Cs' Bakery

Open Now

Now Closed

呢間小店位於西灣河一條不起眼的後街，店鋪的天藍色主色調卻十分搶眼！平時呢間小店都好多人幫襯，今日平日下午終於試到，好期待呢😍煙三文魚忌廉意粉醬汁香濃，濃濃的忌廉伴隨住淡淡煙三文魚香味！食曬成個都唔會覺得膩🥰蕃茄蝦意粉亦很不錯，十分足料！大蝦爽口彈牙，蝦味濃郁，絕對唔係平時餐廳啲又霉又細粒既蝦肉！醬汁唔係得啲汁咋，仲有好多番茄蓉，醬汁味道偏酸甜，十分開胃，但我比較愛甜。拿破崙蛋糕係招牌菜！慕名而來果然冇失望，值得一試！下個月父親節就訂呢個蛋糕啦😍整體而言，小店環境舒適，員工相當親切友善，出品又高質！值得推介😍

這間餐廳如果你真肚餓。就真係可以醫飽你。但如果你只是想和朋友傾訴、吹水。我覺得你會後悔。其實有無咩限聚令間食店都唔會坐得人多。當然因爲這間店最近支持反修例。所以都多咗些支持小店的食客。這裡的職員都很有善。但今次本來想試食下午茶餐。但職員強調已經無曬蛋糕🍰老實說下午茶餐十款有九款都係蛋糕⋯😅還有很食物都話無。其實真係好失望。不過有趣嘅係我點了一杯精品咖啡。個靚花真係非常特別。係一個大肥豬還要是彩色的。突然覺得好窩心。雖然唔知幾錢。但自己都覺得自己值得一試。還有點選了一個意粉，個醬汁超濃。睇落好似好細。但實際就很足夠。女子組就一定夠飽。因為只有意粉關係。其他食物就評論唔到了。這裡地方超細。坐位多數單丁位。還有位和位之間都很逼。但服務都算好的。其實佢地都鼓勵外賣。可能佢地都知道這個問題。如果只買飲品和蛋糕🍰都還可以，如果買主食就真係要改善。

2020年5月3日星期日今日係公眾假期嘅最後一天，今朝同老公行咗去西灣河幫襯香港人嘅小店，呢一間主力係做蛋糕但係亦都有做早餐同埋午餐。早餐非常好食唔怪得知咁多人排隊，座位唔係好多所以如果想去食一定要早一些去。我叫咗一個牛油果醬半手工麵包，麵包非常好味配埋牛油果醬簡直一流。我老公就叫咗一份煙肉半炒蛋配手工麵包，佢對呢一份早餐讚不絕口。佢呢度嘅咖啡亦都非常香口，絕對比大部份連鎖咖啡店更為優勝。兩個人食飽飽都係$100埋單，抵食兼好味

去嘅時候係紅日嘅下午茶時間😳因為餐廳位唔多所以都等左陣先入得入到去 cafe嘅感覺好靜好舒服叫左tea set嘅c餐係天鵝蛋糕應該係檸檬味 酸酸甜甜咁仲叫左杯咖啡☕️係有得拉花嘅☺️拉左小丸子好靚好得意🤤🤤店員服務態度好好👍🏻好有禮貌👍🏻有機會會揀平日冇乜人嘅時候再嚟過😆

前身是一間cake shop，唔知從何時起，變為一間小小的Cafe。唔好睇佢店子細細的，餅房兼廚房有4-5店員，店面也有3位店員。我差不多每次經過，也看到有很多人在排隊，相信他食物質素一定不差，所以今次就去試一下早餐。因為店內只有3張及1張四人吧枱，而在這抗疫期間位置更加少，我1人也在店外等了15分鐘，但這些小店也要支持一下。一看到煙三文法包，就十分喜歡💕因為他把麵包放一個心形🧡令人心情十分開心及甜蜜🥰這法包很鬆軟，不像傳統像石頭一樣硬😣Hazelnut latte 拉花很精緻，但我睇咗好耐，唔知道是一個圖案，還是一個字體😂順帶一提，這裏真的是要排隊，雖然是街坊生意，但大家都要有耐性等候啊😎

