大家食 (Closed)

今次寫既係位於旺角既 “ 大家食 ”。先講講佢既舖面，逼逼地坐得唔太舒服。不過，勝在佢既菜單多野揀，而且有宵夜時段，唔洗逼住食 McDonald 既熱氣野。我揀左呢個油渣面，湯底入味奈何就油左啲，減低左人既進食意欲。但係，因為湯底咁油，正正勾起左我既童年回憶 --- 行行下街係街邊車仔檔買一碗油渣面咁，同樣風味，同樣嗱喳。而面換左做刀削面，則帶來了另一種感覺，感覺上都係油面夾啲。

 話說今日做功課做到好夜先走，又有啲肚餓，就落左旺角食宵夜。旺角夜晚既宵夜其實都算多，不過我見 “ 大家食 ” 呢間睇落坐落都舒服，咁就入左去食。“ 大家食 ” 呢間店除左一般既米線外，仲有刀削面食，咁我就叫左個油渣刀削面食。刀削面配落啲油渣到，加埋啲酸菜，成碗面既份量就當堂顯得大左。以宵夜嚟計，其實都算扺食，不過大前提係你要中意食刀削面先 ～

今晚飯堂轉左去旺角，而大家食都係我地吾洗煩就會默認會去既地方。雖然環境吾叫乾淨，阿姐吾算殷勤，但論價錢同味道算係ok之選。我地叫左豬油渣麵同牛腩蘿蔔酸辣削搖麵。但今次去有啲失望，首先，筷子一夾落去"空蕩蕩"甘,麵既份量少左一大折，心知妙。再搵下啲牛腩同蘿蔔，食完一小舊之後...個舊應該係絕無僅有....無奈...酸辣做得幾好都冇用，相信下次未必會幫襯，起碼會三思而後行。至於豬油渣麵，朋友意見話麻麻，相比下，酸辣好味啲。

前日陪個仔去踢波，係未夠鐘前，想去食下野先，係旺角平有平食，就諗住去食雲吞麵！！！！點知執鬼左！唯有行過隔離食大家食啦！ 呢間之前都食過，最yummy係東坡肉，肥死都要食！ 不過d刀削麵就好差，好似一條條厚切河粉咁！！下次試下食飯先！

天氣漸涼，最妙之事莫過於晨早食一碗熱騰騰的粉麵或粥品進肚子。吃完後頓然也倍覺醒神又温暖，為一整天工作提供了不少的精力....許多人都會到過"大家食"吃削搖或手攪麵，但小弟卻是印象中好像從來沒有光顧過的。對這兒有印象的，就只是梳平頭裝的老闆的嘜頭而已....估唔到連晨咁中都有麵吃。一碗單餸的都只是賣十九大洋而且又是大大碗的，相比起茶記的ABC港式早餐還要抵食得多呢...選吃的配料是牛腩蘿蔔....咦....這不是有兩款東西嗎?為什麼店方將之列於單餸系列呢?真是讓人費解....麵底揀了最基本的手攪麵。質地帶些微煙韌，不過吃來吃去也只覺是普通不已的白麵....平平無奇也；湯底是一大碗的味精水，唯一好處是真的夠熱辣辣，十分的暖胃；牛腩大部份是瘦掹掹的，不過咬落就沒甚渣而且也算入味；蘿蔔雖件數不多但甜味頗突出....一大碗熱熱的東西連湯乾掉，成身暖晒縱然論水準是超普通平凡，但就只索價十九塊錢的一碗麵，當然是不能有太大要求的了...

唉 放Tea break入去食個酸醉手攪面一上台,己經聞到一陣酸酸臭臭Ge味.一放啖湯底入口,根本係好明顯加左水,可能係Lunch Time 賣哂掛難吃至極,而且凍啡又過甜,阿姐態度極劣叫我下次點幫襯啊

見好耐都無來此店食, 叫左個外賣蕃茄蛋牛肉手攪麵走湯亞姐都好好人另外包左一小袋辣炸菜粒俾我.因為外賣關係,所以外賣走湯估唔到味道出奇地比起有湯既更好味,蕃茄蛋做醬汁用來配手攪麵更美味.蕃茄蛋帶少少酸甜而且d蛋絲好滑, 牛肉應該用上肥牛所以唔會鞋口, 麵條亦做得好滑煮得岩岩好有嚼頭.

晚上和女友行街, 來大家食醫肚. 星期五的關係, 人好多, 位好迫, 好易撞到隔離.侍應算厲害, 一叫即到, 還有說有笑.雜醬撈米線, 米線軟硬合理, 醬汁雖然幾濃, 但拌青瓜絲有爽口和清新感覺.不過花生有點生, 肉醬也不見得多. 但整體還算合格.炸豬扒飯. 豬扒肉好鞋, 炸得好乾身, 不JUICE.飯是澆上豉油汁, 汁的味道不錯, 但飯若可以再煮軟一些更佳.還是較喜歡吃這裡的米線.

