好煮意

Open Now

Now Closed

天氣開始涼涼哋，又係時候食返d藥膳滋補養生嘅食品就最好不過。朋友介紹，上水有間「招牌醉雞藥膳湯麵」，食店晚間以食雞煲馳名，日間則用雞煲湯底炮製的麵食。🍜「招牌藥膳醉雞米線」 $55 ～熱騰騰的上枱，面頭舖滿醉雞、紅棗、雲耳，湯底散發濃香酒味、藥味，飲落甜甜甘甘，配搭米線味道不錯。用花雕酒浸嘅全雞，酒香肉嫩。雞件份量亦算多，而且厚肉。店舖仲會另外提供一隻碟放雞骨，夠哂貼心。🥤凍洛神花蜜 +$10～ 味道酸酸甜甜👍🏻

今日放工晏左去到上水聞到間鋪有陣藥膳味好香就入去好好坐 又乾淨去到9:30都仲有得食放工放得晏去食就啱招牌藥膳醉雞麵雞肉入味仲有粉絲底好濃味又唔會係肉骨茶個種藥材味好啱我胃口仲有紅棗同木耳好有口感感覺好滋補加埋日式微辣胡麻凍撈麵麵條煮得剛好彈牙，微辣的口味讓人欲罷不能，入面有個流心蛋好正個醬唔夠老闆都可以加俾我地好少有百香果茶，唔算太甜仲有秘整辣椒油點住藥膳雞食就最正#上水美食 #藥膳醉雞鍋 #hkfoodie#米線

過每一個十年，轉眼幫襯十年有多，品嚐上水眾多藥膳雞湯，唯獨好煮意使我念念不忘，可以完滿了我的味蕾。樹大招風，不招人妒是庸才，負評此起彼落，突然成堆壹編負評家湧到，心裡有數，明白的！只要能保持多年的質素，有麝自然香不怕被人啄！堅持、努力、加油。冬至飲碗重酒藥膳醉雞湯補補去。低於10度天寒地凍下雨天，家居隔離邊邊有力暖暖身，啪完針補補身隊多兩杯黑啤身體好。凍柑桔蜜，照片只作參考？但柑桔蜜外觀差得太遠呢。杯底熱騰騰，杯面凍冰冰，撈均先飲好多了。豉油唐生菜，鞋烚烚粗糙老屹屹帶苦澀味。豬膶牛柏葉香辣牛肚撈瑞士汁冷莜麵，真係估您唔到係中式車仔麵檔食撈麵，竟然給我冰鎮凍凍的莜麵，可否寫明係冷麵得唔得呢？熱熱的豬膶牛肚牛柏葉撈冰凍瑞士汁莜麵，苦澀鞋硬豬膶、無味韌韌牛柏葉、無辣味偏咸腍啤啤辣味牛肚。豆卜牛腩肥牛喇沙湯河粉，喇沙湯美味黏稠厚厚濃郁，椰香突出帶辣。鳳鳴居就辣味較強，色香味不相伯仲。濃湯已完全滲入綿滑河粉，啖啖靚河醒神醒腦。高質厚切牛腩片原原整整，彈牙無渣入味帶牛甜的清湯牛腩，不是傳統車仔麵檔頭頭尾尾滷到黑黑的牛腩碎。薄切肥牛鬆軟綿綿帶湯力強，豆卜幾乎每次必備，索盡湯入口爆汁，滋味無窮。醉雞翼

店內裝修開放式廚房，更感空間闊落。除咗麵食重有火鍋啊！呢度嘅招牌麵食係招牌藥膳醉雞麵(油麵)藥膳湯底好夠濃，藥材味道好香，木耳、紅棗、葱粒、雞。入口雞肉滑，食埋爽口木耳，成件事就完滿。火鍋湯底都可以選擇藥膳。韭菜豬肉餃雞湯麵(5粒)米線新鮮包嘅韭菜豬肉餃，餃皮薄餡飽滿，韭菜香豬肉滑，飲埋雞湯(唔頸渴)。凍飲品兩杯1)幾時都咁好飲嘅凍柚子蜜。2)凍菊花蜜，飲落有杭菊嘅味道，唔會太甜。店內還有不同餡嘅餃子選擇，買返屋企放冰箱，隨時可以食。

我最近到好煮意餐廳享用了一頓午餐，點了他們的招牌喇沙湯，並搭配了三個配菜：牛腩、豆卜和鷄絲。喇沙湯的湯底表現正常，味道不錯，算是一道中規中矩的喇沙湯。然而，牛腩的口感並不好，有些韌，且缺乏牛肉的原味，我不太推薦這道菜。至於豆卜，它的味道不夠入味，沒有事先煮過以吸收湯汁，這使得它顯得有點單調。相比之下，鷄絲是我推薦的一道菜。份量十分豐盛，鷄絲很好地吸收了湯汁的滋味，味道非常好。它的肉質鮮嫩，口感令人滿意。我的同行朋友點了麻醬鷄絲撈面，這份量超大，女孩子們可以分享一份，它高得像座山一樣。麻醬的份量很足，即使有很多配料和面條，也絲毫不覺得不夠。這道菜給人的整體印象不錯。總括而言，好煮意餐廳的味道還算不錯，我可以推薦給大家。如果你對這些菜品感興趣，可以考慮來這家餐廳一試。👍👍