就黎長假期，大家可以去呢間係西灣河小店café. 除咗食物質素高之外，打卡都好啱😍 粉藍色的門面，令人覺得好夢幻。蒜香銀魚蜆肉意粉：啲蜆都幾肥美，個汁煮得好好食，整碟外觀都好靚，令人好有食慾🤤🤤 拉花咖啡：我問佢當日會係咩花，佢竟然話可以盡量做我想要既圖案。原來拉花可以自選的，好有誠意🥰🥰。咖啡店味都好濃！再來：會呀，好想帶閨密黎一齊打卡推介：推爆，不過座位唔多，要耐心等候☺️ 仲有，除左意粉咖啡外，佢地既蛋糕都好受歡迎👏🏻👏🏻👏🏻

廚窗外看見各式各樣的甜品，十分吸引。 Having different kinds of desserts on the display window is very attractive. 各套餐均附送美式咖啡/熱檸檬紅茶，更可加錢轉其他飲品。Each set included Americano/ Lemon Tea. Other drinks adding price difference.咖啡是打卡之作。咖啡上的拉花可自選，而且味道香濃。Coffee is the signature of the shop and the latte art is optional. All of the coffee is tasted good with amazing latte art. 卡邦尼意粉 ｜Spaghetti Carbonara $68卡邦尼選用的是白汁並非蛋汁。白汁份量多，味道濃郁，若煙肉煎耐一點，味道會更佳。意粉口感彈牙。 The Carbonara used white sauce instead of egg mixture. The white sauce is

難得可以係下午茶時間岀到泥食吓嘢特登揀D可以坐吓又可以打吓卡嘅黃店食去到都係得5-6個人揀咗一輪終於決定好食咩但嘢飲就揀咗好耐唔知係咪店員都見我哋揀咗好耐所以提一提我哋可以叫咗嘢食先點知想食嘅All day breakfast今日無！之後同同行友人一齊叫咗安格斯牛肉芝士漢堡 -78嘢飲都有得request拉花店員有特登提一提如果就咁叫LattePEPE會啡色，但因為我唔想飲Matcha Latte所以都無咩所謂啦🤣漢堡個set話無沙律菜，有問我哋介唔介意因為都想食漢堡，所以都照要咗，不過建議可以轉加返其他嘢？🤔漢堡包好甜好脆，牛肉juicy，唔會太老不過我哋影咗一輪相，如果熱啲咁食可能會重正途中見店買都好nice，會同客傾吓咖啡經下次再泥希望可以試吓佢啲蛋糕同曲奇

難得出街食lunch,一定要支持黃色經濟圈啦😃Cafe 位係西灣河內街，店舖唔大，坐到10幾個人，裝修好雅致，Tiffany blue 既牆身顏色，配搭幾張雲石餐枱，牆上掛左幾幅可愛既貓貓照片，環境好舒服😌超creamy Carbonara ($68)簡簡單單，個汁岩岩好，唔會太杰或者膩，我本身勁中意食carbonara,呢個價錢咁高質數真係無得輸😋Hazelnut latte -香港加油👍🏻Latte 都有連豬既拉花😂配埋個toffee 慕絲蛋糕（啲cream 入口即溶），咖啡中和翻蛋糕既甜，perfect match🌹而家外賣仲有9折，好抵

上星期平日12點左右到大概等左20分鐘入座，之前係ig已經見過佢哋好特別拉花💛.🍅番茄蝦意粉面頭放左五隻大蝦，質感爽口不過蝦味唔太重~ 意粉軟硬度適中，但係就未去到al dente嘅口感🤔番茄醬酸味偏重，個人還蠻喜歡的😚份量偏多，兩個人分都夠飽~.🍵抹茶tiramisu本身想叫拿破崙，點知店員話逢星期三無做~ 呢款tiramisu表面撒上一層抹茶粉，而食落明顯食到呢隻抹茶粉本身已經帶有甜味，所以係回甘味非常微弱☹️不過佢嘅Marscapone cheese打得幼滑輕盈，而中間仲有一層抹茶餡，味道層次頗豐富☺️.☕️榛子鮮奶咖啡最後當然仲有呢兩款超特別嘅拉花❗️即使放左一陣，拉花都無下沉，好不錯😻咖啡入口順滑帶微苦，不過榛子味就唔係太出，感覺似普通latte~

