荳子 (Metroplaza)

Open Now

Now Closed

出開葵芳又諗唔到有咩好食 又想食cafe既話一定係諗起beans 每次都唔會失望 今次星期日晏晝四點左右去到餐廳 唔洗等位 直接可以入座 平時多數要等一陣 今次見佢地餐牌有少少唔同左 多左啲新野食同野飲我地叫左焦糖香蕉熱烘窩夫全日早餐 每次都會揀佢地既窩夫 夠特別 同出面餐廳個啲唔同 食落熱辣辣好香好鬆軟 會俾埋忌廉同埋糖漿自己落 不過窩夫食落已經甜甜地 全日早餐有煙肉 煎蛋同埋焦糖香蕉 呢個份量岩岩好夠一個人食仲叫左個法式吐司煙肉希臘式乳酪鮮果杯 製作時間預返二十分鐘 一上到枱好香熱辣辣 望落去勁多糖漿 上面個塊吐司還好 但下面個塊吐司俾啲糖漿整到成塊濕晒 食落勁甜 如果啲糖漿少返啲就啱啱好 希臘式乳酪鮮果杯既生果好新鮮 有好多款生果 幾好味小食叫左個焦糖單骨雞翼 每次都會必叫呢個雞翼 次次都係咁好食 炸到金黃色脆卜卜 甜甜地 好好味 單骨雞翼食落好方便 仲會有埋沙律菜 好新鮮 飲品叫左杯凍飲小蘋果玫瑰伯爵茶 好似係新出既凍飲 之前唔見有 細細杯 賣相好靚 岩晒打卡 飲落好香伯爵茶味 有淡淡既蘋果香味 好清新甜品叫左個卷山政小山園 係一個抹茶卷蛋 賣相好靚 係一件好香好濃抹茶味既卷蛋

中學時期嘅好友要結婚啦，特登約佢哋出嚟食飯派帖，諗唔到食咩咁就去食Beans啦反正嘢食一向都唔差叫咗兩個意粉、意大利飯、薯條，仲有甜品黑松露雜菌意大利飯，Beans嘅黑松露意粉或者意大利飯都係我嘅最愛，貪佢嘅黑松露味夠味但係又唔太濃烈，好香口，忍唔住一啖接一啖咁食另外仲有卡邦尼煙肉意大利闊條麵，白汁濃烈有奶香味，我覺得個調味啱啱好不過其實我當晚最鍾意係焦糖番薯條，自從喺外國食過番薯條之後就返唔到轉頭，每次見到有得叫番薯條都一定會叫，又甜又脆好好食但係好可惜我唔記得咗影相The taste of summer芒果慕斯蛋糕外型好得意不過我就覺得個味道不過不失啦

已經係點個最貴的午餐，牛扒應該冇難度，點知可以整到又乾，又冇味的，埋單都要180元，比d垃圾牛扒比人食，唔怪得啲人要北上啦，差到冇得再差了！去食大家樂牛扒好過！😡😡😡

自從海霸街果間結業後就冇食過，果間無論個Feel 同食物質素都好高質，有種高質小店feel。但今次響新都會依間嘅體驗真係喊出黎🥲-1600 左右入座，成間鋪6-7 成滿，兩杯嘢飲等咗25分鐘，叫人跟一跟先上到第一杯…-杯玫瑰Latte 揀咗走Cream 冇走到，重做等多10分鐘…-換咗杯走Cream 嘅玫瑰Latte 出黎個份量少咗1/5，仲要走埋啲玫瑰花瓣，外觀同杯普通Latte 0 分別…其實好小事，但真心對間嘢有少少失望…都係鐘意以前果種Cozy 嘅小店Feel 😗