💥手工芫荽豬肉餃雞湯米線 $42第一次食芫荽水餃芫荽味好濃豬肉唔肥仲有少少肉汁皮薄餡靚 岩曬芫茜控！清甜無味精無油的雞湯健康又好味💥招牌藥膳醉雞米線 $55藥膳雞湯好濃郁！藥膳同酒味都好出好滋補咁🤣有4-5件雞肉幾嫩滑 唔粗嚡仲有雞髀位揀左粉絲底好吸湯又掛湯必食！💥凍百香果茶 $10幾清新底層有啲百香果肉帶淡淡嘅茶味幾好飲☺️💥熱菊花薑蜜 $10薑味唔係好重唔會好甜好煮意 (上水)上水馬會道180號地舖

係上水同老公仔係運動場跑完步肚仔餓，唔想食d太heavy嘅野，咁啱行過對面就見到有間舖頭賣藥膳湯麵，門口出面都聞到好香😄咁就吸引左🐹🦭入去試一試招牌藥膳醉雞粉絲餐 $65聞到咁香藥膳味，當然要試一試佢嘅招牌藥膳醉雞，藥膳湯底有紅棗，龍眼等等，仲有濃濃嘅酒香，藥膳湯底夠晒味道，酒香味比一般醉雞更濃郁，啱晒我😆雞件嫰滑，火候啱啱好，配埋跟餐嘅涷菊花蜜真係好夾🤭👍麵底轉粉絲，彈牙之外仲要索晒d湯，食落啖啖都爆汁，咁樣食藥膳先夠正😋日式微辣胡麻涷撈麵餐 $55天氣又開始熱返dd，做完運動嘅🦭話唔食熱野，要食返個涷撈麵降降溫，本身以為就咁胡麻嘅涷撈麵會好dry，但原來佢入面有雞絲蟹柳絲，食趣豐富，而且好有心思加左少少辣椒，食胡麻醬都唔會食到膩，加埋個隻啱啱好嘅溏心蛋同埋杯涷檸茶，唔太heavy又清爽，啱晒做完運動黎享受☺️最近天氣涼返啱晒去做運動，咁都俾我們搵到間啱晒做完運動食野嘅落腳點😄真係好，之後運動完唔使再煩去邊搵野食la!😊

好想食醉🐔，每次都係食鳳鳴居，今次想試吓新嘢😂上網睇評價都幾好，所以就去食啦😅招牌醉雞米係值得推介，但其他就一般啦🫢1. 招牌藥膳醉雞米線 ($55)藥膳醉雞湯底夠香濃清甜，鍾意酒味嘅介可以揀「多酒」👍🏻幾鍾意佢個湯，真材實料，飲多幾啖都唔覺口渴😋雞肉算滑嫩，雖然無加$10 轉脾，但好彩都有幾舊脾加雞翼😂米線同雞肉入哂味，好補身呢🤩2. 醉醺醺雞湯麵($45/加腩肉$8)湯底比較清淡，雞肉幾鞋，腩肉偏瘦😞好一般呢🙈🙈

🌬️正正打風天🌊喺龍琛路體育館🏟️對面見到有唔少嘅食肆控嘅我揀咗呢間《簡約·寬敞》📲以掃code形式落單🥢招牌藥膳醉雞湯麵 ＄55湯底先係精華浸入米線入面有紅棗 雲耳大大塊好爽口，而藥膳湯底甘甜酒味都好重雞件每件份量都都好大而且入味，肉質唔算太粗，幾惹味🥟另外 +$生菜及手工芫荽菜豬肉餃/2隻皮薄料足 芫荽味好岀🍹除咗茶餐廳嗰啲飲品之外，仲有各款特飲我叫咗杯菠蘿青檸蜜，透心涼~🥘呢道除咗粉面之外，都有得打邊爐㗎推介湯底藥膳雞湯、喇沙湯底招脾藥膳醉雞米線喇沙湯底

