百寶堂

Open Now

Now Closed

大熱天時在大街上，要消暑的話，許多人都會話立即走入商場，去7仔買支冰凍飲品，或者，去一些手搖茶飲店整杯野飲。其實，在香港既不少街頭，到處都有涼茶舖這東西，利用中國傳承下來的配方，幫大家解解暑，清清熱。再者，在50、60年代，涼茶舖更是年輕男女拍拖既勝地啊。這日，在太子街頭的我，行街行到熱辣辣，想飲杯野解一解暑，眼見這《百寶堂》這店就在眼前，就決定企街邊飲碗涼茶。《百寶堂》有什麼歷史? 我沒心機去研究了。只是看得出，店內有大大的銅色大爐，店內仍保留少少60、70年代的感覺。只是，當年父母常說，涼茶舖內有留聲機，可以聽歌仔。這一份寫意，應該沒有可能搵得返了。當日，時間有限，不然我會坐低，食返個龜苓膏。然而，因為時間有限，我就一於企在店前，飲一碗涼茶。放低錢，店員一係打開蓋給預先準備好的一碗給你，一係就在熱水壺或古色古香的銅色大爐，倒一碗給你。當日，我要的就是預先準備好五花茶。自家製的涼茶，味道份外的濃郁，味道不會太甜，感覺到有藥味。一碗，不需要雪凍的，已經可以達到消暑解渴既效果。秒速可以飲完，再同職員示意一聲收碗，成個街邊飲涼茶既過程就完結啦。老子號，可以企係街邊飲既涼茶舖，幸市面上仍有保

話說寫咗咁耐openrice都係第一次寫涼茶舖既食評,我諗而家都好少人會專登去街度飲涼茶，因為而家買涼茶嘅地方好方便，例如七仔呀，超市呀都有嗰啲什麼什麼清熱酷，鴻福堂之類嘅涼茶買嚟飲。由於早排真係出去食得太多嘢嘅關係，有一次喺食完buffet之後發覺得真係好熱氣，咁啱經過又見到啲間涼茶鋪~於是乎就同朋友一齊坐低飲杯涼茶之後先去睇戲，裝修嘅的確好懷舊呀，睇得出呢起碼都有二三十年歷史，火麻仁都唔錯不過我覺得佢落多咗少少痛如果少返啲啲~

最近我應該食得太多熱氣東西， 又生飛滋和暗瘡了， 我媽媽總會叫我快點食個龜苓膏， 慢慢地，我自己竟都愛上了食龜苓膏，不再怕它的苦味，當然其實它不是真的苦， 而旺角呢間我最喜歡！

香港人喜歡吃龜苓膏，因為認為可以清熱解毒，在捱夜上火的時候食用，可以有助調理中醫。但之前曾請教中醫師，他說還要視乎體質，同時當時的身體狀況。其實各式涼茶也要視乎個人身體，及當時身體狀況。香港的龜苓膏確實不少，個人還是喜歡老字號，始終真材實料。百寶堂不是復古懷舊裝修，已是地道的老字號，單看門前的銅葫蘆及銅鼎，已可看出歲月痕跡。他們的龜苓膏有大盅及小盅可選，價格合理，吃上有甘涼中藥味道，其實不加糖水食用，也不會太苦，口感不錯，感覺貨真價實，比連鎖店好。

瞓醒覺得喉嚨痛，就去咗旺角呢間涼茶鋪飲番杯涼茶下下火。鋪頭入邊有好多款唔同嘅涼茶，只要講返咩症狀。鋪頭姐姐就會幫你搵返啱你嘅涼茶飲。除左涼茶之外，鋪頭都有龜苓膏食。價錢都唔貴，一杯涼茶都係$12。今次叫咗呢杯五草茶，分別用五種草藥煲成，雖然飲落苦苦甘甘地，但係飲完之後喉嚨真係舒服左唔少。下次都可以試吓

呢間八寶堂歷史都好悠久細個去花園街行街，有時都會買杯涼茶或者火麻仁飲下呢排病咗好耐，咁啱又行過又喉嚨痛 咽喉又有膿痰不如試下食龜苓膏下火啦其實有時嚟呢啲涼茶鋪 都感覺到好有懷舊味道同埋人情味姐姐的招呼都好熱情好客氣而家香港啲鋪租咁貴呢類非物質遺產希望唔會因為香港嘅鋪租已被淘汰

昨天經過旺角就係百寶堂買了一大支熱蔗汁。外賣一支大的要$27、少的要$23，所以買了支大的。䉀汁好甜，一飲飲了大半支,但回家後時候已經酸酸地了，下次唔會買咁大支。

步入暑假，天氣太熱！覺得身體濕氣比較重，所以就時不時飲下涼茶，但係女仔又唔可以飲得多！都係平時清下腸胃，去吓濕氣之用～ 去咗百寶堂，除咗佢近自己住嘅地方之外，佢環境非常舒服，好大間，坐入去慢慢嘆涼茶都可以！佢好出名廿四味，我之前病嘅時候都有試飲過，超級難飲，但係非常有效果，過咗兩日就冇晒事！我通常就叫五花茶，銀金菊之類！佢整得好重料，真係唔係好似溝過水咁！又唔會好多渣！每次飲完都會有健康左嘅感覺，可能係心理作用～都幾有效，幾值得推介！

