東海堂

Open Now

Now Closed

平日成日都經過呢間東海堂買包做早餐星期六朝早終於有機會坐低試埋佢嘅野飲🍵店舖之前裝修過~簡約設計✨感覺幾舒服除左係面包店,另一邊仲有幾張圓木枱可以堂食,就好似一間細細嘅Cafe咁買左3件麻薯 Waffle 🧇小朋友鍾意食~不過就略嫌煙韌,有少少難咬😅店員問左係堂食之後,會放係個即棄碟仔再用個木系餐盤上~另外仲叫左一杯熱嘅北海道3.6牛乳抹茶🍵有抹茶香唔會太苦澀~又夠晒暖粒粒下次再試下其他飲品先~

這間東海堂裝修後開業，增加了很多品種，北海道冰淇淋，各式飲品，各種美味牛角包等等，頓時上升了一個檔次。室內的座位也比以前舒服了許多，服務業很熱情。北海道牛乳抹茶冰淇淋好好吃🤤

🎂五重朱古力蛋糕 $229 顧名思義 蛋糕有5層朱古力慕絲黑森林蛋糕特濃朱古力甘納許法式牛油蛋糕朱古力脆米層頂層朱古力慕思質地綿密甜度適中無帶甘苦 接受度高黑森林蛋糕帶微苦嘅可可味質地超鬆軟 可以話入口即溶跟著就到我哋最鍾意嗰層 甘納許！亦都即係生巧克力係名副其實嘅特濃朱古力單食會覺得少少硬 真係好滋味不過就係當中最甜嗰層最底嘅朱古力脆米層唔係平時食到嘅硬脆雪過已經淋咗。最高放咗個簡單華麗嘅金色朱古力圈包著個金莎波波 兩樣都唔會過甜 做到點睛嘅效果！

最近冇乜點出街，只好係屋企樓下閒逛，唔想返屋企又係得個錯字，剛巧經過東海堂，行過咁多次都未試過坐低，就買返杯熱朱古力坐吓。呢杯名叫濃厚牛乳可可，沖調時已經聞到好香嘅可可味，坐埋位揭開蓋飲仲有濃厚嘅牛乳味，飲落又順又滑，成個人即刻暖笠笠！估唔到呢間店除咗蛋糕好食之外，飲品都有返咁上下！

近期疫情嚴重聚會只可以到朋友家， 東海堂的蛋糕一向做得幾好， 款式又多， 價錢實惠， 今次經過大角咀買了四款蛋糕，蜜瓜撻$21， 赤莓果撻$22， 朱古力蛋糕切餅$20， 極上沖繩黑糖栗子撻$21， 後來先知道原來三件以上有85折。蜜瓜撻～ 滿滿的蜜瓜粒，甜美好味，撻皮做得很鬆化。赤莓果撻～ 士多啤梨大大粒賣相很美， 入口甜美好味。朱古力蛋糕切餅～ 濃郁朱古力味。極上沖繩黑糖栗子撻～ 軟腍豐富的栗子蓉， 喜歡吃栗子的絕對要試下！東海堂的蛋糕甜度適中， 品質是不錯的。

戀夏荔枝 CAKE今晚我同老公約左個朋友祝賀生日，咁就指定動作，東海堂訂蛋糕，平時多人就一定訂一磅至兩磅嘅蛋糕，今日見人少少，就試吓訂啲細蛋糕啦，得三個人邊食得晒。一入去嘅時候，發現我哋已經晏左，蛋糕種類多果時相信已經俾人買左左啲，但咁都俾我見倒一個幾吸睛嘅蛋糕，我地就膽粗粗買咗。我哋去咗間餐廳食嘢食完野就梗係叫餐廳幫我地攞個蛋糕出嚟啦，神奇嘅事就發生啦，由於蛋糕上面嗰層係啫喱，個侍應就好似平時咁係蛋糕上面插定蠟燭，諗住擺到枱上再加火，我哋滿心期待，侍應就有遠處插左支，頭先講過就係由於面層係啫喱，插住支蠟燭行過嚟，知蠟燭就不斷左搖右擺咁，場景就似，動L，動L，侍應拎到埋枱，都講咗句，「嘩，真係好尷尬」，我地笑死左😂😂😂蛋糕方面，我講到咁，下次要揾依個黎做生日蛋糕，係得嘅，但就唔好喺大風同移動嘅時候插左蠟燭，如果唔係下場會不堪設想🙈😜，蛋糕面上除咗有啫喱之外，仲有好多荔枝果肉，你都咪話唔特別，正咖喎，唔太甜，同啲啫喱好夾，夏天食就最岩，有透心涼嘅感覺，而蛋糕嘅下一層，就係我最中意mousse 粉紫色嘅mousse，真係好好食😋😋😋，佢無cream 咁漏，另外，最下果三層就利用左一層薄蛋糕

