Video
Telephone
26976669
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
今年終於等到老闆再整羊腩煲了😍佢今年仲新推出咗豬骨煲和乳鴿，我食完覺得超正😋因為每日限量供應，所以想食記得打電話去預留（豬骨煲同羊腩煲都只可以外賣，冇得堂食㗎）嗰度嘅自選湯飯其他菜式都好好食😋
continue reading
午市的時候，很想裝作學生，去食學生餐，真的十分之抵食，亦都是滿滿的讀書回憶。那天和幾位朋友午餐的時候都叫了麻辣口水雞餐，雞的份量完全沒有偷懶，是足足的半隻雞，感覺十分之滿足，再者飯是肉燥飯，感覺為這件事情錦上添花！肚皮十分之滿足。
continue reading
【元朗區】【煮八】個人喺天水圍最入嗰堆，濕地公園嗰頭，想搵吓嘢食點知真係不得要領。食得吓人嘅都已經食過，剩返嗰啲一係大集團，一係就甩皮甩骨，攪到我一時都冇晒辦法。冇晒辦法之下就走返去樂湖站嗰邊啦，起碼有新北江照住嘛。不過喺新北江都有選擇困難，倘若係好食或者想食嗰啲，多數都冇位。我就一路行一路行咁，行到幾乎盡頭就見到呢間喺角落頭嘅餐廳。好彩側邊都有人補到話收九點半，咁就食啦，叫個 $64 嘅招牌雞「花雕醉香雞」配「肉燥飯」同「田園時菜」，加 $3 要「凍檸茶」走甜，味道都可以，性價比幾高。個雞普通啲，但係肉燥飯同個菜都彌補到不足，唔錯。之後再叫碗 $45 嘅小食「濃湯水餃」，有八隻，係包白菜豬肉，幾有屋企 feel，又夠大隻，係食得飽我嘅。埋單 $112，價錢差不多。只係當日唔知可能有幾檯熟客喺度定點，所以攪到啲侍應好嘈同唔知自己做緊乜，要改善吓。。。（地址：天水圍天湖路1號嘉湖新北江商場1樓B11號舖）
continue reading
一坐低包括自己得3枱客，呢份薄餅點左20分鐘未上，其他朋友已經食飽。同店員講埋單幫我Cut左佢，我趕時間。店員聲稱已經在處理，我話咁轉外賣。之後再等多10分鐘先到，前前後後花左30分鐘。其實我都講左趕時間，漏左單咪Cut左佢，點解要咁唔老實要客人再等10分鐘，而且我已經講明趕時間。結果搞到我遲到，要同人道歉。呢間店咁唔老實，我以後都唔會再幫襯。😡
continue reading
上次去煮八已經係一個月前，點知今日去到原來已經搬咗新鋪，好彩搬咗只係隔離間鋪，如果搬咗第二度都唔知點搵， 新鋪好光猛好濶落，比之前坐得舒適咗， 間鋪大咗唔洗好似之前食咁要等位🤣。今晚都係叫咗平時食開嘅餸雞同雞😆，葱由雞同口水雞都係必食嘅招牌菜， 無論係凍嘅口水雞同熱嘅葱油雞啲雞好滑， 兩個人食再加多個招牌咸蛋蒸肉餅（掛住食冇影到😝）同白飯兩碗， 雖然搬咗鋪大咗，但係啲手勢都係一樣咁好，保持到水準👍下次會再黎食過😆
continue reading