今日約咗朋友敘舊但又未夠鐘，諗住去Cafe飲杯咖啡消磨下時間，但係又驚飲咗咖啡今晚瞓唔着，又覺得自己有少少熱氣，哈哈忽然諗起啲電影橋段入邊嘅上上上上上一代好興去涼茶舖拍拖，所以就去咗呢間傳統涼茶舖叫返碗龜苓膏清清熱潤潤喉，兼扮一扮偽文青懷舊一番。我叫咗個細嘅熱嘅龜苓膏，仲加咗啲糖漿，食落甜甜地甘甘地味道一流，口感又有啲似涼粉，仲好QQ添，食完仲有啲回甘喺喉嚨同口腔之間，喉嚨真係覺得好舒服，暑氣盡消！都真係幾正㗎

最近喉嚨生飛滋，口腔好熱氣睇西醫冇乜幫助，仲要食一堆藥 好苦惱~朋友介紹話呢間涼茶好有效醫到飛滋，所以我就行過去試下 呢間鋪頭算係幾大間，涼茶鋪黎講算過份大😂🤣 佢入面仲可以坐幾枱客人～坐得好舒服！我叫咗廿四味~ 好苦但苦口良藥，佢俾咗䁔既一碗我 飲完就即刻冇乜特別感覺，但係第二日感覺好良好，一起身就覺得喉嚨同口腔嘅飛滋少咗好多，冇咁易聲沙同冇咁易起痰 不過喉嚨痛就冇咁大效果，我朋友都有咁同我講，話專醫飛滋比較強 真係 值得推介

路經呢間涼茶鋪 - 百寶堂，無論裝潢、擺設、一枱一凳都充滿著懷舊的味道。話說近來成日捱夜，肝火盛。既然經過就飲返碗啦。每碗都有獨立玻璃蓋冚住，夠曬衛生。 唔知點解，睇見呢啲一碗碗黑媽媽嘅東西，即使佢寫明係五花茶，都總係覺得要鼓起勇氣，掩住個鼻， 乸埋口面，一口氣飲曬佢！. . . . . 好！鼓起勇氣飲呀！. . . . 姨！好味喎！甘甘甜甜完全無一絲苦澀味，仲暖暖地添。又好飲又可以清熱、解毒、明目、平肝火。啱曬我飲。仲只係賣$10蚊雞，抵啦！

有時候飲得珍珠奶茶同街邊得飲太多！ 都需要飲啲健康嘅嘢中和下 ～而對著女朋友飲涼茶一定係第一選擇而且仲係一個貼心好表現 所以拍拖梗係要去打下卡～ 如果唔鍾意飲苦茶的話～ 可以同我一樣叫杯蔗汁清潤清潤 蔗汁清甜 ～冇渣～ 冇餿味

跟大少姐大伙兒朋友飽腹完一頓超豐富晚餐後，朋友們都四散回家，剩下兩對情侶同路。途中有愛吃的忽發奇想，想去喝碗涼茶，解一解近日因為太多火鍋、太多炸物、太多積聚了的油膩感覺。時間快到晚上十一時，身處太子的讓一行四人的我們第一下就想起的，是這間位於十字路口的百寶堂！還記得小時候媽媽也常帶我們來喝涼茶消熱氣！慚愧了，那年後搬離太子的十多個年頭中，也沒有回來過這邊多少次，今天回來看到的一切似乎都沒有什麼大變化似的。略有不同的是…店內播放的歌是小肥跟吳雨霏的"逼得寵物太緊" (在想…大概老闆子女接替了家業吧？)，於這傳統的涼茶鋪顯然來說是有點格格不入，卻令我這個八十後感到另一類的親切…價錢公道，用料認真，品質甚佳是我一直對這店的印象。這麼多年還是不太喜歡龜苓膏的味道，但總看到旁人在這吃得津津樂道的。夜了，想喝的"火麻仁"都沒有了，只好退而求其次的第二最愛 "銀菊露" 都不是用碗而是用杯送上(碗都洗乾淨收好，留待明天用是嗎？)。銀菊露放下枱面的一剎那，杯面像清澈的鏡子一般反射了天花的紋理。這天，我才看到這是令人如此夢幻、如此迷人、如此投入。涼茶喝下，口乾感覺頓時都沒有了，像喝盡那如夢如幻般的天空一樣

食過好多間龜苓膏，這間最重口味，味道好濃烈，如果吃得苦中苦的苦味，真係要試下，口講好難表達，要形容就係真係有苦盡甘來的味道，要親身試一試先知苦嘅味道係點樣苦同點苦得來有甘味。講多無謂，睇相先感受下苦的滋味！苦味、甘味、藥材味，一盅有齊。如果吃過其他店的龜苓膏，不妨試下這間，會覺得真係特別苦（可能係味道濃）PS. 據說吃了會皮膚好點，又可清熱氣，總是有好處，希望是真的會，期待其功效！By Good Chui

這間百寶堂涼茶舖，是我去那麼多間涼茶舖最喜歡的一間。以前讀中學時，我很喜愛吃龜苓膏，常常和同學一起去吃，不過是去其他舖吃的，不是百寶堂。後來，有一次姊姊帶我去百寶堂吃那龜苓膏，我一吃便愛上了這間，百寶堂的龜苓膏感覺好正宗，味道和口感很好，不苦帶甘味，質地軟得來有點彈性，但我比較喜歡熱食。不似其他店那些好像吃涼粉一樣，質感又實又沒有味道！而且有大或小盎選擇，女孩子細食可以選擇細盎吃就剛剛好了，價錢也很合理，那麼多年都不是加價很多。我覺得蠻不錯的，如果想清熱下火，可以試試呀！龜苓膏(細熱)