之前喺荃灣嗰間食過一次 記得佢啲意粉都唔錯 見到新都會新開咗 所以就同朋友一齊過嚟慶祝朋友生日😋新都會呢一間嘅店舖好大 而且裝修都好靚平日嚟都仲需要排隊 而且都唔少人生意真係好好 所以想食嘅朋友真係要預足時間等位見到隔籬位食蟹殼黑松露意粉好吸引所以就跟隔籬位叫咗呢一個🤣黑松露味好出 而且夠多汁每一啖都有本身鍾意食黑松露嘅人應該都會鍾意食🤪🤪另外再嗌咗個芝士pizza 芝士好夠 而且同啲蕃茄味都好夾最後再嗌咗個Homemade甜品心太軟同朋友慶祝生日🎂因為係即整嘅關係，所以都要等一陣建議大家可以預好時間提早嗌定最後都食得幾飽 Cafe價錢嚟講都算正常合理 有機會會再去

egg benedict無啦嘛搭生菜落去係咩玩法 $96火箭菜都冇 你唔搭條菜心落去？搭埋條芥蘭落去呀嘛 個汁又酸 煙肉好明顯唔係煎 而係叮熱或者烚出嚟 成件事極難食仲要$96 食過咁多次beans都冇今次咁難食 早知行遠少少去葵廣

下午茶時間去咗食佢個雞翼薯條，我幾鍾意佢嘅單骨雞翼，因為食起上嚟好方便同埋味道都唔錯，薯條都幾好味夠脆身。另外最特別係佢嗰杯Cold brew，個底應該係用咗乾冰，飲落去都好亁爽，每次拎起都會伴隨住好濃厚嘅仙氣。

好耐都無食過{beans🌿｝，見今晚唔洗等位，又想坐得舒服啲傾吓偈，所以就俾次機會佢🙈✴️黑松露醬薯條✴️薯條唔係即炸，唔夠脆同微凍，少少失望☹️黑松露醬味道正常，為薯條挽回一點分數～✴️千島醬蟹棒蟹籽帆立貝薄餅✴️本身以為好細個，點知比想像中大，蟹柳幾多～千島醬濃厚，食到最後有啲膩口🙊Pizza走鬆軟麵包路線，我幾鍾意👍🏻✴️黑蒜磯燒鮑魚蜆肉白酒意大利粉✴️一上枱已經聞到好香，蒜味足夠，食落好惹味😋不過只得一隻磯燒鮑魚同5粒蜆仔，材料略少～✴️Tiramisu ✴️可以唔洗試，只有下面少少蛋糕有咖啡味，比較求其🤨✴️Chocolate Mountain ✴️朱古力苦味佔比重，但味道單調～中間有一細粒焦糖香蕉，存在感彷如零😂

放工行過Beans買外賣🥡，其他分店有個凍櫃睇製成品，唔知點解葵芳嗰間冇，最後叫咗Caramel Chestnut🌰，等10分鐘，有個紙盒載都好保護。拎到返屋企食完飯飯食。有粒大栗子🌰喺面，蛋糕內層都有栗子，cream都滑，全家人一齊食，好溫馨 。

下午茶 set 2:30 開始 叫左個 蜜糖單雞翼 + 薯條 ,仲有少少 沙律菜 份量同味道都ok .仲叫左 個 lunch set : 炸軟殼蟹，黑松露意粉set 係包左杯指定飲品 , 都叫左 蜜蜜檸水 (凍） + (熱）+$30 有多件 蛋糕食 👍

📍Beans 荳子質素不錯的cafe 有不同分店的真係每次都要排隊🥹香港人好愛的一間餐廳圖一 黑松露軟殼蟹意粉 $89🦀軟殼蟹香脆 但比較小隻黑松露味充足我認為調味可以濃一點奶油也是夠濃稠 但不膩的口味淡一點的朋友應該會喜歡圖二 開心果馬蘇里拉芝士薄餅配蜜糖 $102🍯🧀這個是非常有驚喜的餅底是鬆軟的Pizza 的邊平常不吃但這個不會 他的邊不會太硬 是脆芝士和蜜糖絕配開心果的存在感比較低但整體來說 這pizza 是很推薦大家點的！下次去 我也會再吃呢圖三 卡邦尼煙肉意大利闊條麵（左上) $108 🥚🥓這也是挺不錯的卡邦尼整個意麵也充滿了煙肉的香味奶油也是裹滿在意麵上味道十分好！係在香港推薦的卡邦尼！圖三 冬陰海鮮繪沾麵 $138🦐🐙🌶️初初還以為是湯和麵分開記得是酸辣的口味 吃到後面有一點太辣味道就是冬陰功湯 只不過無左湯配菜也挺多的 👍🏼蝦子是爽口的 八爪魚也不會很硬青口和魚柳就正常發揮麵是粗粗的 就是平常吃沾麵的麵配搭ok 幾特別的圖三 四 薯條 （芝士醬/黑松露醬）+$30🍟每次薯條也是 剛炸起的👍🏼是很熱和香脆的餐飲 不用另外加錢性價比⭐️⭐️⭐️⭐️(4/5)環境⭐️⭐️⭐️☆(3.5/5