半夜訓唔著, 同男友揸車出去旺角食宵夜。 個陣已經係零晨兩點啦, 但原來旺角仲有好多餐廳開, 真係一個不夜天。我地揀左間方便泊車既大家食,仲係24小時。好耐無黎食啦! 我order返我既至愛.....蕃茄牛手攪麵。由以前既$14已經加到$24, 宜家好似食米線咁可以揀麵底,再揀幾多個送, 有辣有唔辣。$24大大碗, 味道跟以前都差唔多啦, 無咩點退步, d 蕃茄好淋, 牛肉就鞋左d。雖然已經係兩點幾, 但都爆場, 真係估唔到呀!!食飽飽就返屋企訓過好~滿足呀!

本來諗住下午茶食西餐(細佬鍾意食)行過見到大家食..細佬話聽人講幾好食,又拎過唔知咩獎~咁我同佢都未試過,就試下食啦.......細佬叫左豬扒削麵(酸辣湯底),我就叫左酸辣肉醬撈手攪麵~哩間削麵真係超唔好食(比起山西刀削麵)我果個手攪麵出奇地好食 覺得好煙um但酸辣肉醬就真係唔係酸辣囉..而野飲,細佬既凍奶茶唔錯..我既凍華田又係垃圾,淡到似飲水到最火滾既一樣野啦,,就係服務生阿姐既態度真係好差...有時d野唔係咁好食都唔係最大問題,待客態度係最重要架囉唔該..總括黎講,普普通通啦,手攪麵都值得再試既!!!!!!!

好耐冇寫食評... 因為太耐冇食過一D令人感動既野....大家食呢間店... 裝修好一般... 平時係唔會去... 不過下大雨... 冇得選... 先發現真係食店都不可以貌相店內... 衛生情況中上... 絕對比店外的感覺好...餐具桌椅都冇油既感覺睇左一陣..唔知食咩好... 問阿姐有咩介紹... 佢都好有心機介紹....我見村村住家鍋麵拎過獎... 樣真係好普通...不過都試下...點了一個牛肉村村住家鍋麵.. 等了5分鐘...食物送上...正如所料.... 賣相極一般...不過.... 一入口... 就有一種好親切既感覺...好似媽媽煮比家人食既一樣....材料新鮮...用料亦很多....海帶湯底很鮮... 加上番茄. 青椒.. 入口十分清新... 令沒有用梳打拿過的牛肉更突出鮮味...難怪一碗貌不驚人既麵食..可以拎到獎項... 再加上店主自創的削搖麵... 十分彈口....不用5分鐘.. 就令我對整間店大改觀.!! 不是賣弄高級服務... 花巧食材...以大眾化的價錢... 親和的味道... 就是這店的優勢!

lunch時~出開旺角~咁啱附近有大家食~諗都唔諗就入去食lu!!$21包一餸~食返上次食既削搖麵~貪佢夠飽肚~揀了過山雞~其實唔知咩味...見個名得意...所以試下..+$2轉酸辣湯底..我當然都加錢轉了~仲叫咗杯凍檸蜜~等緊既同時, 對面阿姐叫既米線到了~見到佢既狀元骨, 樣子不俗啊!!下次要試下...先黎檸蜜~o, 用的是菜蜜..其實我並不喜歡菜蜜那陣味..但呢一杯檸蜜, 我無抗拒我的主食終於到了~由於對面阿姐叫的是清湯~我的比她的濃得多...試試湯底, 好酸啊~不過挺醒胃既...附有肉碎, 旺菜絲, 酸菜~食啖過山雞先~唔錯啊~比想像既好食麵就同上次的差不多~總括是不錯的!!!睇食評, 個個話茄蛋牛好味~下次要試試先得

今日買完嘢之後，我便帶朋友到附近的大家食晚餐，原來友人從來沒來過，咁我當然介紹佢食我最愛吃的茄牛。是晚我點了一碗清湯底茄牛手攪麵，而友人則點了一碗酸辣湯底茄牛米線。茄牛手攪麵(清湯底): 一如以往的水準，清湯帶有蕃茄的酸味，蕃茄味香氣撲鼻之餘，食落亦令人更加開胃。而牛肉亦算嫩滑，味道不錯。至於手攪麵，每條都一樣幼細，咬落富彈性，很有口感。至於友人叫的茄牛米線(酸辣湯底)，他也大讚很好吃，個酸辣湯底味道很正，而且大大碗，很抵吃!!!

晚上想不到吃甚麼，跟BF隨意進了這間店。本來沒甚麼期望，要了我喜歡的擔擔麵，竟然又不錯啊！湯底很香麻醬味，辣度剛好，很合我口味。很大碗，抵食！BF說豆漿豆味很濃，喝完一杯又要多一杯。

我以前和朋友到旺角逛都很喜歡到大家食食嘢但已經有兩三年沒再來過了今次一來竟然發覺跟以前變了很多……點菜的時候服務生的態度很差有種呼喝的語氣我一位朋友在點菜的中途想轉飲品那服務生又顯出一種不耐煩的樣子食物的貌相不太好食物的味道也只是一般都不知道那服務生憑甚麼可以擺那麼大架子 \ / ~!!!豈有此理