大舊易咬，滷肉軟淋，雞肉都嫩。麵唔會煮得太淋，仲有少少彈性。成碗麵同啲餸菜嘅味道其實一模一樣，都係嗰陣滷水味，味道中規中矩，不過不失。

奥海城 不同種類選擇不同餐廳 特式風味💯奧運站D3出口，步行約2分鐘1. 椰菜花粟米雞肉$52- 今次點左原味蕃茄濃湯🍲係選擇螺絲粉加咗少少辣喺04 Tomato Club 記住唔好去錯🤭淡淡的濃郁蕃茄味🤪 加上清淡嘅雞蛋🥚同埋一啲嘅椰菜花🥦非常簡單而清淡2.XO醬海鮮炒飯$46 - 留意一下🤪加$8會有多一隻雞髀🍗非常抵食🔥首先呢一個炒飯係非常香口亦都有濃郁嘅炒飯當中包括鮮蝦😄帶子火腿粒🤭蛋白 值得一試🆓當中會包括埋一碗湯✅09 Tastes Bistro 千祈唔好去錯地點：大角咀海庭道18號奧海城二期一樓名稱：大食代（奧海城二期）好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻

Foodcourt 仍lunch time時候既恩物，個個都放飯，梗要揀翻個就腳同多野食揀既點啦😆😆 行開見到川菜既我又忍唔住😚上海炸排骨擔擔麵$60滿心歡喜咁叫左份擔擔麵，但等左成20分鐘都未有，可能太多人既關係。。催促之下，等左將近30分鐘既我終於有得食。但眼見款排骨好似營養不良咁 好似係非洲來貨，食落都正常，炸得香口，但份量就偏小擔擔麵就好香花生味，湯底濃郁偏少辣，麵底質感尚可接受自私評分：🟡⚪️⚪️⚪️⚪️自私評論：附近都多野食鋪揀，建議下次睇埋其他鋪先，由於本人太無耐性關係同埋呢餐性價比真心唔高（野飲要額外加$9/15) 所以下次可試食其他款或鋪頭