Video
8-min walk from Exit D1, Olympic MTR Station
continue reading
Telephone
34285363
Opening Hours
Today
11:30 - 00:00
Mon - Thu
11:30 - 00:00
Fri - Sat
11:30 - 00:30
Sun
11:30 - 00:00
Above information is for reference only. Please check details with the restaurant.
今日去接阿女放學，點知唔記得佢今日有課後活動🥹，早咗去到嘅我唯有周圍逛逛，就俾我發現間甜品店，除咗甜品，仲有意粉...意粉價錢....咁平😳？！店內裝潢以白色為主，環境乾淨企理，座位舒適闊落🥰。睇過餐牌，價錢勁親民，仲有優惠時段，由每日上午10:30至下午7點，點選食品送熱飲或轉各類甜品可享減免$6優惠🤩。白汁煙肉蘑菇意粉 $32無睇錯，意粉🍝真係$32,，而且份量唔少，意粉煮至軟硬適中，加上勁多煙肉及蘑菇，每一口都充煙肉🥓及蘑菇🍄香味。蒜香雞翼 $35由於我去嘅時間正值下午茶時段(14:15至18:00)，所以可以享受埋下午茶優惠🥰，同樣有點選食品送熱飲或轉各類甜品可享減免$6優惠。自家醃製嘅雞翼一碟有4️⃣ 隻，雞翼表面煎到乾身，肉質十分軟腍，蒜香味十足😍。以下甜品和特飲，Duck哥🦆分別用咗優惠時段和下午茶時段，所以可以 -$6，正🤭。楊枝甘露 $43(正價)芒果🥭奶露質感稠度，口感順滑，滿滿的芒果粒🥭、西米及西柚粒🍊，芒果味道香甜，西米煮得剛好，口感豐富又好味😋。椰子冷飲 $22(正價)椰味🥥足微甜，口感順滑，冰涼清爽😋。
continue reading
💛DC 甜品屋 (大角咀)大角咀海庭道2號海富商場地下16號舖話說今日同朋友去咗奧海城行街，行到肚餓嘅時候諗住搵啲嘢食醫下個肚，點知俾我哋發現到呢間隱蔽小店，啲嘢食勁平，意粉都只係30幾蚊，我哋仲嗌咗兩個甜品，同埋野飲。我哋叫咗個白汁煙肉蘑菇意粉，意粉都好彈牙，味道偏淡，不過整體都唔錯另一個雞肉腸肉醬意粉，好足料，差唔多每一啖都可以食到雞肉腸嘅味道，而且味道岩岩好。之後叫咗兩個甜品，用嚟打卡真係勁靚，勁有少女心。 我最鍾意就係嗰個芒果窩夫，我鍾意用窩夫點雪糕，再加芒果一齊食，甜甜地😝而我朋友嘅士多啤梨pancake都好靚，好吸引。其實香港都有好多又平又好食嘅隱世小店，可能兩個人食一餐既價錢都平過來回深圳既車費，而且老闆真係好人，十分親切，所以我地成個體驗都好開心，都希望大家可以多啲光顧香港既小店啦。
continue reading
最近搵到間好味抵食嘅甜品店位於大角咀．鄰近油麻地同朋友油尖旺食完飯再過嚟食飯後甜品都好方便或許因為屋苑商場舖，所以價錢都好貼地除咗甜品之外，主食都只係$29 起難怪吸引附近嘅學生同街坊✨芒酥拿破崙配自選雪糕三層自家烘製鬆脆餅皮口感酥脆配上蛋黃醬同新鮮芒果肉 製成有十幾款雪糕口味選擇綠茶味道香濃幼滑✨槤珠爆發幼滑嘅綿綿冰上面添上西米同乳酸爆珠口感幼滑細膩．冰涼降溫夏季必吃嘅消暑甜品以後食甜品又多個選擇喇
continue reading
雖然香港奉行低稅，但通脹令周圍物價都滿佈智商稅大角咀呢間甜品店，有埋正餐食，價錢都幾逆市喎，唔怪幾多價坊嚟食或外賣有冇諗過卅幾蚊都會買到份意粉食，仲諗住會好細份，點知份量都幾多㗎喎煙肉同蘑菇都幾多，平價一樣好味道最意外嘅係，7點前仲有嘢飲送，熱菜蜜都好大杯，當場覺得賺咗加吓小食當支持老細啦，一份雞中翼有6隻咁多，唔會好肥，但係自家醃製，睇嚟唔係打針雞，都可以咁香口當然呢度主打甜品啦，嗌三重奏可以一次過試勻三款甜品，心太軟質感厚實，都幾流⋯流心呀，極濃朱古力味，真材實料焦糖布甸凍凍地外脆內綿，食落好香蛋奶味。雪糕可以揀味，海鹽味好夾朱古力
continue reading
【油尖旺區】【DC 甜品屋】真正哥居然未試過由油麻地行去大角咀，我就做吓好心 carry 佢行一次啦，佢都覺得係一個幾新鮮嘅體驗。行行吓見到海富苑，裡面仲有個領展商場，我都未入過去行。蕩咗陣，大家都有啲想坐低食啲嘢，咁就搵吓附近有冇適合嘅餐廳，就見到呢間嘢喇。真正哥見到甜品就開心，試咗碟 $58 嘅「提拉米蘇雪糕班戟」，佢哋嘅班戟係即叫即煎嘅，所以都要等一陣，呢啲我都覺得係値得等嘅。佢仲配提拉米蘇醬同一球自選雪糕，真正哥揀咗曲奇雪糕，都夾返件事嘅。我試咗少少，覺得都幾好，好有「家的感覺」。我就先試 $18 嘅「黑松露炒蛋」，都炒得幾好，黑松露味同蛋味都發揮到。之後試 $26 嘅「杏仁糊配海底椰」係店家自家磨製嘅杏仁糊底，食落比較清，唔錯。試埋杯 $18 嘅「泡紅棗龍眼茶」，龍眼乾幾多，足料。咁樣夾埋食咗 $120，街坊食堂嚟講一流。。。（地址：大角咀海庭道2號海富商場地下16號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #大角咀 #油麻地 #奧運 #DC甜品屋 #提拉米蘇雪糕班戟 #曲奇雪糕 #杏仁糊配海底椰 #杏仁糊 #黑松露炒蛋 #泡紅棗龍眼茶 #1am1354 #1ambackup
continue reading