芝脆雞 (Closed)

今次去朋友屋企玩 一共五個人叫咗呢堆外賣大約$400幾推介嘅係芝士年糕波食落雖然無年糕口感但係入口即溶丶外脆內軟嘅芝士都好正然後Pizza嘅質素都係中規中矩唔太推介嘅係意粉肉醫意粉嘅意粉煮得太耐丶有點兒軟身另外一個意粉唔夠鹹但總括而言$400餵飽五個人性價比都幾高抵讚嘅係20分鐘外賣送到非常有效率

點左Party set A7點送到居然漏送炸雞打電話話要求再送炸雞居然話要遲d先可以再送9點左右但到最後10點再打去問點解仲未送到？？？先至話問下咩事未到。點知過左10分鐘炸雞就送到黎。離晒大譜

呢間pizza 店賣嘅食物都好多花款 下午茶餐好抵食 有一個中size pizza 同埋可以揀炸雞、雞翼等等嘅小食 包埋野飲。炸雞既炸粉唔會太多，辣度亦都係適中既 岩曬一家大細開party

看見店員將食物翻熱😂食物味道有酸味☹️環境衛生惡劣，餐枱上有上一位客人用餐後的污跡，要求店員再清潔一次。個人認為根本不值餐牌上的價錢🤦🏻‍♀️炸雞肶味道偏咸。

星期六叫佐個二人餐，等佐20分鐘左右，返到屋企都只不過10分鐘路程一打開意粉凍都算了，仲要酸既，當然唔食得pizza 都 係凍，餅皮勁厚，今次當買個教訓，以後唔會再食

突然好想食炸雞、即管試下呢間芝脆雞啦。$26 既下午茶居然仲有咁多款選擇，同埋有樽裝鴻福堂野飲， 唔錯唔錯 （因為本人比較麻煩，我係絕對討厭汔水機倒出黎既糖水）。 不過買完，又有少少擔心平野冇好 😆😆。不過當亞姐遞盒外賣比我時，已經消除左一半既擔心，因為盒外賣熱辣辣 🔥。而且食完之後，又係時候寫食評。因為個小食拼盤太好食， 雞都好脆不過唔夠滑，成份下午茶都熱辣辣、脆卜卜，又惹味、絕對冇蹝到我食野既 quota。

外賣速遞 派對套餐 $478- 大批兩個- 炸雞八件 (可轉烤雞，每件加$1)- 意粉 / 焗飯 (任揀兩款)- 小食 (任揀兩款)(叫咗雞翼同薯角)- 飲品八罐 / 餐湯八客——————————網頁寫呢個派對套餐係for八至十人，我地係八個人食，都算叫做啱啱好。雖然最後食淨咗少少少少嘢，但我諗最大原因係啲食物實在唔太好食🤦🏿‍♀️pizza嘅餅底，真係一大塊厚麵包咁，而且係不太鬆軟嗰種🤖其實平時我食pizza都喜歡食厚嘅批底，但今次呢個批底真係有啲硬同乾，唔係鬆厚嗰種🤖同埋係批底還批底，上面啲料還上面啲料，係可以直接搣塊料出嚟食，然後得番塊包咁樣😂炸雞都係一般，炸雞皮邊位炸得硬到食唔到；雞皮中間嘅位食落都係唔香脆，望落明明係炸雞，但食落塊雞皮又好似冇炸過咁嘅😂雞肉就稱唔上鞋咁誇嘅，但就真係唔夠嫩😂😂聽朋友講，佢地嘅烤雞好似都係一般。我諗最大優點係平啦，今次我地平均一人60蚊。每人有兩塊pizza、一件雞、一件雞翼同一罐汽水。另外仲可以大家share食薯角同焗飯焗粉。食完係飽嘅，不過大家都話：飽，但係唔知食緊咩咁🤖

1840 叫pizza, 講明一小時來到，1945打去問，話已出車。。。2010 到個司機問點樣來！今天只是閒天，點解可以失更遲到得咁厲害！叫pizza 無非都是想慳時間！time management 超差，未食都嬲爆

晚餐時間去食7：20左右落左單，預左要等得耐因為外面好多人等緊外賣20分鐘過去先嚟一份套餐意粉亦是全晚唯一熱食原本以為有意粉應該好快嚟pizza再等左20分鐘, 都仲未上pizza，遲過我地嚟的都已經有pizza食出去追下，先知我地個pizza仲未入爐焗所以counter個女仔是但求其係人地啲外賣度倒返個pizza比我地所作所為真係第一次見已經唔係我要果隻pizza啦，肚餓就咩都食啦，有得食都算，仲要係凍左既pizza嚟聞所未聞係第一次見飛邊pizza飛邊方包見得多，飛邊pizza真係第一次見

今次我介紹比大家係一間屋邨內的小pizza小店，又估唔到佢係咁好味喎，我叫咗個二人餐，餐有一個六寸pizza我叫咗個泰色雞pizza，泰色辣醬好好味啲雞肉都幾大粒同好鮮嫩，小食叫咗個燒排骨，個燒汁好嘢味，排骨好淋，好入味，仲有兩客忌廉湯，唔會好像其他快餐店咁咁希，好夠味，另外我仲叫咗個白汁雞皇螺絲粉雞肉好嫩，螺絲粉好入味佢地仲係成個用石紙盒焗的，好好味，估唔到咁嘅價錢可以食到咁好味嘅嘢，😘😘😘