剛過去的星期六下午1:15左右買了咖啡及牛角飽，當全下開始進食時發現牛角飽不是新鮮出爐，而且已經涼了放了一段時間。不夠新鮮之餘還覺得味道不好，食的時候不夠鬆軟和感覺較硬。本身東海堂我牛角飽一定要新鮮熱辣才好味，有別於一般麵包店。每次去東海堂買牛角飽吃經常都覺得失望，因為牛角飽涼了變得有些硬，食物味道及質素與價值不太相乎，建議店員在售賣牛角飽時留意，如果牛角飽已經涼了，先為客人將麵包加熱，主動的提供一個貼心服務給客人。

朋友個女女黎探我地佢一向鐘意食甜野，所以就帶左佢平平地食東海堂啲西餅。我地order左草莓蛋糕，栗子蛋糕，同埋綠茶蛋糕。朋友個女女人仔細細，但就可以一口氣食哂草莓同栗子兩款蛋糕。見佢食得咁開心，我就忍唔住打包多2個草莓蛋糕，送畀佢夜晚做宵夜。佢開心到笑不攏嘴

我最中意既麵包同蛋糕都喺東海堂～差唔多日日朝早都去買早餐 $6.5既紙包蛋糕雖然冇任何餡 但勝在清清淡淡 填飽肚之餘 感覺上健康啲 冇咁油膩😌食到厭既時候就會食粒粒紅豆包 啲紅豆又香又甜 好足料 真係啖啖都係紅豆 細細個包就已經有飽足感～再黎就係朝早新鮮即整既三文治 用北海道3.6 牛奶黎炒蛋 令到啲腿蛋治同餐蛋餐都好香滑 朝早隔外醒神☀️😋 東海堂既芒果同栗子切餅都係我最愛既飯後甜品🍰

有親友遠道而來，她喜歡吃蛋糕，於是帶她去東海堂吃早餐，因為聽說東海堂的面包西餅做得最好。店內有3張檯，椅子數量不多，我們等了15分鐘才有位。我們有4個人，共點了兩個綠茶蛋糕，兩個栗子蛋糕，一個士多啤梨杯和一個紅豆杯，埋單要150蚊左右，這個價錢，吃午餐也可以了。其實不需要點太多，一個綠茶蛋糕已足以令我很飽很飽，只是想多試其他食物，才叫多一件。蛋糕很有牛奶味，綠茶的部分有點苦，上面還有一點點金箔，忌廉入口時很美味，但多吃幾口後覺得有點濟。這麼奢侈的早餐，偶爾一次就夠。

朋友生日，晚飯途中偷走，9秒9買左個蛋糕！呢個係期間限定，沖繩青檸。蛋糕盒係特配既，有比堅尼女郎。蛋糕賣相好特別，真係成個青檸甘。入面有三層蛋糕，中間同表面都鋪滿cream，頂頂有幾塊啫喱，簡單但精緻。味道方面，蛋糕算鬆軟，奶油香滑但偏酸。感覺其實幾清新，同一般蛋糕好唔同。其實真係幾酸架，好酸既朋友值得一試！*同行有一位唔食酸野既朋友，食一啖已經食唔下去了。Overall係幾特別，有賣點。不過價格實在太貴了，小小一個竟然$138，可惜我地附近無咩選擇，硬食！

