粥地海鮮粥底火鍋

Open Now

Now Closed

熱情招呼 生猛海鮮 軟綿粥底 係老闆宗旨平日大埔聚會嘅我地 好多時都係隔離街雞煲今日天氣特別寒冷 所以想再食暖身啲嘅粥就去試下舖仔細細 都望入去係迫爆人嘅粥地位置係 天后宮後面 一行酒吧中間入到去 店員安排我地坐卡位 再熱情介紹餐牌講解比我地聽點樣先令到個粥底最好食聽到我都忍唔住話等你安排啦 其實有三款套餐 每款都可以單點 無須要點齊 一款係海鮮極上套餐 有七款海鮮 配搭粥水 粥水圖片奶白色 較為清淡 第二款係藥膳雞煲 配 粥第三款老實講忘記了 我地點左即炸響鈴配雞醬唔錯 炸到卜卜脆 但唔油膩有分大 （8件）同細（4件）藥膳雞煲食完響鈴 啱啱好 雞煲上場啦 一打開蓋就聞到好重藥材味 同埋好足料呷左啖湯 湯頭好鮮甜 雖然係用藥材熬煮 但完全係苦澀味 反而多左份濃香鮮甜味另外 雞件份量多 講真淨係雞煲部分食左半個鐘雞肉嫩滑 完全吸收晒藥材味 又鮮又補身七款生猛海鮮包括蟶子 花甲 蝦 魚 蟹 鮑魚 帶子食到中途 就上檯啦 每款睇落都好新鮮同好大隻店員會幫我地放兩隻蟹落煲到滾 吸收鮮味到後期滾到差唔多就可以食埋隻蟹佢總括而言 以上海鮮都好鮮甜 肉質彈牙媲美得上專食海鮮嘅大酒家另外 套餐仲包括自

沒有水，要收錢，海鮮貴，份量少，座位明明有卡位，但唔比，真心唔好食。好伏。D蝦唔新鮮，灣曬。In my opinion. The restaurant is poor. No next time

一行十人，試吃了大埔粥地海鮮粥底火鍋，估不到超驚喜首先來的鮮雞湯湯底，裏面的雞好嫩滑好好吃。吃完雞之後，便加入了各樣海鮮吃火鍋。嘩! 估不到海鮮份量又多又新鮮，再加上多種自選配菜，牛肉呀，餃呀，丸呀... 樣樣都係有水準的。最後到個粥底，啲粥入哂所有食物的味道，又香又甜，總之冇得輸啊。當然最重要係價錢親民，酒水也不貴，服務員熱情又有禮。其實唔一定要上國內消費，才可得到稱心滿意的服務。多些留港消費，支持像這間有誠意的小店，也很味美快樂。大家入開嚟大埔，必食推介啊

二人份量嘅粥底海鮮，上枱時覺得有啲失望，因為數量都唔多，但係收緊198 +1一位。每樣海鮮只有一至兩隻，隻蟹都好細隻。牆上面有張紙寫住話啲蝦好生猛，建議用隻夾夾住，但係我哋嗰起嗰幾隻蝦都係死的蟶子細得唔乾淨，上枱時已經見到有沙，我仲自己用紙巾抹咗佢。明白小店經營困難，但係我哋兩個人各自叫咗一杯嘢飲，埋單$482 ，其實食得唔飽，性價比好低。 有啲比較平價嘅海鮮例如蜆，建議加返多啲份量。 食粥底火鍋，最後食粥底嘅時候都食到有沙….海鮮唔吸引已經好難令人想再下一次幫襯。不過想讚一讚職員服務幾好，一入嚟已經有介紹，而且收拾速度快。

#20230708 💛📍 粥地海鮮粥底火鍋 @congeehotpot 大埔舊墟直街30號美利大廈地下9號舖➖➖➖➖➖➖➖➖➖➖➖➖➖➖➖➖➖➖#2小時海鮮粥底火鍋 $198#星期五至日公眾假期及前夕 +$20.🥢 #7款時令海鮮 🫧 #大蜆 #黃金蜆 #鮑魚 #元貝帶子 #基圍蝦 #肉蟹 #泥鯭 💭 呢間並唔係一開始就比粥底去打邊爐，而係比左兜清到近乎水既湯底淥左海鮮先，係咩海鮮無得揀既，視乎當日舖頭點比😛不過都離唔到有款蟹🦀有款蝦🦐有款魚🐟其他貝類，官方係建議一開始落晒啲蟹熬到尾，但發現如果多少少人個煲落晒啲蟹都無晒位😂所以食食下決定留幾件係煲算，其他夾起先，海鮮全部都好鮮味，唔使湯底都無所謂👍🏼.🥢 #自選5款配料 🫧 #美國精選肥牛 #冠軍牛柳粒 #黃金花枝棗 #牛柏葉 #鮮雞件 💭 呢5款係自己揀既，推薦肥牛，肥瘦平均唔會過肥😋牛柳粒重牛味而且鎖得住肉汁，不過淥個時間難掌握，好似淥極都未熟咁😅花枝棗都唔錯，雞件係因為揀湯底時無加錢揀雞煲所以揀，同牛柏葉一樣正正常常咁，唔會難食又唔算太特別.🥢 #3款時蔬 🫧 #芋頭粒 #南瓜粒 #粟米 #蔬菜拼盤 $48#手chok墨魚滑 $

