百份百餐廳 (Closed)

今日放假，女友難得黎東區，同佢行下，去左藍灣。女友叫左個勝瓜什錦泡飯，我叫左個上海嫩雞煨米線。泡飯好快，三分鐘上到枱，大大碗，味道正常有味精，勝瓜新鮮，菌類菇類都夠味。但我碗米線就等左好耐，約莫20 分鐘 （正常7-8分鐘有得食是常識吧）。終於，米線上到枱，我已經餓到要食住女友碗野充飢。一望碗米線，心諗咩事。成個紅海咁，超多蕃茄。我眉頭一皺，馬上𥄫一𥄫張單，無錯咼，係落左一碗「上海嫩雞煨米線」，我舉手叫侍應，問係咪黎錯左，位侍應話去問問。一陣返黎，竟然同我講「上海嫩雞煨米線係有蕃茄」嘅。嘩我當堂嚇一跳！事關佢講既野係咁超乎常理，但佢又講得咁理直氣壯。咁我好客氣咁請佢可否入去廚房問問，佢有啲為難，但都去左。出到黎又有另一套說法，話：「因為最近廚房轉左師傅」又加一句：「碗米線你一係食，一係就同你取消左佢。」聽到呢到，我一向食完蕃茄先會發作嘅胃痛竟然俾佢引發左，伴隨少少怒意，谷左個笑容出黎同佢講：「咁取消佢啦唔該，因為我唔食得蕃茄架。」講完，我女友已經食完碗泡飯。渣渣林埋左張單，過隔離麥當勞買個包食好過。

呢間餐廳可以用有限公司形容，食物，飲品，餐巾都有限度供應，個餐牌都唔係多選擇，仲要呢樣無嗰樣無，想食件奶醬多都話要等下午先有，叫凍飲無冰，飲凍檸茶無茶！食排骨麵無排骨。。。等！都不只一次，我想問每日開鋪前唔係應該要備好當日嘅貨先開工嘅咩？為什麼開工幾個鐘就呢樣無嗰樣無，招呼都唔好講，一定無！廚房人多但唔知点解要等好耐，到等到又唔知佢哋煮咩出嚟，與事實不符，我試過叫碟五香肉丁飯，等咗一輪出到嚟，成碟飯數埋都唔夠5粒肉丁！成碟都係飯。。低呀！叫碟乾炒牛河成碟都係河粉，牛就唔知係咪碎咗醬油煮到黑蚊蚊 。。等！我未見過一間餐廳班員工成日比客鬧，而呢班員工又無改善好似習慣了，個個都行得快好世界，當睇你哋唔到，如果唔係成個邨得呢間餐廳無得揀，有誰會願意再去！

人生第一次在小西灣吃早餐，選了這餐廳，這也是我第一次光顧這集團，裝修有點特別，是將D推介食物名用鐵牌掛在牆邊，選了一個叫百份百早餐，其實有炒蛋、火腿、包、漢堡扒、豆和一杯飲品，還可加錢多一個通粉，食物全一般，無驚喜亦不難吃，但杯咖啡相當特色，有少少咖啡粉在面，倍加口感。吃吧從商塲推門向海那邊已是小西灣公園，亦是海邊，行一行，坐一坐，看看對岸風景，超舒服。

《2015 年 1 月》 這日返娘家探媽媽見樓下開了間新餐廳 ... 就約埋媽媽去試新野 一睇個餐牌就比這個 ... 犀飛利 ... 肉絲炒麵 ... 吸引住犀飛利 ... 個名好勁 ...其實就是 ... 肉絲炒麵 ... 好啱至鍾意食的香口野囝囝囡囡可惜這日兩隻小魔怪都不在 ...就由都是鍾意食香口脆卜卜野的儍爸試食完再帶佢地嚟食 麵條炸得金黃又脆卜卜，肉絲的分量都不少鍾意它將肉絲及炸到脆卜卜的麵分開碟，食的時候至淋在麵上面咁就不會整 "林" D 麵 ... 食時仲是脆卜卜 我就點了一份下午茶餐 ... 地道上海粗炒配熱咖啡** 以上分享是以我的口味、喜好及情況作出分享及感受，合用 / 一試與否請自行決定