今晚除夕倒數前有很多節目，未吃晚飯之前就吃個Tea先  系奧海城這邊有一間東海堂，係有位坐的，除左有正常的蛋糕吃外，這間東海堂還有香噴噴的北海道3.6牛乳蛋白撻，咁北海道3.6牛乳蛋白撻大家都知道好香濃好滑 ，一口氣我就買左5個蛋撻來吃喇 咁又唔系間間東海堂都有提供新鮮三文治，我見有三文治就揀左個牛乳蛋蘑菇治，黑糖栗子切餅，呢度有三張臺仔，都夠十個八個人坐的牛乳蛋白撻確實好重奶味，其實這並不是蛋撻而是奶撻來既，個餅底都非常之脆。這個撻就是我下午茶最出色的撻了。這個三文治我都有叫他翻熱番，其實就係翻熱左都唔夠味，更加唔好講有3.6奶乳味。栗子蛋糕當然好味道啦，我個人好Like栗子嘛  呢度算係Cafe與餅店的混合體，這個下午茶都幾滿意

平時飲親沙冰99%都係飲Starbucks但其實Arome Bakery都有得飲 雖然唔係度度有濃厚·宇治抹茶沙冰新地 $29 我覺得比starbucks更好飲😶Starbucks既frap一拎上手已經變左水但依個真係好似冰咁 我最愛😍而且甜度適中 抹茶味仲好濃❤️經開見到覺得大家可以一試😌(點解我屋企附近冇得飲😭)

雖然天氣仍熱，其實已屆秋天，又是栗子開始當吃的時候。東海堂最近推出了一系列的栗子撻和栗子蛋糕，當中的一款價錢相對地貴，名為「名譽‧栗 の王樣」的「栗子蛋糕」（$228/1.5lb），我試過了，覺得栗子質量俱佳，值得推薦。這蛋糕外型漂亮，裡面的朱古力忌廉蛋糕被高達數層厚厚的波浪紋栗子茸覆蓋著，在蛋糕最頂部有一粒渾圓的栗子作為裝飾，栗子上還披上了一塊金箔，與蛋糕的名字「名譽‧栗 の王樣」兩相呼應。這使用了來自日本丹波栗子為材料的蛋糕，無論栗子茸慕絲還是栗子茸忌廉，都幼滑香甜，份量甚多，澎湃的栗子味道肯定能教愛吃栗子的人大為喜歡。我雖然不算十分喜歡吃栗子，也覺得這蛋糕十分不錯。不過也許是因為這蛋糕的栗子茸確實極多的關係，初時吃也許不覺，但吃多了便始終會覺得有點兒甜膩。這蛋糕雖然好吃，我的建議是不要一次過吃太多，每次吃它一點，每次吃它一點，我覺得會更加感受到它的魅力呢！

「東海堂」慢慢轉型中，除左有部分分店有埋特色飲品買之外，估唔到奧運呢間分店連好似常餐呢類都有。價格方面，1 set $42 分別有牛乳炒蛋 + 牛乳麵包 + 濃湯通粉 （跟一杯熱飲 ，凍飲 + $4）供應時段 ：11:00 - 4:00先講座位，由於唔係主打堂食，所以枱相對不是很大這種，是以圓枱形式，剛好放到兩人份量這種枱。點餐不久，店員上餐了，等候時間短。食物方面呢，牛乳蛋混入菇菌，菇菌香味撲鼻，值得一讚，而蛋方面，蛋味算濃，牛乳味就不夠突出！家中常常有買東海堂的麵包，跟餐既牛乳麵包絕不陌生，唯獨今次經過烘熱，味道更香，牛乳味更出，正！最後講下個通粉，濃湯有兩款可供選擇，分別係蕃茄湯 or 粟米湯，我點左蕃茄湯，茄味濃（雖然不是鮮蕃茄湯），每碗伴兩片火腿，這餐唯一美中不足的地方係通粉連湯兩樣都不夠熱。（食物溫度的重要性蠻重要的，這些小問題有望改善）慶幸這裡服務不錯，這個午餐仍是愉快的^^