見呢間評價都唔錯 就叫左二人份海鮮餐外賣 一送到黎 哇左聲 好新鮮！ 佢仲加左D裝飾係上面 望落好吸引好想食 豉油蔥花辣椒碎蒜乜都齊 最掂係隻蟹同埋加配生蠔 超大超肥美 洗得好乾淨 食得好滿足佢會跟餐送多五款自選配料 都好好食 唔馬虎 個牛肩肉一試難忘 墨魚丸都係油麥菜都好好食 真係樣樣野都好好食 最後食埋個粥就飽到唔洗郁價錢都好抵 兩個人食海鮮餐埋單400蚊都唔洗 即叫即做即送 好有心做 回覆亦都好快好有禮貌 多謝哂多謝佢送埋個響鈴俾我地 呢間野絕對會再encore 支持

冬至夜家人臨時起意想出街食飯，搵到呢間即日仲可以預約，就決定嚟試下。揀好要咩粥底，餐廳已經馬上為我哋送上7款海鮮，海鮮非常新鮮，雖然餐廳有豉油醬料，但完全可以唔洗用都夠味道。等我哋差唔多食晒啲海鮮，餐廳會再將我哋自選嘅5款配料上枱，唔洗驚啲肉味會遮咗海鮮嘅鮮甜。餐廳員工會一直留意大家個鍋，適量加水，等我哋食到後段，再幫我哋落埋啲蔬菜同粥底。用滾過海鮮同肉嘅湯再煲粥，個粥真係特別鮮甜！冬至關係，餐廳仲贈送薑汁湯圓，非常暖心！

本來想食鍋心，因為冇位，過左呢間小店食。星期六 $218+10%.1️⃣ 7款海鮮：魚、蟹、蝦、蜆、蟶子、鮑魚、帶子2️⃣ 5款配料：豬肉片、牛肉片、一口牛、牛柏葉、娃娃菜.食材味道OK，然而份量真係細，每人只得：👉🏻 2塊魚、2-3隻蜆、半隻蟹、2隻蝦、1隻蟶子、1隻鮑魚、1隻帶子👉🏻 3片豬肉、3片牛肉、2塊一口牛、2片牛柏葉、半棵娃娃菜、一塊粟米.嚴重唔夠食。加上主食係粥，消化快，食完5分鐘已經落返5-6成飽 💔 要去食多個甜品先夠 😢.如果想加料，都幾貴，一份娃娃菜已經要$32。😅 前兩日我食快樂小羊，鋪頭超靚裝修，加半份娃娃菜先$11，有一大碟。一比較真係輸幾條街 😅.飲品都貴，冇供應茶水，叫野飲最平要十幾蚊。.店內環境一般，茶記裝修。座位逼，兩個人只比了半邊檯 😢.總括而言，在太和區收取此價錢，冇環境可言，又食唔飽人，就算味道OK，都真的不太滿意 😢💔

平時好小寫食評，今次都想分享下，今晚同朋友經過，見到有間細細間嘅粥底海鮮火鍋，朋友話疫情以前好旺㗎呢度，但我眼見得2枱客，好，又即管試下，入到去，店員都好有禮貌，有慢慢解釋有咩選擇，我同朋友選咗藥膳雞海鮮餐，258一位，餐嚟到，店員教點食，首先食雞，再食其他，啲雞真係好滑，好好食，到7款海鮮啦，食得出係新鮮嘢，唔錯，到5款配料，坦白講，有誠意嘅，特別推介牛同個腐碌卷，好食，最後食到個粥，好食到痴線，我食咗3碗，真係好甜好鮮👍👍👍👍當時有個員工同佢傾咗一陣，我估佢係老闆，講到疫情，能夠維持營業已經唔容易，如果再一波，可能都會頂唔順，唉，如果係咁，真係好可惜，有質素嘅小店已經買小見小，2百幾蚊，真係唔貴，我自己比較少入大埔，希望粥地頂得住，我會再嚟幫襯，都會叫大埔啲friend多啲幫襯