嚟開呢邊做嘢，同同事嚟食個early lunch，環境唔錯呀，我哋揀咗個對住「竹林」嘅位坐，食吓嘢傾吓計。我叫咗個burger，嚟到有少少嚇親，咁大份嘅😂叫同事一齊share食薯條，而個burger都好足料，真係未食晒已經飽咗，味道仲要唔差👍🏼同事叫咗個意粉，我試食咗一啖都唔錯，creamy得嚟唔會好漏。反而飲品我嗰杯爭啲，杯latte好淡口，雖然我未至於要飲好熱，不過杯飲品嚟到其實只係微暖，所以放一陣都已經凍晒。

平時去呢間cafe多數都係食lunch/diner🍴原來佢地有Brekkie menu $37起 勁抵‼️外賣仲唔洗加錢添🥡.📌蕃茄湯長通粉•炒蛋酸種吐司 $42長通粉勁大盒 完全估唔到係早餐🤣蕃茄湯好濃稠 外賣焗住 個粉都保持爽彈咬口🍝蕃茄肉好多 酸酸甜甜 撈勻食好開胃🍅炒蛋就有啲失望🙍🏻‍♀️煮得過熟太老身 質地好實好鞋 不過有淡淡蛋香奶味🍳另加雜菌+$10 份量都幾多 有大啡菇, 雞髀菇同秀珍菇 口感爽嫩 菌香濃郁 有啲仲走過油 焦焦地好香口🍄酸種吐司應該搽左啲牛油 幾香🧈不過就淋晒 冇脆脆口感 但幾有韌勁同麥味 堂食應該好正🥖.📌熱美式咖啡 $free跟餐配送熱飲 奶, 砂糖同糖漿分開另上🥛齋啡味道偏淡 奶好細兜 加完都係淡淡的☕️

呢間Cafe每隔一排都會想黎食返次 新一年梗係要黎食下 今次餐牌唔同左少少 多左好多新既食物同甜品 我地叫左個牛舌粒紅酒汁燴沾麵 份量都大 食落似係蕃茄汁 酸酸甜甜 牛舌好淋 沾麵好粗好長 食落偏硬身 個人覺得硬左少少仲叫左個蟹膏甲羅燒黃金蟹肉意大利粉 份量又係好大 賣相好靚 擺盤擺得好靚 意粉食落好香好濃鹹蛋黃味 好掛汁 仲有好多一條條既蟹肉 份量都唔少小食叫左個焦糖單骨雞翼 每次黎到必叫既小食 雞翼炸到金黃色 又香又夠脆 仲有好多蜜糖 甜品叫左件蛋糕 佢地既蛋糕全部都係細細件 基本上每枱都會叫返件 今次揀左件新既蛋糕 係Beans x Sulwhasoo人參蜜甜芝士慕絲蛋糕 賣相好靚 蛋糕入面係意大利軟芝士慕絲 人參蜜糖啫喱同埋雲呢拿海綿蛋糕 食落甜甜地 但又唔算係好甜 幾清新 但好似冇乜芝士味整體黎講 餐牌多選擇 食物好味 價錢合理 值得一試

11點幾，又唔係lunch ,但又未食早餐🤣點算好。。新都會廣場，講餐廳真係大把選擇，不過呢個時間，揾個all day breakfast 食下，配杯靚啡，先至係皇道。無論您係早上還是晚上都能品嚐到美味的All Day Breakfast的BEANS🤟我們選擇了野菌芝士蛋奄列配酸種包，另一份是豪華英式全日早餐$132,呢份豪華早餐，勁。。裡面包含了煙肉，黑松露炒蛋、香腸、茄汁豆、雜菌和窩夫。大大的一份🥓🧇食物的質量和口感都非常出色。味道的確係唔錯，坐位都坐得舒服，畢竟半開放式設計，環境感覺闊落好多。悠悠閒閒的星期六上午，滿足😌不過食完出嚟12:30，門口已經在排長龍了，看來都不小捧場客呢葵涌新都會