Read full review
2014-09-04
148 views
今日去完銅記行街,本想在附近食d野就算,但我fd提議話不如去大坑搵食,既然係咁,我又未去過,就一齊展開大坑搵食之旅啦去到大坑,見到林林種種的食市,拉麵,西餐,串燒..最後,見到一間以零味精私房菜作招倈的小店,見到門口貼了很多相,賣相又幾吸引,仲有好多菠蘿tim,就試吓呢間啦入到去,即有位笑臉迎人既男人招呼我地,介紹我地食鮮菠蘿咕嚕肉,(哦,出面d菠蘿原來係整咕嚕肉既)好,見你講到咁好,即管試試,到最後,點左鮮菠蘿咕嚕肉,辣酒煮花螺,牛油蒜片海虎蝦,清湯牛坑腩,椰青皇青咖喱牛肋條,馬拉盞椰菜苗豬頸肉,椒鹽白飯魚,嘩,好多餸呢先嚟頭盤辣酒煮花螺,好香酒味,唔會好似其他地方咁好多油,呢個一滴油都無,最後我酒都飲埋呢跟住就到咕嚕肉,見佢成個菠蘿攞出來賣相好好,咬落去好鬆化,d粉好薄,真係有別於其他地方呢,牛油蒜片海虎蝦,好惹味,椒鹽白飯魚好大條,送啤酒一流,清湯牛坑腩,d湯真係好清,坑腩好淋,令到我呢個平時唔係好食牛腩既人都食左2件,老闆話要整2天呢,真大工程,之後仲有個椰青皇青咖喱牛肋條,又真係成個椰青上,初以為椰青只是器皿,但原來真係用晒d椰青水來做青咖喱,所以食落好香椰青味,辣得來又甜甜
去到大坑,見到林林種種的食市,拉麵,西餐,串燒..最後,見到一間以零味精私房菜作招倈的小店,見到門口貼了很多相,賣相又幾吸引,仲有好多菠蘿tim,就試吓呢間啦
入到去,即有位笑臉迎人既男人招呼我地,介紹我地食鮮菠蘿咕嚕肉,(哦,出面d菠蘿原來係整咕嚕肉既)好,見你講到咁好,即管試試,到最後,點左鮮菠蘿咕嚕肉,辣酒煮花螺,牛油蒜片海虎蝦,清湯牛坑腩,椰青皇青咖喱牛肋條,馬拉盞椰菜苗豬頸肉,椒鹽白飯魚,嘩,好多餸呢
先嚟頭盤辣酒煮花螺,好香酒味,唔會好似其他地方咁好多油,呢個一滴油都無,最後我酒都飲埋呢跟住就到咕嚕肉,見佢成個菠蘿攞出來賣相好好,咬落去好鬆化,d粉好薄,真係有別於其他地方呢,牛油蒜片海虎蝦,好惹味,椒鹽白飯魚好大條,送啤酒一流,清湯牛坑腩,d湯真係好清,坑腩好淋,令到我呢個平時唔係好食牛腩既人都食左2件,老闆話要整2天呢,真大工程,之後仲有個椰青皇青咖喱牛肋條,又真係成個椰青上,初以為椰青只是器皿,但原來真係用晒d椰青水來做青咖喱,所以食落好香椰青味,辣得來又甜甜地咁,好清新,最後到馬拉盞椰菜苗豬頸肉,又唔錯wo~
總結:食得出好用心做,又無味精,一定有下次
Post