趁假期完結之前，與友人們用盡樂園的全年證。晚膳到了此吃。屋苑地方，不會太多人。點了個二人套餐和皇牌套餐。沒有點飲品，要了湯。湯較稀，味道不算太淡。有些火腿在內，偏鹹了一點。這是是日精選，配以兩小塊新鮮炸的薯條。白汁味道不是我喜歡的那種，但菇是好吃的。吉列海鮮籃。有炸蝦，炸魷魚圈，炸蟹鉗，炸魷魚粒。很熱氣的炸物。最曉食不是太喜歡。配以沙拉醬，至少可以沒有那麼熱氣。炸雞的皮最曉食從來都不會吃，看得出皮很脆。雞肉也算嫩。香草烤雞比薩。餅底鬆軟。特別之處是有蛋在內，味道不過不失。櫻之花比薩。千島醬味濃，有蟹柳，獅子狗，魷魚等。甜甜的，不錯。香草烤雞飯。有點像星洲抄飯的味道。多汁，而且飯很濕。海鮮闊條麵。料多，而且汁也很足夠。這裏白汁底的食物最曉食都不算太喜歡，所以也是不過不失吧。整餐都很熱氣。

無意間來到乙明邨，又肚餓。看到這所快餐店，款式夠多而且服務快，所以入去試試。點了一款「芝士海鮮長通粉」，配炸雞腿一件。服務真的夠快，不消三分鐘就可以取到食物。所謂「芝士海鮮長通粉」，拆解之下：「芝士」是有一點點燒焗過的芝士焦，老實說，相片碟上的芝士粉是我後加的。因為這家快餐店很好，毫不吝嗇的讓顧客自助地灑上芝士粉，所以之前所說的「燒焗過的芝士焦」已經被我所灑上的芝士粉蓋過了。而這家快餐店所提供的「自助芝士粉」，也不是濃烈味道的款式，所以大家不妨多灑些芝士粉，才可以突出「芝士」的味道。「海鮮」這方面強差人意，因為只有較多的蟹柳粒和少量龍脷柳肉，另外配料有一些磨菇片啦。畢竟此店賣點應該是「芝」和「脆雞」，OK, OK...「脆雞」成為本菜式的「配件」，雖然看似很乾身，但是咬起來，內裡保存有雞肉汁，還感覺到這雞腿是有五香粉之類的調味去醃製的。好味好味，和淡淡的芝士長通粉配搭起來，有互補不足的奇效。原來如此，師父，明白了！

平時食芝脆雞都係叫外賣速遞 , 今日見有時間 , o係乙明邨落車第一次認真走入呢間芝脆雞 , 估唔到呢度有咁大範圍o既堂食位置 五點左右呢個時間黎到 , 仲有下午茶餐 , 原來仲有 d 精選套餐 , 之前叫外賣次次都係從大胃 A , B , C 揀就可以 , 今日坐埋一邊睇 menu 揀左十多分鐘先至決定好要二人套餐 A , $ 95 仲即時有 Coupon 送兩罐汔水 , 一共有細 pizza , 意粉, 炸雞 , 仲有兩碗湯 , 好抵食 !!1. 火腿磨菇湯~ 比較稀 , 味道一般 , 只係曹通忌廉湯 , 加入磨菇粒跟火腿粒而已2. 墨西哥肉醬焗長通粉~ 本來o既墨西哥肉醬飯可以改配長通粉 , 店員下單時有提醒我話墨西哥肉醬係辣o既 , 估唔到真係咁辣 -.-" 由其係 d 青椒粒 ,肉碎唔多 , 味道除左辣之外仲有 d 茄汁味 , 車厘茄好 juicy 幾好味長通粉質感還可以 , 醬汁好夠 , 如果食唔中 d 青椒其實都 ok o既3. 炸雞~ 拎到返屋企都仲超熱超脆 , 雞肉都幾滑 , 而且唔算多油 味道適中 , 唔會太咸 , 二人餐卻有三大件炸雞 , 真係幾抵 4. 櫻之花~

每逢有同事生日，大家便會齊齊食餐 Cheese Pizza 芝脆雞 Take Away 慶祝，Lunch Time 大家圍在一起，一邊吃一邊說笑聊天，很溫馨很滿足！炸雞的皮絕對是亮點，很香脆很野味，又不會太油，不吃雞皮的簡直是浪費！雞肉質地嫩滑鮮甜，絕對比麥記及 KFC 出色，落單時可選雞鎚或雞上脾，要幾多點幾多，自由選擇。Pizza 的芝士很足料，食材豐富，也比 Pizza Hut 好味，有 Heart 有誠意，價錢又平宜，服務又好。雖然始終是 Junk Food，肥膩無益，但大概每兩個月食一次都 OK 啦！多謝同事們

打電話去叫外賣, 已經話無mark地址再打過黎等等, 咁呢d都好小問題~明明話7點半送, 佢早半小時黎到都算! 都算.... 由於我們未人齊~都無計啦, 送到黎~叫左6百幾蚊野食, 要找返4十幾蚊~ 個速遞竟然話得3十幾蚊找! 嘩! 咁都得?! 擺明要比tips咁話~ 都算, 我都預左會比..d野食黎早左, 但打開都可以係凍既!!!!! 一d都唔熱~由於我們訂了好多野食, 佢個箱好明顯只係送我們...真係好嬲lor! 攪到大家都食得好唔開心~我以後都唔會太叫沙田呢一間分店!! 你們好好檢討一下!!!!!!!