#20230925 📝📍 好煮意 上水馬會道180號地舖 🍽️沙田沙角邨沙角街市地下S-SK3號舖➖➖➖➖➖➖➖➖➖➖➖➖➖➖➖➖➖➖#招牌藥膳醉雞麵 #米粉 $55💭 個湯底好重紅棗味，感覺好補，冬天食一流👍🏼飲落好甜，但唔係加糖果隻假甜，一路食會令人想係咁飲，食完真係差唔多飲晒個湯咁滯，特別想讚個米粉唔係一早煮定，食到爽口既質感，🐽勁鐘意😍雞件都唔少，點個辣椒豉油食都幾惹味🐔.#日式微辣胡麻凍撈麵 #米線 $45💭 好少食撈米線幾特別，個米線又係做到爽彈口感超級加分💯除左雞絲，仲有啲蟹柳絲同青瓜絲🥒同個芝麻醬非常夾，不過個醬有少少辣，唔食得辣既朋友要小心🚨但如果食得的話會覺得幾過癮，店員姐姐都好貼心話如果醬唔夠可以再拎，實情係啲醬已經多到可以遮住個面😂.#青檸梳打 +$10#凍百香果茶 +$10💭 青檸梳打夠酸，天時暑熱入到去飲返杯即刻gur晒🤪個百香果茶入面有好多百香果粒，可以一路飲一路有野咬，唔係淨係得味咁簡單，唔算太甜亦係🐽鐘意既🥤.#上水美食 #🐷在上水 #沙田美食 #🐷在沙田 #🐷_食

餐廳環境明亮坐得幾舒服，侍應都好nice~呢間餐廳有麵類同埋火鍋食，藥膳醉雞麵係招牌，我當然要試一試滋補下😳◽️招牌藥膳醉雞米線 $55藥膳雞湯雞味濃郁，亦加入咗多種藥膳材料燉煮，包括藥材、香料、料酒，十分滋補，因為我怕太重酒味，所以叫咗少酒，味道對我嚟講啱啱好。啲雞件十分滑嫩鮮美，而且件件都好大舊，有成5/6件，仲有雞髀同雞翼位添🥺呢碗麵用嘅係幼米線，質地較滑身同易入口👍🏻◽️凍百香果茶 $10好清新，底層亦都有啲百香果肉，杯嘢唔會太酸幾好飲🫶🏻

招牌藥膳醉雞麵嚟到已經勁香，啖咗第一啖湯就知道正！藥膳同酒味道夠濃郁，真係好補嘅感覺😌雞件大大件，夠足料，性價比之選👍🏻欣賞米線唔會浸耐咗而變軟爛🍜喇沙湯麵亦係推介湯底，唔好俾啲紅油嚇親，小辣唔算太辣🌶️湯底幾香濃。自選配料選擇多，當日揀咗三餸，豆卜超吸湯不在話下，自家製粟米冬菇豬肉餃唔會厚皮，餡料都足🥟鹵水豬耳唔多地方有得食，鹵得幾入味👂🏻招牌藥膳醉雞麵 $55新加坡喇沙湯麵 三餸 $55

今日嚟到上水搵朋友，佢帶我食呢區好出名嘅米線舖😍 晚上6點去到已經好多人，仲有好多人叫外賣，質素絕對有保證👍🏻 食物選擇豐富 除咗麵食夜晚仲可以食火鍋~ 份量多 飽肚又好味，好受街坊歡迎😆 𝑭𝒐𝒐𝒅招牌藥膳醉雞米線✨ 一送到就聞到超香的藥膳加酒味，超吸引🤤 湯底調味出色 甘醇濃厚，配搭的雞塊好大件，肉質嫩滑，還可點上特製辣豉油，味道更住🤤 米線軟腍又滑溜，越食越過癮👍🏻 份量多 還配上黑木耳及紅棗，啖啖滋味🥰𝑫𝒓𝒊𝒏𝒌凍百香果茶✨推薦～茶味香濃，甜度適中，清新解渴

上水除左有唔少藥房岩哂我地shopping之外，其實近體育館附近新祥街都有唔少餐廳選擇，等大家運動後有得即刻補充🏟️。之前食過醉雞怕左，因為平時都怕醉雞會好重酒味，但今日呢到相反藥膳味好香好吸引🤩令我好想試下佢地既招牌藥膳醉雞麵🐔。🐒招牌藥膳醉雞麵💰$55👉🏻轉雞髀位+$10👉🏻米線👉🏻無糖青檸梳打+$10今次仲加埋錢轉雞髀🍗除左啖啖肉之外肉質仲更加滑，所以都好值得加👍🏼而雞肉配埋特製既辣椒豉油好開胃🌶️重點係個雞完全無好搶既酒味，反而好溫和亦都好香湯底都係另一好值得推介既位，因為飲完真係完全無口渴感覺，而且真係感覺到真材實料😋

📍 好煮意（上水）湯麵世家🍜今日大老遠黎到上水，當然要食餐好，聽講湯底無味精，帶有酒精，所以好特別，餐廳大膽有新意👍🔸 招牌藥膳醉雞麵湯頭深色清澈，先飲一啖湯，真係不得了，好重藥膳味，有紅棗補血，正👍細心飲一啖帶點少少🤏酒味，五件啖啖肉嫩滑嘅雞，食完好滿足😌🔸 鮮蝦雲吞雞湯河粉六粒大大嚿雲吞，雲吞皮薄 ，大大粒蝦餡 ，重蝦味，非常爽口彈牙，店員介紹辣椒油都是自家製，的確不錯，呢款是雞湯，湯頭偏黃，不油膩，可以大大啖飲，都不會口渴。飲品跟麵加$10🔸 凍洛祌花蜜🔸 熱柚子蜜