【 芒果拿破崙 】😋 4/5酥皮富層次，口感鬆化，上層鋪滿香甜嘅芒果粒，下層係份量超多嘅吉士醬，雖然食唔到雲呢拿味，不過口感都算香滑而且蛋味十足，完全唔覺膩，唔錯😋

#西灣河 #黃店——係混濁嘅世代，去cafe飲杯野，仲有人肯畫隻連豬連狗係杯野飲上面，靜係番誠意都值得支持啦。.紫薯Latte & Greentea Latte睇得又飲得，想點畫都得！.位於西灣河嘅小店，位置唔多，繁忙時間多數要排隊。可以要求店員係飲品上畫自己鍾意嘅卡通/公仔，只要佢識得隻野，都可以神還原畫返出黎😆.Overall: 8/10Value of money: 4/5

見朋友成日嚟呢間cafe為特別嘅拉花咖啡打卡，所以今日慕名而來。我地到嘅時候已經係一點半，但餐廳入面仲係好多人，可見受歡迎程度不少。店員亦都好有禮貌咁請我地等一等，最後企咗差唔多半個鐘，終於入到去。可能因為係小店，所以野食並唔係一次過送上，而係上完一碟再等多15分鐘先有另一碟。雖然等好耐，但呢個白汁三文魚意粉並唔hea，調味方面做到足，份量其實唔細，不過可能因為肚餓，好快就食完一碟了。個蕃茄海鮮意粉好好味啊！味道足，所有海鮮都有濃濃既蕃茄汁味，特別要讚佢d蜆肉仲有鮮味架！依加唔係幾多餐廳d用料會咁鮮！好抵讚！食落會感受到所有食材係融為一體，充滿鮮味！我最期待嘅pepe拉花出現了！真係整得好似又好靚。不過最欣賞嘅，都係個陣好濃好smooth嘅綠茶味，而且溫度啱啱好入口，有賣相有內涵。雖然依杯個賣相就無咁用心，但勝在有濃濃既芋香味，係好飲既！整體而言成間cafe 都好用心，由環境到食物都好抵讚，值得下次再黎過～

📍西灣河特色拉花cafe -- Cs' Bakery💛之前見過呢間cafe嘅拉花好特別 仲有屬於香港人嘅拉花😍前排就約咗 foodievez 一齊去拔草💛當日12：15去到已經坐滿咗 等咗大約15分鐘🙈由於餐廳而家已經唔設訂位 所以想食嘅朋友仔記住早啲去啦🙊--------⭐蕃茄蝦意粉套餐 包飲品（$88）意粉屬有誠意之作 份量多而且足料👍蕃茄醬滿滿的 令每條意粉都沾到 食落唔會乾😙酸酸甜甜好開胃。意粉口感同樣出色 al dante夠彈牙👍整體不俗💛---------⭐手工麵包（+$15）麵包係餐廳自家製 有一塊原味同一塊雜果乾 由於麵包冇果醬或牛油伴住食 所以口感都較硬同乾🙈--------⭐熱焦糖鮮奶咖啡（+$5）從拉花就睇得出呢杯咖啡係超用心之作🙈飲落焦糖味濃 面頭嘅奶泡細滑👍--------⭐綠茶Tiramisu ($35)呢個食落甜度較高 茶控應該會覺得好甜😂但忌廉食落細膩 同蛋糕都層次分明--------整體食物同服務都唔錯☺咖啡拉花更加係非常有心思👍良心小店絕對值得支持💛-------評分（10分滿分）賣相：8味道：7性價比：7回頭率：7--------店鋪資料名稱：Cs

上網見到其他人推介 與朋友決定去試🤣🤣🤣隱世良心黃店 叫左carboronara 同matcha latte 份量幾大份 七十幾蚊黎講算抵食 而且杯latte仲有驚喜😚 有連豬同pepe既拉花 環境不錯 服務員態度很好😙😙 等位唔洗等好耐 廚窗既蛋糕賣相唔錯 下次再幫襯會試佢既拿破倫蛋糕 不過要預啱時間先有得食 😕 不過舖頭位置有限 一大班friends 去可能要等得比較耐 如果想去食可能要早d去排隊 🙇🏼‍♀️ 🙇🏼‍♀️