呢間想試好耐，見啲食評都唔錯，所以就book左平日去食基於成日食雞煲食厭左，我同男朋友二人就只係簡左$198淨海鮮粥底，啲海鮮有7款，雖然份量唔多，但我覺得質素唔錯，以呢個價錢係值得一試👍🏻。由其是蟹好多膏又鮮甜🤤啲自選配菜，個人認為一定要簡牛 因為幾重牛味🤭重點就一定係食完海鮮之後既粥底 非常鮮甜 而且個色澤完全係充滿蟹膏既橙黃色！總括然而，以價錢黎講 值得一試 👍🏻👍🏻海鮮鮮甜 而且職員服務唔錯👍🏻

今晚第一次到餐廳食飯，一坐下，店員就問是否第一次來，跟著拿了套餐餐牌介紹，指有藥膳雞煲+粥底/惹味雞煲+粥底（$258）兩種選擇，叫我們盡快選擇其中一個套餐，當時內心欣賞員工的主動，但當落完藥膳雞煲+粥底，再細看選擇餸的下單紙，才發覺原來有淨粥底火鍋（$198）的選擇，而員工未曾提過，當即有不誠實/上當的感覺，海鮮是新鮮的，其他食材也可以，但這感覺真的不良好，期望餐廳日後有所改善。

📍粥地海鮮粥底火鍋 (大埔)🔗大埔舊墟直街30號美利大廈地下9號舖————————————————————————經朋友介紹下，我們去了食粥底火鍋🍲聽了員工介紹，我們叫了藥膳雞煲同海鮮🦞（$198）.海鮮相當新鮮🐙，店舖內有告示告知海鮮應被煮熟相應時間📃我哋叫咗奄仔蟹，海蝦，蜆，鮑魚等海鮮，種類尚算多元化🐙享用火鍋後，職員會添置配料再下粥，令粥底有極度鮮甜，帶有海鮮的鮮味😍.我們特別推薦墨魚油炸鬼，他們都是新鮮炸起，而且相當惹味😍.可惜既係店舖空間較細，位置比較擠迫，二人一台就剛剛好🤣😉😉.美味指數🥰：7.5/10儀式感指數😉：6/10性價比指數📍：8/10會否再來📃：YES

非常好食嘅粥底火鍋，d料都係用時令海鮮，所以有d會因時節而轉其他，佢有埋指引話比你聽d海鮮要先落邊d恰幾多秒咁，仲提供埋秒表比你計時，不過由於成班人都係一d心急人黎 所以都係冇計到時，用感覺去食🤣🤣佢d份量係跟人頭比，所以人多食d海鮮就多癲食完都食唔到個粥🤣🤣🤣最精彩係個粥，所有海鮮嘅鮮同甜落晒去d粥到，食落去好滿足呀，不過記得唔好恰太多肉類，因為d肉味落左去d粥到就食唔到鮮味，破壞左個味道

朋友帶我黎食好西😋一上枱就有6款新鮮海鮮🤤今日系有奄仔蟹, 雖然未至於爆膏但都系有膏!有跳跳紮極生猛既海蝦!!!仲有大隻鮑魚, 花甲, 貴妃蚌, 同吾知咩魚兩大條😂😂😂仲有得揀五款邊爐配料同埋一個小食, 食左鬼馬雙星, 系墨魚滑釀左落油炸鬼到再炸!👍🏻👍🏻👍🏻由於太新鮮好味關係已經食吾停手,所以無乜點影相

又到大埔覓食啦，除了大埔墟多出色小店食肆外，其實位處係太和附近的薺墟直街都有好多好野食，最多一定係食邊爐雞煲店，今次見到有間新野，就係專門食海鮮粥底火鍋，以人頭收費，想食其他料可以係套餐以外再加購，都算係明碼實價。今次5個人食，有肉蟹、元貝、鮑魚、花甲、番薯蜆、金古泥鯭、基圍蝦、基本上一定係每樣每人都會食到少少咁，每人200蚊左右，已經好抵食。食食下原來都飽飽地架! 只要按返佢店內有嘅教學，跟足次序同時間就得。計算時間都係重要架，所以不時都會聽到幾台客一齊用Timer!! 海鮮大部分都算新鮮，只要點少少豉油都已經有夠味。最後食埋個最重要的粥，鮮甜到呢…因為一直都冇加過水，海鮮味愈煮愈濃。另外仲點左即炸鬼緊蝦膠，外脆內軟👍🏻